კაცი ცოლთან რეკვისთვის დააკავეს

ამომავალი მზის ქვეყანაში პოლიციამ დააკავა მამაკაცი, რომელიც საკუთარ ცოლს დღეში ასჯერ მაინც ურეკავდა და ხმას არ იღებდა. ადგილობრივი გამოცემის ინფორმაციით, ქალთან ზარი უცხო ნომრიდან შედიოდა და მას ყურმილში ვიღაცის სუნთქვა ესმოდა. როცა ზარების რაოდენობა დღეში თითქმის ასამდე ავიდა, ქალმა დასახმარებლად სამართალდამცავებს მიმართა. გამოძიებამ დაადგინა, რომ მას საკუთარი ქმარი ურეკავდა. მამაკაცი ადევნების ბრალდებით დააკავეს. მისი მტკიცებით, ამ ფორმით მხოლოდ საკუთარი გრძნობების გამოხატვა სურდა, სიჩუმე კი ცოლისადმი მისი სიყვარულის სიმბოლო იყო. პოლიციაში აცხადებენ, რომ ასეთი შემთხვევა ჯერ არ ჰქონიათ. რა ბედი ეწია „შეყვარებულ“ ქმარს, ჯერჯერობით, უცნობია.