ევროპაში ახალი სეზონი აგვისტოში იწყება, მანამდე კი კლუბები გაძლიერებას ცდილობენ. ვიღაც ჰყიდის, ვიღაც ყიდულობს და ამ ორომტრიალში ქართული გვარებიც ისმის. უპირველესად კი გიორგი მამარდაშვილის, რომლის გადაბირების სურვილიც არაერთ გუნდს აქვს და სწორედ ამიტომ, ქართველი მეკარის წარმომადგენლები ხან ესპანეთში არიან, ხან - ინგლისში და ხანაც - გერმანიაში. ევროპული მედია ამტკიცებს, მამარდაშვილის გადაბირებით მიუნხენის „ბაიერნია“ დაინტერესებული და მხარეებმა ერთი შეხვედრა უკვე გამართეს კიდეც.

„ერთადერთი, რაც გერმანულ მხარეს არ მოსწონს, ქართველი მეკარის ფასია. „ვალენსიას“ მის სანაცვლოდ, ყველაზე ცოტა, 25 მილიონი ევროს მიღება სურს, „ბაიერნი“ კი მხოლოდ 15 მილიონის გადახდაზეა თანახმა. თუმცა, თუ უახლოეს მომავალში, ბავარიელებმა ახალი მეკარე ვერ მონახეს, იძულებულები გახდებიან, მამარდაშვილში 25 მილიონი გადაიხადონ“, - წერს გერმანული მედია.

რეალურად, „ბაიერნი“ მართლაც ურთულეს დღეშია. გუნდის ძირითადმა კიპერმა და კაპიტანმა მანუელ ნოიერმა, გასული წლის ნოემბერში ფეხი მოიტეხა და ვარჯიში ჯერაც არ დაუწყია. ამასთან, 27 მარტს, ნოიერი 37 წლის გახდა და მასზე გრძელვადიანი გათვლის გაკეთება ძნელია. მეორე და მესამე მეკარეები, შესაბამისად, იან ზომერი და ალეკსანდრ ნიუბელი კი გუნდიდან უკვე წავიდნენ ანუ ჩემპიონატი დღეს რომ დაწყებულიყო, „ბაიერნის“ ხელმძღვანელობას მეკარის აყვანა ბავშვთა გუნდიდან მოუწევდა. სწორედ ეს ზრდის მამარდაშვილის ბავარიელთა რიგებში გადასვლის შანსს და თუ ეს მოხდება, გიორგი გახდება პირველი ქართველი ფეხბურთელი, ვისაც მიუნხენური გრანდის ძირითადში თამაშის შესაძლებლობა ექნება.

ავტორი: ბათო ჯაფარიძე

ისტორიაში პირველად მოხდა, რომ ტოპ-5 ჩემპიონატის სეზონის საუკეთესო ფეხბურთელად ქართველი დასახელდა. ხვიჩა კვარაცხელია სერია A-ს 2022-23 წლების საუკეთესო ფეხბურთელად დაასახელეს. ეს უშუალოდ იტალიური სერია A-ს არჩევანია.

კვარა, საფეხბურთო სეზონის განმავლობაში, სამჯერ დაასახელეს ტურის საუკეთესო ფეხბურთელად და სიმართლე გითხრათ, ეს საუკეთესოობისთვის სერიოზული განაცხადი იყო. ახლა, რა გამოკითხვაც არ უნდა ჩატარდეს, რომელმა გამოცემამაც არ უნდა დაწეროს საუკეთესოს შესახებ, ან საკუთარი ვერსია შემოგვთავაზოს, ასი წლის შემდეგაც ყველას ეცოდინება, რომ  2022-23 წლებში, სერია A-ს საუკეთესო ფეხბურთელი, ქართველი ხვიჩა კვარაცხელია გახდა.

