ევროპაში ახალი სეზონი აგვისტოში იწყება, მანამდე კი კლუბები გაძლიერებას ცდილობენ. ვიღაც ჰყიდის, ვიღაც ყიდულობს და ამ ორომტრიალში ქართული გვარებიც ისმის. უპირველესად კი გიორგი მამარდაშვილის, რომლის გადაბირების სურვილიც არაერთ გუნდს აქვს და სწორედ ამიტომ, ქართველი მეკარის წარმომადგენლები ხან ესპანეთში არიან, ხან - ინგლისში და ხანაც - გერმანიაში. ევროპული მედია ამტკიცებს, მამარდაშვილის გადაბირებით მიუნხენის „ბაიერნია“ დაინტერესებული და მხარეებმა ერთი შეხვედრა უკვე გამართეს კიდეც.

„ერთადერთი, რაც გერმანულ მხარეს არ მოსწონს, ქართველი მეკარის ფასია. „ვალენსიას“ მის სანაცვლოდ, ყველაზე ცოტა, 25 მილიონი ევროს მიღება სურს, „ბაიერნი“ კი მხოლოდ 15 მილიონის გადახდაზეა თანახმა. თუმცა, თუ უახლოეს მომავალში, ბავარიელებმა ახალი მეკარე ვერ მონახეს, იძულებულები გახდებიან, მამარდაშვილში 25 მილიონი გადაიხადონ“, - წერს გერმანული მედია.

რეალურად, „ბაიერნი“ მართლაც ურთულეს დღეშია. გუნდის ძირითადმა კიპერმა და კაპიტანმა მანუელ ნოიერმა, გასული წლის ნოემბერში ფეხი მოიტეხა და ვარჯიში ჯერაც არ დაუწყია. ამასთან, 27 მარტს, ნოიერი 37 წლის გახდა და მასზე გრძელვადიანი გათვლის გაკეთება ძნელია. მეორე და მესამე მეკარეები, შესაბამისად, იან ზომერი და ალეკსანდრ ნიუბელი კი გუნდიდან უკვე წავიდნენ ანუ ჩემპიონატი დღეს რომ დაწყებულიყო, „ბაიერნის“ ხელმძღვანელობას მეკარის აყვანა ბავშვთა გუნდიდან მოუწევდა. სწორედ ეს ზრდის მამარდაშვილის ბავარიელთა რიგებში გადასვლის შანსს და თუ ეს მოხდება, გიორგი გახდება პირველი ქართველი ფეხბურთელი, ვისაც მიუნხენური გრანდის ძირითადში თამაშის შესაძლებლობა ექნება.

ავტორი: ბათო ჯაფარიძე

ისტორიაში პირველად მოხდა, რომ ტოპ-5 ჩემპიონატის სეზონის საუკეთესო ფეხბურთელად ქართველი დასახელდა. ხვიჩა კვარაცხელია სერია A-ს 2022-23 წლების საუკეთესო ფეხბურთელად დაასახელეს. ეს უშუალოდ იტალიური სერია A-ს არჩევანია.

კვარა, საფეხბურთო სეზონის განმავლობაში, სამჯერ დაასახელეს ტურის საუკეთესო ფეხბურთელად და სიმართლე გითხრათ, ეს საუკეთესოობისთვის სერიოზული განაცხადი იყო. ახლა, რა გამოკითხვაც არ უნდა ჩატარდეს, რომელმა გამოცემამაც არ უნდა დაწეროს საუკეთესოს შესახებ, ან საკუთარი ვერსია შემოგვთავაზოს, ასი წლის შემდეგაც ყველას ეცოდინება, რომ  2022-23 წლებში, სერია A-ს საუკეთესო ფეხბურთელი, ქართველი ხვიჩა კვარაცხელია გახდა.

ავტორი: ბათო ჯაფარიძე

ეს და სხვა საინტერესო სტატიები ნახეთ გაზეთში “ვერსია”

მიმდინარე სეზონის ბოლოს, ფინანსური პრობლემების მოსაგვარებლად, „ვალენსია“ გიორგი მამარდაშვილს და იუნუს მუსას შეელევა. ეს ორი ფეხბურთელი, „ღამურების“ დღევანდელ შემადგენლობაში ყველაზე ძვირადღირებულები არიან და ისინი რომ არ გაასხვისონ და პრიმერადივიზიონში დარჩნენ, ფინანსური პრობლემების გამო, შესაძლოა, მაინც დააქვეითონ. სწორედ ამიტომ, „ვალენსიასთვის“ საუკეთესო შემთხვევაში, მხოლოდ ორი მოთამაშის გაყიდვით გადარჩენა იდეალური გამოსავალია. თანაც, იმის მიუხედავად, რომ როგორც მამარდაშვილის, ისე მუსას შემთხვევაში, გამოსასყიდ თანხად მითითებული 100 მილიონი ევრო ბევრად შემცირდება და საერთო ჯამში,კლუბი  ორივე მოთამაშეს, 45-50 მილიონად შეელევა.

მუსასი რა გითხრათ, მაგრამ მამარდაშვილის შეძენა რამდენიმე პრემიერლიგურ კლუბს სურს. მათ შორის, გრანდებიც არიან, თუმცა „ლივერპულს“, „არსენალსა“ და „მანჩესტერ სიტის“, გიორგი უფრო გრძელვადიანი პერსპექტივისთვის, მეორე კიპერად სურთ, რაც ჩვენებურისთვის კარგი არ უნდა იყოს. სამაგიეროდ, „ლესტერს“, „ვესტ ჰემსა“ და „კრისტალ პალასს“ მამარდაშვილი პირველ მეკარედ სჭირდებათ და ამ სამი კლუბის წარმომადგენელი, „ვალენსიას“ ბოლო თამაშებს ერთგული გულშემატკივარივით არ აცდენს. უდიდესი ალბათობით, „ვესტ ჰემი“ და „კრისტალ პალასი“ პრემიერლიგაში ადგილის შენარჩუნებას შეძლებენ, რასაც „ლესტერზე“ ჯერჯერობით ვერ ვიტყვით და გადაწყვეტილებასაც სეზონის დასრულებისა და სატრანსფერო ფანჯრის გახსნის შემდეგ მიიღებენ.

კალათბურთის საერთაშორისო ფედერაციამ (FIBA) მსოფლიოს 2027 წლისჩემპიონატის მასპინძლობის უფლება ყატარს მიანიჭა.

ტურნირის ყველა მატჩი ქალაქ დოჰაში გაიმართება.

„FIBA მოხიბლული დარჩა ყატარის მიერ შეთავაზებული წინადადებით, კერძოდ, კომპაქტური გეოგრაფიული განლაგებით, მატჩების ჩატარების მოქნილი განრიგით, რათა უკეთ მოვემსახუროთ გულშემატკივრებს.

ყატარის დედაქალაქი დოჰა ერთ-ერთი საუკეთესო მიმართულებაა მსოფლიოში, აქვს პირდაპირი რეისები პოტენციური მონაწილე ქვეყნების უმრავლესობასთან, ცოტა ხნის წინ მოდერნიზაცია ჩაუტარდა მეტროს და საზოგადოებრივი ტრანსპორტიაერთიანებს ყველა ადგილს, უზრუნველყოფს უმაღლესი ხარისხის სერვისს ყველასტუმრისთვის.

იმის გამო, რომ ყველა გუნდი ერთ ქალაქში თამაშობს, გულშემატკივრებს შეუძლიათყველაფერი წინასწარ დაგეგმონ და მიიღონ უნიკალური შთაბეჭდილება, რადგანჩატარების ყველა ადგილი ერთმანეთთან მაქსიმუმ 30 წუთის სავალზეა“, – წერიაFIBA-განცხადებაში.

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

27 თებერვალს, საქართველოს მორაგბეთა ნაკრები 250-ე შეხვედრას გამართავს. რაგბი ევროპის ჩემპიონატის (პარალელურად, მსოფლიო თასის შესარჩევი) ეგიდით, „ბორჯღალოსნები“ „დინამო არენაზე“ რუსეთს შეხვდებიან. ბილეთების გაყიდვა უკვე დაწყებულია და რაგბის კავშირი ამასთან დაკავშირებით სპეციალურ განცხადებას ავრცელებს:

ქვეყანაში მოქმედი კოვიდრეგულაციებიდან გამომდინარე, თამაშზე გულშემატკივრების მხოლოდ 33 პროცენტი დაიშვება.

- აუცილებელი კოვიდშემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, შესასვლელში უნდა წარმოადგინოთ:

- თამაშის (ელექტრონული) ბილეთი და პირადობის დამადასტურებელი მოწმობა;

- კოვიდვაქცინაციის დამადასტურებელი დოკუმენტი (სასურველია ამობეჭდილი QR კოდით);

- ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

- ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

- ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა (ამობეჭდილი);

- ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

- ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

- სტადიონის ტერიტორიაზე სავალდებულოა პირბადის ტარება;

- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

რუსეთის ნაკრები მოსამზადებელ შეკრებაზე თურქეთში იმყოფება და რა ძნელი მისახვედრია, რომ ისინი საქართველოსთან მატჩისთვის განსაკუთრებით ემზადებიან. მათ რიგებში კი სიახლეა - რუსეთის ნაკრებში ორი ქართველი ახალწვეულია - ყაზანის „სტრელას“ წევრი ნიკოლაი კაზალიკაშვილი და ფრანგული „კარკასონის“ მორაგბე ნიკოლოზ ნარმანია. ეს უკანასკნელი თავის დროზე საქართველოს 18-წლამდელთა ნაკრებშ გამოდიოდა, ახლა 21 წლის გახლავთ და... ასპარეზობა რუსეთის ეროვნულ გუნდში გადაწყვიტა. ყველამ თავის საქმე იცის, მაგრამ, საქართველოს დედაქალაქში, რუსეთის ჰიმნზე ამღერებული ქართველი ცოტა არ იყოს უცნაური სანახავია.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

არაბთა გაერთიანებული საამიროების დედაქალაქი აბუ დაბი 11-13 ოქტომბერს ძიუდოს გრანდ სლემს უმასპინძლებს. შეჯიბრებაზე საქართველოს ნაკრების ცხრა წევრი იასპარეზებს:

60 კგ – ნიკა ხუზაურაშვილი, ლუკა მოდებაძე;

66 კგ – ლაშა ნადირაძე;

73 კგ – გიორგი ჩიხელიძე, გიორგი ტერაშვილი;

81 კგ – დიმიტრი გოჩილაიძე, ზაურ დვალაშვილი;

90 კგ – ლუკა ბაბუციძე, მიხეილ ჯაფარიძე.

შეგახსენებთ, რომ 2023 წელს აბუ დაბის გრანდ სლემზე საქართველოს ნაკრებმა ორი მედლის მოპოვება შეძლო – ოქროს მედალს ვაჟა მარგველაშვილი დაეუფლა, მესამე ადგილი კი გიორგი ჯაბნიაშვილმა დაიკავა.

სანაკრებო მაატჩების წინ, ქართველი ლეგიონერების ასპაარეზობას განსაკუთრებული მნიშვნელობა აქვს. ვინ როგორ ფორმაშია, სწორედ ამ შეხვედრებიდან უნდა გავიგოთ. ცოდვა გამხელილი სჯობს და, ჩვენი ნაკრები მთლიანად ლეგიონერებზეა ჩამოკიდებული და ვილი სანიოლის რჩეულთა შორის, ეროვნული პირველობიდან მხოლოდ ერთი ფეხბურთელია.

ზურიკო დავითაშვილით დავიწყოთ. მისმა „სენტ ეტიენმა“ საკუთარ მოედანზე „ოსერი“ მიიღო და თამამად შეიძლება იმის თქმა, რომ ეს ქართველისთვის ფრანგულ კარიერაში საუკეთესო მატჩი იყო. „სენტ ეტიენმა“ 3-1 გაიმარჯვა და მასპინძელთა სამივე გოლი დავითაშვილის ანგარიშზეა. ამაას გარდა, მაან ბურთი ერთხელ ძელსაც მოარტყა, ანუ 4 გოლის გატანა შეეძლო. რა ძნელი მისახვედრია, რომ შეხვედრის საუკეთესო მოთამაშედ სწორედ დავითაშვილი დაასახელეს და ბარემ ისიც ვთქვათ, რომ გასულ 6 ტურში, „სენტ ეტიეენს“ 3 გლი ჰქონდა გატანილი, ზუკამ კი, ერთ მაატჩსი ამდენივე გაიტანა და თანაგუნდელთა შორის საუკეთესო ბომბარდირია. 3 გოლის გარდა, დავითაშვილს ორი საგოლე გადაცემაც აქვს, ანუ, მისი გუნდის მიერ გატანილი 6 გოლიდან, ხუთში მონაწილეობა აქვს მიღებული.

ხვიჩა კვარაცხელიას „ნაპოლიმ“ საკუთარ მოედანზე „კომო“ დაამარცხა და ახლა, მთელი იტალია იმაზე მსჯელობს, რატომ არ დანიშნა მსაჯმა პენალტი სტუმართა კარში მაშინ, როცა კვარაზე წესების აშკარა დარღვევას ჰქონდა ადგილი. ხვიჩა ამ შეხვედრაში საუკეთესო ნამდვილად არ იყო, მაგრამ ყველაზე მეეტი ხიფათი სწორედ მაშინ იქმნებოდა, როცა ბურთი მას ჰქონდა.

მესამე მშრალი შეხვედრა ჩაატარა „ვლანესიას“ რიგებში გიორგი მამარდაშვილმა. მისი გუნდი სტუმრად „ლეგანესს“ დაუზავდა და ამაზე საინტერესო რამ ინგლისში მოხდა - „ლივერპულის“ ძირითადმა კიპერმა ალისონმა ბარძაყის ტრავმა მიიღო, ანუ ის ტრავმა, რომლის გამოც, გასულ სეზონში ზედიზედ 15 შეხვედრის გამოტოვება მოუხდა. მოგეხსენებათ, მამარდა „ლივერპულის“ საკუთრებაა და „ვალენსიაში“ იჯარის წესით თამაშობს. ჰოდა, ექსპერტებმა ივარაუდეს, რომ მერსისაიდელები უკვე ზამთარში შეეცდებიან გიორგი წაიყვანონ, რის შესაძლებლობასაც ესპანელები არ განიხილავენ, რადგან „ვალენსიას“ კარგი დროება ნამდვილად არ უდგას და მამარდაშვილის ახლა გაშვება მათთვის თვითმკვლელობის ტოლფასი იქნება.

გიორგი გველესიანის „პრესეპოლისმა“ ქართველის გოლით იმარჯვა. თან რა გოლით - გიორგიმ მეტოქის კარი მსაჯის მიერ დამატებულ მეექვსე წუთზე აიღო და გუნდს მნიშვნელოვანი სამი ქულა მოუტანა. მოგეხსენებათ, გველესიანი ნაკრებშია გამოძახებული, მაგრამ ირანში არსებული სიტუაციის გამო, ფრენით ჩამოსვლას ვერ მოახერხებს და ავტომობილით მოუწევს მგზავრობა.

თავისი მატჩი მოიგო გიორგი ჩაკვეტაძის „უოტფორდმა“ და უკვე შეგვიძლია იმის თქმა, რომ ეს გუნდი პრემიერლიგაში დაბრუნებისთვის იბრძოლებს. რამდენად გამოუვათ ეს ვყელაფერი ჩაკვეს და მის თანააგუნდელებს, სხვა საკთხია, მაგრამ ის კი ფაქტია, რომ „უოტფორდი“ ლიდერთა მარაქაშია გარეული და იოლად არაფერს დათმობს.

მას შემდეგ, რაც ლაშა ტალახაძემ პარიზის ოლიმპიადაზე ზედიზედ მესამე ოქროს მედალი მოიპოვა, მას მთავარი კითხვა დაუსვეს - გააგრძელებდა თუ არს ის სპორტულ კარიერას, რაზეც მაშინ ლაშამ პირდაპირ თქვა, რომ მეოთხე ოლიმპიადაზე იფიქრებდა და მეოთხე ოლიმპიური ოქროს მოგებას აპირებდა. მერე კი, ყველასთვის მოულოდნელად, ტალახაძე მმართველი პარტიის საპარლამენტო სიის ათეულში აღმოჩნდა და ლოგიკურიც იყო, რომ მას იგივე კითხვა დაუსვეს.

„ალბათ, წასვლის დრო იყო. ვარჯიშს არ ვწყვეტ, იმიტომ, რომ ჯანმრთელობას არ უხდება. მსუბუქად გავაგრძელებ ცხოვრებას ჯანსაღი წესით, სპორტულად ვიცხოვრებ, მაგრამ, ამ ეტაპზე, აქტიურ სპორტში გაჩერებას აღარ ვაპირებ. მოკლედ რომ ვთქვა, შევეშვი, ოღონდ ჯერჯერობით. ახლა საქართველოს სხვა კუთხით ვჭირდები და შემდეგ ვნახოთ, რა იქნება. ყველა ვარჯიშზე ტრავმას ვიღებდი, მაჯაა, წელი, მუხლი... ყველაფერი ჩათრეული იყო და შიშებიც გამიჩნდა“,-განაცხადა ტალახაძემ.

ის, რომ ლაშას ჯანმრთელობის სერიოზული პრობლემა აქვს, ნაკრების ექიმმა, გიორგი ჭინჭარაულმაც დაადასტურა. მისი თქმით, პარიზის ოლიმპიადამდე, ტალახაძეს არაერთი ინექცია გაუკეთეს, მაგრამ ტრავმები ძალიან სერიოზული იყო თუნდაც იდაყვის ტრავმა, რომელიც შესაძლებლობას არ აძლევდა, შტანგის აწევის შემდეგ, ხელი ჩაეკეტა და ერთი ხელი იდაყვში მოხრილი რჩებოდა.

„მე გპირდებით, რომ ლაშა იქნება დარბაზში იმ კომპონენტით, რაშიც დღემდე იყო. პირობას გაძლევთ, რომ შეჯიბრზე წასაგებად არასოდეს წავიყვან. ეს არის ჩემი ამოცანა და მიზანი, ვინაიდან გაფრთხილება უნდა როგორც ქვეყნის შიგნით, ისე ქვეყნის გარეთ მის ავტორიტეტსა და მის ფენომენს“,-ეს განცხადება კი, ნაკრების მთავარ მწვრთნელს, გიორგი ასანიძეს ეკუთვნის.

სხვათა შორის, მმართველი გუნდის სიაში მყოფმა მეორე ოლიმპიურმა ჩემპიონმა, გენო პეტრიაშვილმაც განაცხადა, კარიერას არ ვასრულეებო, მაგრამ რამდენად მოახერხებენ ისინი კანონშემოქმედებით საქმიანობასა და პარალელურად ისეთ ვარჯიშს, რომელიც შედეგის მისაღწევად არის საჭირო, ძნელი სათქმელია.