რჩეული სტატიები

კატალონიური „ბარსელონას“ პრეზიდენტი, ხუან ლაპორტა ჟურნალისტებს შეხვდა და კლუბში არსებულ მდგომარეობაზე ისაუბრა. ესპანური გრანდის პირველი პირი ყველანაირად ეცადა, ლიონელ მესის თემას არ შეხებოდა და ისე ჩანს, მას რამდენიმე ჟურნალისტი გაფრთხილებულიც ჰყავდა, რომ კითხვები სხვა მიმართულებით დაესვათ, თუმცა მედიის არაერთმა წარმომადგენელმა მოისურვა არგენტინელის თაობაზე კითხვის დასმა და ლაპორტაც იძულებული გახდა, ეპასუხა.

„ასეთი ფინანსური მდგომარეობა „ბარსელონას“ არასოდეს ჰქონია. ჩვენი სახელფასო ფონდი არა მარტო ესპანეთში, არამედ, მთელ ევროპაში ყველაზე მაღალი იყო, გასავალი შემოსავალს 50%-ით აჭარბებდა და გუნდის ხელმძღვანელობა ვალს ვალზე იღებდა. როცა პრეზიდენტი გავხდი, პირველი, რაც გავაკეთე, მესის დავუძახე და ხელფასის დაკლებაზე დაველაპარაკე. ის დამთანხმდა, ხელფასის ლამის ერთი მესამედით შემცირებაზეც კი წამოვიდა და მე სასაყვედურო არაფერი მაქვს. გუნდის სალაროში კი ეს ფულიც არ იყო. მე პირადად დავიარე ყველა ბანკი და ყველასთან ერთი ტექსტით მივდიოდი - მასესხეთ ფული, რათა ლეოს ხელფასი გადავუხადო და შევინარჩუნო. როცა ბანკები იგებდნენ, რომ „ბარსას“ 1.35 მილიარდი ევროს ვალი ჰქონდა, ცივ უარს ამბობდნენ. საბოლოოდ, იძულებული გავხდი მეღიარებინა, რომ მე ფულს არავინ მომცემდა და მესიც გუნდიდან წავიდა“, - განაცხადა ლაპორტამ.

1981 წლის 13 მაისს დიუსელდორფის „რაინშტადიონზე" თბილისის „დინამომ" 2:1 დაამარცხა იენის „კარლ ცაისი" და ევროპის თასების მფლობელთა თასი აღმართა. როგორც შემდეგ აღმოჩნდა, აღმართა უკანასკნელად და არა მხოლოდ ეს თასი. 1981 წლიდან დაიწყო თბილისის „დინამოსა" და ქართული ფეხბურთის იმგვარი დაღმასვლა, რომ მაშინდელი გამარჯვება, 40 წლის შემდეგ დაუჯერებელ ამბად მოჩანს.
დღემდე ძალიან ძვირფასია ეს დღე ყველა ქართველისთვის, რადგან თაობებს გადაეცემა ლეგენდად ქცეული გამარჯვება.
კლუბს თავის ისტორიაში შთამბეჭდავი გამარჯვებები აქვს მოპოვებული ევროპული ფეხბურთის გრანდებთან. მათ შორის აღსანიშნავია ინგლისური „ლივერპულის“, „ვესტ ჰემის“, უელსის „კარდიფ სიტის“, ნიდერლანდების „ფეიენოორდის“, იტალიის „ნაპოლისა“ და „ინტერის“ დამარცხება.
თავის დროზე „დინამოს“ შემადგენლობაში გამოდიოდნენ ისეთი ცნობილი ფეხბურთელები, როგორებიც არიან ბორის პაიჭაძე, გაიოზ ჯეჯელავა, ავთანდილ ღოღობერიძე, სლავა მეტრეველი, მიხეილ მესხი, მანუჩარ მაჩაიძე, ვიტალი დარასელია, ვლადიმერ გუცაევი, დავით ყიფიანი, რამაზ შენგელია, ალექსანდრე ჩივაძე და სხვები. მათგან რამაზ შენგელია ორჯერ იყო დასახელებული საბჭოთა კავშირის საუკეთესო ფეხბურთელად (1978, 1981), ხოლო თითო-თითოჯერ დავით ყიფიანი (1977) და ალექსანდრე ჩივაძე (1980).
1990 წლიდან კლუბმა დაასრულა საბჭოთა კავშირის საფეხბურთო ჩემპიონატებში ასპარეზობა და მას შემდეგ უცვლელად მონაწილეობს საქართველოს ეროვნული ლიგის პირველობაზე. ამ პერიოდისათვის „დინამოს“ სახელი გადაერქვა და „იბერია“ ეწოდა, თუმცა ამ სახელის არაპოპულარობის გამო თავდაპირველი სახელი დაუბრუნდა და დღემდე ამ სახელით აგრძელებს მოღვაწეობას.

საქართველოს საფეხბურთო ნაკრების ახალმა მთავარმა მწვრთნელმა, ვილი სანიოლმა ზუსტად იცოდა, რომ ურთულესი დებიუტი ექნებოდა. ჯერ შვედეთთან გასვლითი შეხვედრა, შემდეგ თბილისში ესპანეთის მიღება და ბოლოს საბერძნეთთან სტუმრობა. თან ეს ყველაფერი ერთი კვირის განმავლობაში. ამის მიუხედავად, ფრანგი სპეციალისტი იმედს არ კარგავდა და მკაფიოდ ამბობდა, ჩვენ უნდა შევუტიოთ, დაცვაში ყოფნით გოლს ვერ გავიტანთო.

საბერძნეთში ჩვენი გუნდი 31 მარტს ითამაშებს, მანამდე კი იმ ორ შეხვედრაზე ვთქვათ, რომელიც 25 და 28 მარტს გამართა და რეალობას რომ მივყვეთ, ლოგიკურად დამარცხდა. ერთ ან მეორე ნაკრებთან ჩვენს გუნდს ქულა მაინც რომ აეღო, სენსაციად მოინათლებოდა. სენსაცია არ შედგა, მაგრამ...

ჯერ ესპანეთზე ვთქვათ, რადგან ემოციები ჯერ კიდევ ცხელია. ჩვენი ბოლო შეხვედრა 2016 წელს, ამხანაგური მატჩის რანგშ შედგა და მაშინ საქართველომ ესპანეთში 1:0 იმარჯვა. რაღა თქმა უნდა, ეს ამბავი ჩვენც გვახსოვდა და პირენეელებსაც. თუმცა, არ იმჩნევდნენ, რომ თნდაც ქულის დაკარგვის შიში ჰქონდათ. მითუმეტეს იმის ფონზე, რომ პირველ ტურში საბერძნეთთან შინ 1:1 გააგორეს და გულშემატკივრის გულისწყრომა დაიმსახურეს. მოკლედ, შეხვედრა ესპანელთა უპირატესობით კი დაიწყო, მაგრამ ჩვენები მალე მოვიდნენ აზრზე და გონივრულადაც რამდენჯერმე შეუტიეს. საბოლოო ჯამში, მონდომებამ და ბრძოლამ შედეგი გამოიღო და რაც მთავარია, გოლი ხვიჩა კვარაცხელიამ გაიტანა. კვარას გოლი კი აუცილებელი ორი მიზეზით გახლდათ - ჯერ ერთი, დავწინაურდით და მეორეც, „დინამო არენას“ ტრიბუნაზე მინიმუმ ხუთი ევროპული გრანდ-კლუბის სკაუტი იჯდა და სწორედ კვარაცხელიას თამაშს აკვირდებოდა. მათ შორის, მილანის „ინტერისა“ და ტურინის „იუვენტუსის“ წარმომადგენლებიც. მოკლედ, კვარაცხელიას მთლიანობაში ურიგოდ ნამდვილად არ უთამაშია, ესპანელებმა ორი ყვითელი ბარათი სწორედ მასზე აიკიდეს და თუ სკაუტებს მართლა რამე აინტერესებდათ, ბოლომდე დაიკმაყოფილებდნენ. გოლი პირველი ტაიმის მიწურულს გავიტანეთ და შესაბამისად, შესვენებაზე ერთბურთიანი უპირატესობით გავედით. ეს კი იმას ნიშნავდა, რომ სანიოლს მინიმუმ 15 წუთი ექნებოდა ბიჭებისთვის ჭკუის დასარიგებლად. ვფიქრობთ, მთავარი შეცდომაც სწორედ ტაიმებს შორის, შესვენებაზე დავუშვით.

