უცხოეთში მყოფი ამომრჩევლის მონაწილეობის საკითხი რეგულირებულია საარჩევნო კანონით და საარჩევნო კანონმდებლობა იმპერატიულად ამბობს იმ ვადებს, წესებს, პროცედურებს, რომლებიც ამ მიმართულებით სხვადასხვა უწყებისთვის არის განსაზღვრული, – ამის შესახებ ცენტრალური საარჩევნო კომისიის თავმჯდომარემ, გიორგი კალანდარიშვილმა განაცხადა.
როგორც გიორგი კალანდარიშვილმა აღნიშნა, ცესკო, ისევე როგორც სხვა უფლებამოსილი უწყებები, თავიანთი კომპეტენციის ფარგლებში განახორციელებენ ყველა იმ პროცედურას, რომელიც უზრუნველყოფს უცხოეთში მყოფი თანამემამულეების არჩევნებში მონაწილეობას.
„რაც შეეხება საკითხებს, რომლებიც ბოლო პერიოდში უცხოეთში მყოფი ამომრჩევლების ირგვლივ მოვისმინეთ, მათ შორის მანიპულაციური, მათ შორის დეზინფორმაციული – უნდა აღინიშნოს, რომ საარჩევნო ადმინისტრაცია თავის დროზე ყველა ეტაპთან დაკავშირებით მოახდენს შესაბამისი მიზნობრივი ჯგუფების ინფორმირებას. საარჩევნო უბნები იქმნება კენჭისყრის დღემდე ერთი თვით ადრე. საარჩევნო პერიოდში ზუსტი სია რომ გვქონდეს, შესაბამისი უწყება საკონსულო აღრიცხვაზე მყოფი პირების შესახებ მოგვაწვდის ინფორმაციას, რომელიც გახდება შემდგომ საფუძველი, რომ კომისიამ იმსჯელოს კონკრეტულ ლოკაციებზე საარჩევნო უბნების შექმნასთან დაკავშირებით.
ელექტრონული ტექნოლოგიების გამოყენებასთან დაკავშირებით, როდესაც საკანონმდებლო ორგანოში მიიღეს მრავალპარტიული გადაწყვეტილება ტექნოლოგიების გამოყენებაზე, კანონში ჩაიწერა, რომ აღნიშნული ტექნოლოგიების გამოყენებას ადგილი ექნება მხოლოდ ქვეყნის შიგნით, ინტერნეტის გამოყენების გარეშე, ზუსტად იმიტომ, რომ საფრთხეები, რისკები, რომლებიც კიბერთავდასხმებსა და კიბერსაფრთხეებს უკავშირდება, ყოფილიყო თავიდან აცილებული, ზუსტად იმ საერთაშორისო პრაქტიკის ანალიზის შედეგად, რომელიც სხვადასხვა ქვეყანაში არსებობს ამ მიმართულებით“, – განაცხადა კალანდარიშვილმა.
"უცხოეთში მყოფი ამომრჩევლის არჩევნებში მონაწილეობა კანონით რეგულირდება" - გიორგი კალანდარიშვილი
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი