იყიდება “პატარა უფლისწულის” ავტორის ხელით შესწორებული ნაბეჭდი ტექსტი

ლონდონის წიგნის მაღაზია მყიდველს სთავაზობს ფრანგი მწერლის ანტუან დე სენტ-ეგზიუპერის “პატარა უფლისწულის" მანქანაზე აკრეფილი, ავტორის მიერ ხელით გასწორებული იშვიათ ეგზემპლარს.

პოპულარული რომანის ამ ეგზემპლარს 1,16 მილიონ ევროდ შესთავაზებენ მსურველებს აბუ დაბის ხელოვნების ბაზრობაზე.

ამის შესახებ ცნობა გაავრცელა წიგნის მაღაზია “პიტერ ჰარტინგტონმა,” რომელიც სკრიპტს აფასებს როგორც “იშვიათ და მნიშვნელოვან ლიტერატურულ განძს.”

ბრიტანელი წიგნით მოვაჭრე ასევე იტყობინება, რომ თითქმის ყველა გვერდზეა სენტ-ეგზიუპერის ხელით მიწერილი შენიშვნები. გარეკანს ეტყობა სიგარეტის ჩაქრობის კვალი.

“პიტერ ჰარტინგტონის” თანახმად, ეს არის ერთადერთი ეგზემპლარი, რომელიც ბაზარზეა. ორი სხვა ეგზემპლარი საფრანგეთის ეროვნულ ბიბლიოთეკასა და ტეხასში, ჰარი რენსომის ცენტში ინახება.

“პატარა უფლისწულის” პირველ ნაბეჭდი გამოცემის ტექსტს არც ერთი ხელით აკრეფილი ეგზემპლარის ტექსტი არ ემთხვევა.

ფრანგი მწერალი ანტუან დე სენტ-ეგზიუპერი (1900-1944) თავის წიგნში ჰყვება მეგობრობაზე პატარა უფლისწულსა და მფრინავს შორის, რომელმაც იძულებითი დაჯდა უდაბნოში. წიგნი მსოფლიო ბესტსელერი იყო და რჩება პოპულარულ რომანად, თარგმნილია ბევრ ენაზე, ასევე არაერთ დიალექტზე.