ღია კოსმოსში არაპროფესიონალები გავიდნენ

მისია SpaceX-Polaris-ის ეკიპაჟის წევრები პირველი არაპროფესიონალი ასტრონავტები არიან, რომლებიც ღია კოსმოსში გავიდნენ. BBC-ის ცნობით, მილიარდერი ჯარედ აიზეკმანი ღია კოსმოსში რამდენიმე წუთით გავიდა, მას ხომალდ Crew Dragon-თან მიერთებული ტროსი იჭერდა. მის შემდეგ, კოსმოსური სივრცე SpaceX-ის ინჟინერმა სარა ჯილისმა „დალაშქრა“ ყველა მანევრი პირდაპირ ეთერში გადაიცემოდა. „აქედან დედამიწა მართლაც ისე გამოიყურება, როგორც იდეალური სამყარო“, - განაცხადა 41 წლის აიზეკმანმა. ეკიპაჟის დანარჩენი ორი წევრი კოსმოსური ხომალდის ბორტზე რჩებოდა. ცნობილი არ არის, რა დაუჯდა მილიარდერს ეს უნიკალური ფრენა. მანამდე, Crew Dragon-ის მისიაში მონაწილეობა კოსმოსში გასვლის გარეშე, დაახლოებით, 55 მილიონი დოლარი ღირდა.