„უმძიმესი დიაგნოზია“, - არჩილ თალაკვაძე გრიგოლ ვაშაძის ენმ-დან წასვლაზე

პარლამენტის თავმჯდომარე არჩილ თალაკვაძე გრიგოლ ვაშაძის მიერ „ნაციონალური მოძრაობის“ დატოვებას ეხმაურება.  „გრიგოლ ვაშაძის მიერ დასახელებული მიზეზები, თუ რატომ დატოვა პარტია, „ნაციონალური მოძრაობისთვის“ უმძიმესი დიაგნოზია: ანტიდასავლური კამპანია და თავდასხმა პარტნიორებზე; ოდიოზური ფიგურების დაბრუნება; პარტიული სტრატეგიის არარსებობა“, - აცხადებს თალაკვაძე.

შეგახსენებთ, რომ გრიგოლ ვაშაძიე „ნაციონალურ მოძრაობას“ ტოვებს. ამის შესახებ მან "ფეისბუქის" გვერდზე დაწერა.