რჩეული სტატიები

Grid List

რადიო თავისუფლების სომხური სამსახურის დიპლომატიური წყაროების ცნობით, უკრაინის პრეზიდენტი ვოლოდიმირ ზელენსკი გეგმავს, ახლო მომავალში სომხეთსა და აზერბაიჯანს ეწვიოს.

რადიო თავისუფლების წყაროების თანახმადვე, ვიზიტი ერევანსა და ბაქოში 4 მარტისთვისაა დაგეგმილი.

უკრაინის ელჩმა სომხეთში, ვალერი ლობახმა რადიო თავისუფლების შეკითხვაზე არც უარყო და არც დაადასტურა ინფორმაცია და განუცხადა: „გაზაფხული დადებით მოვლენებს მოუტანს სომხეთს“.

„ბევრი რამ არის სათქმელი, მაგრამ ახლა ვერაფერს გეტყვით... მხოლოდ იმის თქმა შემიძლია, რომ უკრაინა მზადაა, დაეხმაროს სომხეთს... ჩვენი ქვეყანა ყველაფერს იღონებს რეგიონის სტაბილურობისთვის“, - განაცხადა ელჩმა.

სომხეთის საგარეო საქმეთა სამინისტროს ცნობათა ფურცლის თანახმად, უკრაინის პრეზიდენტი ბოლოს 2002 წელს ეწვია სომხეთს. მაშინ უკრაინის პრეზიდენტი ლეონიდ კუჩმა იყო. სომხეთის პრეზიდენტებიდან კიევს ბოლოს სერჟ სარქისიანი ეწვია 2012 წელს, ვიქტორ იანუკოვიჩის .

რამდენიმე დღის წინ სომხეთის პრემიერ-მინისტრმა ნიკოლ ფაშინიანმა განაცხადა, რომ სომხეთი არ არის რუსეთის მოკავშირე უკრაინის წინააღმდეგ ომში.

ზელენსკი აზერბაიჯანის პრეზიდენტ ილჰამ ალიევს ბოლო 2024 წლის 17 თებერვალს შეხვდა, მიუნხენში, მიუნხენის უსაფრთხოების კონფერენციაზე.

სომხეთის პრემიერ-მინისტრმა ნიკოლ ფაშინიანმა 23 თებერვალს განაცხადა, რომ სომხეთმა „გაყინა კოლექტიური უსაფრთხოების ხელშეკრულების ორგანიზაციის“ წევრობა.

მეორე წელია, იგი აცხადებს, რომ უსაფრთხოების სფეროში მხოლოდ რუსეთზე დამოკიდებულება „შეცდომა“ იყო.

კანადელმა სწავლულებმა, მაუნთ-როიალის უნივერსიტეტიდან, გულ-სისხლძარღვთა დაავადებების ნერწყვით გამოვლენის მეთოდი შექმნეს. მათმა კვლევამ აჩვენა, რომპირის ღრუში ლეიკოციტების რაოდენობა შეიძლება უკავშირდებოდეს სისხლის მიმოქცევის დაქვეითებას, რაც არტერიების ცუდი მდგომარეობის ადრეული ინდიკატორია. ადრე ჩატარებულმა კვლევებმა აჩვენა კავშირი პაროდინტიტსა და გულის დაავადებებს შორის. სპეციალისტები ვარაუდობენ, რომ ანთებითი პროცესი სისხლის მიმოქცევაში შეიძლება გავრცელდეს ღრძილების მეშვეობით და დააზიანოს სისხლძარღვთა სისტემა. ამ მონაცემების საფუძველზე, სწავლულებმა დიაგნოსტიკური სისტემის შემუშავება გადაწყვიტეს. ჩატარებული ექსპერიმენტების შედეგად დადგინდა, რომ შესაძლოა, ლეიკოციტების მაღალი დონე არტერიების არასაკმარის გაფართოებაზე და გულ-სისხლძარღვთა დაავადებების მომატებულ რისკზე მიუთითებდეს.

ახალი სოციალური ქსელი Bluesky, რომელიც Twitter-ის დამფუძნებელმა, ჯეკ დორსიმ შეიმუშავა, უკვე ღიაა ნებისმიერი მსურველის რეგისტრაციისთვის, პერსონალური მიწვევის გარეშე. ბევრი პარამეტრით ის Twitter-ს ჰგავს, რომელიც ილონ მასკმა 44 მილიარდ დოლარად შეიძინა და ის ახლა X-ის სახელითაა ცნობილი. „ბლუსქაი“ მომხმრებლებს ჯერჯერობით არ სთავაზობს პირდაპირ შეტყობინებებს, თუმცა მას ინდივიდუალურიპარამეტრებისთვის მეტი შესაძლებლობები აქვს. როგორც ახალი ქსელის შემქმნელები ამტკიცებენ, Bluesky ისწრაფვის, გახდეს„უკანასკნელი „ექაუნთი“ სოციალურ ქსელში, რომლის შექმნაც ოდესმე დაგჭირდებათ“. თუმცა, პრაქტიკაში, ეს ალბათ, ასე მარტივი არ იქნება.

ვაშინგტონის უნივერსიტეტის მკვლევარებმა შეიმუშავეს Thermal Earring- უსადენო„ჭკვიანი“ საყურის წყვილი, რომელსაც მომხმარებლის ჯანმრთელობის მნიშვნელოვანი პარამეტრების მონიტორინგი შეუძლია. ზომითა და წონით, ეს მოწყობილობაქაღალდის მცირე სამაგრს- სკრეპს ჰგავს და დამუხტვის გარეშე, 28 დღე მუშაობს. ერთი გადამცემი, მაგნიტური დამჭერით, მომხმარებლის ყურის ბიბილოზე მაგრდება, მეორე კი ქვემოთაა ჩამოკონწიალებული. ჩამონტაჟებული ანტენისა და Bluetooth-ის მოდულის წყალობით, საყურე მონაცემებს აგზავნის „სმარტფონზე“ დღის განმავლობაში, გარკვეულ პერიოდებში. მკვლევარებმა ახალი მოწყობილობა მოხალისეებზე გამოსცადეს და აღმოაჩინეს, რომ ის„ჭკვიან“ საათსაც კი სჯობს სხეულის ტემპერატურის გაზომვაში, საყურე აფიქსირებს სტრესისა და ოვულაციის მაჩვენებლებსაც კი. ჯერჯერობით, მოწყობილობა კომერციული გაყიდვებისთვის ხელმისაწვდომი არ არის. ავტორებს სურთ, საყურე კიდევ უფრო დახვეწონ და მასში გულის რიტმისა და აქტივობის მონიტორინგიც ჩართონ. 

დონალდ ტრამპი და სხვა რესპუბლიკელები უარს ამბობენ პუტინისთვის ნავალნის სიკვდილზე პასუხისმგებლობის დაკისრებაზე. ამის ნაცვლად, ტრამპმა თქვა, რომ ნავალნის სიკვდილმა გააცნობიერებინა, თუ რამდენად ცუდი იყო ამერიკა, – ასე გამოეხმაურა აშშ-ის პრეზიდენტი ჯო ბაიდენი დონალდ ტრამპის განცხადებას ალექსეი ნავალნის გარდაცვალებასთან დაკავშირებით.

აშშ-ის პრეზიდენტმა, ჯო ბაიდენმა გააკრიტიკა დონალდ ტრამპის პასუხი რუსი ოპოზიციონერი ლიდერის, ალექსეი ნავალნის გარდაცვალებასთან დაკავშირებით და მიმართა კითხვით – „რატომ ადანაშაულებს ტრამპი ყოველთვის ამერიკას?“

„ყოფილი პრეზიდენტი დონალდ ტრამპი და სხვა რესპუბლიკელები უარს ამბობენ პუტინისთვის ნავალნის სიკვდილზე პასუხისმგებლობის დაკისრებაზე. ამის ნაცვლად, ტრამპმა თქვა, რომ ნავალნის სიკვდილმა გააცნობიერებინა, თუ რამდენად ცუდი იყო ამერიკა. მან თქვა და მე მოვიყვან ციტატას: „ჩვენ ვართ დაკნინებული ერი, წარუმატებელი ერი“. რატომ ადანაშაულებს ტრამპი ყოველთვის ამერიკას? პუტინი არის პასუხისმგებელი ნავალნის სიკვდილზე – რატომ არ შეუძლია ტრამპს ამის თქმა?“- განაცხადა ბაიდენმა.

დონალდ ტრამპმა განაცხადა, რომ ალექსეი ნავალნი მამაცი იყო, მაგრამ რუსეთში არ უნდა დაბრუნებულიყო. მისივე თქით, ალექსეი ნავალნის მსგავსად, პოლიტიკურად მოტივირებული დევნის საფრთხის წინაშე აღმოჩნდა.

„ნავალნის სიტუაცია ძალიან სამწუხაროა. ის იყო ძალიან მამაცი ბიჭი, რადგან ის დაბრუნდა. მას შეეძლო თავი დაეღწია. გულწრფელად რომ ვთქვათ, მისთვის ალბათ ბევრად უკეთესი იქნებოდა, შორს ყოფილიყო და ელაპარაკა ქვეყნის გარედან, ვიდრე დაბრუნებულიყო იქ, რადგან ხალხი ფიქრობდა, რომ ეს შეიძლებოდა, მომხდარიყო და ასეც მოხდა. ეს საშინელებაა“, – განაცხადა ტრამპმა „ფოქს ნიუსთან“ ინტერვიუში.

ტრამპის თქმით, ის ნავალნის მსგავსად, პოლიტიკურად მოტივირებული დევნის საფრთხის წინაშე აღმოჩნდა.

„ეს ჩვენს ქვეყანაშიც ხდება. ჩვენ ვიქცევით კომუნისტურ ქვეყნად მრავალი თვალსაზრისით და თუ ამას დააკვირდები, მე ვარ ლიდერი კანდიდატი. მე ბრალი წამიყენეს“, – განაცხადა ტრამპმა.

ნიუ-იორკის მოსამართლემ, არტურ ენგორონმა აშშ-ის ყოფილი პრეზიდენტი, დონალდ ტრამპი დამნაშავედ ცნო თაღლითობის საქმეზე და მას 355 მილიონი დოლარის გადახდა დააკისრა. ინფორმაციას ამის შესახებ ამერიკული მედია ავრცელებს.

სასამართლომ დაადგინა, რომ ტრამპს სამი წლის განმავლობაში არ მიეცემა უფლება „მოიძიოს სესხი ფინანსური ინსტიტუტისგან, რომელიც დარეგისტრირებულია ნიუ-იორკში“.

გარდა ამისა, ტრამპს დაევალა 355 მილიონი დოლარის გადახდა. სასამართლომ ასევე დაადგინა, რომ ყოფილ პრეზიდენტს სამი წლის განმავლობაში შტატის საწარმოებში თანამდებობების დაკავების უფლება არ ექნება.

აშშ-ის ყოფილ პრეზიდენტს, მის ნათესავებსა და ბიზნეს ორგანიზაციას ბრალად ედებოდათ წლების განმავლობაში ფინანსური თაღლითობა, მათ შორის კომპანიის კაპიტალიზაციის შესახებ ყალბი მონაცემების მიწოდება, რომელიც ან არასაკმარისად იყო შეფასებული ან გადაჭარბებული იყო, ხელსაყრელი პირობებით კრედიტის ასაღებად, ან ნაკლები გადასახადების გადასახდელად.