მსოფლიო ამბები

იტალიაში საპარლამენტო არჩევნების შემდეგ, მედიაში უფროდაუფრო ხშირად ისმის მოსაზრება, რომ ქვეყანას მეორე მსოფლიო ომის შემდეგ, პირველად ეყოლება ულტრამემარჯვენე, პოსტფაშისტური ხელისუფლება. არჩევნების გ­ზიტ­პო­ლე­ბის თა­ნახ­მად, ჯორჯია მელონის პარ­ტია „იტა­ლიის ძმე­ბი" (Fratelli d'Italia) ხმე­ბის და­ახ­ლო­ე­ბით 26%-ით იმარ­ჯვებს. ბევრი მიიჩნევს, რომ ეს კონკრეტული პარტია და მისი ლი­დე­რი, ჯორჯა მელონი დი­დად არ დის­ტან­ცირ­დე­ბი­ან ფა­შიზ­მის­გა და ის ერთ-ერთ ყველაზე მემარჯვენე მთავრობას ჩამოაყალიბებს უახლოეს ისტორიაში. მაინც ვინ არის იტალიის პირველი ქალი პრემიერ-მინისტრი და რატომ  გამოიწვია ამდენი ურთიერთგამომრიცხავი ვნებათაღელვა?!

ჯორჯა მელონი 1977 წლის 15 იანვარს დაიბადა. გოგონა 11 წლის იყო, როდესაც მამამ ოჯახი მიატოვა და კანარის კუნძულებზე გადავიდა. გავრცელებული ინფორმაციით, მამამისს ესპანეთის ციხეში 9 წელი მიუსაჯეს ნარკოტრაფიკინგის ბრალდებით.  

1992 წელს, 15 წლის მელონი შეუერთდა ახალგაზრდულ ფრონტს - ნეოფაშისტური პარტიის, იტალიის სოციალური მოძრაობის, ახალგაზრდულ ფრთას. ამ პერიოდშივე მან დააარსა სტუდენტური მოძრაობა Gli Antenati (წინაპრები), რომელიც მონაწილეობდა საჯარო განათლების რეფორმის წინააღმდეგ გამართულ საპროტესტო აქციებში. 

1996 წელს მელონიმ დაამთავრა ამერიგო ვესპუჩის ინსტიტუტი. მისი თქმით, აქ მან მიიღო უმაღლესი სკოლის დიპლომი ენების სპეციალობაში და უმაღლესი შეფასება აიღო. შემდეგ როგორც გაირკვა, ინსტიტუტი არ იყო უცხო ენების სპეციალიზირებული სასწავლებელი, შესაბამისად, არ ჰქონდა ენების დიპლომის გაცემის უფლება. სწორედ ამ ფაქტს მოჰყვა ხანგრძლივი კამათი მისი დიპლომის ნამდვილობის შესახებ

2006 წელს მელონი იტალიის პარლამენტის დეპუტატთა პალატის წევრად აირჩიეს. ამავე დროს დაიწყო ჟურნალისტად მუშაობა. 2008 წელს 31 წლის ჯორჯა მელონი პრემიერ-მინისტრმა სილვიო ბერლუსკონიმ სპორტისა და ახალგაზრდულ საქმეთა მინისტრად დანიშნა, რის შედეგადაც ის იტალიის ისტორიაში ყველაზე ახალგაზრდა ქალი-მინისტრი გახდა.

2008 წლის აგვისტოში მან იტალიელი სპორტსმენებს მოუწოდა, ბოიკოტი გამოეცხადებინათ პეკინის ოლიმპიური თამაშების გახსნის ცერემონიისათვის, ჩინეთის მიერ ტიბეტის წინააღმდეგ განხორციელებული პოლიტიკის გამო - ამის გამო სილვიო ბერლუსკონისა და საგარეო საქმეთა მინისტრის ფრანკო ფრატინის კრიტიკა დაიმსხურა.

2009 წელს, მისი პარტია გაერთიანდა Forza Italia-სთან (FI), ხოლო მელონიმ დაიკავა გაერთიანებული პარტიის ახალგაზრდული განყოფილების თავმჯდომარის თანამდებობა. იმავე წელს მან ხმა მისცა კანონს ევთანაზიის წინააღმდეგ.

2012 წლის დეკემბერში, ჯორჯა მელონიმ, ინიაციო ლა-რუსამ და გვიდო კროზეტომ დააარსეს ახალი პარტია „იტალიელი ძმები“, რომლის სახელიც მომდინარეობს ქვეყნის სახელმწიფო ჰიმნის ტექსტიდან. ის 2014 წლის მარტში გახდა პარტიის პრეზიდენტი. ამავე წლის აპრილში მელონი წარადგინეს იტალიაში ევროპარლამენტის არჩევნების კანდიდატად. პარტიამ მიიღო ხმების 3,7%, ვერ გადალახა 4 %-იანი ბარიერი და შესაბამისად მელონიც ვერ გახდა ევროპარლამენტის წევრი. მან სულ 348 700 ხმა მიიღო. 2018 წელს კი პარტიამ „იტალიის ძმები “ საპარლამენტო არჩევნებში ხმების მხოლოდ 4% მოაგროვა.

ამის შემდეგ ჯორჯა მელონიმ ოპოზიციაში გადაინაცვლა და ბევრი იმუშავა რიტორიკის შერბილებაზე. საგრძნობლად შეამცირა ევროკავშირის საწინააღმდეგო რიტორიკა და კიდევ ერთხელ განაცხადა, რომ მიმ­დი­ნა­რე ომში უკ­რა­ი­ნას უჭერ­ს მხარს. მი­უ­ხე­და­ვად ამი­სა, პარ­ტია, რო­მელ­საც ის ხელ­მძღვა­ნე­ლობს, დიქ­ტა­ტორ ბე­ნი­ტო მუ­სო­ლი­ნის ფა­შის­ტე­ბის იდე­ო­ლო­გი­ა­ზეა დაფუძნებული.

მელონიმ ამჟამინდელი საარჩევნო კამპანია დაიწყო პოპულისტური ლოზუნგით „იტალია და იტალიელები - უპირველეს ყოვლისა!" და განაცხადა, რომ პირველ რიგში ქალი, დედა, იტალიელი და ქრისტიანია. ამა­ვე დროს, წლის და­სა­წყის­ში კიდევ ერთხელ დააფიქსირა მისი მემარჯვენე კონსერვატიული შეხედულებები:

 "დიახ - ტრა­დი­ცი­ულ ოჯახს, არა - LGBTQ მოძ­რა­ო­ბას, დიახ - სექ­სუ­ა­ლურ იდენ­ტო­ბას, არა - ის­ლა­მის­ტურ ძა­ლა­დო­ბას, დიახ - სა­ზღვრე­ბის დაც­ვას, არა - მა­სი­ურ ემიგ­რა­ცი­ას. არა - დიდ სა­ე­თა­შო­რი­სო ფი­ნან­სებსდა არა -  ბრი­უ­სე­ლის ბი­უ­როკ­რა­ტებს!“

2016 წლის 30 იან­ვარს, ერ­თსქე­სი­ა­ნი წყვი­ლე­ბის­თვის ბავ­შვე­ბის მიშ­ვი­ლებს ლე­გა­ლი­ზა­ცი­ის წინააღმდეგ ჩატარებული მა­ნი­ფეს­ტა­ცი­ის დროს, ჯორ­ჯი­ამ სა­ხალ­ხოდ განაცხადა, რომ ფეხ­მძი­მედ იყო. ბავშვის მამა მე­გო­ბა­რი ბი­ჭი ტე­ლე­წამ­ყვანი ან­დრეა ჯამ­ბრუ­ნოა. იმავე წლის 16 სექ­ტემ­ბერს წყვილს გო­გო­ნა ჯი­ნე­ვე­რა შე­ე­ძი­ნა. ისინი დღესაც ერ­თა­დ არიან, თუმ­ცა, მათი თქმით, 7-წლი­ა­ნი თა­ნა­ცხოვ­რე­ბის შემ­დე­გაც, ქორ­წი­ნე­ბას არ ჩქა­რო­ბენ.

2019 წელს მე­ლო­ნი ერთ-ერთ ინ­ტერ­ვი­უ­ში ამ­ბობ­და, რომ რამ­დე­ნი­მე თვის გან­მავ­ლო­ბა­ში მას სდევ­ნი­და მა­მა­კა­ცი, რო­მე­ლიც ამ­ტკი­ცებ­და, რომ მისი ქა­ლიშ­ვი­ლის მამა იყო და ქალ­მა შვი­ლი მოსტა­ცა. მა­მა­კა­ცი მოგ­ვი­ა­ნე­ბით და­ა­კა­ვეს და ში­ნა­პა­ტიმ­რო­ბა მი­უ­სა­ჯეს.

