უკრაინის პრეზიდენტის, ვოლოდიმირ ზელენსკის განცხადებით, ამერიკა და უკრაინა შეთანხმდნენ იარაღის ერთობლივ წარმოებაზე. ზელენსკი ამბობს, რომ ეს არის ერთიანობის ახალი დონე. მისივე თქმით, ეს ნიშნავს ახალ ინდუსტრიულ შესაძლებლობებს და სამუშაო ადგილებს უკრაინის მოქალაქეებისთვის.
"ვაშინგტონში ვიზიტი იყო ძალიან მნიშვნელოვანი და ჩვენ გვაქვს მნიშვნელოვანი შედეგები. შეხვედრა პრეზიდენტ ბაიდენთან და მის გუნდთან. ჩვენ მივაღწიეთ ახალ თავდაცვის შეთანხმებას, მათ შორის საჰაერო თავდაცვას, არტილერიას, ჭურვებსა და საინჟინრო აღჭურვილობას.
ჩვენ ასევე შევთანხმდით გრძელვადიან პარტნიორობაზე, რომლის ფარგლებშიც უკრაინა და შეერთებული შტატები ერთობლივად აწარმოებენ საჭირო იარაღს. ეს არის ჩვენი ერთიანობის ახალი დონე! თავდაცვის ინდუსტრიაში შეერთებულ შტატებთან ერთობლივი წარმოება ისტორიული მოვლენაა. ახალი ინდუსტრიული ბაზა, ახალი სამუშაო ადგილები ორივე ერისთვის. უკრაინას შეეძლება საჰარო თავდაცვის სისტემების წარმოება", - თქვა ზელენსკიმ.
მან კიდევ ერთხელ მადლობა გადაუხადა პრეზიდენტ ბაიდენსა და კონგრესს.
უკრაინა და აშშ იარაღის ერთობლივ წარმოებაზე შეთანხმდნენ
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი