მსოფლიოს უმსხვილესი ფარმაცევტული კომპანიის, Johnson & Johnson-ის გარშემო სკანდალები გრძელდება. ამჯერად კომპანია მზადაა, კოლექტიური სარჩელი მორიგებით დაასრულოს და კომპენსაციის სახით 700 მილიონი დოლარის ჯარიმა გადაიხადოს.
საქმე ეხება ათასობით მომჩივნის მიერ შეტანილ კოლექტიურ სარჩელს, რომლის მიხედვით, J&J-ს ბრალად ედება ჯანმრთელობისთვის საშიში პროდუქციის რეალიზება. კერძოდ, დავა უკავშირდება მსოფლიოს ერთ-ერთ ყველაზე მოთხოვნად ტალკს, Johnson’s Baby Powder-ს.
ბრალდების მხარის მტკიცებით, J&J-ის ტალკის გამოყენება იწვევს კანის კიბოს, კომპანიას კი ამის შესახებ ინფორმაცია წლებია აქვს, თუმცა მაინც არ წყვეტს ჯანმრთელობისათვის საშიში პროდუქციის წარმოებას.
J&J-ის განცხადებით, ბრალდება სრულად უსაფუძვლოა და ტალკი არავითარ რისკებს არ შეიცავს, რასაც მსოფლიოს თითქმის ყველა მარეგულირებელი ორგანო და ჯანდაცვის კომიტეტიც ადასტურებს. რაც შეეხება კოლექტიურ სარჩელს, კომპანიის განმარტებით, ის თანხის გამოძალვის მიზნით დაძრული მორიგი კამპანიაა.
ცნობისთვის გეტყვით, რომ J&J-ის საბაზრო კაპიტალიზაცია 384 მილიარდ დოლარს შეადგენს და ის მსოფლიოს რიგით მე-20 უმსხვილესი კომპანიაა.
საბავშვო პუდრის გამო, Johnson&Johnson-ს $700 მილიონის ჯარიმის გადახდა მოუწევს
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი