122 ახალი სტატია

Top Stories

 

„მადლი ვაზისა“ რამდენიმე დღეში გაიყიდება

 

რამდენიმე დღეში „მადლი ვაზისა“ გამოჩნდება, რომელიც ამჯერად, 50 ლარად გაიყიდება. ამის შესახებ „ვერსიას“ შპს „მადლი ღვთისას“ დამფუძნებელმა, ანზორ ჯაფარიძემ ექსკლუზიურად განუცხადა. „მადლი ვაზისა“ იგივეა, რაც „მადლი ღვთისა“. კორონავირუსის საწინააღმდეგო საკვები დანამატი რომ სამმა ქართველმა აკადემიკოსმა შექმნა, რომლებსაც მედიცინასთან კი არა, ქიმია-ბიოლოგიასთანაც კი არაფერი აკავშირებთ, საქართველოს გარდა, პოსტსაბჭოთა ქვეყნებშიც შეიტყვეს - ქართულ მედიაში გავრცელებული სკანდალური ინფორმაცია რუსულმა სააგენტოებმა მაშინვე თარგმნეს და გაავრცელეს. მოკლედ, ატყდა დიდი მითქმა-მოთქმა და ბოლოს, საპატრიარქომ იდეის ავტორებს პრეპარატის სახელწოდების შეცვლა მოსთხოვა. ბევრი იფიქრეს თუ ცოტა, აკადემიკოსებმა საკვები დანამატის - „მადლი ღვთისა“ სახელი შეცვალეს და 29 დეკემბერს ეს ცვლილება ნოტარიულადაც დაადასტურეს. სხვათა შორის, სახელის გარდა, აკადემიკოსები კიდევ ერთ დათმობაზე წავიდნენ - ანოტაციიდან ამოიღეს წინადადება, რომ ეს საკვები დანამატი კორონავირუსს ამარცხებს. ვიდრე ამ სიახლეს დეტალურად გაგაცნობთ, ჯერ ერთი კვირის წინანდელი სკანდალი გავიხსენოთ და გზა და გზა იმ ფაქტებსაც შემოგაშველებთ, რაც „ვერსიამ“ დამოუკიდებლად მოიძია, მოგვიანებით კი, ექსკლუზივის სახით, იდეის ავტორებმაც დაადასტურეს. 

 

სკანდალური „მადლი ღვთისა“

ამბავი ასე დაიწყო: ბიოლოგიურად აქტიური საკვები დანამატი „მადლი ღვთისა“, ყველა წესისა და კანონის მოთხოვნის სრული დაცვით, „ავერსის“ სააფთიაქო ქსელში მოხვდა. სკანდალი არ აგორდებოდა, პროდუქტის ანოტაციაში რომ არ დაეწერათ, კორონავირუსისგან დაავადებულებს ოთხ დღეში კურნავსო. ინფორმაცია ამის შესახებ 21 დეკემბერს გავრცელდა, სამ დღეში კი, უკვე ეს პრეპარატი აფთიაქებში აღარ იყიდებოდა.

„შპს „მადლი ღვთისამ“ 2 064 კოლოფი ბიოლოგიურად აქტიური საკვები დანამატი „ავერსში“ 11 დეკემბერს შეიტანა. „ავერსის“ ადმინისტრაციის მტკიცებით, მისი გაყიდვა არ დაწყებულა და გავრცელებული ინფორმაცია სიმართლეს არ შეესაბამება, რადგან „მადლი ღვთისა“ გაყიდვაში არ ჩაშვებულა - პროდუქტი ჯერ აფთიაქებშიც არ გადანაწილებულა“, - წერდნენ მედიასაშუალებებში.

ვნახოთ, რა კრიტერიუმებს უნდა აკმაყოფილებდეს პროდუქტი, ამ შემთხვევაში, საკვები დანამატი, რათა ის სააფთიაქო ქსელში მოხვდეს. ამისთვის საჭიროა, რომ საკვებ დანამატს მწარმოებლის ხარისხის სერტიფიკატი, ასევე, დამოუკიდებელი ლაბორატორიის ხარისხის სერტიფიკატი ჰქონდეს, რომელიც საკვებ დანამატ „მადლი ღვთისას“ აქვს. მას შემდეგ, რაც „ავერსში“ ეს სერტიფიკატები წარადგინეს, პროდუქტი ბაზაში შეიტანეს.

სერტიფაკატების გარდა, პრეპარატი, რომელიც აფთიაქებში იყიდება, სამედიცინო და ფარმაცევტული საქმიანობის რეგულირების სააგენტოს მიერ ოფიციალურად რეგისტრირებული უნდა იყოს. ირკვევა, რომ „მადლი ღვთისა“ სააგენტოს არ დაურეგისტრირებია, მაგრამ რეალურად, ეს პროცედურა სულაც არაა საჭირო და აგიხსნით, რატომ: წამლისა და ფარმაცევტული საქმიანობის შესახებ საქართველოს კანონის თანახმად, ბიოლოგიურად აქტიური საკვები დანამატისთვის რეგისტრაცია ნებაყოფლობითია, რომელსაც დაინტერესებული პირი, საკუთარი ინიციატივით ახორციელებს. სწორედ ამ კანონის მიხედვით, „მადლი ღვთისას“ ავტორებს სამედიცინო და ფარმაცევტული საქმიანობის რეგულირების სააგენტოში საკუთარი პრეპარატის რეგისტრაცია არ დასჭირვებიათ.

როგორც სტატიის დასაწყისში აღვნიშნე, თავდაპირველად, „მადლი ღვთისას“ ანოტაციაში ეწერა, რომ ეს საკვები დანამატი კორონავირუსს ოთხ დღეში ამარცხებდა, რაც კანონდარღვევაა. მართალია, წამლისა და ფარმაცევტული საქმიანობის შესახებ კანონის მიხედვით, ბოლოგიურად აქტიურ საკვებ დანამატს ოფიციალური რეგისტრაცია არ სჭირდება, მაგრამ ზუსტად ამავე კანონით, „დაუშვებელია ფარმაცევტულ პროდუქტად დაურეგისტრირებელი, ასევე, ფარმაცევტული პროდუქტის სახელმწიფო რეგისტრაციის ეროვნული რეჟიმით ნებაყოფლობით დაურეგისტრირებელი ბიოლოგიურად აქტიური დანამატის სარეკლამო ტექსტში, დაავადებების მითითება და მათი ფარმაცევტულ პროდუქტებად წარმოჩენა“.

არადა, „მადლი ღვთისას“ ანოტაციაში სამ ენაზე ეწერა, რომ საკვები დანამატი, რომელიც „დამზადებულია საქართველოს მადლიანი მიწა-წყლის, ეკოლოგიურად სუფთა გარემოში მოპოვებული, უნიკალური ჯიშისა და სახეობის მცენარეებისაგან და წარმოადგენს ვირუსული და ინფექციური ჯგუფის დაავადების, მათ შორის, ახალი კორონავირუსის - COVID-19-ის საწინააღმდეგო ძლიერმოქმედ საშუალებას, რომლის მიღებისას უმჯობესდება გუნება-განწყობა, ძლიერდება იმუნიტეტი და ორგანიზმის წინააღმდეგობის უნარი“.

საკვებ დანამატს „მადლი ღვთისა“, ხარისხის სერტიფიკატი აკრედიტებულმა ლაბორატორიამ, შპს „გლობალ ტესტმა“ მიანიჭა, უფრო ზუსტად, „გლობალ ტესტის“ სამკურნალო საშუალებების საგამოცდო ლაბორატორიამ. „გლობალ ტესტი“ 2011 წელს დაფუძნდა. კომპანიის დამფუძნებელი და 100%-იანი წილის მფლობელია ნუგზარ ქავთარაძე, ხოლო დირექტორია ნინო ჯინჯოლავა. მედიაში გავრცელდა „გობალ ტესტის“ წარმომადგენლის, ქეთი ბარამიძის კომენტარი. მისი თქმით, ლაბორატორიის გაცემული ხარისხის სერტიფიკატი ეხება ტაბლეტის ქიმიური შემადგენლობის შემოწმებას და არა იმას, რა დაავადებს კურნავს იგი:

„ეს არის ლაბორატორია, სადაც ტარდება მხოლოდ ქიმიური ანალიზები. მე ვარ ფარმაცევტულ მეცნიერებათა დოქტორი, პროფესორი. ენა როგორ მომიბრუნდება და როგორ ვიტყვი, რომ ვაზის ყლორტების ექსტრაქტი, რომელსაც ეს ტაბლეტი შეიცავს, კოვიდს შველის. ხარისხის სერტიფიკატში მითითებულია მხოლოდ ის, თუ რა ზომის უნდა იყოს ტაბლეტი, რა ფერის, რამდენ ხანში უნდა დაიშალოს, შეიცავს თუ არა იმ ნივთიერებას, რასაც შეიცავს, სუფთაა თუ არა ტაბლეტი მიკრობიოლოგიურად. აი, ამას გულისხმობს სერტიფიკატი და მიწერია, რომ ლაბორატორიაში წარმოდგენილი ტაბლეტი შეესაბამება სტანდარტს. გიმეორებთ, სერტიფიკატში არ წერია, რის სამკურნალოდ შეიძლება მისი გამოყენება“.

„მადლი ღვთისა“ დამზადებულია ფარმაცევტულ კომპანია, შპს „დავათში“. ეს კომპანია 1996 წელს დაფუძნდა, რომლის დირექტორია ვახტანგ ჯებაშვილი, ხოლო დამფუძნებლები: ნინა მაისურაძე - 10%, თეიმურაზ ჯებაშვილი - 50%, თამაზ ჯებაშვილი - 30% და ერეკლე ჯებაშვილი - 10%. კომპანიის წარმომადგენელმა განმარტა, რომ კომპანიაში მიიტანეს ხარისხის სერტიფიკატი, რომელიც ბაზარზე აკრედიტებულმა ლაბორატორიამ გასცა, მიაწოდეს ნედლეული და დაამზადეს საკვები დანამატი.

 

ვინ არიან „მადლი ღვთისას“ ავტორები

საჯარო რეესტრის მონაცემებზე დაყრდნობით, შპს „მადლი ღვთისა“ 2020 წლის 23 ოქტომბერსაა რეგისტრირებული. კომპანიის დირექტორია გურამ კუპატაძე, ხოლო 100%-იანი წილი ასე ნაწილდება: შაქრო კვირკვია, რომელიც რუსეთის მოქალაქეა - 30%, გურამ კუპატაძე - 30% და ანზორ ჯაფარიძე - 40%. რეესტრის მონაცემების მიხედვით, ანზორ ჯაფარიძის სახელი ამ ერთადერთი კომპანიის გარდა, არსად ფიგურირებს, შაქრო კვირკვია პირადი ნომრის მითითებითაც კი არ იძებნება რეესტრში, ხოლო რაც შეეხება გურამ კუპატაძეს, მას რამდენიმე კომპანიაში აქვს წილი. კერძოდ, გურამ კუპატაძე „ქართველთა და ებრაელთა მეგობრობის საერთაშორისო კავშირი მადლის“, ასევე, „ადამიანთა უფლებების დაცვისა და დახმარების საერთაშორისო კავშირი ნდობას“ გამგეობის წევრი გახლდათ.

არასამეწარმეო არაკომერციული იურიდიული პირი - ააიპ „ქართველთა და ებრაელთა მეგობრობის საერთაშორისო კავშირი მადლი“ 2000 წლის 16 ივნისს შეიქმნა. კომპანიის ხელმძღვანელები არიან: გურამ კუპატაძე, შალვა წიწუაშვილი, მიხეილ ჩაჩუა, ტარიელ მუმლაძე და გელა ანდღულაძე.

