პრეზიდენტ სალომე ზურაბიშვილის განკარგულება საქართველოს ეროვნული საფეხბურთო ნაკრების ფეხბურთელების, მწვრთნელების, ფედერაციის წარმომადგენლებისა და პერსონალის ღირსების ორდენითა და ღირსების მედლით დაჯილდოების შესახებ 2024 წლის 23 მაისით თარიღდება. მართალია, პრეზიდენტის ადმინისტრაციამ დოკუმენტები გამოაქვეყნა, თუმცა აღნიშნა, რომ დაჯილდოების ღონისძიება სექტემბერში, თბილისში საქართველოს ნაკრების მორიგი შეკრების დროს გაიმართება.
პრეზიდენტმა ღირსების ორდენი გადასცა იმ ფეხბურთელებს, რომლებიც ევროპის ჩემპიონატის საკვალიფიკაციო ეტაპის პლეი-ოფის ნახევარფინალური (ლუქსემბურგთან) და ფინალური (საბერძნეთთან) შეხვედრებისთვის 26-კაციან განაცხადში გამოიძახეს.
პრეზიდენტმა ფეხბურთელების გარდა ჯილდოები გადასცა მწვრთნელებს, ფედერაციის პრეზიდენტს ლევან კობიაშვილს და ნაკრების პერსონალს.
პრეზიდენტის განკარგულებაში ვკითხულობთ, რომ ღირსების ორდენის გაცემის საფუძველია: „ისტორიული სპორტული მიღწევის - 2024 წლის ევროპის საფეხბურთო ჩემპიონატის ფინალურ ეტაპზე გასვლისთვის, ქართული ფეხბურთის განვითარების სრულიად ახალ საფეხურზე აყვანისა და მისი პოპულარიზაციის საქმეში შეტანილი განსაკუთრებული პირადი წვლილისათვის ღირსების ორდენით დაჯილდოვდნენ“.
ღირსების მედალი კი სალომე ზურაბიშვილმა გადასცა ეროვნული ნაკრების სამედიცინო შტაბსა და ასისტენტ მწვრთნელს: „ისტორიული სპორტული მიღწევის - 2024 წლის ევროპის საფეხბურთო ჩემპიონატის ფინალურ ეტაპზე საქართველოს ვაჟთა ეროვნული საფეხბურთო ნაკრების გასვლის ხელშეწყობისთვის, მაღალი პროფესიონალიზმისა და საქმისა და ქვეყნის ერთგული სამსახურისათვის ღირსების მედლით დაჯილდოვდნენ“.
- ფეხბურთელები, რომლებსაც ღირსების მედლები გადაეცათ:
- გიორგი მამარდაშვილი
- გიორგი ლორია
- ლუკა გუგეშაშვილი
- სოლომონ კვერკველია
- საბა საზონოვი
- გურამ კაშია
- გიორგი გველესიანი
- ლაშა დვალი
- ლუკა ლოჩოშვილი
- ოთარ კაკაბაძე
- გიორგი გოჩოლეიშვილი
- ვლადიმერ მამუჩაშვილი
- ლევან შენგელია
- გიორგი წიტაიშვილი
- ოთარ კიტეიშვილი
- ნიკა კვეკვესკირი
- გიორგი ჩაკვეტაძე
- სანდრო ალთუნაშვილი
- გიორგი ქოჩორაშვილი
- ჯაბა კანკავა
- ანზორ მექვაბიშვილი
- ზურიკო დავითაშვილი
- ხვიჩა კვარაცხელია
- გიორგი მიქაუტაძე
- ბუდუ ზივზივაძე
- გიორგი ქვილითაია
- მთავარი მწვრთნელი
- ვილი სანიოლი
- მწვრთნელი
- ფაბიენ ბოსუე
- მწვრთნელი
- ადელ შედლი
- მწვრთნელი
- ზურაბ ხიზანიშვილი
საქართველოს ფეხბურთის ფედერაციის პრეზიდენტი
ლევან კობიაშვილი
საქართველოს ფეხბურთის ფედერაციის გენერალური მდივანი
დავით მუჯირი
საქართველოს ფეხბურთის ფედერაციის პირველი ვიცე-პრეზიდენტი
კახა ჭუმბურიძე
საქართველოს ვაჟთა ეროვნული ნაკრების პერსონალი
მიხეილ აბრამიშვილი - ნაკრების ფიზიოთერაპევტი
გიორგი ბჟალავა - ნაკრების ფიზიოთერაპევტი
თენგიზ გულბანი - ნაკრების ფიზიოთერაპევტი
დევიდ ვები - ნაკრების ასისტენტ მწვრთნელი
გიორგი ჩანგელია - ნაკრების ექიმი
დავით ხარაბაძე - ნაკრების ექიმი
პრეზიდენტმა გამოაქვეყნა ღირსების ორდენით დაჯილდოებული ფეხბურთელების და ფედერაციის წარმომადგენლების ჩამონათვალი
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი