15 წლის ქართველი მოდელი მარიშა გვიდანი გარდაიცვალა.
1 კვირის წინ მას ველოსიპედით სეირნობისას მანქანა დაეჯახა, ამ დრომდე კი კომაში იყო.
სამოდელო სააგენტო ჯეომოდელსის დამფუძნებელი თაკო ჩხეიძე ამბები.ჯი-სთან აცხადებს, რომ გვიდანს მანქანა სოფელ გამარჯვებაში დაეჯახა.
"[მანქანა] დაეჯახა გამარჯვებაში, როგორც ვიცი, იქ ჰქონდათ სახლი, გამოვიდა შინიდან, ველოსიპედით უნდა ესეირნა. დაეჯახა ვიღაც ნასვამი, 15 მეტრზე გადააგდო ბავშვი. ძალიან უყოჩაღია სასწრაფოს, ძალიან სწრაფად მივიდნენ. პირველივე კლინიკაში მიიყვანეს, დალეწილი, დამტვრეული იყო ბავშვი, ტრეპანაციაც კი გაუკეთეს. შოკურ მდგომარეობაში ვარ. როგორ იმედი გვქონდა, რომ გამოვიდოდა მდგომარეობიდან, არაფერი დააკლეს, მაგრამ უმძიმესი მდგომარეობა ჰქონდა. მთელი სამედიცინო სფერო ფეხზე იდგა", - ყვება ჩხეიძე.
შინაგან საქმეთა სამინისტროში ფორმულას უთხრეს, რომ მანქანის მძღოლი დაკავებულია.
ავარიას 15 წლის მოდელი, მარიშა გვიდანი ემსხვერპლა
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი