საჩუქრების მოყვარული თაღლითი დააკავეს

იაპონიაში, ქალაქ ოსაკაში, 39 წლის მამაკაცი ტაკასი მიიაგავა 35 ქალის მიმართ ჩადენილი თაღლითობისთვის დააკავეს. ის, თითქოსდა, ყოველი მათგანის შეყვარებული იყო. არადა, არც ერთს აზრადაც არ მოსვლია, რომ შეიძლება მამაკაცისთვის ერთადერთი არ ყოფილიყო. თუმცა, საბოლოოდ, მაინც გამჟღავნდა სიმართლე და ქალებმა „კავალერს“ პოლიციაში უჩივლეს. როგორც გაირკვა, ასეთ ავანტიურაზე მამაკაცი საჩუქრების გამო წავიდა, რომელსაც მას დაბადების დღეზე ჩუქნიდნენ. დაბადების დღეც წელიწადში, რასაკვირველია, 35-ჯერ ჰქონდა. ამგვარად, ის „გულის სწორებისგან“ საჩუქრებსა და ფულს იღებდა. ჯერჯერობით, ამ საქმეში მხოლოდ 35 დაზარალებული ფიგურირებს, თუმცა არ არის გამორიცხული, მათი რიცხვი უფრო მეტი იყოს.