რჩეული სტატიები

შვედეთის ქალაქი მალმიო, როზენგარდის რაიონი. იქ ჩასახლებულ ბოსნიელ კაცსა და ხორვატ ქალს შვილი ეყოლათ, მაგრამ როგორც მერე მეზობლები ამბობდნენ, ბავშვი მათ არაფერში სჭირდებოდათ. ბიჭი ორი წლის იყო, როცა მშობლები დაშორდნენ, მამა გალოთდა და ქუჩაში ეძინა, დედა კი ფულს მეძავობით შოულობდა და სახლში ყოველ დღე სხვადასხვა მამაკაცთან ერთად ბრუნდებოდა. რამდენჯერმე მეზობლებმა მისი გასახლება მოითხოვეს, მაგრამ ეს ყველაფერი ვერ დაასაბუთეს.

ასეთ პირობებში იზრდებოდა ბიჭი, რომელიც ფიზიკური მონაცემების წყალობით, მალე მოექცა ადგილობრივი კრიმინალების თვალთახედვის არეში და არც თუ იშვიათად, წვრილმან ქურდობაზე ვარდებოდა კიდეც, თუმცა შვედური ჰუმანური კანონების მიხედვით, მას ციხეში არ უშვებდნენ, ფსიქოლოგებთან დაჰყავდათ, ეს იყო მიზეზი თუ სხვა რამ, 12-13 წლის ასაკშ, ბიჭმა კარატეზე სიარული დაიწყო და კარგი შედეგებიც ჰქონდა. ამის მიუხედავად, 14 წლის ასაკში ის კარატეს პარალელურად, ფეხბურთსა და ველოსპორტზე შევიდა, რათა მოზღვავებული ენერგია როგორმე დაეხარჯა. საბოლოო ჯამში, ის ფეხბურთს შემორჩა, თუმცა კი, კარატეშიც სერიოზული შედეგები ჰქონდა, მაგრამ როცა არჩევანის გაკეთება გახდა საჭირო, მან ფეხბურთი აირჩია. ბოსნიელი ლოთი მამაკაცისა და ხორვატი მეძავის შვილს მსოფლიო ზლატან იბრაჰიმოვიჩის სახელით იცნობს.

ინდონეზიის კუნძულ ჯავას აღმოსავლეთ ნაწილის კლუბმა „არემამ“ გასულ უქმეებზე, საკუთარ მოედანზე პრინციპულ მეტოქესთან, „პერსებაიასთან“ 3:2 წააგო. რა თქმა უნდა, ინდონეზიის ჩემპიონატის შეხვედრა ჩვენს ყურადღებას არანაირად არ მიიპყრობდა, რომ არა ერთი ფაქტი - მატჩის შემდგომ, გაბრაზებული გულშემატკივარი მოედანზე შეიჭრა და ფეხბურთელებს ფიზიკურად გაუსწორდა. უფრო სწორედ, მათ ამის გაკეთება დააპირეს და საქმეში სამართალდამცავები ჩაერთვნენ. პოლიციელთა გამოჩენამ მაყურებელი უფრო გააღიზიანა და მოედანზე ლამის მთელი ტრიბუნა ჩამოვიდა. საობლოო ჯამში, საფეხბურთო მატჩი გულშემატკივრებსა და პოლიციის სპეცდანიშნულების დანაყოფს შორის სისხლიან შეტაკებაში გადაიზარდა.

„ასე გაგრძელება აღარ შეიძლება. შეწყდება ყველა საფეხბურთო ღონისძიება, სანამ არ გავერკვევით, რა გვჭირს და საით მიუდივართ. ყოველი საფეხბურთო მატჩის დასრულებას მხოლოდ მე კი არა, მთელი ქვეყანა შიშით ელოდება. ან ფეხბურთს საერთოდ არ ვითამაშებთ, ან თამაშის ყურებას ვისწავლით“,-გაცოფებული იყო ინდონეზიის პრეზიდენტი და მართალიც გახლდათ - აღნიშნულ შეტაკებას ორივე მხრიდან 174 ადამიანი ემსხვერპლა.

