ყველაზე ლამაზი დროშაა, რაც კი მინახავს - OneRepublic-ის სოლისტის, Ryan Tedder-ის რეაქცია საქართველოს დროშის დანახვაზე

Starring Georgia - ს მუსიკალურ სეზონი შეკვეთილში ამერიკულმა პოპ როკ ბენდმა OneRepublic-მა გახსნა. კონცერტმა შავი ზღვის სანაპიროს კურორტ შეკვეთილში, Black Sea Arena-ზე ანშლაგით ჩაიარა.

„სწორედ დღეს, ჩვენ პირველად დავდგით ფეხი ამ ულამაზეს ქვეყანაში, რომელიც საქართველოა. ძალიან დიდი დრო დაგვჭირდა, მაგრამ დღეს ჩამოვფრინდით და აღფრთოვანებულები ვართ ამ უზომოდ ლამაზი ქვეყნით, რომელიც ასევე ცოტათი კოლორადოსაც მახსენებს. ძალიან იღბლიანები ხართ აქ რომ ცხოვრობთ და მადლობა, რომ მოხვედით ამ საღამოს და ჩვენთან ატარებთ. თვითონ ვენიუც მაგარია, თან გარეთ ვართ, თან შიგნით რა ხდება არვიცი, მაგრამ გული მიგრძნობს უმაგრეს საღამოს გავატარებთ ერთად.

რადგან ეს ჩვენი პირველი კონცერტია საქართველოში, ჩვენ შევეცდებით წარგიდგინოთ რაც შეიძლება ბევრი სიმღერა, რომელიც იცით 2007 წლიდან 20024 წლების ჩათვლით.

ამიტომ, დღეს ჩვენ OneRepublic highlights დავარქმევთ და პატარა ქართული კარაოკე მოვაწყოთ ერთად“, - განაცხადა OneRepublic-ის სოლისტმა.