ბიძინა ივანიშვილის როლი ქართულ პოლიტიკაში მნიშვნელოვანი რჩება და იქნება კიდეც, ჩვენ ვნახეთ, რომ ივანიშვილის პოლიტიკაში დაბრუნების გადაწყვეტილებამ ოპოზიცია ჩააგდო აგონიაში, -ამის შესახებ საქართველოს პარლამენტის თავმჯდომარემ, შალვა პაპუაშვილმა საზოგადოებრივი მაუწყებლის ეთერში განაცხადა.
„ბიძინა ივანიშვილის დახმარება გუნდისთვის ნაკლებად საარჩევნო კუთხით არის მნიშვნელოვანია, რადგან ისედაც ჩანდა, ოპოზიციამ თავის თავს დამართა ის, რომ მოსახლეობის ნდობა მხრივ ფაქტობრივად არც კი ეზომებათ რეიტინგი. ყველა კვლევაში ვხედავთ, თუ არ ჩავთვლით „ნაციონალურ მოძრაობას“, რომელსაც თავისი სტანდარტული მხარდამჭერები ჰყავს, ყველა სხვა პარტია არც კი ჩანს ხოლმე რეიტინგებში.
რაც შეეხება გუნდისთვის მნიშვნელობას, ვფიქრობ, რომ ბიძინა ივანიშვილის მაკონსოლიდირებელი როლი, რომელიც მას ყოველთვის ჰქონდა ჯერ კიდევ 2011 წელს, როდესაც ის პოლიტიკაში შემოვიდა, არის განსაკუთრებით მნიშვნელოვანი როგორც გუნდისთვის, ასევე საზოგადოებისთვის. დღეს „ქართულ ოცნებას“ რეალურად უწევს ხოლმე რაღაც ფანტომური თემების მოგერიება ოპოზიციის მხრიდან, რომელიც ჩაკეტილია ორ-სამ საკითხში და ამას ვერ ცდება, რაც თავის მხრივ, ხელს უშლის ძირითად საკითხებზე კონცენტრირებას. ამიტომ ვფიქრობ, მნიშვნელოვანია მაკონსოლიდირებელი როლი გუნდის შიგნით და ეს ეხება არა მხოლოდ შიდაპოლიტიკურ საკითხებს, არამედ საგარეო საფრთხეებს ქვეყნის მიმართ. ჩვენ ვნახეთ, რომ ძალიან რთული ორი წელი გავიარეთ, სადაც ვიყავით მუდმივი თავდასხმის ობიექტები სხვადასხვა მხრიდან. წელს იმის გათვალისწინებით, რომ ბევრ ქვეყანაშია არჩევნებია, მოსალოდნელია, რომ იქნება მწვავე გეოპოლიტიკური მდგომარეობა, ამას ემატება უკრაინის ომის შემდეგ, ისრაელში არსებული მდგომარეობა, ვხედავთ ირანი-პაკისტანის მდგომარეობას. ჩვენ გარშემო ფაქტობრივად ცეცხლის რკალია და ჩვენ ვრჩებით ლამის ერთადერთ ოაზისად მშვიდობის და ამ მშვიდობის ოაზისს უნდა შენარჩუნება. ამას სჭირდება წელს განსაკუთრებული კონცენტრირება და ერთსულოვნება ჩვენი საზოგადოების“, – განაცხადა შალვა პაპუაშვილმა.
"ბიძინა ივანიშვილის პოლიტიკაში დაბრუნებამ ოპოზიცია აგონიაში ჩააგდო" - შალვა პაპუაშვილი
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი