დღის ძილი ტვინის მოცულობას ზრდის

მეცნიერთა საერთაშორისო ჯგუფმა, კვლევების შედეგად დაადგინა, რომ დღისით ძილი ადამიანის ტვინის მოცულობას ზრდის. მკვლევარებმა 40-დან 69 წლამდე ასაკის 380 ათასი ადამიანის მონაცემები გააანალიზეს. მათი მიზანი იყო დაედგინათ, რა მიზეზობრივი კავშირია დღის ძილსა და ტვინის ჯანმრთელობას შორის. კვლევებისას, სპეციალისტებმა შეისწავლეს დნმ-ის 97 ფრაგმენტი, რათა ადამიანების ძილისკენ მიდრეკილება დაედგინათ. შემდეგ იმ ადამიანების ტვინის ჯანმრთელობა და კოგნიტური ფუნქციები, რომლებიც გენეტიკურად მეტად იყვნენ ძილისკენ მიდრეკილები, შეადარეს იმ მოხალისეებისას, რომელთაც დღისით ძილი არ სურდათ. მკვლევარებმა აღმოაჩინეს, რომ ძილისკენ მიდრეკილი ადამიანების ტვინის საერთო მოცულობა ასოცირებული იყო ტვინის ჯანმრთელობასთან, ასევე, დემენციისა და სხვა დაავადებების განვითარების დაბალი რისკი ჰქონდათ.