„რამხელა გავლენა ექნება მელონის? იტალია ეკონომიკის საკითხებთან დაკავშირებით პრობლემებს ალბათ არ შექმნის. რომმა ევროკავშირის კორონავირუსის ფონდიდან ყველაზე დიდი თანხა - 200 მილიარდ ევრომდე უნდა მიიღოს. ეს ფული ინფლაციისა და ენერგიის გაზრდილი ფასების ფონზე მართლაც ძალიან გამოადგებათ. მართალია მელონიმ თქვა, ამ თანხის მიღების პირობებზე ახალ შეთანხმებას მივაღწევო, მაგრამ ეს არ მოხდება - ევროკომისია მას მხოლოდ სიმბოლური ცვლილებების განხორციელების საშუალებას მისცემს.

მელონი ევროპის პოლიტიკაზე გავლენას სავარაუდოდ ყველაზე საკამათო სფეროებში იქონიებს, როგორებიცაა იმიგრაცია, აბორტი და ლგბტ უფლებები - ამ საკითხებზე მას აზრი არ შეუცვლია.“ - წერს „რადიო თავისუფლების“ ევროპის ბიუროს რედაქტორი, რიკარდ იოზვიაკმა

ზელენსკი გათავისუფლებულ იზიუმში 

ზელენსკი გათავისუფლებულ იზიუმში.

უკრაინის პრეზიდენტი ვოლოდიმირ ზელენსკი ხარკოვის რეგიონის დეოკუპირებულ ქალაქ იზიუმს ეწვია და განაცხადა, რომ იზიუმის მსგავსად, უკრაინის არმია ყველა ოკუპირებულ უკრაინულ ქალაქსა და სოფელს გაათავისუფლებს.

"ადრე, როდესაც მაღლა ვიყურებოდით, ყოველთვის ლურჯ ცას ვეძებდით. დღეს, როდესაც მაღლა ვიყურებით, მხოლოდ ერთ რამეს ვეძებთ - უკრაინის დროშას. ჩვენი ლურჯ-ყვითელი დროშა იზიუმის თავზე ფრიალებს. და ასე იქნება ყველა უკრაინულ ქალაქსა და სოფელში. ჩვენ ვმოძრაობთ მხოლოდ ერთი მიმართულებით - წინ, გამარჯვებისკენ!", - განაცხადა იზიუმში უკრაინის საჰაერო-სადესანტო დანაყოფით გარშემორტყმულმა ვოლოდიმირ ზელენსკიმ.

25-ე ცალკეული სიჩესლავის საჰაერო-სადესანტო ბრიგადის ინფორმაციის თანახმად, პრეზიდენტმა სამხედროებს მადლობა გადაუხადა უკრაინული ქალაქის გათავისუფლებისთვის და პატივი მიაგო სამშობლოსთვის დაღუპულთა ხსოვნას.

 
 

გასულ შაბათს რუსეთის თავდაცვის სამინისტრომ განაცხადა ორი რეგიონიდან თავისი ძალების გაყვანის შესახებ. თავდაცვის სამინისტროს წარმომადგენელმა იგორ კონაშენკოვმა თქვა, რომ მოხდება „ჯარების გადაჯგუფება ბალაკლიასა და იზიუმის რაიონებიდან დონეცკის რეგიონში“. კონაშენკოვმა განაცხადა, რომ ეს ნაბიჯი გადაიდგა "სპეციალური სამხედრო ოპერაციის" მიზნების მისაღწევად", რომელიც მოითხოვს "ძალისხმევის გაზრდას დონეცკის მიმართულებით".

უკრაინის პრეზიდენტმა, ვოლოდიმირ ზელენსკიმ, თავისი სამსახურის მიერ გავრცელებულ ვიდეოში თქვა, რომ რუსულმა ძალებმა "კარგი გადაწყვეტილება" მიიღეს, რომ გაიქცნენ. ზელენსკიმ 10 სექტემბერს გამოაცხადა, რომ სექტემბრის დასაწყისიდან უკრაინელმა ჯარისკაცებმა გაათავისუფლეს უკრაინის ტერიტორიის 2 ათასი კვადრატული კილომეტრი.

ოკუპანტებისგან გათავისუფლებულ ქალაქ იზიუმში ამჟამად "ძალიან რთული" ჰუმანიტარული მდგომარეობაა. ამის შესახებ იზიუმის საკრებულოს დეპუტატმა მაქსიმ სტრელნიკმა 13 სექტემბერს რადიო თავისუფლებასთან კომენტარში განაცხადა. მისი თქმით, ასევე არსებობს პრობლემები საკვებთან და ჰიგიენურ პროდუქტებთან დაკავშირებით, მაგრამ დეპუტატი იმედოვნებს, რომ ისინი "ძალიან მალე გადაიჭრება". გარდა ამისა, დაგეგმილია იზიუმში რუსული არმიის მიერ განადგურებული გათბობის სისტემების სწრაფად აღდგენა.

 

მანდილოსნები, რომელთაც შვილის ყოლა გვიან გადაწყვიტეს და ბავშვი 33-37 წლის ასაკში, ბუნებრივი გზით გააჩინეს, ორჯერ ზრდიან ალბათობას, რათა დიდხანს იცოცხლონ. ასეთი ინფორმაცია ცოტა ხნის წინ, ამერიკელმა სწავლულებმა გაავრცელეს. გვიან ასაკში დედობამ, შესაძლოა, გარკვეული ნეგატიური შედეგები გამოიწვიოს, მაგრამ მას ბევრი პოზიტივიც ახლავს. ამის დამტკიცება ამერიკელმა სპეციალისტებმა გადაწყვიტეს და სპეციალური გამოკვლევაც ჩაატარეს. მასში აშშ-სა და დანიის მცხოვრები, 5 ათასი მანდილოსანი მონაწილეობდა. კვლევის პროცესში გაირკვა, რომ იმ ქალბატონებს, რომელთაც 33-37 წლის ასაკში გააჩინეს შვილები, ორჯერ მეტი შანსი ჰქონდათ, უფრო დღეგრძელები ყოფილიყვნენ.

დღესდღეობით, მეცნიერები ვერ აანალიზებენ ამ კანონზომიერებას. მათი მოსაზრებით, იმ ქალებს, რომელთაც გვიან ასაკში გადაწყვიტეს და შეძლეს შვილის გაჩენა, უფრო კარგი ჯანმრთელობა აქვთ, ვიდრე მათ სხვა თანატოლებს, რომლებმაც დაფეხმძიმება ვერ მოახერხეს. სამხრეთ კალიფორნიელი სწავლულები კი აცხადებენ, რომ მანდილოსნებს, რომლებიც 30 წლის მერე გახდნენ დედები, შვილის გაჩენა ონკოლოგიური დაავადებებისგან იცავს. გვიანი მშობიარობის წყალობით, მათ თავიდან აირიდეს ესტროგენზე დამოკიდებული კიბოს განვითარება, ასევე, თავს იცავენ უფრო იშვიათი და აგრესიული ონკოლოგიური დაავადებებისგან, რომლებიც ჰორმონებზე დამოკიდებულნი არ არიან.

 

 

მსოფლიოში ყველაზე პატარა ახალშობილი გოგონა, რომელიც ორსულობის 24-ე კვირას გაჩნდა და მხოლოდ 212 გრამს იწონიდა, სინგაპურის საავადმყოფოდან გაწერეს. იუ სუანიმ კლინიკაში 13 თვე გაატარა. ნაადრევი მშობიარობის მიზეზი გოგონას დედის მაღალი წნევა გახდა, რასაც, შესაძლოა, ორივეს - ბავშვისა და დედის სიკვდილი მოჰყოლოდა. ამიტომ, მედიკოსებმა გარისკეს და ვადაზე 4 თვით ადრე, საკეისრო კვეთა ჩაატარეს. მიუხედავად იმისა, რომ ექიმების პროგნოზი დამაიმედებელი არ იყო, ბავშვი გადარჩა. მისი მკურნალობისთვის, მოხალისებმა, დაახლოებით, 367 ათასი დოლარი შეაგროვეს. გოგონა უკვე 6.3 კილოგრამს იწონის და მის სიცოცხლეს საფრთხე აღარ ემუქრება.

