წლის ყველაზე სექსუალური მამაკაცი გამოავლინეს

პოპულარულმა გამოცემამ People, ტრადიციულად, წლის ყველაზე სექსუალური მამაკაცი დაასახელა. ამჯერად, ეს საპატიო ტიტული ცნობილ ამერიკელ მსახიობს, 57 წლის პატრიკ დემპსის არგუნეს. დემპსი მაყურებელს ყველაზე უკეთ, ალბათ, სამედიცინო დრამიდან - „გრეის ანატომია“ ახსოვს, სადაც მან ნეოროქირურგ შეპარდის როლი შეასრულა. არანაკლებ პოპულარულა ფილმები - „მოჯადოებული“ და „ბრიჯიტ ჯონსის დღიურები“, სადაც პატრიკი მთავარ როლებშია.

„მოხარული ვარ, რომ ეს ხდება ჩემს ცხოვრებაში. სასიამოვნოა აღიარება და რასაკვირველია, ჩემი ეგოც ამაღლდა. თუმცა, ეს მაძლევს შესაძლებლობას, გამოვიყენო რამე დადებითისთვის“, - განაცხადა ყველაზე სექსუალურმა მამაკაცმა.