ავტორი: ბათო ჯაფარიძე

ეს და სხვა საინტერესო სტატიები ნახეთ გაზეთში “ვერსია”

მიმდინარე სეზონის ბოლოს, ფინანსური პრობლემების მოსაგვარებლად, „ვალენსია“ გიორგი მამარდაშვილს და იუნუს მუსას შეელევა. ეს ორი ფეხბურთელი, „ღამურების“ დღევანდელ შემადგენლობაში ყველაზე ძვირადღირებულები არიან და ისინი რომ არ გაასხვისონ და პრიმერადივიზიონში დარჩნენ, ფინანსური პრობლემების გამო, შესაძლოა, მაინც დააქვეითონ. სწორედ ამიტომ, „ვალენსიასთვის“ საუკეთესო შემთხვევაში, მხოლოდ ორი მოთამაშის გაყიდვით გადარჩენა იდეალური გამოსავალია. თანაც, იმის მიუხედავად, რომ როგორც მამარდაშვილის, ისე მუსას შემთხვევაში, გამოსასყიდ თანხად მითითებული 100 მილიონი ევრო ბევრად შემცირდება და საერთო ჯამში,კლუბი  ორივე მოთამაშეს, 45-50 მილიონად შეელევა.

მუსასი რა გითხრათ, მაგრამ მამარდაშვილის შეძენა რამდენიმე პრემიერლიგურ კლუბს სურს. მათ შორის, გრანდებიც არიან, თუმცა „ლივერპულს“, „არსენალსა“ და „მანჩესტერ სიტის“, გიორგი უფრო გრძელვადიანი პერსპექტივისთვის, მეორე კიპერად სურთ, რაც ჩვენებურისთვის კარგი არ უნდა იყოს. სამაგიეროდ, „ლესტერს“, „ვესტ ჰემსა“ და „კრისტალ პალასს“ მამარდაშვილი პირველ მეკარედ სჭირდებათ და ამ სამი კლუბის წარმომადგენელი, „ვალენსიას“ ბოლო თამაშებს ერთგული გულშემატკივარივით არ აცდენს. უდიდესი ალბათობით, „ვესტ ჰემი“ და „კრისტალ პალასი“ პრემიერლიგაში ადგილის შენარჩუნებას შეძლებენ, რასაც „ლესტერზე“ ჯერჯერობით ვერ ვიტყვით და გადაწყვეტილებასაც სეზონის დასრულებისა და სატრანსფერო ფანჯრის გახსნის შემდეგ მიიღებენ.

კალათბურთის საერთაშორისო ფედერაციამ (FIBA) მსოფლიოს 2027 წლისჩემპიონატის მასპინძლობის უფლება ყატარს მიანიჭა.

ტურნირის ყველა მატჩი ქალაქ დოჰაში გაიმართება.

„FIBA მოხიბლული დარჩა ყატარის მიერ შეთავაზებული წინადადებით, კერძოდ, კომპაქტური გეოგრაფიული განლაგებით, მატჩების ჩატარების მოქნილი განრიგით, რათა უკეთ მოვემსახუროთ გულშემატკივრებს.

ყატარის დედაქალაქი დოჰა ერთ-ერთი საუკეთესო მიმართულებაა მსოფლიოში, აქვს პირდაპირი რეისები პოტენციური მონაწილე ქვეყნების უმრავლესობასთან, ცოტა ხნის წინ მოდერნიზაცია ჩაუტარდა მეტროს და საზოგადოებრივი ტრანსპორტიაერთიანებს ყველა ადგილს, უზრუნველყოფს უმაღლესი ხარისხის სერვისს ყველასტუმრისთვის.

იმის გამო, რომ ყველა გუნდი ერთ ქალაქში თამაშობს, გულშემატკივრებს შეუძლიათყველაფერი წინასწარ დაგეგმონ და მიიღონ უნიკალური შთაბეჭდილება, რადგანჩატარების ყველა ადგილი ერთმანეთთან მაქსიმუმ 30 წუთის სავალზეა“, – წერიაFIBA-განცხადებაში.

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

27 თებერვალს, საქართველოს მორაგბეთა ნაკრები 250-ე შეხვედრას გამართავს. რაგბი ევროპის ჩემპიონატის (პარალელურად, მსოფლიო თასის შესარჩევი) ეგიდით, „ბორჯღალოსნები“ „დინამო არენაზე“ რუსეთს შეხვდებიან. ბილეთების გაყიდვა უკვე დაწყებულია და რაგბის კავშირი ამასთან დაკავშირებით სპეციალურ განცხადებას ავრცელებს:

ქვეყანაში მოქმედი კოვიდრეგულაციებიდან გამომდინარე, თამაშზე გულშემატკივრების მხოლოდ 33 პროცენტი დაიშვება.

- აუცილებელი კოვიდშემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, შესასვლელში უნდა წარმოადგინოთ:

- თამაშის (ელექტრონული) ბილეთი და პირადობის დამადასტურებელი მოწმობა;

- კოვიდვაქცინაციის დამადასტურებელი დოკუმენტი (სასურველია ამობეჭდილი QR კოდით);

- ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

- ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

- ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა (ამობეჭდილი);

- ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

- ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

- სტადიონის ტერიტორიაზე სავალდებულოა პირბადის ტარება;

- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

რუსეთის ნაკრები მოსამზადებელ შეკრებაზე თურქეთში იმყოფება და რა ძნელი მისახვედრია, რომ ისინი საქართველოსთან მატჩისთვის განსაკუთრებით ემზადებიან. მათ რიგებში კი სიახლეა - რუსეთის ნაკრებში ორი ქართველი ახალწვეულია - ყაზანის „სტრელას“ წევრი ნიკოლაი კაზალიკაშვილი და ფრანგული „კარკასონის“ მორაგბე ნიკოლოზ ნარმანია. ეს უკანასკნელი თავის დროზე საქართველოს 18-წლამდელთა ნაკრებშ გამოდიოდა, ახლა 21 წლის გახლავთ და... ასპარეზობა რუსეთის ეროვნულ გუნდში გადაწყვიტა. ყველამ თავის საქმე იცის, მაგრამ, საქართველოს დედაქალაქში, რუსეთის ჰიმნზე ამღერებული ქართველი ცოტა არ იყოს უცნაური სანახავია.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

ანტონიო ლოპესი საფეხბურთ აგენტია და საქართველოში ერთი ხელის თითზე ჩამოსათვლელი მეგობრები ჰყავს. ჰოდა, ლოპესი წლების წინ მომხდარ ისტორიას იხსენებს, რომელიც სავარაუდოდ ყველამ უნდა იცოდეს.

„ჩემმა კოლეგამ და მეგობარმა, ლევან სარალიძემ დამირეკა. მისი ძმა ილია საქართველოში ცხოვრობს და მითხრა, რომ ჰყავთ 19 წლის მეკარე, რომელსაც ყველანაირი მონაცემი აქვს იმისთვის, რომ უმაღლეს დონეზე იასპარეზოს. მისი სახელი და გვარი მითხრეს, გიორგი მამარდაშვილი და მოვინიშნე, 21-წლამდელთა ნააკრებში მისი თამაში ვნახე, მერე, ევროთასებზე თბილისის „ლოკომოტივი“ ესპანურ „გრანადას“ შეხვდა და იქაც დავაკვირდი. მონაცემები აშკარად ჰქონდა და ვუთხარი, ესპანეთში ჩამოსულიყო. მახსოვს, მარტო ჩამოვიდა, მხოლოდ ქართული ოცოდა და აეროპორტში მე დავხვდი, რამდენიმე დღით სახლი ვუქირავე. მერე დაიწყო ის, რასაც ალბათ სიგიჟე ჰქვია - ბილბაოს „ატლეეტიკის“ გარდა, მამარდაშვილი ყველა ესპანურ გუნდს შევთავაზე („ბილბაოში“ მხოლოდ ბასკები თამაშობენ და ლეგიონერები არ ჰყავთ). ყველამ უარი თქვა, რადგან მამარდაშვილს უმაღ₾ეს დონეზე ერთი თამაშიც არ ჰქონდა ჩატარებული და მისი უბრალოდ არ სჯეროდათ. შემდეგ კი, გამოჩნდა ლუის მარტინესი, „ვალენსიას“ ახალგაზრდული გუნდის დირექტორი, რომელიც მეკარეს ეძებდა და მამარდაშვილით თავიდანვე მოიხიბლა, ყველაფერი გააკეთა, რომ ტრანსფერი რაც შეიძლება მალე დაეხურა. ჰო, გიორგი ახალგაზრდული გუნდისთვის იყიდეს, მაგრამ ისე მოხდა, რომ სილესენი და დომენეკი დაიმტვრნენ და „ვალენსიას“ დიდ გუნდს სხვა გზა არ ჰქონდა,კარში ახალბედა და გამოუცდელი მამარდაშვილი უნდა ჩამდგარიყო. მახსოვს, როგორ ვნერვიულობდი მისი პირველი მატჩს დროს, მაგრამ მივხვდი, რომ ის წინ და წინ წავიდოდა. დანარჩენს თავადაც ხედავთ, მეკარე, რომელიც მილიონზე ნაკლებადაც კი არავის სურდა, დღეს რამდენიმე ათეული მილიონი ღირს და სასწაულებს ახდენს. მე ამაყი ვარ“,0განაცხადა ლოპესმა.

საქართველოს ეროვნული ნაკრებისთვის ევროპის ჩემპიონატი დასრულდა. ეს იყო პირველი დიდი ფორუმი, სადაც საქართველოს ნაკრებმა მონაწილეობა მიიღო და თავი ძალიან, ძალიან ღირსეულად წარმოაჩინა. მოდით, პირდაპირ ვთქვათ - არავინ ელოდა, რომ ჩვენი გუნდი ასე ითამაშებდა, ასე ღირსეულად წარმოაჩენდა როგორც საკუთარ თავს, ისე ქვეყანას. ახლა უკვე ზუსტად ვიცით, რომ ევროპაში მაინც, არავინ კითხულობს, რომელი „ჯორჯია“, ყველამიცის, რომ „ჯორჯია“ ამერიკის შტატი კი არა, ქვეყანაა, რომელსაც ამაყი შვილები და ამაყი ფეხბურთელები ჰყავს.

საქართველო მოხვდა ევროპის 16 საუკეთესო ნაკრებს შორის და უფრო გვიან დატოვა ევროპის ჩემპიონატი, ვიდრე მაგალთად იტალიამ. ჰო, იტალიამ რომელიც მსოფლიოს და ევროპის ჩემპიონია და რომელიც ტურნირის ერთ-ერთ უმთავრეს ფავორიტად ითვლებოდა. ჩვენ დავმარცხდით ნაკრებთან ,რომელიც უკვე სახელდება კონტინენტის პირველობის მოგების უპირველეს ფავორიტად და რაც მთავარია, ამ ნაკრებს ვუგებდით, ამ ნაკრებს გავუტანეთ პირველი გოლი ევროპაზე, რადგან ჯგუფური ეეტაპი გოლგაუშვებლად ჰქონდა დასრულებული.

და მაინც, გამოცდილების გარდა, რა მოგვცა ევროპის ჩემპიონატმა? პირველი ის, რომ ქართველი ფეხბურთელების მიმართ ინტერესი გაიზარდა და გადაჭრით შეგვიძლია იმის თქმა, რომ მაგალითად, გიორგი მამარდაშვილი აუცილეებლად ითამაშებს გრანდში, გიორგი მიქაუტაძე არ ითამაშებს საფრანგეთის მეორე დივიზიონში და ბევრად ძლიერ გუნდში გადავა, ხვიჩა კვარაცხელია აუცილებლად იტყვის თავის სიტყვას, აუცილებლად გადავა გიორგი ქოჩორაშვილი სეგუნდადივიზიონის კლუბიდან უფრო უკეეთესში და ასე შეიძლება ყველაზე ვთქვათ, თითოეულ წევრზე, რომლისთვისაც ეს პირველობა მართლა ზღაპარი იყო, რომელცი აუცილებლად გაგრძელდება.

ცალკე აღნიშვნის ღირსია ქართველი გულშემატკივარი, რომელიც ერთ მუშტად დადგა და მნიშვნელობა არ ჰქონდა, ვინ რომელი პარტიის მხარდამჭერი და წევრი იყო, თამაშის დღეს, საქართველო ერთად იდგა. ეს შეუძლია ფეხბურთს, ეს შეუძლია სახალხო თამაშს და მთელმა ერმა იგრძნო, რომ ერთად დგომით, მსოფლიოს ალაპარაკება შეუძლია, საყოველთაო პატივისცემის მოპოვება შეუძლია. თურმე შეგვძლებია ერთმანეთის სიყვარული, თურმე, როცა ქვეყანას სჭირდება, ისევ შეგვძლებია ერთად დგომა და ეს ყველაფერი კარგად გამოჩნდა.

რა იქნება ხვალ? ხვალ, ცივი გონებით მივხვდებით იმას, რომ ეს ზღაპარი გვაჩუქეს და მას გაგრძელება აუცილებლად ექნება, რადგან ნაკრებმა საკუთარი თავის ირწმუნა, დაიჯერა, რომ შეუძლია, რომ შეგვიძლია და მხოლოდ ფეხბურთით არ მთავრდება სპორტული ცხოვრება. რამდენიმე დღეში, საქართველოს კალათბურთელთა ნაკრები ოლიმპიადის საგზურისთვის იწუებს ბრძოლას და მისი მოპოვების ძალიან კარგი შანსი გვაქვს. მერე კი, ოლიმპიადის ჯერი დგება, იმ ოლიმპიადის, რომელზეც ლაშა ტალახაძემ ოქროს მედალი უნდა ასწიოს, ტატო გრიგალაშვილმა დაამტკიცოს, რომ ტყუილად არ გამხდარა მსოფლიოს ჩემპოიონი ზედიზედ სამჯერ, სანდრო ბაზაძე უნდა გახდეს დამოუკიდებელ საქართველოში პირველი მოფარიკავე, რომელიც ოლიმპიურ ოქროს მოიგებს, ლაშა ბექაურმა ოლიმპიური ჩემპიონის ტიტული უდნა დაიცვას და კიდევ აუცილებლად უნდა გაისროლოს ვინმემ, ისეთმა, რომლისგანაცთითქოს არ ველით. ოლიმპიადის შემდეგ კი, 2024 წლის 7 სექტემბერს, ერთა ლიგის გათამაშება იწყება და საქართველო ჩეხეთს მასპინძლობს, იმ ჩეხეთს, ახლა ევროპაზე ფრედ რომ ვეთამაშეთ. 10 სექტემბერს, იმავე ერთა ლიგაზე, ალბანეეთს ვსტუმრობთ და ჯგუფში ამ ორი ნაკრების გარდა, უკრაინაც გვყავსო. ჰოდა, თუ ერთა ლიგას მოვიგებთ, როგორც გასულ წელს მოვიგეთ, პლეეი-ოფი გველოდება და... ეს ერთა ლიგა მსოფლიოს ჩემპიონატის საგზურისთვისაა და ვინ იცის, წინ უფრო დიდი ზღაპარი გველოდება... აუცილებლად გველოდება...

ევროპის ჩემპიონატის ყველაზე თვალსასეირო შეხვედრად, ჯერჯერობით, ესპანეთი-იტალიის დაპირისპირება მოინათლა. პირენეელებმა, აპენინელებს, მინიმალური სხვაობით მოუგეს და რაღა თქმა უნდა, აღნიშნულ შეხვედრას, როგორც ესპანელმა, ისე იტალიელმა ქომაგმა უყურა.

ქომაგებს შორის იყო ლეგენდარული რობერტო ბაჯოც, რომელმაც შეხვედრის ნახვა იტალიაში, საკუთარ ვილაში გადაწყვიტა და ოჯახთან ერთად, უზარმაზარი ტელევიზორის წინ მოკალათდა. ჰოდა, მატჩის მსვლელობისას, მის სახლში მძარცველები შეიჭრნენ და სავარაუდოდ, არ ელოდნენ, რომ 57 წლის ბაჯო მათ ნამდვილ ბრძოლას გაუმართავდა.

შედეგად, მძარცველებმა ბინიდან მცირე ოდენობის ძვირფასეულობის წაღება მოახერხეს, ბაჯოს კი, თავი გაუტეხეს. ლეეგენდარული ფეხბურთელი ოჯახის წევრებმა საავადმყოფოში გადაიყვანეს, სადაც მას თავზე რვა ნაკერი დაადეს.