რჩეული სტატიები

Grid List

იაპონელი სწავლულების მიერ შექმნილი ბალიში-მუხლები, რომელსაც Himazakura ჰქვია, დღესაც, 20-ზე მეტი წლის შემდეგაც კი, საკმაოდ პოპულარულია ამომავალი მზის ქვეყანაში. ცნობილი ინტერნტ-მაღაზიის Japan Trend Shop ვებ-გვერდზე, ის აღწერილია, როგორც რბილი და მოქნილი. ის შესანიშნავია იმისთვის, რომ მასზე თავი დადოთ. გაოცებული დარჩებით, რამდენად მოხერხებულია და რამდენად რეალისტურ შეგრძნებებს გჩუქნით.

პოლიურეთანისგან დამზადებული ბალიში, რომელიც მუხლებზე დამჯდარი ქალის ფეხების იდენტურია, ისეთ სასიამოვნო შეგრძნებას გიტოვებთ, თითქოს თავს მუხლებზე საყვარელ მეუღლეს ან დედას ადებთ. კომპანია Trane Corporation-ის მიერ, 2000 წელს გამოშვებულ ბალიშს არეკლამებდნენ, როგორც „ვაქცინას მარტოობისგან“ და ის უმალ გახდა გაყიდვების ჰიტი მარტოხელა ადამიანებში, რომელიც დღესაც „ბესტსელერია“. ტოკიოსა და ნარიტას საერთაშორისო აეროპორტების Duty Free-ის თაროებიდანაც კი წამებში ქრება, სადაც მას ხშირად მეგობრებისთვის საჩუქრად ყიდულობენ.

რესტორნების საერთაშორისო ქსელმა Chipotle, რომელიც მექსიკურ სამზარეულოზეა სპეციალიზებული, ეკოლოგიურად სუფთა ტანსაცმლის კოლექცია გამოუშვა. აღსანიშნავია, რომ ეს ტანსაცმელი ავოკადოს კურკებითაა შეღებილი. კომპანიის პრეს-რელიზის მიხედვით, ყოველწლიურად, მათ დაწესებულებებში 300 მილიონი ავოკადოს კურკა რჩება და მისი გადამუშავება გადაწყვიტეს.

პროდუქციის ახალი ხაზი - Chipotle Goods მოიცავს მაისურებს, ჰუდებსა და ჩანთებს, რომლებიც ატმისფრადაა შეღებილი. ერთი ნივთის შესაღებად, დაახლოებით, ხუთი ავოკადოს კურკაა საჭირო. ახალ ხაზში სხვა პროდუქციაც შევიდა, რომლებიც ნატურალური საღებავის გარეშეა შეღებილი. ერთი ასეთი უნიკალური ნივთის ღირებულება 20-დან 45 დოლარამდეა.

ჩინეთის პროვინცია შანდუნში, საქორწინო ფოტოების განადგურების ბიზნესი წამოიწყეს. ალბათ, გაგიკვირდათ და ფიქრობთ, რომ ეს მხოლოდ ფოტოქაღალდია, რომლის დახევაც მარტივად შეიძლება, მაგრამ ძალიან ცდებით - ჩინელები, ტრადიციულად, უკვდავჰყოფენ ხოლმე საკუთარ ქორწილს არა მხოლოდ ფოტოებით, არამედ ნახატით - ტილოსა და აკრილის საღებავებით.  ასეთი „სამახსოვროების“ არათუ ხელით დახევა, მისი დაწვაც კი ძნელია ხოლმე. მას ვერც ნაგავში გადააგდებთ, რადგან მეზობლები დაინახავენ და უხერხულია.

ჰოდა, ერთმა გამჭრიახმა ბატონმა ბიზნესი მოიფიქრა განქორწინებული წყვილების დასახმარებლად, რათა არასასურველი სამახსოვროსგან გათავისუფლდნენ. პროცედურა ძალიან მარტივია: ყველაფერი სურათი-ნახატის ზომასა და მასალაზეა დამოკიდებული. გააგზავნით, თანხას გადაიხდით, ფირმის თანამშრომლები სურათზე სახეებს სპეციალური საღებავით ფარავენ და მას დასაქუცმაცებლად აგზავნიან.

მთელ ამ პროცესს ვიდეოზე იღებენ და მტკიცებულების სახით, კლიენტებს უგზავნიან. რაც შეეხება საფასურს, ის დაახლოებით, 100 იუანიდან იწყება და დამოკიდებულია სურათის ზომაზე. როგორც გამჭრიახი ბიზნესმენი აცხადებს, მის სერვისზე დიდი მოთხოვნაა და შეკვეთებს ქვეყნის ყველა პროვინციიდან იღებს.

იტალიელ მამაკაცს, დიმიტრიო ფრიკანოს სასჯელის სახით, 30-წლიანი პატიმრობა აქვს მისჯილი. მან თავისი შეყვარებული გოგონა, ერიკა სასტიკად მოკლა - ქალს დანით 57 ჭრილობა ჰქონდა მიყენებული. როცა ეს ფსიქოპათი მანიაკი დააკავეს და ციხეში ჩასვეს, ის 120 კილოგრამს იწონიდა. ერთი წლის განმავლობაში, იტალიურ ციხეში, მან 80 კილო მოიმატა. პენიტენციური დაწესებულების ექიმები გაოგნებულები არიან, თან აღსანიშნავია, რომ ფრიკანო თავგამოდებული მწეველია.

ამ მკვლელის გამო, ცოტა ხნის წინ, სასამართლო კოლეგია კიდევ ერთხელ შეიკრიბა და ვერდიქტი გამოიტანა: მამაკაცს დახმარება სჭირდება, რაც სასჯელაღსრულების დაწესებულებაში შეუძლებელია. მკვლელს არ შეუძლია ციხეში დარჩეს, რადგან მისი სიმსუქნე და თამბაქოს გამუდმებული მოხმარება მას გარდაუვალი სიკვდილის რისკის ქვეშ აყენებს. ამ ყველაფრის გათვალისწინებით, ფრიკანო ციხიდან გაუშვეს და მას შინაპატიმრობა მიუსაჯეს.

მასაჩუსეტსის ტექნოლოგიური ინსტიტუტის სპეციალისტებმა ახალი სახეობის ანტიბიოტიკი შეიმუშავეს. მის საფუძვლად სამხრეთამერიკული კრაზანების Polybia paulista შხამი, უფრო სწორად, მისი შეცვლილი პეპტიდები გამოიყენეს. ისინი კლავენ ბაქტერიებს და არ აზიანებენ უჯრედებს. როგორც თაგვებზე ჩატარებულმა ცდებმა აჩვენა, ყველაზე ძლიერი პეპტიდი გაუმკლავდა ბაქტერია Pseuodomonas Aeruginosa-ს, რომელიც მდგრადია უმრავლესობა ანტიბიოტიკის მიმართ.

სწავლულები დიდი ხნის განმავლობაში არჩევდნენ და მოდიფიკაციას ახდენდნენ ყველაზე ძლიერი პეპტიდისა (ოთხ დღეში მთლიანად სპობდა ინფექციის კვალს), მაგრამ ჯერჯერობით კვლავ არ აქვთ მისი იდეალური ვერსია. მკვლევარებს მისი შეცვლა ისე სურთ, რომ მაქსიმალურად მცირე დოზების გამოყენება იყოს საკმარისი.

ლონდონში, Sotheby’s-ის აუქციონზე შოტლანდიური ვისკის მარკის The Macallan-ის ბოთლი რეკოდულ ფასად - 2.1 მილიონ დოლარად გაიყიდა. აუქციონის ისტორიაში, ეს ალკოჰოლთან დაკავშირებული ყველაზე ძვრადღირებული გარიგებაა. ცნობილია, რომ 1986 წელს, ამ ბრენდის ვისკი, 60-წლიანი დაძველებით, სულ 40 ბოთლი ჩამოასხეს. ვაჭრობის წინ, ბოთლი ბრენდის ქარხანაში აღადგინეს. კერძოდ, სასმელზე შეცვალეს საცობი და წებოთი დაამაგრეს ეტიკეტის კუთხეები. ეტიკეტიც ცნობილი იტალიელი მხატვრის, ვალერიო ადამის შექმნილია.