იმის მიუხედავად, რომ ლამის ორი წელი გავიდა, რაც ლიონელ მესი „ბარსელონადან“ „პსჟ“-ში გადაბარგდა, კატალონიემა გულშემატკივარმა მაინც ვერ მოინელა მისი გაშვება და კლუბის ხელმძღვანელობას დღემდე აკრიტიკებს. როგორც ჩანს, „ბარსას“ შეფების მოთმინების ფიალა აივსო და მათ ოფიციალური განცხადება გააკეთეს, თუ რა გახდა რეალურად არგენტინელის გაშვების მიზეზი. კლუბმა გამოაქვეყნა იმ მოთხოვნების ჩამონათვალი, რომელიც ლეოს ახალი კონტრაქტის სანაცვლოდ სურდა. მაშ ასე:

პირველ რიგში, მესი 3-წლიანი ხელშეკრულების გაფორმებას ითხოვდა - 2023 წლამდე. მოთხოვნებში იყო ასევე პირადი ვიპ-ლოჟა „ნოუზე კამპზე“ თავისი ოჯახისთვის და ასევე მისი ყოფლი თანაგუნდელის და მეგობრისთვის, ლუის სუარესისთვის. მესი ითხოვდა 10 მილიონი ევროს ოდენობის ბონუსს კონტრაქტზე ხელმოწერისთვის, ანუ ეს თანხა კლუბს უბრალოდ უნდა ეჩუქებინა. ლეოს სურდა, რომ ახალ კონტრაქტში მისი გამოსასყიდი თანხა არ ყოფილი ასტრონომიული, არამედ სიმბოლური და რეალური. კორონავირუსის პანდემიის პერიოდში ხელფასის შემცირებაზე თანახმა იყო, მაგრამ მოგვიანებით დანაკლისის ანაზღაურებას 3%-იანი დანამატით ითხოვდა. გარდა ამ ყველაფრისა, მესის სურდა, რომ შობის დღესასწაულისთვის „ბარსელონას“ მისთვის პირადი თვითმფრინავი დაეფინანსებინა არგენტინაში წასასვლელად და წამოსასვლელად. და ერთიც - მისი მოთხოვნა იყო, რომ გადასახადების გაზრდის შემთხვევაში, ყველა დამატებითი ხარჯი ბარსელონას დაეფარა.

გაგიკვირდებათ და, კლუბი მზად იყო ეს მოთხოვნები შეესრულებინა, მხოლოდ ორი პუნქტის შეცვლას ითხოვდა - კონტრაქტში გამოსასყიდი თანხა უნდა ყოფილიყო ის, რასაც კლუბი გადაწყვეტდა და ლეოს უარი უნდა ეთქვა 10-მილიონიან ბონუსზე, ანუ მხოლოდ ხელმოწერის სანაცვლოდ, 10 მილიონის გადახდა კლუბს არ უნდოდა. ლეოს აგენტები გაჯიუტდნენ და ბოლოს, როცა „ბარსას“ შეფები ფეხბურთელს პირადად ესაუბრნენ, მან დაადასტურა, რომ არაფრის დათმობას არ აპირებდა. საბოლოოდ, შეთანხმება სწორედ ამ ორი პუნქტის გამო ვერ შედგა და ახლა ვინ არის მართალი, თავად გადაწყვიტეთ.

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

შერმადინი რუსებმა ქვეყანაში არ შეუშვეს

საკალათბურთო ჩემპიონთა ლიგის რვათა ფინალი რუსეთის ქალაქ ნიჟნი ნოვგოროდში სტარტს დღეს აიღებს. ამ ტურნირში ესპანური „ტენერიფეც“ მონაწილეობს, რომელიც თავის პირველ შეხვედრას 6 მაისს „სტრასბურგთან“ გამართავს. რაღა თქმა უნდა, ესპანური კლუბი რუსეთში რამდენიმე დღით ადრე ჩაფრინდა, მაგრამ რად გინდა - გუნდის ლიდერი და ესპანეთის ჩემპიონატის ერთ-ერთი საუკეთესო ცენტრი, გიორგი შერმადინი ქვეყანაში არ შეუშვეს. როგორც კლუბის წარმომადგენლებს რუსმა მებაჟეებმა აუხსნეს, შერმადინი ქართველია და ორ ქვეყანას შორის არსებული ურთიერთობის გამო, ჯერ დეტალებში უნდა გაერკვნენ.

გიორგის თანაგუნდელმა მარსელინიო უერტასმა სოციალურ ქსელში დაწერა, რომ მნიშვნელოვანი მატჩი ელით, მათი გუნდის საუკეთესო კალათბურთელმა, 216 სმ სიმაღლის შერმადინმა კი ღამე აეროპორტში პატარა დივანზე გაათენა. უერტასმა პოსტს ფოტოც დაურთო, თუ სად გაატარა ღამე ჩვენებურმა.

მეორე დღეს საქმეში უკვე ფეხბურთის ევროპული ფედერაცია ჩაერთო და შერმადინი გუნდს შეუერთდა. იმედი გვაქვს, ადგილობრივებთან შეხვედრის შემდეგ, რუსები გიორგის შეშვებას მწარედ ინანებენ.

27 თებერვალს, საქართველოს მორაგბეთა ნაკრები 250-ე შეხვედრას გამართავს. რაგბი ევროპის ჩემპიონატის (პარალელურად, მსოფლიო თასის შესარჩევი) ეგიდით, „ბორჯღალოსნები“ „დინამო არენაზე“ რუსეთს შეხვდებიან. ბილეთების გაყიდვა უკვე დაწყებულია და რაგბის კავშირი ამასთან დაკავშირებით სპეციალურ განცხადებას ავრცელებს:

ქვეყანაში მოქმედი კოვიდრეგულაციებიდან გამომდინარე, თამაშზე გულშემატკივრების მხოლოდ 33 პროცენტი დაიშვება.

- აუცილებელი კოვიდშემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, შესასვლელში უნდა წარმოადგინოთ:

- თამაშის (ელექტრონული) ბილეთი და პირადობის დამადასტურებელი მოწმობა;

- კოვიდვაქცინაციის დამადასტურებელი დოკუმენტი (სასურველია ამობეჭდილი QR კოდით);

- ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

- ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

- ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა (ამობეჭდილი);

- ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

- ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

- სტადიონის ტერიტორიაზე სავალდებულოა პირბადის ტარება;

- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

რუსეთის ნაკრები მოსამზადებელ შეკრებაზე თურქეთში იმყოფება და რა ძნელი მისახვედრია, რომ ისინი საქართველოსთან მატჩისთვის განსაკუთრებით ემზადებიან. მათ რიგებში კი სიახლეა - რუსეთის ნაკრებში ორი ქართველი ახალწვეულია - ყაზანის „სტრელას“ წევრი ნიკოლაი კაზალიკაშვილი და ფრანგული „კარკასონის“ მორაგბე ნიკოლოზ ნარმანია. ეს უკანასკნელი თავის დროზე საქართველოს 18-წლამდელთა ნაკრებშ გამოდიოდა, ახლა 21 წლის გახლავთ და... ასპარეზობა რუსეთის ეროვნულ გუნდში გადაწყვიტა. ყველამ თავის საქმე იცის, მაგრამ, საქართველოს დედაქალაქში, რუსეთის ჰიმნზე ამღერებული ქართველი ცოტა არ იყოს უცნაური სანახავია.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

„მადლობა ღმერთს იმისთვის რაც მომცა დღემდე იყო ბევრი სიხარული ბევრი გულის ტკენა მარა ამ ყველაფერმა მე ძალიან გამაძლიერა როგორც პიროვნება.
მადლობა ჩემს ოჯახს, ჩემს მეუღლეს ჩემს შვილებს რომლებმაც ჩემ ცხოვრებაში უდიდესი როლი შეასრულეს! ვამაყობ თქვენით მადლობა ყვეას ვინც დღემდე გვერდში მედგა ვერასოდეს გადავიხდი თქვენს ამაგს
მაგრამ დგება ცხოვრებაში მომენტი როცა რაღაც მთავრდება და ეს ის დღეა როცა ჩემთვის სპორტული კარიერა დასრულადა. ვერასოდეს გადავიხდი თქვენს ამაგს ერთგულო გულშემატკივრებო. ვერ შევძელი ვიცი თქვენი გახარება:( მტკივა მაგრად ეს ყველაფერი და ალბათ დიდხანს გამყვება ცხოვრებაში უბრალოდ შეუძლებელია ყველაფერი თქვა ამ დროს მაგრამ მინდა იცოდეთ რო უზომოდ მიყვარხართ
იმედია სხვა ცხოვრებაში შევძლებ ცოტათი მაინც შევძლო თქვენი გახარება
ბევრი რამის თქმა მინდა მაგრამ ვერ ვახერხებ იმედია ოდესმე შევძლებ რო ყველაფერი გითხრათ ყველას.“

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

 

წინ მარტი და პლეი-ოფი გველის

საქართველოს ეროვნულმა ნაკრებმა ერთა ლიგის წლევანდელი გათამაშების ჯგუფური ეტაპი დაასრულა. ჩვენმა გუნდმა გიბრალტარში 2:1 მოიგო და თუ ვინმეს თამაშის ხარისხი არ მოეწონა, შევახსენებთ, რომ მატჩ ხელოვნურსაფარიან მოედანზე გაიმართა და ასეთ მოედანზე ტრავმის მიღების შანსი ძალიან დიდია. აკი დაგვემტვრა კიდეც გიორგი ლორია და მეორე ტაიმში ის გიორგი მამარდაშვილმა ჩაანაცვლა. დასრულდა ეს ეტაპი და დასრულდა ისე, როგორც ალბათ ვერავინ იფიქრებდა, რადგან არამარტო ჯგუფში, არამედ C დივიზიონში, საუკეთესო შედეგი ვაჩვენეთ და პირველი ადგილი დავიკავეთ. რას ნიშნავს ეს? ყველაზე მთავარი სწორედ ახლა იწყება.

2024 წლის ევროპის ჩემპიონატის ფინალურ ეტაპზე რომ ვითამაშოთ, ორად ორი შეხვედრის მოგება გვინდა. C დივიზიონიდან პლეი-ოფში ჩვენს გარდა თურქეთ, საბერძნეთი და ყაზახეთი გავიდნენ. ჩვენი მეტოქე საბერძნეთი ან ყაზახეთი იქნება (უდიდესი ალბათობით, ეს უკანასკნელი) და იმის გამო, რომ C დივიზიონში საუკეთესო შედეგი გვაქვს, ½-ფინალის ერთმატჩიან დაპირისპირებას საკუთარ კედლებში გავმართავთ, ანუ ყაზახეთს ან საბერძნეთს თბილისში ვუმასპინძლებთ. მეორე ფინალური წყვილი, მეორე ½-ფინალიდან გამოვლინდება და რომელი ნაკრების მოედანზე გაიმართება გადამწყვეტი შეხვედრა, ამას უკვე კენჭისყრა გაარკვევს.

მოკლედ რომ ვთქვათ, ევროპის ჩემპიონატის ფინალურ ეტაპზე მოსახვედრად, ორი მატჩის მოგება გვჭრდება და ეროვნული გუნდის ამ შემადგენლობას, აღნიშნულის გაკეთება შეუძლია. C დივიზიონში პირველობის გარდა, ბომბარდირობა 5 გატანილი გოლით< არავის დაუთმო ხვიჩა კვარაცხელიამ, რაც ასევე გამოსარჩევი ამბავია. ჩვენმა ნაკრებმა სულ 16 გოლი გაიტანა და თითქმის მესამედი კვარაზე მოდის.

შეგახსენებთ, რომ საქართველოს საფეხბურთო ნაკრებს,ევროპისა და მსოფლიოს ჩემპიონატების ფინალურ ეტაპზე არასდროს უთამაშია. ყველაზე რეალური შანსი ორიოდე წლის წინ გვქონდა, როცა საამისოდ მაკედონიის შინ დამარცხება იყო საჭირო, მაგრამ მაშინ მაკედონიელებმა „დინამო არენაზე“ მინიმალური ანგარიშით მოგვიგეს და ევროპაზე თავად (მათაც პირველად) ითამაშეს. ევროპისკენ სავალ გზაზე კი ახლა 3 ნაკრებია - ყაზახეთი, საბერძნეთი, თურქეთი. ამ სამიდან, ორის დამარცხება მოგვიწევს და ეს აუცილებლად უნდა მოვახერხოთ.

ფეხბურთის მეფედ აღიარებული პელე, სოციალურ ქსელში, საკუთარ გვერდზე, დედოფალ ელისაბედ II-ის გარდაცვალებას გამოეხმაურა. 1966 წელს, მსოფლიოს ჩემპიონატი ინგლისში გაიმართა და რა თქმა უნდა, მაშნ თამაშებს ელისაბედ II-ც ესწრებოდა, თუმცა იმ მუნდიალზე, პელემ უმძიმესი ტრავმა მიიღო და მათი შეხვედრა ვერ შედგა. სამაგიეროდ, 2 წლის შემდეგ, დედოფალი ბრაზილიაში ჩავიდა და გადავსებულ „მარაკანაზე“ პელეს ხელი ჩამოართვა.

ცნობისთვის, 1997 წელს, ელისაბედ II-მ პელე რაინდად აკურთხა და ასეთი პატივი სულ ოთხ უცხოელ ფეხბურთელს ხვდა წილად. პელეს გარდა, ელისაბედ II-მ რაინდად ნაილ ქუინსი (ირლანდია), პეტერ შმეიხელი (დანია) და ჯანფრანკო ძოლა (იტალია) აკურთხა. პელეს გარდა, თითოეულ მათგანს ტიტული ინგლისურ ფეხბურთში შეტანილი წვლილისთვის ერგო.

 

იმ კლუბებს, რომლებსაც კრიშტიანუ რონალდუს დამატება არ სურთ, მადრიდის „რეალი“ და ტურინის „იუვენტუსი“ დაემატნენ. ტურინული კლუბის წარმომადგენელმა ოფიციალურად განაცხადა, რომ პორტუგალიელის დაბრუნებას არ აპირებს, ხოლო „რეალის“ პრეზიდენტ ფლორენტინო პერესს პირდაპირ პრესკონფერენციაზე ჰკითხეს, განიხილავდა თუ არა ამ მოთამაშის დაბრუნების შესაძლებლობას.

„რონალდუ?! კი, მაგრამ, ის ხომ უკვე 38 წლის არის“, - მოკლედ მოჭრა პერესმა და საკითხი დახურა.

ყველაფრის მიუხედავად, გულშემატკივარი იმაში მაინც იყო ბოლომდე დარწმუნებული, რომ რონალდუს „მანჩესტერ იუნაიტედში“ თამაშის პრობლემა არ ექნებოდა, თუმცა ინგლისური კლუბის ახალმა თავკაცმა, ერიკ ტენ ჰაგმა, პრემიერლიგის ახალი სეზონის პირველ ტურში, რონალდუ სათადარიგოთა სკამზე დატოვა და მხოლოდ შეცვლაზე შეუშვა. შედეგად, „მანჩესტერმა“ საკუთარ მოედანზე „ბრაიტონთან“ 1:2 წააგო და როგორ გგონიათ, გულშემატკივარმა ტენ ჰაგს რა ურჩია? სწორია - რონალდუს ძირითადში დაბრუნება.