ბათუმში, პირველკლასელს თანაკლასელებმა ტანსაცმელი გახადეს და იძალადეს - დაწყებულია გამოძიება

მშობელი ამბობს, რომ ბათუმში, ერთერთ სკოლაში მის პირველკლასელ შვილს თანაკლასელებმა ტანსაცმელი გახადეს და მასზე იძალადეს.

მშობლის თქმით, შვილი სკოლიდან სახლში ჩალურჯებებითა და ფიზიკური დაზიანებებით მივიდა. ის აცხადებს, რომ ბულინგის და ფიზიკური ძალადობის შესახებ სკოლის ადმინისტრაციამ იცოდა, თუმცა, შემთხვევაზე დირექტორს რეაგირება არ ჰქონია. მშობელი ამბობს, რომ მისი შვილი თანაკლასელების მხრიდან ბულინგისა და ძალადობის მსხვერპლი მუდმივად იყო.

სკოლაში მომხდარს უარყოფენ.

შინაგან საქმეთა სამინისტროში ფორმულას უთხრეს, რომ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. უწყების თქმით, საქმეზე შესაბამისი საგამოძიებო მოქმედებები ტარდება.