სრულფასოვანი სახურავი, რომელიც არა მხოლოდ საიმედოდ ასრულებს მის მთავარ მოვალეობას, იცავს სახლს ნალექებისაგან, არამედ სახლსაც დაამშვენებს, აწარმოებს ელექტროენერგიას და სითბოს. აქვს მუშაობის მინიმუმ 50 წლიანი ვადა და ჩვეულებრივი სახურავის ღირებულება (რომელიც უკვე მოიცავს ინტეგრირებულ მზის ელექტროსადგურს) არის გერმანული კომპანია SolteQ და მისი დამფუძნებლის ბერკაი ბაიერის პროექტი, რომელიც ტესლას მსგავსად აპირებს ენერგიის მიღებას მზის სახურავების მეშვეობით. მაგრამ ამერიკელი კონკურენტისგან განსხვავებით, გერმანული პროდუქტი შეიძლება იყოს უფრო ეფექტური და ხელმისაწვდომი.

„დღეს შედარებით მარტივია იაფია წიაღისეული საწვავის მოხმარების 90% -მდე შემცირება. ჩემი აზრით, არსებობს ”მწვანე” ენერგიის ორი პერსპექტიული წყარო: პირველი მზის ენერგიაა და მეორე ქარის ენერგია. SolteQ სპეციალიზირებულია სუფთა ენერგიის პროდუქტების დიზაინსა და წარმოებაზე, ამიტომ ქარის ენერგიის ინოვაციური გადაწყვეტილებების გარდა, ჩვენ შევქმენით ძალიან ეფექტური SolteQ მზის სახურავები, რომლებიც წარმოქმნიან 36% -მდე მეტ ენერგიას ვიდრე ჩვეულებრივი მზის ელექტროსადგურები, ამბობს ბაიერი.
მიუხედავად იმისა, რომ მზის სახურავის ფილები დიდი ხანია არსებობს, ისინი მხოლოდ შეზღუდული რაოდენობით იყიდებოდა. სამრეწველო სექტორში მრავალწლიანი გამოცდილების წყალობით, ჩვენ შევქმენით სახურავის საფარი, რომელიც 100% -ით შეესაბამება გერმანიის სამშენებლო სტანდარტებს და ყველა პანელი დაუკაშირდება უკვე ინტეგრირებულ უსაფრთხოების სისტემებს."
გთავაზობთ შესანიშნავ პროდუქტებს, მაქსიმალური ელექტროენერგიის წარმოებას გონივრულ ფასად, რაც ყველას შეუძლია, ვისაც ახალი მზის სახურავის შეძენის საშუალება აქვს”, - განმარტავს კომპანიის ხელმძღვანელი.

SolteQ– მა შეიმუშავა სახლების გადახურვის ახალი სისტემა, რომელიც არა მხოლოდ ელექტროენერგიას, არამედ თერმულ ენერგიასაც გამოიმუშავებს: ფოტოელექტრონული სისტემის გარდა, სახურავის მთლიანი ფართობი გამოიყენება როგორც დიდი სითბოს შემგროვებელი.
კომპანია იმედოვნებს, რომ მომავალში თითოეულ სახლს შეეძლება დამოუკიდებლად დაფაროს საკუთარი ენერგეტიკული საჭიროებები. მზის სახურავის ფილები არის მარტივი დასამონტაჟებელი და აქვს დაბალი ფასი.

მხატვარი ჰუ მინ დაიბადა 1955 წელს ჩინეთის სახალხო განმათავისუფლებელი არმიის ოფიცრის ოჯახში. თავადაც მიჰყვა მამის კვალს და მაიორის წოდებას მიაღწია, მაგრამ მხატვრობა ყოველთვის მის მთავარ გატაცებად რჩებოდა.

ნახატების სერიას, ჩინელი ჯარისკაცი გოგონების შესახებ ჰუ მინის შემოქმედებაში განსაკუთრებული ადგილი უკავია. გამხდარი გოგონების ნაცვლად, იგი კომუნისტური პარტიის ძლიერ, მაგრამ წარმოუდგენლად სექსუალურ მებრძოლებს ხატავდა, რომლებიც მამაკაცებთან მხარდამხარე იდგნენ მანქანებსა და ბრძოლის ველზე. ნამდვილი წითელი სექსუალური რეალიზმი სისასტიკისა და სინაზის შესანიშნავი ნაზავია.

 

 

 

დანარჩენი სურათების სანახავად გადადით ლინკზე