ჩემპიონატი წარმოსახვით გიტარაზე დაკვრაში

ფინეთში, ქალაქ ოულუში, უჩვეულო ჩემპიონატი იმართება. მისი მონაწილეები ერთმანეთს წარმოსახვით გიტარაზე დაკვრაში ეჯიბრებიან. წლევანდელ „შერკინებაში“ მსოფლიო ჩემპიონი იაპონელი ნანამი შევენ შეას ნაგურა გახდა. მან ყველაზე მეტი - 35.8 ქულა დააგროვა. ნაგურა შეჯიბრში 2014 წლიდან ჩაერთო და წელს, უკვე მესამედ იასპარეზა. ჩემპიონატი ყოველწლიურია, რომლის მონაწილეები გიტარაზე დამკვრელების მოძრაობების იმიტირებას ახდენენ და წარმოსახვით ინსტრუმენტზე „უკრავენ“. კონკურსი ორ-ეტაპიანია - პირველი ეტაპის მონაწილეები წინასწარ მომზადებულ კომპოზიციებს „უკრავენ“, მეორე ეტაპზე კი „იმპროვიზაცია“ უწევთ. პირველად, ეს უჩვეულო ჩემპიონატი, 1996 წელს გაიმართა.