რჩეული სტატიები

Grid List

ასეთი ადამიანი ინდოელია. მსოფლიოში ყველაზე გრძელი ენა 20 წლის მამაკაცს, პრავინს აქვს. მისი ორგანოს სიგრძე 10.8 სანტიმეტრია, რაც აქამდე მოქმედ რეკორდზე 0.7 სანტიმეტრით მეტია. ჯერჯერობით, ახალი რეკორდი გინესის რეკორდების წიგნის ინდოეთის წარმომადგენლებმა დააფიქსირეს. წინა რეკორდსმენი ამერიკელი ნიკ სტოუბერლია, რომლის ენის სიგრძეც 10.1 სანტიმეტრია. მანამდე კი ყველაზე გრძელი ენის პატრონად ბრიტანელი სტივენ ტეილორი ითვლებოდა - მისი რეკორდი 9.8 სანტიმეტრი იყო.

ცნობილია, რომ შვეიცარიული შოკოლადი საკმაოდ ძვირი ღირს, თუმცა ახალმა დესერტმა ყველა რეკორდი მოხსნა - 80-გრამიანი შოკოლადის ფილა Attimo, რომელიც შვეიცარიელმა სპეციალისტმა, ალენ მეტლერმა შექმნა, 645 დოლარი ღირს. ტკბილეული დამზადებულია კაკაოსგან, რომელიც 400 წელია მოჰყავთ ვენესუელის პატარა სოფელ ჩუაოში, ზაფრანა შვეიცარიული დასახლება - მუნდიდან არის. ფილაში, რომელიც 68% კაკაოს შეიცავს, ასევე, დამატებულია ფორთოხლის ჩიფსები და ხრაშუნა ორცხობილა. ამ პრემიუმ-კლასის შოკოლადზე მისი შემქმნელი ამბობს: მას უნდა დააცადოთ პირში გადნობა და თქვენ შეიგრძნობთ გრეიფრუტის, ლიმონისა და თამბაქოს ნოტებს. ეს უბრალოდ შოკოლადი არ არის, ეს უნიკალური გამოცდილებაა. Attimo გინესის რეკორდების წიგნში შეიტანეს, როგორც ყველაზე ძვირადღირებული შოკოლადი მსოფლიოში.

 

ნერვული სისტემის პრობლემები მთელ ორგანიზმს ვნებს. ყველასთვის ცნობილია გამოთქმა: „ყველა დაავადება ნერვების ბრალია“. ნერვული აშლილობა, დეპრესია, ნევროზი მთელ ორგანიზმს ასუსტებს, რაც უამრავ დაავადებას „უხსნის კარს“. მედიკოსებმა ნერვების გასამტკიცებელი ხუთი ძირითადი პროდუქტი დაასახელეს.

  1. პროდუქტები, რომლებიც ნერვებისთვის შეუცვლელ ვიტამინ „ბე-1“-ს შეიცავენ - წიწიბურასა და შვრიის ფაფები, ღორის ხორცი, ჭვავის პური.
  2. ხშირად, ნერვულ სისტემას გონებრივი სამუშაოთი გადავტვირთავთ ხოლმე, რომლის დროსაც, აუცილებელია ვიტამინი „ბე-2“. ამ დროს დახმარების ხელს „გამოგვიწვდიან“ პარკოსნები, ისპანახი, ლუდის საფუარი, გარგარი, კვერცხი. ამ პროდუქტების გარშე, უარესდება განწყობა, იწყება თავის ტკივილი და სისუტე.
  3. თანამედროვე ცხოვრება სტრესის წყაროა. ემოციური დატვირთვისას, ირღვევა ტვინის ინტელექტუალური მუშაობა, ზიანდება მეხსიერება, თავს იჩენს ხასიათის მკვეთრი ცვლილებები. ამის თავიდან ასაცილებლად, მიიღეთ ვიტამინ „ბე-12“-ით გაჯერებული პროდუქტები: ზღვის პროდუქტები, გულ-ღვიძლი, კვერცხის ცილა. თუ ამ პროდუქტებს არ მიირთმევთ ან არ გიყვართ, გახსოვდეთ, რომ საკუთარ თავს ალცჰაიმერის სინდრომით დაავადების რისკს უზრდით.
  4. რძე და რძის პროდუქტები, მათ შორის, რძემჟავა პროდუქტებიც. ეს იმიტომ, რომ კალციუმის გარეშე, მაგარი ნერვები ვერ გექნებათ. ამ მინერალის უკმარისობა მუდმივ შფოთიანობასა და გაღიზიანებას იწვევს.
  5. ტვინის მუშაობისა და ჰორმონალური ბალანსისთვის აუცილებელია იოდი. ზღვის ყველა პროდუქტი, მათ შორის, ზღვის კომბოსტო და ზღვის ნებისმიერი თევზი იოდის წყაროა. მაგალითად, თუ ზღვის კომბოსტო არ გიყვართ, პრობლემა არ არის, იყიდეთ ის გამომშრალი სახით, დაფქვით და საჭმელში სანელებლის სახით დაამატეთ.

სოციალური ქსელების გიგანტი, საკუთარი ფუნქციების ჩამონათვალს დეველოპერსაც დაუმატებს. კომპანია კალიფორნიაში, მენლო-პარკში, სათაო ოფისის გვერდით, მთელი ქალაქის აშენებას გეგმავს, რომელსაც Willow Park ერქმევა. პროექტით გათვალისწინებულია 1 729 ბინის, სუპერმარკეტის, აფთიაქის, საცალო ვაჭრობის ობიექტების, ასევე 1.25 მილიონი კვარდატული მეტრი ახალი საოფისე ფართების მშენებლობა, სადაც დაახლოებით 7 000 თანამშრომელი იმუშავებს.

გამოქვეყნებული მასალებით, ახალ ქალაქში იქნება არქიტექტორული ღირსშესანიშნაობანი, პარკები და მოდერნისტული საოფისე შენობები - შუშის დიდი გუმბათებით. კომპანიაში აცხადებენ, რომ ახალ საცხოვრებლებში, 120 ბინა მოხუცებისთვის იქნება, 320 კი - ნებისმიერი მსურველისთვის, ვინც იქ ბინის ყიდვას მოისურვებს. თუმცა სილიკონის ველზე იმდენად ასტრონომიული ფასებია, რომ საცხოვრებლის ყიდვას ისინიც კი ვერ ახერხებენ, რომელთა ხელფასიც ექვსნიშნა ციფრს წარმოადგენს.

 

მეცნიერებმა მთელი რიგი გამოკვლევები ჩაატარეს და დაადგინეს, რომ წითელ ღვინოს სარგებელი მოაქვს მათთვის, რომლებსაც ცხოვრების წესის გამო, დიდხანს ჯდომა უხდებათ ან ფიზიკურად არასაკმარისად აქტიურები არიან. წითელი ღვინის შემადგენლობაში შედის ინგრედიენტი, სახელწოდებით - რესვერატროლი, რომელიც მკვლევარებმა მღრღნელების ორ ჯგუფზე გამოსცადეს. ერთ ჯგუფში, რომელსაც პერიოდულად აძლევდნენ რესვერატროლს, მალევე აღმოაჩინეს მექანიზმები, რაც დადებით გავლენას ახდენდა ორგანიზმზე. როგორც სწავლულები აღნიშნავენ, ამ მონაცემებზე დაყრდნობით, შეგვიძლია ვივარაუდოთ, რომ პერიოდულად, ადამიანისთვის აუცილებელია ფიზიკური დატვირთვა, თუმცა ზოგიერთისთვის, ამგვარი აქტივობა მეტად პრობლემატურია. სწორედ, ასეთი „ზარმაცების“ შემთხვევაში აღკვეთს წითელი ღვინო მათი ცხოვრების წესის ნეგატიურ შედეგებს. თუმცა მკვლევარები მასაც ამბობენ, რომ სასმელის მიღება მხოლოდ შეზღუდული რაოდენობითაა დადებითი შედეგის მომტანი.

 

ყოელდღიურად, ერთი ფინჯანი ყავის სასარგებლო არგუმენტები ამერიკელმა სწავლულებმა გაახმოვანეს, ჩრდილო-დასავლეთის უნივერსიტეტიდან. მკვლევარები ამტკიცებენ, რომ ყოველდღიურად, ამ გამამხნევებელი სასმელის ერთი ჭიქაც კი, კორონავირუსით დაინფიცირების ალბათობას ამცირებს. კერძოდ, სწავლულები იმ დასკვნამდე მივიდნენ, რომ ადამიანები, რომლებიც დღის განმავლობაში ერთ ან მეტ ფინჯან ყავას მიირთმევენ, 10%-ით ნაკლებად ინიციფირდებიან ვირუსით, ვიდრე ისინი, რომლებიც საერთოდ არ სვამენ ყავას. სპეციალისტები ამ ფაქტს იმით ხსნიან, რომ ყავის მოხმარება ისეთ ბიომარკერებს უკავშირდება, როგორებიცაა CRP(C-რეაქტიული ცილა), „ინტერლეიკინ-6“ და სხვა, რომელთაც დაავადების მძიმე მიმდინარეობის გამოწვევა შეუძლიათ. გარდა ამისა, სწავლულებმა კვლევებისას ისიც შენიშნეს, რომ ასაკოვან ადამიანებს, რომლებიც ყავას მიირთმევენ, პნევმონიის განვითარების ნაკლები რისკი აქვთ.