„ინსტაგრამის“ ნაცვლად „როსგრამი“

რუსეთის ხელისუფლებამ საკუთარ მოქალქეებს სოციალური ქსელები - „ინსტაგრამი“ და Facebook-ი დაუბლოკა. საზოგადოების ნაწილისთვის განსაკუთრებით „მტკივნეული“ „ინსტაგრამთან“ გამომშვიდობება აღმოჩნდა და არაერთი ვიდეო გავრცელდა ატირებული ინფლუენსერებით. შეწუხებული მოქალაქეების დამშვიდება რუსეთში იმით გადაწყვიტეს, რომ „ინსტაგრამის“ ანალოგიური სოციალური ქსელი შექმნეს და მას „როსგრამი“ უწოდეს. ვარაუდობენ, რომ მის გამოყენებას მსურველები აპრილიდან შეძლებენ. როგორც ავტორები აცხადებენ, „როსგრამს“ ექნება „ინსტაგრამის“ ანალოგიური ფუნქციები, მათ შორის, მონეტიზაციის შესაძლებლობაც.