საკეისრო აუტიზმის რისკს ზრდის?

საკეისრო კვეთა ბავშვებში აუტიზმის განვითარების რისკს ზრდის - ასეთ დასკვნებს აკეთებენ შვედი სპეციალისტები, კაროლინას ინსტიტუტიდან. მათ კვლევაში, დაახლოებით, 20 მილიონი ქალი მონაწილეობდა მსოფლიოს 19 ქვეყნიდან. მათ შორის იყვნენ ისინი, რომლებმაც ბუნებრივად იმშობიარეს და ისინიც, რომლებმაც ქირურგების ჩარევით გააჩინეს ბავშვები.

აღმოჩნდა, რომ ბავშვებში, რომლებიც ხელოვნური ჩარევით მოევლინენ ქვეყანას, 33%-ით მეტი აუტისტია, გარდა ამისა, მათ შორის 17%-ით უფრო ხშირად გვხვდება ყურადღების დეფიციტის სინდრომი და ჰიპერაქტიურობა. სწავლულთა მოსაზრებით, ეს შესაძლოა, უკავშირდებოდეს ახალშბილის კონტაქტს დედის მიკროფლორასთან, რაც ბუნებრივი მშობიარობისას ხდება. სპეციალისტები მიიჩნევენ, რომ ამის გამო, შესაძლოა, დაირღვეს პატარას იმუნური სისტემის განვითარება და ნეგატიურად აისახოს ტვინის მუშაობაზე.