საგანმანათლებლო კვირეული „პროექტის შედგენა და მართვა“ დასრულდა

სამგორის რაიონის გამგეობის მიერ ორგანიზებული საგანმანათლებლო კვირეული „პროექტის შედგენა და მართვა“ დასრულდა.
ახალგაზრდული პროექტი, რომელიც ოთხი დღის განმავლობაში ბაკურიანში მიმდინარეობდა, მოიცავს ოთხ ძირითად მიმართულებას, ესენია:
✅ პროექტის ორგანიზება;
✅ ლიდერული და გუნდური მუშაობის უნარების განვითარება;
✅ მოტივაციის ამაღლება;
✅ ეფექტური კომუნიკაციისთვის საჭირო უნარ-ჩვევების დახვეწა.
ტრენინგების პარალელურად, ბანაკის მონაწილეებმა იმუშავეს ერთ კონკრეტულ საპროექტო იდეაზე, რომლის განხორციელებაც უახლოეს მომავალში სამგორის რაიონის გამგეობის მხარდაჭერით დაიგეგმა.
პროექტის ფარგლებში, მონაწილეები შეხვდნენ სამგორის რაიონის გამგებელს კახა სამხარაძეს, ისანი-სამგორის რაიონის საგანმანათლებლო რესურს ცენტრის ხელმძღვანელს მეგი როსტიაშვილს და საქართველოს განათლებისა და მეცნიერების სამინისტროს ზოგადი განათლების სამმართველოს წარმომადგენელს ნინო ცანდიშვილს.
შეხვედრაზე, რომელიც კითხვა-პასუხის რეჟიმში მიმდინარეობდა, მოზარდებისთვის საინტერესო საკითხები განიხილეს.
საგანმანათლებლო კვირეულის მონაწილეებს სერტიფიკატები გადაეცათ.