ისტორიული და მომხიბვლელი ქალაქი ევროპის ცენტრში - რა მოვინახულოთ ბუდაპეშტში

ბუდაპეშტი - უნგრეთის დედაქალაქი, მდებარეობს ევროპის ცენტრალურ ნაწილში. ეს არის ულამაზესი და ისტორიული ქალაქი, რომელიც მდინარე დუნაის მიერ იყოფა ორ ნაწილად: ბუდა და პეშტი. ბუდა მდებარეობს მდინარის დასავლეთ მხარეს და ცნობილია თავისი ისტორიული ციხე-სიმაგრეებითა და თერმული აბანოებით, ხოლო პეშტი მდებარეობს აღმოსავლეთ მხარეს და ცნობილია თავისი მჩქეფარე ღამის ცხოვრებითა და კულტურული ღირსშესანიშნაობებით. ქალაქის დიდ ნაწილს მინიჭებული აქვს იუნესკოს მსოფლიო მემკვიდრეობის ძეგლის სტატუსი და ბევრი ვიზიტორი თვლის, რომ იგი ევროპის ულამაზეს ქალაქებს შორისაა.

ბუდაპეშტის ყველაზე პოპულარული ღირსშესანიშნაობებია: უნგრეთის პარლამენტის შენობა, ბუდას ციხე, მეთევზეთა ბასტიონი, წმინდა სტეფანეს ბაზილიკა, ჯაჭვის ხიდი, თერმული აბანოები და ა.შ.

„ვერსია“ გიზიარებთ ინფორმაციას 12 ღირშესანიშანობის შესახებ, რომლებიც ბუდაპეშტში მოგზაურობისას აუცილებლად უნდა მოინახულოთ.

უნგრეთის პარლამენტი

უნგრეთის პარლამენტის შენობა, რომელიც დაპროექტდა და აშენდა გოთური აღორძინების სტილში, არის უნგრეთის ერთ-ერთი უდიდესი შენობა და მასში განთავსებულია ასობით საპარლამენტო ოფისი. მიუხედავად იმისა, რომ შთამბეჭდავი შენობა ყველა კუთხიდან ფანტასტიურად გამოიყურება, მთელი შენობის გარე ბრწყინვალების სანახავად, მისი ნახვა მდინარის მეორე მხრიდან ჯობს.

ფეხსაცმელები დანუბეს ნაპირზე

პარლამენტიდან არც თუ ისე შორს, თქვენ ნახავთ ქალაქის ერთ-ერთ ყველაზე სულისშემძვრელ მემორიალს. მტკივნეული ძეგლი პატივს მიაგებს ჰოლოკოსტის მსხვერპლთ, რომლებიც წაიყვანეს მდინარის ნაპირზე ზამთრის  დღეს და უბრძანეს ფეხსაცმლის გახდა, დახვრეტამდე. მათი ცხედრები მდიანრეში გადაყარეს, ფეხსაცმელი კი გაყიდეს.

წმინდა სტეფანეს ბაზილიკა

წმინდა სტეფანეს ბაზილიკა ბუდაპეშტის ყველაზე მაღალი შენობაა, მარცხენა სანაპიროზე ბუდას პანორამული ხედით. ეკლესია აშენდა 1850 წელს, დასრულდა 1905 წელს და აღადგინეს 1949 წელს. ეს არის ყველაზე დიდი ეკლესია ბუდაპეშტში, რომლის ბრწყინვალება მოუხიბლავს არავის დატოვებს.

სახელმწიფო ოპერის თეატრი

სახელმწიფო ოპერის თეატრი არის ნეორენესანსული სტილის შენობა, რომელიც აშენდა მე-19 საუკუნის ბოლოს. ის ასევე ძალიან ცნობილი ოპერის სახლია უნგრეთში.  შენობაში ლამაზად მოხრილი თაღოვანი სტრუქტურა გამორჩეულია ჭერის დახვეწილი ნახატებით, რაც დიდ აღფრთოვანებას იწვევს.

უნგრეთის ეროვნული მუზეუმი

უნგრეთის ეროვნულ მუზეუმში განთავსებულია ათასობით ექსპონატი, სადაც დეტალურადაა აღწერილი ქვეყნის ისტორია, ხელოვნება, რელიგია და არქეოლოგია, მათ შორის გამოფენები იმ ტერიტორიებიდან, რომლებიც ახლა უნგრეთის საზღვრებს გარეთ ითვლება. შენობა იმდენად ლამაზია, მისი მონახულება მაშინაც კი ღირს თუ არ აპირებთ შიგნიდან დათვალიერებას. მუზეუმის გარეთა  ბაღები ითვლება პოპულარულ შეხვედრის ადგილად და განსაკუთრებით მოძრავია ზაფხულის თვეებში.

თერმული აბანოები

კომპლექსი ევროპაში ყველაზე დიდი სამკურნალო აბანო ცენტრია. წყლები მდიდარია სულფატებით, კალციუმით, მაგნიუმით, ბიკარბონატით და ფტორით, რომლებიც, როგორც ამბობენ, ეხმარება პაციენტებს სახსრების დაავადებების და სხვა ჯანმრთელობის პრობლემების მკურნალობაში.

მათთვის, ვისაც უბრალოდ სურს დატკბეს თერმული აუზების დამამშვიდებელი ძალებით, ადგილზე არის სხვადასხვა თერმული აუზები, ასევე საუნები და ორთქლის ოთახები. ხელმისაწვდომია ფასიანი მასაჟი და სხვა სილამაზის პროცედურები. ორი გარე აუზი ფანტასტიური ადგილია ცივ, ბნელ ღამეში მოსანახულებლად, რადგან ცხელი წყლიდან ამომავალი ორთქლი მთელ ადგილს საოცრად იდუმალს ხდის.

ციხე

ბუდას ციხე არის ისტორიული ციხე-კომპლექსი, რომელიც მდებარეობს უნგრეთის ქალაქ ბუდაპეშტში, ციხესიმაგრის გორაზე. ციხე პირველად აშენდა მე-13 საუკუნეში, მაგრამ წლების განმავლობაში მრავალი ცვლილება და რეკონსტრუქცია განიცადა. ამჟამინდელი ბაროკოს სტილის სასახლე აშენდა მე-18 საუკუნეში და იყო უნგრეთის მეფეების რეზიდენცია. ბუდას ციხის კომპლექსი იუნესკოს მსოფლიო მემკვიდრეობის ძეგლია და მასში განთავსებულია რამდენიმე მუზეუმი, მათ შორის უნგრეთის ეროვნული გალერეა, ბუდაპეშტის ისტორიის მუზეუმი და მუსიკის ისტორიის მუზეუმი. ვიზიტორებს ასევე შეუძლიათ დაათვალიერონ ციხის ეზოები და ბაღები,  ქალაქის პანორამული ხედები მეთევზეთა ბასტიონიდან და მოინახულონ მატიასის ეკლესია, გოთური სტილის ეკლესია, რომელიც გამოიყენებოდა კორონაციისა და სამეფო ქორწილებისთვის. ბუდას ციხე აუცილებლად უნდა მოინახულოს ყველამ, ვინც დაინტერესებულია ისტორიით, ხელოვნებითა და არქიტექტურით.

ფუნიკულიორი

ფუნიკულიორი, პირველად 1870 წელს გაიხსნა და მსოფლიოში მეორე უძველესი ფუნიკულიორია. ფუნიკულიორი არის ყველაზე სწრაფი გზა ციხესიმაგრის ბორცვის მწვერვალზე მისასვლელად და ძალიან პოპულარულია მდინარის გასწვრივ მისი პანორამული ხედების გამო. ის  შესანიშნავი საშუალებაა ღამით პეშტის ხედებით ტკბობისთვის.

მეთევზეთა ბასტიონი

მეთევზეთა ბასტიონი მდებარეობს ციხესიმაგრის გორაზე ბუდას მხარეს. ეს არის ციხე, რომელსაც წარსულში დუნაის მცველი მეთევზეების ხსოვნას ეწოდა. იგი ცნობილია, როგორც უნგრეთის სამი ყველაზე შოკისმომგვრელი შენობა უნგრეთის პარლამენტის შენობასთან და ნაციონალური ოპერის თეატრთან ერთად.  აშენდა 1895 წელს და დასრულებას ექვსი წელი დასჭირდა. კოშკები ერთმანეთთან დაკავშირებულია მონასტერებით, ლაბირინთის მსგავსად, რომელიც შორიდან დისნეის ლოგოს ჰგავს. ციხეში. მეთევზეთა ბასტიონის რამდენიმე ბრინჯაოს ქანდაკებაც საკმაოდ თვალშისაცემია.

დოჰანის ქუჩის სინაგოგა

უდიდესი სინაგოგა ევროპაში და ერთ-ერთი ყველაზე მნიშვნელოვანი ებრაული რელიგიური შენობა უნგრეთში. ეს სინაგოგა ამჟამად ერთ-ერთი უდიდესია მსოფლიოში ისრაელის ფარგლებს გარეთ, მიუხედავად იმისა, რომ უნგრეთის ებრაული მოსახლეობა მნიშვნელოვნად შემცირდა მეორე მსოფლიო ომის დროს. ბაღში შეგიძლიათ იხილოთ მტირალი ტირიფის მემორიალი, რომლის ლითონის ფოთლებზე არის ომის დროს დაღუპულთა სახელები.

ჯაჭვის ხიდი

ჯაჭვის ხიდი, აკავშირებს ბუდასა და პეშტს და გაერთიანებული ქალაქის სიმბოლო და ღირსშესანიშნაობაა. ხიდის მშენებლობა 1839 წელს დაიწყო და 1849 წელს დასრულდა, საერთო სიგრძით 380 მეტრი. როდესაც ის აშენდა, ეს იყო იმ დროისთვის მსოფლიოში ყველაზე დიდი ხიდი. სეირნობისას შეგიძლიათ დატკბეთ მომხიბვლელი პეიზაჟებით ბუდასა და პეშტის ორივე მხარეს, ნებისმიერ სეზონზე.

ქალაქის პარკი

ქალაქის პარკი გმირთა მოედნის მიმდებარედ მდებარეობს და 900 000 კვადრატულ მეტრზე მეტ ფართობს მოიცავს. იგი აშენდა 1817 წელს და არის მსოფლიოში პირველი ხელოვნურად განაშენიანებული ქალაქის ცენტრის პარკი. ისტორიულად, ეს ადგილი გამოიყენებოდა სხვადასხვა მიზნებისთვის. შუა საუკუნეებში გამოიყენებოდა  მეფეების სანადიროდ და პარლამენტარების შეხვედრების ადგილად. პარკი დაყოფილია ორ ნაწილად, ჩრდილოეთით და სამხრეთით, ხოლო ცენტრს მოიცავს ხელოვნური ტბა. აქ არის  წყაროები, ზოოპარკი, სათამაშო მოედნები და ბოტანიკური ბაღები, რომლებიც მორგებულია ყველა ასაკის ადამიანზე. პარკში არის სასოფლო-სამეურნეო მუზეუმი, რომელიც არის რომაული, გოთური, რენესანსისა და ბაროკოს ნაზავი.

 

ავტორი: ია გრიგალაშვილი