საჯარო რეესტრის ოფიციალურ მონაცემებზე დაყრდნობით, „ვერსიამ“ გაარკვია, რომ შპს „მადლი ღვთისას“ დამფუძნებლებიდან ერთ-ერთი რუსეთის მოქალაქეა, ხოლო მეორე - ქართულ-ებრაული მეგობრობის კავშირის ხელმძღვანელი. მოკლედ, რუსულ-ებრაული ინტერესი და გამოცდილება აშკარაა, რადგან მართალია, რუსეთი ოკუპანტია, მაგრამ ფარმაცევტულ საქმიანობაში უდიდესი გამოცდილება აქვს, აღარაფერს ვამბობ ისრაელზე, რომელიც ამ მხრივ, მსოფლიო ლიდერია, თუმცა მთავარი ინტრიგა მაინც ისაა, რომ გურამ კუპატაძე 2012 წელს, გოგი თოფაძის პარტიის „მრეწველობა გადაარჩენს საქართველოს“ შემომწირველი გახლდათ.

კარგად დაუკვირდით, 2012 წლის 1 ოქტომბრის საპარლამენტო არჩევნებზეა საუბარი, როდესაც ბიზნესიდან პოლიტიკურ ასპარეზზე ახლადშემოსულმა ბიძინა ივანიშვილმა კოალიცია „ქართული ოცნება“ შექმნა და მიხეილ სააკაშვილი, თავისი ნაციონალური მოძრაობით, პოლიტიკურ ტატამზე ორმაგი იპონით გაშხლართა. გოგი თოფაძე და მისი პარტია „მრეწველობა გადაარჩენს საქართველოს“ იმ კოალიციას წარმოადგენდა, რომელიც ივანიშვილმა შექმნა.  

 

„ვერსიის“ სკანდალური ექსკლუზივი

თავდაპირველად, აკადემიკოს ანზორ ჯაფარიძეს დავუკავშირდი, რადგან კორონავირუსის საწინააღმდგეგო პრეპარატის შექმნის იდეა მას გაუჩნდა. ამის შემდეგ დაუკავშირდა თანამოაზრეებს და მასსავით აკადემიკოსებს - შაქრო კვირკვიასა და გურამ კუპატაძეს. აქვე განვმარტავ, რომ ანზორ ჯაფარიძისა და გურამ კუპატაძის ინტერვიუებს სტილის სრული დაცვით გთავაზობთ.

- ბატონო ანზორ, „მადლი ღვთისამდე“ პრეპარატი ან საკვები დანამატი თუ შეგიქმნიათ?

- არა, არავითარი, ეს იყო პირველი, რაც ღმერთის ნება გახლდათ. გაზაფხულზე, როდესაც კორონავირუსის შესახებ არავინ არაფერი იცოდა, მაშინ წარმოიშვა „მადლი ღვთისას“ შექმნის იდეა. ეს გახლავთ ოთხი კომპონენტისგან შემდგარი პრეპარატი. თავიდანვე ვიცოდით, რომ სამედიცინო წრეებში არ მიიღებდნენ და ასეთი აჟიოტაჟი ატყდებოდა, ამიტომ თავდაპირველად, ეს პრეპარატი ჩვენი ოჯახის წევრებმა, ჩვენმა ახლობლებმა - დაახლოებით, 400-მდე ადამიანმა მიიღო და გამოსცადა. ამ ადამიანებს უკვე დადასტურებული ჰქონდათ კორონავირუსი და ამ პრეპარატს პროფილაქტიკის, პრევენციის მიზნით იღებდნენ, რომლებიც სამ-ოთხ დღეში გამოჯანმრთელდნენ.

თავიდან ამ საკვებ დანამატს „მადლი ღვთისა“ დავარქვით, მაგრამ საპატრიარქომ მოგვთხოვა, სახელწოდება შეგვეცვალა. რამდენიმე დღეა, ამ საკითხს ვაგვარებდით და „მადლი ღვთისას“ სახელწოდება შევუცვალეთ, დავარქვით „მადლი ვაზისა“, რადგან ეს ოთხი კომპონენტი, ძირითადად, ვაზისგან მომდინარეობს, თანაც ვაზის ერთი ჯიში კი არ არის, უსიერ ტყეში აღმოვაჩინე ველური ვაზი, მომეწონა მისი მტევანი, გადმოვიტანე და გავაშენე ეს ვაზი. სწორედ ამ განსაკუთრებული ჯიშის ვაზის კომპონენტებს ვიყენებთ ჩვენს საკვებ დანამატში.

აბსოლუტურად ყველა გზა გავიარეთ, რაც წამალმა უნდა გაიაროს. ყველა დოკუმენტი და ყველა საჭირო მასალა გვქონდა - ლაბორატორიის დასკვნა და ხარისხის სერტიფიკატი, რაც გვქონდა, მაგრამ ამ საკითხზე ჩვენს დირექტორს დაუკავშირდით.

- ბატონ გურამ კუპატაძეს აუცილებლად დავურეკავ, მაგრამ მანამდე თქვენ მიპასუხეთ...

- ასე კარგად საიდან გვიცნობთ, ან საიდან გაქვთ ინფორმაცია?

- ბატონო ანზორ, რამდენიმე დღეა, სხვადასხვა მედიასაშუალების წარმომადგენლები, ჩემი კოლეგები წერდნენ ამის შესახებ და იქიდან ვიცი. ბუნებრივია, დავინტერესდი, ჩავერთე და დავიწყე მოკვლევა, მაგრამ ამასობაში, „მადლი ღვთისა“ აღარ იყიდება, თან რამდენიმე დღე გავიდა და განსხვავებული ამბავი მჭირდება, თორემ „ვერსიის“ მკითხველებმაც იციან ის, რაც უკვე გავრცელდა...

