საძილე აბები სიგარეტივით მავნებელია

ამერიკელი სწავლულები, არიზონას უნივერსიტეტიდან, ამტკიცებენ, რომ საძილე აბები არანაკლებ საზიანოა ადამიანისთვის, ვიდრე თამბაქო. მათი თქმით, ასეთი პრეპარატების მიღება დღეში ერთი კოლოფი სიგარეტის მოწევას შეიძლება გავუთანაბროთ. რაც უფრო ხშირად იღებს ადამიანი ასეთ წამლებს, მით უფრო მეტის მიღება სჭირდება დასაძინებლად. მკვლევარები ამ პრეპარატების ჩანაცვლებას ხანმოკლე, ინტენსიური ფიზიკური დატვირთვით გვთავაზობენ. ექსპერიმენტმა აჩვენა, რომ ეს დატვირთვები სასურველ დაღლილობასა და ძილიანობას გამოიწვევს. რაც შეეხება საძილე აბებს, კვლევებმა აჩვენა, რომ ისინი ცნობიერების ამღვრევას, შენელებულ რეაქციებს და ბალანსის დარღვევას იწვევენ. აბები მხოლოდ დასვენების ილუზიას ქმნიან, სინადვილეში, მათი მიღების შემდეგ, ძალები არ აღდგება. ნერვულ სისტემას ისეთი ზიანი ადგება, როგორც მოწევისას და ამასთან, სიმსივნის წარმოქმნის რისკებიც იზრდება.