მეორე ნახევარში, ჩვენი გუნდი ლამის მთელი შემადგენლობით უკან ჩადგა და მეტოქის შეცდომას დაელოდა. ესპანეთი კი ის გუნდი არ გახლავთ, ერთ შეხვედრაშ რამდენჯერმე შეცდეს. ისინი მიზანმიმართულად, კონკრეტული გეგმითა და მონახაზით გვიტევდნენ. საქართველოს ნაკრები კი არა, მსოფლიოს ნაკრები რომ დაუყენო ესპანეთს და შეუძახო, შემომიტიეო, გოლს აუცილებლად გაიტანს. ჩვენც გაგვიტანეს და... საკუთარ საჯარიმოში უფრო ჩავჯექით, რათა ქულა გადაგვერჩინა. აქაც შევცდით - კარამდე რომ არ მივუშვით, მეტოქემ შორიდან სცადა ბედი და გაუმართლა (ძლიერებს უმართლებთ).

რაც შეეხება შვედეთთან მატჩს. შანსები იქაც გვქონდა, გატანა იქც შეგვეძლო, მაგრამ არ გაგვიმართლა. სამაგიეროდ, შვედებმა გაგვიტანეს კლასის ხარჯზე, თუმცა ნამატჩევს გულშემატკივარიც და მედიაც მათ უფრო აკრიტიკებდა ცუდი ხარისხის ფეხბურთის გამო. წინ კი საბერძნეთთან მატჩია, ნაკრებთან, რომელთან თამაში მუდმივად გვიჭირს და დალხენილი არც 31 მარტის შეხვედრა იქნება. ალბათ, არ არსებობს საქართველოში გულშემატკივარი, რომელიც მსოფლიოს 2022 წლის ჩემპიონატის შესარჩევი ეტაპის საწყის ორ შეხვედრაში ქულათა მაქსიმუმს ელოდა. ორი მარცხის მიუხედავად, გაგიკვირდებათ და, ჩვენმა გუნდმა ფეხბურთი ითამაშა.

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

შერმადინი რუსებმა ქვეყანაში არ შეუშვეს

საკალათბურთო ჩემპიონთა ლიგის რვათა ფინალი რუსეთის ქალაქ ნიჟნი ნოვგოროდში სტარტს დღეს აიღებს. ამ ტურნირში ესპანური „ტენერიფეც“ მონაწილეობს, რომელიც თავის პირველ შეხვედრას 6 მაისს „სტრასბურგთან“ გამართავს. რაღა თქმა უნდა, ესპანური კლუბი რუსეთში რამდენიმე დღით ადრე ჩაფრინდა, მაგრამ რად გინდა - გუნდის ლიდერი და ესპანეთის ჩემპიონატის ერთ-ერთი საუკეთესო ცენტრი, გიორგი შერმადინი ქვეყანაში არ შეუშვეს. როგორც კლუბის წარმომადგენლებს რუსმა მებაჟეებმა აუხსნეს, შერმადინი ქართველია და ორ ქვეყანას შორის არსებული ურთიერთობის გამო, ჯერ დეტალებში უნდა გაერკვნენ.

გიორგის თანაგუნდელმა მარსელინიო უერტასმა სოციალურ ქსელში დაწერა, რომ მნიშვნელოვანი მატჩი ელით, მათი გუნდის საუკეთესო კალათბურთელმა, 216 სმ სიმაღლის შერმადინმა კი ღამე აეროპორტში პატარა დივანზე გაათენა. უერტასმა პოსტს ფოტოც დაურთო, თუ სად გაატარა ღამე ჩვენებურმა.

მეორე დღეს საქმეში უკვე ფეხბურთის ევროპული ფედერაცია ჩაერთო და შერმადინი გუნდს შეუერთდა. იმედი გვაქვს, ადგილობრივებთან შეხვედრის შემდეგ, რუსები გიორგის შეშვებას მწარედ ინანებენ.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

7 თებერვალს, 15.00 საათზე, მთელი საქართველო, დიდი ალბათობით, ტელევიზორს ორი საათით მიეჯაჭვება. რაგბი ევროპის 2020 წლის მატჩი საქართველოსა და რუსეთს შორის პანდემიის გამო გადაიდო და ახლა ტარდება. სუფთა სპორტული თვალსაზრისით, რა შედეგითაც უნდა დასრულდეს შეხვედრა, 2020 წლის რაგბი-ევროპა საქართველოს მოგებული აქვს, მაგრამ როცა მეტოქე რუსეთია...
რუსეთის ნაკრები ამ შეხვედრისთვის ზედმეტად სერიოზულადაც კი ემზადება. ნაკრებს მთავარ მწვრთნელად ახალზელანდიელი ლინ ჯონსი ჰყავს და სწორედ ის ამბობს, რომ ქართველების დამარცხება შესაძლებელია. მისივე აზრით, მთავარი პრობლემა რუსებს ფსიქოლოგიაში აქვთ. საქართველო და რუსეთი ერთპამეთს პირველად 1993 წელს შეხვდნენ და მაშინ რუსებმა 15:9 იმარჯვეს. ეს იყო პირველი და უკანასკნელი შემთხვევა, როცა რუსებმა საქართველოსთან მოგებით გაიხარეს. მას შემდეგ 22 მატჩი ჩატარდა, ერთადერთი შეხვედრა დასრულდა ფრედ, დანარჩენში კი საქართველომ იმარჯვა. „ბორჯღალოსნებს“ ზედიზედ 18 მატჩი აქვთ მოგებული და რაღა თქმა უნდა, ფსიქოლოგიური პრობლემა რუსებს აუცილებლად ექნებათ.
ჯონსმა რუსეთში მოთამაშე ქართველი ლეგიონერებისგან გუნდი გააკეთა და რუსეთის ნაკრები გააჯიბრა, ქართველთა პლუს-მინუსები რომ უკეთ გაეგო. ჰოდა, ახლა ახალზელანდიელი სპეციალისტი რუსულ მედიას ეუბნება, თუ საქართველოს დავამარცხებ, პუტინმა ეროვნული გმირის ორდენი უნდა მომცესო.
მოკლედ, 7 თებერვალს, 15.00 საათზე...

ბათო ჯაფარიძე

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

„მადლობა ღმერთს იმისთვის რაც მომცა დღემდე იყო ბევრი სიხარული ბევრი გულის ტკენა მარა ამ ყველაფერმა მე ძალიან გამაძლიერა როგორც პიროვნება.
მადლობა ჩემს ოჯახს, ჩემს მეუღლეს ჩემს შვილებს რომლებმაც ჩემ ცხოვრებაში უდიდესი როლი შეასრულეს! ვამაყობ თქვენით მადლობა ყვეას ვინც დღემდე გვერდში მედგა ვერასოდეს გადავიხდი თქვენს ამაგს
მაგრამ დგება ცხოვრებაში მომენტი როცა რაღაც მთავრდება და ეს ის დღეა როცა ჩემთვის სპორტული კარიერა დასრულადა. ვერასოდეს გადავიხდი თქვენს ამაგს ერთგულო გულშემატკივრებო. ვერ შევძელი ვიცი თქვენი გახარება:( მტკივა მაგრად ეს ყველაფერი და ალბათ დიდხანს გამყვება ცხოვრებაში უბრალოდ შეუძლებელია ყველაფერი თქვა ამ დროს მაგრამ მინდა იცოდეთ რო უზომოდ მიყვარხართ
იმედია სხვა ცხოვრებაში შევძლებ ცოტათი მაინც შევძლო თქვენი გახარება
ბევრი რამის თქმა მინდა მაგრამ ვერ ვახერხებ იმედია ოდესმე შევძლებ რო ყველაფერი გითხრათ ყველას.“

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

ქართველი მძიმეწონოსანი ძალოსანი ლაშა ტალახაძე ტოკიოს ოლიმპიურ თამაშებზე ატაცის ვარჯიშის შემდეგ პირველ ადგილზეა. ტალახაძემ პირველ ცდაზე 208 კგ, მეორეზე 215 კგ, მესამეზე კი 223 კგ ასწია.

აღსანიშნავია, რომ ატაცში 223 კილოგრამის აწევით ლაშამ +109 კგ წონით კატეგორიაში მსოფლიო და ოლიმპიური რეკორდები დაამყარა.

მეორე ადგილზე 200 კილოგრამით ირანელი ალი დავუდია, მესამეზე კი 190 კილოგრამით სირიელი მან ასაადი.

წინ არის შეჯიბრი აკვრაში, რის შედეგადაც +109 კგ წონით კატეგორიაში ორჭიდში დაფიქსირებული შედეგების საფუძველზე მედალოსნების ვინაობა გაირკვევა.

ოლიმპიურ თამაშებზე საქართველო 35 სპორტსმენით ასპარეზობს სპორტის 11 სახეობაში. ოლიმპიადა 2021 წლის 23 ივლისიდან 8 აგვისტომდე იმართება. იმ სპორტსმენების სრული სია, ვინც ტოკიოს ოლიმპიადაზე გაემგზავნენ, იხილეთ ამ ბმულზე.

საქართველოს პრემიერ-მინისტრის, ირაკლი ღარიბაშვილის განცხადებით, სპორტსმენი, რომელიც ოლიმპიური ჩემპიონის ტიტულს მოიპოვებს, ერთ მილიონ ლარს მიიღებს.

ამ დროისთვის, საქართველოს ანგარიშზე ერთი ოქროს, ოთხი ვერცხლის და ერთი ბრინჯაოს მედალია. ერთადერთი ოქრო 21 წლის ძიუდოისტმა, ლაშა ბექაურმა მოიპოვა.

გურამ თუშიშვილმა რუსი ძიუდისტი ტამირლან ბაშაევი იპონით დაამარცხა და ფინალში გადავიდა. 

შეგახსენებთ, რომ ოლიმპიადის გამარჯვებული, ოქროს მედალოსანი 21 წლის ძიუდოისტი ლაშა ბექაურია, ვერცხლის მედლები კი ვაჟა მარგველაშვილმა და ლაშა შავდათუაშვილმა მოიპოვეს.

საქართველოს პირველი ოქრო ოლიპიადაზე! - ტოკიოში მიმდინარე ოლიმპიურ თამაშებზე ძიუდოს ტურნირში ლაშა ბექაური ოლიმპიური ჩემპიონი გახდა და ოქროს მედალი მოიპოვა. მან 90 წონით კატეგორიაში ისპარეზა და გერმანელი მეტოქე დაამარცხა.

ლაშა ბექაური (დ. 26 ივლისი, 2000 წელი, არხილოსკალო, საქართველო) — ქართველი ძიუდოისტი. საერთაშორისო ტურნირებზე ასპარეზობს საქართველოს სახელით. მის ბოლო გამარჯვებებს შორის არის 2021 წლის ევროპის ჩემპიონის ტიტული. ასევე, პირველი ადგილი 2019 წლის მსოფლიოს ახალგაზრდულ ჩემპიონატზე 90 კგ წონით კატეგორიაში და ასევე პირველი ადგილი 2019 წლის ევროპის ახალგაზრდულ ჩემპიონატზე 90 კგ წონით კატეგორიაში. აღსანიშნავია, რომ ლაშა ბექაური ძიუდოში მსოფლიოს ახალგაზრდული ჩემპიონატის გამარჯვებული 2018 წელსაც გახდა, ბაჰამის კუნძულების დედაქალაქ ნასაუში.