- გასაგებია. იცით, განსხვავებული ინფორმაცია რა იქნება თქვენთვის, მაია? სახელწოდება შევცვალეთ და „მადლი ღვთისას“ ნაცვლად, ამიერიდან, პრეპარატს  „მადლი ვაზისა“ ერქმევა. გარდა ამისა, ანოტაციიდან ამოვიღეთ COVID-19, რადგან გვითხრეს, ჯერ მსოფლიოში არ შექმნილა კორონავირუსის საწინააღმდეგო პრეპარატი და თქვენ ვინ ხართო, ამიტომ კორონავირუსის საწინააღმდეგო ამოვიღეთ და დავტოვეთ ინფექციური დაავადების საწინააღმდეგო საკვები დანამატი. გარდა ამისა, თქვენთვის ექსკლუზივი იქნება ისიც, რომ ფასი შევცვალეთ.

- დიდი მადლობა და რა ეღირება „მადლი ვაზისა“?

- 50 ლარი. ამაზე მეტად ვეღარ გავაიაფეთ, რადგან ათასი ჯანდაბა და ბარიერი გვიშლის ხელს, რომ გაცილებით იაფი იყოს. მეტსაც გეტყვით, თავიდან გვინდოდა, რომ ეს საკვები დანამატი საქველმოქმედო სახის ყოფილიყო, მაგრამ არის რაღაც კანონები, რომლებიც გვაფერხებენ.

იმასაც გეტყვით, რომ მე ვარ ანზორ ჯაფარიძე, აკადემიკოსი, ოთხი ეკლესია მაქვს ჩემი ხელით აღდგენილი. მე ვარ ქართველთა და აფხაზთა შერიგების კავშირის საპატიო პრეზიდენტი. ცილი დაგვწამეს, რომ ეს პრეპარატი ფულის საკეთებლად შევქმენით, მაგრამ არა, გენაცვალე! უფლის ნებით ვაკეთებთ, ღმერთმა დაგვავალა და შევქმენით.

 

***

„ვერსია“ შპს „მადლი ღვთისას“ დირექტორს და 30%-იანი წილის მფლობელს, გურამ კუპატაძეს დაუკავშირდა.

-  ბატონო გურამ, არცერთი თქვენგანი - არც ანზორ ჯაფარიძე, არც შაქრო კვირკვია და არც თქვენ ექიმი კი არა, ქიმიკოსი ან ბიოლოგიც არაა. ეს პრეპარატი როგორ შექმენით?

- უფლის ნება იყო, ამაზე მეტს ვერ გეტყვით, რადგან ის, რაც რეალურად მოხდა, საზოგადოებამ საქილიკოდ და სასაცილოდ აიგდო. იმას კი არ გვეუბნებიან, რომ თქვენ, სულ სხვა პროფესიის ადამიანებმა ასეთი საკვები დანამატი შექმენით, პირიქით, გვიკიჟინებენ, ამერიკამ და ინგლისმა ვერ შექმნეს კორონას საწინააღმდეგო პრეპარატი და თქვენ როგორ შექმენითო. თქვე დალოცვილებო, ქვევრი პირველად სად შეიქმნა? საქართველოში, ხომ? და ხომ აღიარა ეს ფაქტი მთელმა მსოფლიომ?

- სპეციალისტი არ გახლავართ, ბატონო გურამ, მაგრამ პროფესიონალმა ექიმმა, გიორგი ღოღობერიძემ თავის ერთ-ერთ ვიდეო-მიმართვაში განაცხადა, რომ ის კომპონენტები, რასაც „მადლი ღვთისა“ (მაშინ ასე ერქვა) შეიცავს, ბუნებრივი ანტიოქსიდანტებიაო.

- დიახ, ასეა. ვაზი თავიდან ბოლომდე, ღვთიური მცენარეა.

- ბატონო გურამ, ხომ იცით, რა ცნობისმოყვარე ხალხი ვართ ჟურნალისტები, ამიტომ აუცილებლად უნდა გკითხოთ, 2012 წელს, გოგი თოფაძის „მრეწველობა გადაარჩენს საქართველოს“ 300 ლარი შესწირეთ?

- რა თქმა უნდა, მე და ჩემმა ბიჭმა შევწირეთ. მეტსაც გეტყვით, 2012 წლის მარტში, „კარდაკარის“ ოპერაციაში ვმონაწილეობდით მე და ჩემი შვილი და 150-150 ლარი ავიღეთ თითოეულმა. ეს თანხა ოფიციალურად დაგვირიგეს ყველას, ვინც ვმონაწილეობდით, მაშინ ამ კომისიას მამუკა კაციტაძე ხელმძღვანელობდა. ჩვენ რომ ავიღეთ, ავდექით და პარტიას ოფიციალურად შევწირეთ. სულ ვფიქრობდი, პროკურორი ქალბატონი რომ იყო აუდიტის სახელმწიფო სამსახურში, ნათია მოგელაძე, გამომიძახოს ერთი და მკითხოს, რატომ შესწირეო, მაგრამ 300 ლარზე ხელი არ გაისვარეს.

მეტსაც გეტყვით, 2011 წელს, როდესაც პოლიტიკურ ასპარეზზე ბატონი ბიძინა გამოჩნდა, 18 ნოემბერს, როდესაც ხალხს „ქართუ ბანკიდან“ გამოჰქონდა ფული და საკუთარ ანგარიშებს აუქმებდნენ ამ ბანკში, მე 100 ლარი შევიტანე. ერთი წლის მანძილზე, ყულაბაში ვაგროვებდი 50-თეთრიანებს და რომ გავხსენი 15 ნოემბერს, 96 ლარი იყო, ჰოდა, 18 ნოემბერს, „ქართუ ბანკში“ 100 ლარი შევიტანე და ანგარიში გავხსენი. 2015 წლის იანვრის ჩათვლით, ყოველთვიურად, ამ ანგარიშზე 20 ლარი შემქონდა.

- ბიძინა ივანიშვილს იცნობთ თუ 2011 წელს, მაშინდელი ხელისუფლების მიმართ პროტესტის გამო გახსენით ანგარიში „ქართუ ბანკში“?

- დიახ, შევხვედრივარ კიდეც. ერთ-ერთ შეხვედრაზე ვუთხარი, ბატონო ბიძინა, უმჯობესია, ხალხის გასაჭირი უშუალოდ ხალხისგან მოისმინოთ ხოლმე, ჩამოხვიდეთ და მოსახლეობას შეხვდეთ, მხოლოდ ჩემი რაიონი კი არა, მთელი საქართველო ვიგულისხმე. ზესტაფონში ვცხოვრობ, მაგრამ წინაპრები ჭითურის რაიონის სოფელი კაცხიდან იყვნენ.

- ქართულ-ებრაული მეგობრობის საერთაშორისო კავშირსაც ხელმძღვანელობთ, არა?

- დიახ, ჩემს თანამოაზრეებთან ერთად დავაფუძნეთ ეს კავშირი. ერთ-ერთი ხელმძღვანელი, ბატონი შალვა წიწუაშვილი ებრაელი გახლდათ, რომელიც ისრაელში ცხოვრობს. ხუთმა კაცმა დავაფუძნეთ ქართველთა და ებრაელთა მეგობრობის საერთაშორისო ასოციაცია მადლი.

- რამე კავშირი ხომ არ აქვს ამ ასოციაციას თქვენს მიერ შექმნილ საკვებ დანამატთან. თქვენი ებრაელი მეგობრები დაგეხმარნენ ფინანსურად?

- დიახ, გარკვეულწილად, იყო დახმარება. ფინანსურად არა, მაგრამ მორალურად და რჩევების სახით დაგვეხმარნენ, დიახ!

- „ავერსი“ რა ნიშნით შეარჩიეთ?

- მრავალი ფარმაცევტული კომპანია და აფთიაქია, მაგრამ ყველაზე ძლიერი, თვალსაჩინო და გამოცდილი „ავერსია“. მივაკითხეთ, წარვადგინეთ დოკუმენტები და შევიტანეთ საკვები დანამატი.

 

 

მაია მიშელაძე

 

 

თაღლითური სქემა, რომელზეც სისხლის სამართლის გამოძიება უნდა დაიწყოს!
საქმის მასალები, რომლებსაც ქვემოთ შემოგთავაზებთ, თავისუფლად შეიძლება გახდეს ბეჟუაშვილების წინააღმდეგ წინასწარი გამოძიების დაწყებისა და სისხლის სამართლებრივი დევნის საფუძველი. კონკრეტული კვალიფიკაცია პროკურატურის პრეროგატივა გახლავთ, მაგრამ დასაწყისშივე შეიძლება ითქვას, რომ საქმე გვაქვს ელიტარულ კორუფციასთან, რომელიც წარმოდგენილი მასალებით, პრაქტიკულად, დასტურდება.

სჯობს მივყვეთ თანმიმდევრულად: საქმე ეხება ბეჟუაშვილების საკუთრებაში მყოფ ფირმას - შპს "ჰოლდინგ საქართველოს ინდუსტრიულ ჯგუფს". იურიდიულად ამ ჰოლდინგის დამფუძნებელი და 100%-იანი წილის მფლობელი ოფშორულ ზონაში, მარშალის კუნძულებზე რეგისტრირებული ფირმა, შპს "ჩემექსიმ ინტერნეიშენალი" გახლავთ, მაგრამ საყოველთაოდ ცნობილი ფაქტია, რომ მას, რეალურად, ძმები, დავით და გელა ბეჟუაშვილები აკონტროლებენ.

სხვათა შორის, ინდუსტრიული ჯგუფის საკუთრებაშია სამაუწყებლო კომპანია "რუსთავი 2"-ის წილის 30%, "პირველი სტერეოს" 29% და "მზის" 45%. ეს ისე, ინფორმაციისთვის...

ტელევიზიების გარდა, ბეჟუაშვილების ფირმა არაერთ კომპანიაში ფლობს სხვადასხვა ოდენობის წილებს და, შესაბამისად, არაერთ ბიზნესს აკონტროლებს. ერთ-ერთი ასეთი ფირმა შპს "აჭარინვესტია", რომელიც ბათუმში, რუსთაველის ქუჩის გაგრძელებაზე, ზღვის სანაპირო ზოლიდან 150 მეტრში ფლობდა 18 800 კვადრატულ მეტრ მიწის ნაკვეთსა და მასზე მშენებარე შენობა-ნაგებობებს...(ე.წ. ლუჟკოვის სასახლე).

ყველაფერი დაიწყო იმით, რომ 2007 წლის 12 თებერვალს შპს "აჭარინვესტსა" და მოსკოვში მოღვაწე ბიზნესმენს გიორგი ვადაჭკორიას შორის გაფორმდა სესხის ხელშეკრულება. ამ ხელშეკრულების დეტალებითა და მასში განხორციელებული ცვლილებების განხილვით თავი რომ არ შეგაწყინოთ, უბრალოდ, გეტყვით, რომ "აჭარინვესტი" ვადაჭკორიასგან 14%-იანი წლიური სარგებლით იღებდა სესხს, 2 მლნ 750 ათას აშშ დოლარს, რომელიც შემდეგი გრაფიკით უნდა გადაეხადა - 2007 წლის 31 ოქტომბრამდე 900 ათასი დოლარი, 30 ნოემბრამდე ასევე 900 ათასი დოლარი და 15 დეკემბრამდე 950 ათასი დოლარი. აქვე გეტყვით იმასაც, რომ შპს "აჭარინვესტის" დამფუძნებელი და 100%-იანი წილის მფლობელი ბეჟუაშვილების მფლობელობაში მყოფი შპს "ჰოლდინგი საქართველოს ინდუსტრიული ჯგუფი" გახლავთ.

მართალია, "აჭარინვესტსა" და ვადაჭკორიას შორის სესხის ხელშეკრულება გაფორმდა, მაგრამ, როგორც ირკვევა, რეალურად, ვადაჭკორიამ მის საკუთრებაში არსებული შპს "აჭარინვესტის" წილი ძმებ ბეჟუაშვილებს მიჰყიდა. უბრალოდ, თანხის გადახდის ფორმად სესხის გაფორმება და გრაფიკის გაწერა შეირჩა.

გიორგი ვადაჭკორია, ბიზნესმენი:

-მე ვიყავი შპს "აჭარინვესტის" ერთ-ერთი თანამფლობელი. არ გადაგღლით იმაზე საუბრით, თუ თავიდან ერთობლივად როგორ შევისყიდეთ ეს ობიექტი რუსი ბიზნესმენებისგან. ეს გრძელი ისტორიაა, მაგრამ საბოლოოდ, მე და დავით ბეჟუაშვილი გავხდით პარტნიორები. ვერ მოგატყუებთ და ვერ გეტყვით, რომ იურიდიულად ამ ფირმის მფლობელი ბეჟუაშვილები იყვნენ-მეთქი, ჩემთვის ასეთი დოკუმენტი ცნობილი არ არის, მაგრამ შემიძლია გითხრათ, რომ ნებისმიერი სერიოზული მოლაპარაკება ამ ბიზნესთან დაკავშირებით, მქონდა ბატონ დავით ბეჟუაშვილთან. ბატონი დავითი იღებდა გადაწყვეტილებებს, გასცემდა განკარგულებებს და "აჭარინვესტის" ხელმძღვანელობა მის განკარგულებებს ასრულებდა. შემდეგ, ჩემთვის მიუღებელი ფორმებით დაიწყო ბიზნესის განვითარება და გადავწყვიტე, რომ ბიზნესიდან წამოვსულიყავი.

- თქვენთვის მიუღებელ ფორმებში კონკრეტულად რას გულისხმობთ?
-რამდენიმე ფაქტორი იყო. ჯერ ერთი, ამ პროექტის დასრულება წელიწადნახევარში შეიძლებოდა, მაგრამ ჩემი პარტნიორები ამას, რატომღაც აჭიანურებდნენ. მე მინდოდა, ქართველი მუშახელის დასაქმება, მათ კი თურქული კომპანიის შემოყვანა, რომლისთვისაც, ჩემი აზრით, არაადეკვატურად დიდი თანხის გადახდას აპირებდნენ. მოკლედ, რადგანაც ასეთი წინააღმდეგობები არსებობდა, მივიღე გადაწყვეტილება, კონფლიქტის გარეშე დამეტოვებინა ჩემი წილი. ამაზე ძალიან მარტივად მივიღე თანხმობა.

- კონკრეტულად ვისგან?
- რა თქმა უნდა, დავით ბეჟუაშვილისგან, რადგან "აჭარინვესტის" დირექტორი იქ, რეალურად, არაფერს წყვეტდა. მოკლედ, მივიღე ბიზნესიდან წასვლის გადაწყვეტილება, მაგრამ, ვინაიდან, იმ პერიოდისთვის მას არ გააჩნდა ფინანსური სახსრები, გავაფორმეთ სესხის ხელშეკრულება. გავიდა ხელშეკრულებით გათვალისწინებული ვადა და თანხა არ გადამიხადეს. "აჭარინვესის" ხელმძღვანელობა და იურიდიული კომპანია, რომელიც ბატონ დავით ბეჟუაშვილს ჰყავდა დაქირავებული, საერთოდ ინფორმაციასაც არ მაწვდიდა და როცა ვითხოვდი ხელმძღვანელობასთან შეხვედრას, ისინი თავს არიდებდნენ ჩემთან კონტაქტს. ეს ჩემთვის მიუღებელი იყო. არაერთხელ მივმართე კომპანიას, და, საბოლოოდ, გადავწყვიტე მიმემართა სასამართლოსთვის.

საქმის მასალების მიხედვით, 2009 წლის 4 ივნისის გადაწყვეტილებით, თბილისის საქალაქო სასამართლომ დააკმაყოფილა ვადაჭკორიას სარჩელი და შპს "აჭარინვესტს" მის სასარგებლოდ 5 მლნ 481 ათას 772 ლარის გადახდა დააკისრა, საიდანაც 4 მლნ 712 ათას 125 ლარი ძირითადი თანხა გახლდათ, ხოლო 759 ათას 647 ლარი მასზე, 2008 წლის 15 აპრილამდე დარიცხული წლიური 14%.

აქვე უნდა ითქვას ისიც, რომ სარჩელის უზრუნველყოფისათვის სასამართლომ, თავდაპირველად, შპს "აჭარინვესტის" მთლიანი ქონება დააყადაღა, მაგრამ "აჭარინვესტის" ხელმძღვანელობამ წარმოადგინა აუდიტორული დასკვნა, რომ მათი ფირმის საკუთრებაში რიცხული მთლიანი ქონება 63 მლნ 832 ათას 500 აშშ დოლარის ღირებულების იყო, სასამართლომაც მთლიან ქონებაზე ყადაღა მოხსნა და სარჩელის უზრუნველსაყოფად მხოლოდ ამ ქონების ერთი, მცირე ნაწილი, 2000 კვადრატული მეტრი დააყადაღა.

მიუხედავად სასამართლო გადაწყვეტილებისა, შპს "აჭარინვესტის" ხელმძღვანელობას, რეალურად კი, ძმებ ბეჟუაშვილებს ვადაჭკორიასთვის ვალის გადახდა არც უფიქრიათ. მათ თბილისის საქალაქო სასამართლოს გადაწყვეტილება სააპელაციო წესით გაასაჩივრეს. თუმცა, სააპელაციო პალატამაც, 2010 წლის 31 მარტის გადაწყვეტილებით, პირველი ინსტანციის გადაწყვეტილება ძალაში დატოვა...
ბეჟუაშვილებმა საქმე უზენაეს სასამართლოში გაასაჩივრეს, რომელიც მათთვის კვლავ უშედეგოდ დასრულდა და 2011 წლის 13 იანვარს უზენაესმა სასამართლომ წინა ინსტანციების გადაწყვეტილება ძალაში დატოვა...

სავარაუდოდ, ბეჟუაშვილებს საქმის მოგების იმედი ვერც ექნებოდათ, რადგან არსებობს სესხის ხელშეკრულება და, ფაქტია, რომ "აჭარინვესტს" ვადაჭკორიასთვის ფული არ გადაუხდია, მაგრამ, როგორც აღმოჩნდა, მათ ეს გასაჩივრებები და სასამართლოებში საქმის განხილვა სულ სხვა მიზნისთვის სჭირდებოდათ:

2010 წლის 30 დეკემბერს, ანუ მაშინ, როცა სააპელაციო სასამართლოს გადაწყვეტილება უკვე არსებობდა და საქმე უზენაესში იყო გასაჩივრებული, შპს "აჭარინვესტმა" ხელშეკრულება გააფორმა შპს "საქართველოს საერთაშორისო ენერგეტიკულ კორპორაციასთან", რომლის მიხედვითაც, 108 ნაწილად დანაწევრებული "აჭარინვესტის" ქონება ვალის, 8 მილიონ 924 ათას 171 აშშ დოლარის სანაცვლოდ, გადაცემა "საქართველოს საერთაშორისო ენერგეტიკულ კორპორაციას".

საქმის მასალებიდან არ ჩანს, თუ საიდან ქონდა "აჭარინვესტს" კორპორაციის ვალი, მანამდე რატომ დაყო მთლიანი ქონება 108 ნაწილად და რატომ გადასცა 9 მილიონამდე ვალში მთელი ქონება, რომლის ღირებულებაც, თავისივე აუდიტორული დასკვნის თანახმად, 64 მილიონ აშშ დოლარამდე იყო, მაგრამ იკვეთება ძალიან საინტერესო დეტალი: როგორც უკვე გითხარით, "აჭარინვესტის" დამფუძნებელი და 100%-იანი წილის მფლობელი შპს "ჰოლდინგი საქართველოს ინდუსტრიული ჯგუფია", ხოლო მისი დირექტორი ვასილ ძოწენიძე. შპს "საქართველოს საერთაშორისო ენერგეტიკული კორპორაციის" დამფუძნებელი და 100%-იანი წილის მფლობელიც, იგივე შპს "ჰოლდინგი საქართველოს ინდუსტრიული ჯგუფი" გახლავთ, ხოლო მისი დირექტორთა საბჭოს თავმჯდომარეა, ეკონომიკის მინისტრის ყოფილი მოადგილე ნათია (ნათელა) თურნავა.

ანუ, ბეჟუაშვილების ფირმამ ქონება ვალში ჩაუთვალა ასევე ბეჟუაშვილების ფირმას... პრაქტიკულად, ესაა ინვესტორის დაჩაგვრა, ამ ხელისუფლებისთვის ჩვეული არაკანონიერი გზებით...

თუმცა, ამით ყველაფერი არ დასრულებულა...

მას შემდეგ, რაც შპს "აჭარინვესტმა" წააგო ყველა სასამართლო პროცესი, დავების შუალედში ფიქტიურად, ასევე ბეჟუაშვილების ფირმაზე გადააფორმა მთლიანი ქონება, გარდა ვადაჭკორიას მოთხოვნის საფუძველზე სასამართლოს მიერ დაყადაღებული ქონებისა, 2011 წლის 26 იანვარს, დირექტორმა ვასილ ძოწენიძემ განცხადებით მიმართა ქუთაისის საქალაქო სასამართლოს და "აჭარინვესტის" მიმართ გაკოტრების საქმის წარმოების გახსნა მოითხოვა. დანიშნა გაკოტრების მმართველი და დაიწყო საქმის წარმოება. უკვე გაკოტრებაში მყოფი "აჭარინვესტის" მეურვის, სასამართლოს მიმართ წარდგენილი მოხსენებიდან ვიგებთ, რომ ფირმას გიორგი ვადაჭკორიას გარდა, სხვა ვალებიც "აღმოაჩნდა". კონკრეტულად: ფინანსთა სამინისტროს შემოსავლების სამსახურის - 2 მილიონ ლარზე მეტი, "ინდუსტრიული ჯგუფის" დამფუძნებელ შპს "ჩემექსიმ ინტერნეიშენალის"- 845 ათასი ლარი, ჩვენთვის უკვე ცნობილი შპს "საქართველოს საერთაშორისო ენერგეტიკული კორპორაციის"- 34 ათასი ლარი, შპს ბიზნესცენტრ "საბურთალოს"- 82 ათასი ლარი, შპს აუდიტი "გურამის"-21 ათასი ლარი, შპს "ტიფლის სითის"-49 ათასი ლარი და რაც მთავარია - თავისივე დამფუძნებლის, "ჰოლდინგი საქართველოს ინდუსტრიული ჯგუფის"-13 მილიონ ლარზე მეტი...

ანუ , პირდაპირ რომ ვთქვათ, ძმებმა ბეჟუაშვილებმა "აჭარინვესტს" ვალები თავისივე ფირმებზე, "ჩემექსიმ ინტერნეიშენალზე", "საქართველოს საერთაშორისო ენერგეტიკულ კორპორაციასა" და "ჰოლდინგ საქართველოს ინდუსტრიულ ჯგუფზე" გაუფორმეს და ამით ყველაფერი გააკეთეს იმისთვის, რომ ვადაჭკორიას ვალი არ გადაიხადონ.

უფრო მარტივად რომ აგიხსნათ, კანონის თანახმად, როცა ფირმა გაკოტრების პროცესშია, პირველი კმაყოფილდება სახელმწიფო, ანუ შემოსავლების სამსახური, ხოლო შემდეგ სხვა კრედიტორები. რაც მთავარია, გაკოტრების საქმეს ყველაზე მსხვილი კრედიტორი წარმართავს. ამ შემთხვევაში, ბეჟუაშვილების მაქინაციით, ეს უფლება "აჭარინვესტისვე" დამფუძნებელმა, ისევ ბეჟუაშვილების კომპანიამ მიიღო...

