„დალტონიკებისთვის“ ჭოგრიტი დადგეს

აშშ-ში, ტენესის შტატში, ტურიზმის საბჭომ გადაწყვიტა, შემოდგომის ლამაზი ფერებით ტკბობაში დაეხმაროს იმ ადამიანებს, რომლებიც ფერებს ზუსტად ვერ აღიქვამენ. 12 სხვადასხვა ადგილზე, მათთვის სპეციალური ჭოგრიტები დააყენეს, რომლებიც EnChroma-ის ლინზებითა და ოპტიკური ფილტრებითაა აღჭურვილი. მისი საშუალებით, „დალტონიკებს“ შეეძლებათ, გარემო ჩვეულებრივ ფერებში აღიქვან.

აღსანიშნავია, რომ ეს მოწყობილობა ჯერ კიდევ 2017 წელს შეიქმნა. ცნობილია, რომ დალტონიზმი რამდენიმე ტიპისაა: როცა დაქვეითებულია ან არ არსებობს წითელი, მწვანე ან ლურჯი ფერის აღქმა. შტატის ადმინისტრაციაში იმედოვნებენ, რომ ასეთი ჭოგრიტები გაამართლებს და „დალტონიკებისთვის“ მსგავს მოწყობილობას უფრო მეტ ადგილას განათავსებენ.