ევროპელი კოლეგების მხრიდან საჭიროა გადაიდგას შემდგომი ნაბიჯი და ქვეყანამ მიიღოს დამსახურებული კანდიდატის სტატუსი, ეს არის ჩემი მთავარი გზავნილი გრანადაში ,- ამის შესახებ საქართველოს პრემიერ-მინისტრმა ირაკლი ღარიბაშვილმა ესპანეთში, ევროპული პოლიტიკური გაერთიანების მესამე სამიტის დაწყებამდე, ჟურნალისტებთან საუბრისას განაცხადა.
მთავრობის მეთაურმა აღნიშნა, რომ სამიტის ერთ-ერთი მთავარი განსახილველი საკითხი გეოპოლიტიკური გარემო და რეგიონში არსებული რთული ვითარება იქნება.
„ ჩვენი მთავარი გზავნილი, რა თქმა უნდა გრანადაში იქნება შემდეგი, რომ საქართველო იმსახურებს კანდიდატის სტატუსს. მონაწილეობას მივიღებ მრგვალი მაგიდის ფორმატში. რა თქმა უნდა, ჩვენთვის მთავარი არის, რომ აღიარება მივიღოთ ჩვენმა ქვეყანამ, როგორც ევროპული პერსპექტივის მქონე ქვეყანამ და ახლა უკვე საჭიროა, რომ გადაიდგას შემდგომი ნაბიჯი ჩვენი ევროპელი კოლეგების მხრიდან და ქვეყანამ მიიღოს დამსახურებული კანდიდატის სტატუსი. ეს არის ჩემი მთავარი გზავნილი. მეორე, რა თქმა უნდა, მთავარი განხილვის თემა იქნება გეოპოლიტიკური ვითარება, რეგიონში მიმდინარე ურთულესი ვითარება, უკრაინაში ომი და აქედან გამომდინარე, ჩვენთვის გამოწვევები და ამიტომ, მე ვფიქრობ, რომ საკმაოდ ნაყოფიერი იქნება ჩვენი მონაწილეობა აი ამ კონფერენციაში“,- განაცხადა ირაკლი ღარიბაშვილმა.
ევროპელი კოლეგების მხრიდან საჭიროა გადაიდგას შემდგომი ნაბიჯი და ქვეყანამ მიიღოს დამსახურებული კანდიდატის სტატუსი, ეს არის ჩემი მთავარი გზავნილი გრანადაში - ირაკლი ღარიბაშვილი
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი