რჩეული სტატიები

Grid List

ავტორი - გვანცა პეტრიაშვილი

ზაფხულის დადგომისთანავე საგრძნობლად მატულობს მწვავე დიარეული დაავადებების შემთხვევათა რაოდენობა. სტატისტიკური მონაცემებით, სწორედ ზაფხულის სეზონზე მოდის ამ დაავადებათა  შემთხვევების 50%-ზე მეტი, რისი მიზეზიც უმეტესად გარემოში მაღალ ტემპერატურაზე დაავადების გამომწვევი მიკრობების გაძლიერება და ასევე ნიტრატების მაღალი დონეა,რომლებსაც ხილ-ბოსტნეულის მოყვანაში იყენებენ. 

როგორ  ავარიდოთ თავი საკვები ინტოკსიკაციებისგან გამოწვეულ მოწამვლას და როგორია ამ დროს პირველადი დახმარება - ამ თემაზე გაზეთ „ვერსიას“, ექიმი და ჯანდაცვის კომიტეტის თავმჯდომარის მოადგილე, ლადო კახაძე ესაუბრა:

-ბატონო ლადო, წელს ბევრი შემთხვევაა საკვები ინტოქსიკაციის, პირველ რიგში,  გვითხარით, რა იწვევს ამას?

-ზოგადად, ეს დიდი ხნის თემაა და დამოკიდებულია იმ ადამიანების კეთილსინდისიერებაზე. ადამიანმა, თუ იცის, რომ ის პრეპარატი,რომელიც ხელოვნურად ამწიფებს ამა თუ პროდუქტს და მაინც იყენებს და შემდეგ ვიღაცას ვნებს, ეს მისასალმებელი როგორ იქნება?! დასაგმობი ფაქტია! სამწუხარო ფაქტია, მაგრამ ყველა ინდივიდს მეთვალყურეობას ვერ დაუნიშნავ, ძალიან გული მტკივა ამას, რომ ვამბობ.შეცდომა ერთია და შეგნებულად გაკეთებული დანაშაული მეორე. რასაკვირველია, მორალურად გაკიცხვის ღირსია და თუ ფაქტს ვინმე აღნუსხავს და შეამოწმებს, ის დასჯის ღირსი იქნება, ამას კანონი უნდა საზღვრავდეს. ადამიანებს ერთმანეთის მიმართ ნდობის ფაქტორი უნდა გვქონდეს მაღალი. 

-ვინმე თუ ამოწმებს გარე მოვაჭრეებს? თუნდაც დასავლეთის გზაზე, ძალიან ბევრი ადამიანი გზად ყიდულობს პროდუქტს, ბევრი ტურისტიც. თუ ხდება მათი შემოწმება?

- ახლა მივედით ამ კითხვამდე, იცით რა? ვერ გეტყვით. პროდუქტს, რომელსაც აბარებს ადამიანი, ამას დამადასტურებელი დოკუმენტი აქვს. წამალსაც  კი, რომელიც აღიარებული ქვეყნებიდან შემოდის, ვამბობთ, რომ შემოწმება არ უნდა, ვენდობით. აღმოჩნდა, რომ კონტრაფაქტურა ყველგან არის, თამბაქო იქნება, სასოფლო-სამეურნელო პროდუქტი თუ წამალი, ყველაფერს  და ყველას უნდა მოეკითხოს.

-როგორ უნდა ვიმკურნალოთ მოწამვლის შემდეგ-როგორია პირველადი დახმარება? როდის ხდება საჭირო ექიმის დახმარება?

-ნებისმიერ დროს, როდესაც ადამიანს აღენიშნება კლინიკური გამოვლენა, ეს იქნება- კუჭის აშლა, ტკივილი, ტემპერატურა, კანზე გამონაყარი, ხშირი კუჭის მოქმედება, აუცილებლად უნდა მიაკითხონ  ექიმს. დღეს ამის ციკლი აწყობილია მაღალ დონეზე, ყველას ყავს ოჯახის ექიმი, 2000-ზე მეტი ოჯახის ექიმია, ეს არის პირველი რგოლი, განათლებული ადამიანები, რომლებიც პასუხს აგებენ თავის პაციენტთან. იმ წუთასვე უნდა განხორციელდეს ზარი, ჩივილები უნდა ჩამოყალიბდეს, უნდა მიეწედოს პირველადი ინფორმაცია. კვებითი ინტოქსიკაციები ძალიან რთული თემაა, რომელმაც შეიძლება დიდი გართულება გამოიწვიოს, საფრთხე შეუქმნას სიცოცხლეს და ჯანმრთელობას.  ადამიანი თუ ფიზიოლოგიური მდგომარეობიდან, ნომრიდან გადახვევას შეატყობს, თვითმკურნალობა არ არის გამოსავალი, მან აუცილებლად რეკომენდაციისთვის უნდა მიმართოს ოჯახის ექიმს.

-პრევენცია თუ არსებობს, ბატონო ლადო, რომ თავიდან ავიცილოთ მოწამვლა?

-უსაფრთხოების გარანტიებს ის დაწესებულებები ქმნიან, რომლებიც ყიდიან. იმისათვის, რომ  ყველა საკვების მიღების შემდეგ ლაბორატორიული კვლევა ჩაიტაროთ, ასეთი რაღაც არ ხდება.  ამიტომ ერთია, რომ შენ შეიძინე პროდუქტი და მეორე, როგორ უნდა დამუშავდეს სახლის პირობებში.  პროდუქტს სჭირდება აუცილებლად გამდინარე წყალში გარეცხვა, სანამ ვიყიდით საჭიროა, მისი ვიზუალური დათვალიერება, ჩვენი ჰიგიენაც ძალიან მნიშვნელოვანია, ხელების დაბანა, პირის ღრუს ჰიგიენა.  თითეულმა ადამიანმა საკუთარი თავი თვითონვე უნდა დაიზღვიოს. არის ბევრი პროდუქტი, რომელსაც კუსტარულად ამზადებენ, ასეთი საწარმოები უნდა დაიბლოკონ, დაისაჯონ. ადამიანი არის უფლებისა და მოვალეობის ერთობლიობა, უფლება კი გაქვს, რომ ჭამო, მაგრამ სანამ შეჭამ მანამდე უნდა მოიძიო, რას ჭამ.

-რომელი პრუდუქტების მიღებაა მეტად საყურადღებო ზაფხულში?

-ზაფხულის, მალფუჭებადი პროდუქტები, რომელსაც სიცხე არ უყვარს. ეს არის - ხორცი, ცხიმეული, კრემი, ნახარშები. მათ აქვთ თავისი ტემპერატურული კოეფიციენტი. ზოგს კუჭის წყლული აქვს, ზოგს ნაღვლის ბუშტის დაავადება, ამიტომ  ყველა ადამიანმა უნდა იცოდეს, რის მიღება შეუძლია.

-ბატონო ლადო, ამ სეზონზე ვირუსული ინფექციის შემთხვევები იზრდება, როგორ უნდა გავარჩიოთ საკვები ინტოქსიკაცია და ვირუსული ინფექცია ერთმანეთისგან?

-ნებისმიერი ადამიანის სხეულში 2-დან 4 კილოგრამამდე მასა არის- ვირუსი, პარაზიტი, სოკო, ბაქტერია. ნაწლავები მის გარეშე ვერ იფუნქციონერებს, საკვების მონელებაში ვერ მიიღებს კარგ შედეგს, თუ ვირუსები და მიკროსამყარო ჩვენში არ იქნება, მაგრამ ესენი არიან უსაფრთხო საფროფიტები, ეს არის ის მიკროსამყარო, რომელიც ჩვენ გვეხმარება. იმ გარემოში, სადაც ჩვენ გვიწევს ყოფნა, აუცილებელია რეკომენდაციების დაცვა სისუფთავე.

ავტორი: ია გრიგალაშვილი

 ოდესმე გიკითხავთ საკუთარი თავისთვის, როგორია თქვენი სამკაულის შემადგენლობა? ყველაფერი, რასაც ვეხებით, ვჭამთ, ვატარებთ, ვსუნთქავთ, შეიცავს ნივთიერებებს, რომლებიც ზოგჯერ შეიძლება, იყოს ტოქსიკური, არატოქსიკური, აუცილებელი ან არააუცილებელი. მოდის აქსესუარები არის ნივთები, რომლებიც პირდაპირ ეხება კანს. ეს შეიძლება იყოს ყელსაბამი, საათი, სამაჯური, ბეჭედი და ა.შ. თუმცა, ცოტამ თუ იცის, რომ ბიჟუტერია ტოკსიკურ ნივთიერებებს შეიცავს და ეს პროდუქცია ადამიანის ჯანმრთელობას საფრთხეს უქმნის. მის დასამზადებლად ხშირად იყენებენ ტყვიას და კადმიუმს ჩინეთში, ინდოეთსა და კორეაში, შემდეგ კი ისინი  მთელ მსოფლიოში მსხვილი კომერციული ქსელის მაღაზიების და  ბუტიკების დახლებზე ნაწილდება.

კადმიუმი და ტყვია ორგანიზმში სხვადასხვა გზით შეიძლება მოხვდეს, მათ შორის, პროდუქციის მოხმარების, სამკაულის ტარების დროს. ლითონები გროვდება სხეულში და სხვადასხვა ორგანოს დაზიანებას იწვევს. კადმიუმი ხელს უწყობს სიმსივნის წარმოშობას, ფილტვების, თირკმლებისა და ძვლების დაზიანებას. ტყვია აზიანებს ტვინს, თირკმელს, ღვიძლს, გულ-სისხლძარღვთა და რეპროდუქციულ სისტემას. 

2020 წელს ჩატარებული კვლევის შედეგად თბილისის ერთ-ერთ პრესტიჟულ უბანში, ბრენდული მაღაზიების დახლებზე სიცოცხლისთვის საშიში სამკაულები აღმოჩნდა. Momxmarebeli.ge - ს ორგანიზებული კვლევის მიხედვით, 24 სამკაულის ნიმუშიდან 7 ერთეულში მავნებელი ნივთიერებები ასეულ ან ათასეულჯერ აჭარბებდა დაშვებულ ნორმებს. ვებგვერდის ინფორმაციით, სიცოცხლისთვის საშიში აღმოჩნდა ისეთი ბრენდების სამკაულები, როგორებიცაა: Yuzuk “ნავნე“,„დაიმონდი“, Fashion Jewellery,„მანდარინა“,„ბალდი”. ანალოგიური კვლევა ჩატარდა 2019 წელსაც  და მისი შედეგებიც სავალალო იყო. 29 ნიმუშიდან 12 მავნე აღმოჩნდა.

კონტროლდება თუ არა სამკაულების შემადგენლობა?

საქართველოს ხელისუფლება ტყვიასა და სხვა მავნე ნივთიერებეზე მხოლოდ გარკვეულ პროდუქციას ამოწმებს, მაგრამ მათ შორის არ არის სამკაულები, ამ საკითხის დასარეგულიებლად არ არსებობს კანონიც. ევროკავშირი დიდი ხანია, საქართველოს სტანდარტების მიღებისკენ მოუწოდებს, მაგრამ ამ მხრივ ნაბიჯი ამ დრომდე არ გადადგმულა. ამ საკითხზე „ვერსია“ ჯანდაცვის სამინისტროს საზოგადოებასთან ურთიერთობის წარმომადგენელსაც დაუკავშირდა, თუმცა როგორც განგვიცხადეს, ინფორმაციას არ ფლობენ და აღნიშნული მათ უწყებას არ ეხება.

როგორ დავიცვათ თავი მავნე სამკაულისგან?

თუ გსურთ, დარწმუნდეთ, რომ თქვენი სამკაული უსაფრთხოა, ატარეთ მასალები, რომლებიც ცნობილია, რომ არატოქსიკურია, მათ შორის:

100% ოქრო

100% ვერცხლი

ქირურგიულ-იმპლანტის კლასის უჟანგავი ფოლადი

ვერმეილი (მოოქროვილი სახეობა, რომელშიცაა  სუფთა ოქროს ან ვერცხლს)

არალითონის ნივთიერებები, როგორიცაა ტყავი, ქსოვილი ან მინის მძივები

თუ ბავშვებს აძლევთ უფლებას, ატარონ სამკაულები, ხელი შეუშალეთ, რომ პირში არ ჩაიდონ. ხშირად დაიბანეთ ხელები, განსაკუთრებით ბიჟუტერიასთან შეხების შემდეგ.

აბიტურიენტებისათვის, საგრანტო კონკურსის მონაწილეებისათვის და მაგისტრანტობის კანდიდატებისათვის საგამოცდო ბარათების ამობეჭდვა ხვალიდან, 21 ივნისის 10:00 საათიდან იქნება შესაძლებელი. მასწავლებლები და მასწავლებლობის მსურველები კი საგამოცდო ბარათების ამობეჭდვას 22 ივნისის 10:00 საათიდან შეძლებენ.
?შეგახსენებთ, რომ ბარათზე მოცემულია ინფორმაცია საგამოცდო ცენტრის მისამართის, თითოეული გამოცდის თარიღის, გამოცდაზე რეგისტრაციის დაწყების დროისა და სხვა მნიშვნელოვანი რეკომენდაციების შესახებ.
?შეფასებისა და გამოცდების ეროვნული ცენტრი შეახსენებს გამოსაცდელებს, რომ პირადობის დამადასტურებელ დოკუმენტთან ერთად საგამოცდო ბარათის წარდგენა გამოცდებზე დაშვების აუცილებელი პირობაა. ცენტრი აგრეთვე სთხოვს ყველა მონაწილეს, ყურადღებით გაეცნოს ბარათზე მითითებულ ინფორმაციას და გაითვალისწინოს, რომ რეგისტრაციის დასრულების შემდეგ გამოცდაზე აღარ დაიშვება.
 
☑️საგამოცდო ბარათის ამობეჭდვის დეტალური ინსტრუქცია⤵️:
გამოსაცდელი ვებგვერდზე online.naec.ge გამოყოფილ სპეციალურ ველებში უთითებს პირად თერთმეტნიშნა ნომერს, ცენტრის მიერ გაგზავნილ ხუთნიშნა კოდს და შედის საკუთარ გვერდზე, რომელზეც გაიარა რეგისტრაცია. გამოსაცდელი მიჰყვება ბმულს - „დაბეჭდეთ თქვენი საგამოცდო ბარათი“. ბარათი შეგიძლიათ დაიმახსოვროთ და ამობეჭდოთ ნებისმიერ დროს მთელი საგამოცდო პროცესის განმავლობაში. მნიშვნელოვანია, რომ ბარათზე მითითებული ყველა ინფორმაცია დაიბეჭდოს მკაფიოდ, ხარვეზების (წყვეტის, ლაქებისა და ა. შ.) გარეშე. ბარათის ამობეჭდვა გამოსაცდელებს შეუძლიათ შავ-თეთრად სტანდარტულ თაბახის ფურცელზე (A4).
➡️შეგახსენებთ, რომ 2022 წლის გამოცდები 4 ივლისს ერთიანი ეროვნული გამოცდებით დაიწყება. გამოცდების ჩასატარებლად მთელი საქართველოს მასშტაბით უკვე შერჩეულია 22 საგამოცდო ცენტრი, რომლებიც წელს დარეგისტრირებულ 90 000 გამოსაცდელს მოემსახურება. შეფასებისა და გამოცდების ეროვნულმა ცენტრმა მოამზადა და ტესტირების შედეგად შეარჩია ის მეთვალყურე-კურატორები, რომლებიც ცენტრის სხვა თანამშრომლებთან ერთად პროცესს საგამოცდო ცენტრებში ადგილზე წარმართავენ. უკვე შერჩეულია საგამოცდო ცენტრების მიხედვით ადმინისტრატორ-კოორდინატორები, IT მენეჯერები, თანაშემწეები და სხვა ტექნიკური პერსონალი, რომლებიც პროცესში ადგილზე ჩაერთვებიან.
✅დეტალური ინფორმაციის გაცნობა შეფასებისა და გამოცდების ეროვნული ცენტრის საგამოცდო სამზადისის შესახებ შესაძლებელია ცენტრის ოფიციალურ ვებ და ფეისბუკგვერდებზე.

პროტესტანტ სტუდენტებს უნივერსიტეტიდან გარიცხვით ემუქრებიან

მიხეილ ჩხენკელის გადაწყვეტილებით, მოსწავლეები ჭადრაკს პირველი კლასიდან სავალდებულო საგნად შეისწავლიან, - ინფორმაციას საქართველოს განათლებისა და მეცნიერების სამინისტრო ავრცელებს.

მოსწავლეებში ანალიტიკური, ლოგიკური, კრიტიკული აზროვნებისა და პრობლემების პრაქტიკული გადაჭრის უნარ-ჩვევების განვითარების მიზნით, ჭადრაკი ზოგადი განათლების დაწყებითი საფეხურის პირველ კლასში სავალდებულო საგნად ემატება.

სამინისტროს განმარტებით, სავალდებულო საგნად ჭადრაკის შესწავლა 2022-2023 წლის სექტემბრიდან იგეგმება, მანამდე კი, ჭადრაკის ეროვნულ ფედერაციასთან თანამშრომლობით, აქტიურად მიმდინარეობს მოსამზადებელი სამუშაოები, მასწავლებლების ტრენინგების ორგანიზებისა და სასწავლო რესურსების მომზადების კუთხით.

„ჭადრაკი აუმჯობესებს მოსწავლეთა მრავალმხრივ უნარებს, როგორებიცაა: ყურადღება, კონცენტრირება, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტირება და სხვა. ეს კი, პირდაპირ კავშირშია მათემატიკისა და სხვა საგნების სტანდარტებით განსაზღვრულ კომპეტენციებთან“, - აცხადებენ სამინისტროში.

სკოლებში ჭადრაკის სწავლება გათვალისწინებულია ევროკავშირის 2012 წლის დეკლარაციით, რომელიც საგანმანათლებლო სისტემებში ჭადრაკის სწავლების დანერგვას ითვალისწინებს.

ავტორი: ანი სარდლიშვილი

მომღერალ მეგი გოგიტიძის გადაწყვეტილებამ რამდენიმე დღეა, საზოგადოებაში ვნებათაღელვა გამოიწვია. 6 აგვისტოს გოგიტიძე კონცერტს გამართავს რუსეთში, რის გამოც ბათუმში „სექტორ 26“- მა მას კონცერტიც  კი გაუუქმა. უკრაინაში უკვე  5 თვეა, რაც რუსეთ- უკრაინის ომი მიმდინარეობს და მსოფლიო ფორსმაჟორულ სიტუაციაშია. სანქციების გამო, მსოფლიოს თითქმის ყველა ორგანიზაცია გაემიჯნა რუსეთს და კავშირი შეწყვიტა მასთან. რუსეთის მიერ უკრაინაში წამოწყებული ომი გააპროტესტეს მსოფლიოს კულტურის, სპორტისა და სხვა სფეროების წარმომადგენლებმა, მათშორის, საქართველოდანაც.  ქართველი მომღერლის რუსეთში კონცერტისთვის გამგზავრება აგვისტოს იმ უმძიმეს დღეებში, როდესაც 2008 წელს რუსეთ-საქართველოს ომი მძვინვარებდა, გასაკვირი არაა, რომ ხალხში პროტესტს გამოიწვევდა...  „ვერსია“ ამ თემაზე სასაუბროდ ქართველ კომპოზიტორსა და მუსიკოსს, დავით ევგენიძეს ესაუბრა.

 _ ბატონო დავით, მთელი საქართველო მოიცვა ამბავმა, რომ მეგი გოგიტიძემ უნდა იმღეროს რუსეთში. როგორ აფასებთ მის გადაწყვეტილებას?

_ ზოგადად, არ მიყვარს სხვისი განსჯა, მაგრამ დავაყენებ ჩემს თავს მის ადგილზე. ეს ჩემთვის გამორიცხულია, წარმოუდგენლად გამორიცხულია რუსეთში წასვლა და იქ კონცერტის ჩატარება.

_ რამდენად აქვს დროს და კონტექსტს მნიშვნელობა, უკრაინის ომს რომ თავი დავანებოთ, აგვისტოში მართავს იგი კონცერტს, ეს პერიოდი კი საქართველოსთვის უმძიმესია რუსეთ-საქართველოს ომის შემდეგ...

_ ჩვენ ძალიან დიდი ხანია, ომი გვაქვს რუსეთთან. აგვისტოს პერიოდი უფრო ამძაფრებს მის საქციელს, რა თქმა უნდა, აგვისტოს ომის წინა დღეებში კონცერტის ჩატარება რუსეთში, სიმართლე გითხრათ, მე ვერ ვხვდები, რას ნიშნავს. შეიძლება, მე ვარ ჩამორჩენილი რაღაცებს, მაგრამ ეს ჩემთვის საკამოდ წარმოუდგენელია.

_ როგორ ფიქრობთ, კულტურა უნდა ემიჯნებოდეს პოლიტიკას?

_ კულტურა გამომხატველია ადამიანთა გონების და სულიერების, ხომ მართალია?... კულტურა არის ბრძოლის ერთ-ერთი მეთოდი. ლექსითა და სიმღერით გადიოდნენ ქართველები ბრძოლაში. ქმედითია კულტურა, სიტყვაც ქმედითია, ამ შემთხვევაში კი არა მხოლოდ უკრაინის გამო, არამედ, ჩვენ დიდი ხანია, ომი გვაქვს რუსეთთან. ჩვენ პირველები ვართ საბჭოთა კავშირში, ვინც დავიწყეთ ჩვენი თავისუფლებისთვის ბრძოლა. არ მიყვარს არასდროს არავის გაკრიტიკება... ქრისტიანულად რომ ვთქვათ - „ნუ განსჯი და არ განისჯები“, მაგრამ ჩემი აზრი შემიძლია, ვთქვა, რომ მე ამას ვერ შევძლებდი ვერასდროს, რა ფასი და მიზეზიც არ უნდა ჰქონდეს, ჩემთვის ეს გაუგებარია.

_ბატონო დავით, როგორც ცნობილია, მაქსიმ გალკინი ჩამოდის საქართველოში. მართალია, ეროვნებით რუსია, მაგრამ აღიარებს, რომ ანტიპუტინისტური განწყობა აქვს, თქვენ რას ფიქრობთ მის ჩამოსვლასთან დაკავშირებით?

_ გალკინი არა მარტო უკრაინის ომის დროს, არამედ იქამდეც ოპოზიციაში იყო. სხვათაშორის, ალა პუგაჩოვას დევნიდნენ უკვე უკრაინის ომამდე და პირველები არიან, ვინც დატოვეს რუსეთი, პროტესტი განაცხადეს და წაართვეს საკუთარი უძრავი ქონება, ისინი იქვე იბრძოდნენ რუსეთში. ამიტომ მე არანაირი საწინააღმდეგო არ მაქვს გალკინის ჩამოსვლასთან დაკავშირებით. თან ეს კონცერტები მხოლოდ საქართველოში არ ტარდება. ეს ყველგან, მთელი მსოფლიოს სხვადასხვა ქვეყანაში იმართება. თანხა კი, რაც გროვდება, ირიცხება უკრიანის დასახმარებლად. ამ შემთვევაში რომ მივიღოთ უკრიანის დახმარებაში მონაწილეობა ჩვენი დასწრებით, ამის საწინააღმდეგო არაფერი მაქვს. ეს არ ნიშნავს, რომ ადამიანი ეროვნებით უნდა განვსაზღვროთ. რადგან რუსია, არ უნდა გავრიყოთ, ჩემმა უამრავმა  რუსმა მეგობარმა დატოვა რუსეთი უკრიანის ომის დროს და არა მხოლოდ, აგვისტოს ომის პერიდშიც და იქამდეც, 90-იან წლებში ჩვენს მხარეს იყვნენ.

_ და ბოლოს, ბატონო დავით, რას იტყვით კულტურის სფეროს იმ წარმომადგენლებზე, რომლებიც დღემდე რუსეთში აგრძელებენ კარიერას?

_ თუ კი რამე პრიზია, ყველაფერი აღებული მაქვს რუსეთში - ოქროს ვერძი, ოქროს არწივი... პრიზი არ არსებობს, რაც აღებული არ მაქვს, მაგრამ ეს ყველაფერი მივატოვე აგვისტოს ომის შემდეგ. ჩემთვის წარმოუდგენელია დარჩენა იმ ქვეყანაში, რომელიც შენ გეომება. ეს ნიშნავს, რომ ცხოვრობ იმ ქვეყნაში, რომელიც შენს საკუთარ ქვეყანას ებრძვის. გაუგებარია ჩემთვის, რატომ უნდა ვუმართო კონცერტები იმ ხელისუფლებას, რომელსაც ჩემი ქვეყნის 20% აქვს ოკუპირებული და შენთან წლებია, ომშია. მეგი გოგიტიძის ეს გადაწყვეტილებაც ჩემთვის წარმოუდგენელია, რა გამართლება უნდა ჰქონდეს ამას საკუთარ ერთან, სიმართლე გითხრათ, მართლა ვერ ვხვდები. ასე რომ, ველოდები მის დაბრუნებას.

ავტორი-სალომე ნოზაძე

პანდემიით გამოწვეული ორწლიანი პაუზის შემდეგ „თბილისი ოუფენ ეარი“ დაბრუნდა. მუსიკლალური ფესტივალი, რომლის დევიზია - “მუსიკა ათავისუფლებს”, 24 ივნისს დაიწყო და 26-ში დამთავრდა.

ყველაზე ცნობილი ქართული მუსიკალური ფესტივალი, ტრადიციულად, „ლისი ვანდერლენდში“ გაიმარა. უამინდობის და სამდღიანი წვიმების მიუხედავად, ფესტივალს საკმაოდ ბევრი ადამიანი ესწრებოდა. თბილისი open air- ზე დასასწრები ბილეთების შეძენა შესაძლებელი იყო ონლაინ, მისამართზე: http://tkt.ge//openair.

ფესტივალის მსვლელობისას აბონიმენტის და დღიური ბილეთის შეძენა ადგილზეც შესაძლებელი იყო. სამდღიანი აბომენეტი — 180 ლარი;  ხოლო დღიური ბილეთის ღირებულება 80 ლარს შეადგენდა.

Tbilisi Open Air 2022-ზე ფესტივალის ფარგლებში წელს სცენაზე ვიხილეთ ისეთ ცნობილი შემსრულებლები, როგორებიც  Alt-J, Cigarettes After Sex, Okean Elzy, Konoba და Rhye არიან. 

უცხოელ მუსიკოსებთან ერთად, რა თქმა უნდა, ფესტივალზე წარმოდგენილნი იყვნენ ქართველი შემსრულებლებიც: Bedford Falls, MokuMoku, Eko & Vinda Folio, Killages, წერილი და სხვები.

„ლისი ვანდერლენდში“ მსმენელს სამი დღის განმავლობაში შესაძლებლობა ჰქონდა ელექტრონული მუსიკის ისეთი შემქმნელებისთვის მოესმინა, როგორებიც არიან Konstantin, Acid Pauli, Petre Inspirescu და სხვები. 

დასკვნითი საღამოს მთავარი სტუმარი, უკრაინული ბენდი Okean Elzy იყო, რომელმაც ფესტივალი დახურა და გამოსვლისას სიმღერა „თბილისო“ ქართულად შეასრულა. 28-წლიანი ისტორიის მქონე ბენდის ვოკალისტი და ლიდერი, სვიატოსლავ ვაკარჩუკი, უკრაინაში მიმდინარე ომის დროს ჰუმანიტარულ მისიებში აქტიურად მონაწილეობს, უკრაინის ქალაქებში სამხედროებს და ომით დაზარალებულ მოქალაქეებს ჰუმანიტარული დახმარებით ამარაგებს, ჩადის დაბომბილ ქალაქებში, მღერის თავშესაფრებში და ამ ფორმით თანამოქალაქეების გამხნევებას ცდილობს. 

„ჩვენთვის დიდი პატივია აქ ყოფნა. პირველი, რისი თქმაც გვინდა არის — დიდი მადლობა, საქართველო, თქვენი მხარდაჭერისთვის, ყველაფრისთვის, რასაც უკრაინისთვის აკეთებთ. ვგრძნობთ ამ მხარდაჭერას. ვგრძნობთ მხარდაჭერას ჩვეულებრივი ხალხისგან. ვნახეთ აქციები, ვნახეთ დროშები, ვხედავთ და ვგრძნობთ მხარდაჭერას, რასაც ვიღებთ. მადლობა ჩვენი ლტოლვილების მასპინძლობისთვის. მადლობის თქმა გვინდა და ამას ფესტივალზეც 10-ჯერ ვიტყვით. საქართველო ჩემი ერთ-ერთი საყვარელი ქვეყანაა. მე მიყვარს თქვენი კულტურა, არქიტექტურა, სტილი, ტანსაცმელი, სამზარეულო, ყველაფერი, ხალხი, ლამაზი ხალხი, განსაკუთრებით ქალები. არამხოლოდ ის თუ როგორ გამოიყურებით, არამედ თქვენი გულები. ვგულისხმობ, რომ ძალიან მნიშვნელოვანია, უკრაინას თქვენნაირი მეგობრები ჰყავდეს.“ - განაცხადა „ოკეან ელზის“ სოლისტმა, სვიატოსლავ ვაკარჩუკმა. 

შემსრულებელთა სრული სია ასე გამოიყურება:

 

პირველად ისტორიაში ვატიკანში, სიქსტის კაპელასა და წმინდა პეტრეს ტაძარში ქართული მრავალხმიანობა აჟღერდა. სამების საკათედრო ტაძრის გუნდის კონცერტი გაიმართა და საქართველოს პატრიარქ ილია მეორის ,,ავე მარია” შესრულდა. აღნიშნულ ისტორიულ ფაქტს საქართველოს პრეზიდენტი სალომე ზურაბიშვილი დაესწრო და სოციალურ ქსელშიც გამოეხმაურა:

„შარშან, როდესაც წმინდა საყდარს ოფიციალური ვიზიტით ვესტუმრე, მის უწმინდესობა პაპთან შეხვედრისას ვისაუბრეთ დღევანდელი ლამაზი საღამოს დაგეგმვის შესახებ, ჩვენი დიპლომატიური ურთიერთობების 30 წლისთავის აღსანიშნავად.
დღეს ემოციური მომენტის მომსწრენი გავხდით, რომელიც ჩვენს მოგონებებში დარჩება. ჩემი უდიდესი მადლიერება პაპ ფრანცისკეს...

სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ საქართველო ევროპაში შეიყვანა“

საქართველოს ხელოვნების სასახლის გენერალური დირექტორი გიორგი კალანდია სოციალურ ქსელში წერს:

„მეფე მირიანი, წმინდა ნინო, წმინდა შუშანიკი და ქეთევან წამებული ახსენეს დღეს საზეიმო სიტყვაში სიქსტის კაპელაში ქართული კონცერტის დაწყებამდე...

უდიდესი წარმატება და გამარჯვება! ასე ამაყი დიდი ხანია არ ვყოფილვარ! სიქსტის კაპელაში დღეს საქართველოს ტრიუმფი ჟღერდა! 

დღეს სიქსტის კაპელაში-მიქელანჯელოს მიერ მოხატულ თაღებქვეშ  აჟღერებულ ქართული "კირიე ელეისონი" ესმოდა ხანძთის დიდებულ ნანგრევებს, მეომარივით მედგრად  წამომართული ოშკის გუმბათს,  წართმეულ ათასწლოვან ათონის  ივერონის კედლებს,  შოთა რუსთაველის  დაობლებულ ფრესკას იერუსალიმის ჯვრის მონასტერში, ბაკურიანისძის პეტრიწონის ქართულ აკლდამებს, ნაფოტებად ქცეულ ღალიის მშვენიერ ეკლესიას... ესმოდათ იმის დასტურად, რომ მიუხედავად არაერთი რბევისა, ნგრევისა თუ აოხრებისა, მაინც არ გადავშენდით, მაინც ამაყად ვდგავართ და მსოფლიოს საკაცობრიო საგანძურის მცეველებად შემოვრჩით“.