გამოძიების პროცესში ვერაფრით ვერ დავიკავშირდით მთავარ გმირს, დავით ბეჟუაშვილს, თუმცა, რამდენჯერმე ვესაუბრეთ და შეხვედრა ვთხოვეთ "აჭარინვესტის" დირექტორს ვასილ ძოწენიძეს. მან თავიდან კითხვების გადაგზავნა მოგვთხოვა, შემდეგ რამდენიმე დღე კავშირზე არ გამოდიოდა, ხოლო ბოლოს, პრაქტიკულად, არც ერთ ჩვენს შეკითხვაზე პასუხი არ გაგვცა და ყველაფერზე, მხოლოდ და მხოლოდ, ერთი და იგივე წინადადებას იმეორებდა - ეს კომერციული ინფორმაციაა და ამაზე კომენტარს ვერ გავაკეთებო.

სამაგიეროდ, ბეჟუაშვილების ქმედებაში სისხლის სამართლის დანაშაულის ნიშნებს ხედავენ იურისტები. საქმის მასალების გაცნობის შემდეგ, ახალგაზრდა იურისტთა ასოციაციის იურისტი ლიკა წიკლაური ასეთ კომენტარს აკეთებს:

- ამ საქმიდან გამომდინარე, ძალიან ბევრი ეჭვი და კითხვის ნიშანი ჩნდება ამ ორგანიზაციებთან დაკავშირებით. საქართველოს კანონით, გადახდისუუნარობის საქმის წარმოების შესახებ, კრედიტორისთვის ზიანის მომტანად ითვლება ისეთი ქმედება, თუ გადახდისუუნარობის განცხადების შეტანამდე 6 თვის განმავლობაში მოვალე ახორციელებს ისეთ ქმედებას, რომლითაც კრედიტორის ინტერესების დაკმაყოფილებას ეშლება ხელი. ამ შემთხვევაში, სწორედ ასეთი ქმედება იქნა ჩადენილი...

გარდა ამისა, სისხლის სამართლის კოდექსის 205-ე მუხლის თანახმად, გადახდისუუნარობისას უკანონო ქმედების იმ ნაწილის განკარგვა ან დამალვა კრედიტორისთვის ხელმიუწვდომლობის მიზნით, რომელიც გაკოტრების საქმის წარმოების გახსნის შემთხვევაში მოექცეოდა სამეურვეო ქონებაში, ისჯება ჯარიმით ან თავისუფლების აღკვეთით, ვადით 3 წლამდე. უფრო მეტიც - პირდაპირ შეიძლება ითქვას, რომ ამ ქმედებებში არის თაღლითობის ნიშნებიც. კერძოდ - თაღლითობა, ეს არის სხვისი ქონების დაუფლება, მისი მართლსაწინააღმდეგო მისაკუთრების მიზნით. ამ შემთხვევაში, იკვეთება ისეთი შეთანხმების ნიშნები, რომლითაც, შესაძლოა, ორგანიზებულად ცდილობდნენ გიორგი ვადაჭკორიას ქონებას დაუფლებოდნენ. წინასწარი შეთანხმებით, ჯგუფის მიერ ჩადენილი თაღლითობა, რომელმაც მნიშვნელოვანი ზიანი გამოიწვია, სისხლის სამართლის კოდექსით 6-დან 9 წლამდე თავისუფლების აღკვეთას ითვალისწინებს. საბოლოოდ, ეს უნდა დაადგინოს გამოძიებამ და შემდგომ სასამართლომ, თუმცა სისხლის სამართლის საპროცესო კოდექსის მოთხოვნების თანახმად, პროკურატურა ვალდებულია, ამ მასალების გამოქვეყნების შემდეგ დაიწყოს წინასწარი გამოძიება ამ კონკრეტულ საქმეზე, ვინაიდან ის აშკარად შეიცავს დანაშაულის ნიშნებს.

ნათია ორველაშვილი
გაზეთი "ვერსია"

პროექტი განხორციელდა დანიური საგამოძიებო ორგანიზაციის მხარდაჭერით

ბიზნესმენმა მიხაილ ხოდორკოვსკიმ და მის მიერ შექმნილმა ცენტრმა „დოსიემ“ ამ დღეებში წარმოადგინეს გამოძიების შედეგები ცენტრალური აფრიკის რესპუბლიკაში (ცარ) სამი რუსი ჟურნალისტის მკვლელობის გახმაურებულ საქმეზე. გამოძიების დასკვნის თანახმად, ორხან ჯემალის, ალექსანდრ რასტორგუევისა და კირილ რადჩენკოს დახოცვაში წვლილი მიუძღვით ცენტრალური აფრიკის რესპუბლიკის ჟანდარმერიის თანამშრომლებს და რუსებს, რომლებიც კრემლთან დაახლოებული ბიზნესმენის, ევგენი პრიგოჟინის, ერთ-ერთ სტრუქტურაში მუშაობდენ.

ვინ უთვალთვალებდა ჟურნალისტებს ცარ-ში

 „რუსული კვალის“ შესახებ ვერსიები რუსი ჟურნალისტების მკვლელობის გახმაურების შემდეგ გაჩნდა დასავლურ და დამოუკიდებელ რუსულ გამოცემებში. ცენტრ „დოსიეს“ ჟურნალისტების გამოძიება ამ ვერსიას ამყარებს.

გამოძიების ავტორები ამტკიცებენ, რომ მათ მოიპოვეს ტელეფონის ბილინგი, რომელსაც ჟურნალისტების მიერ დაქირავებული მძღოლი, ბენვენიუ ნდუვოკამი, იყენებდა. გამგზავრების წინ მძღოლმა გაააქტიურა სხვა სახელზე გაფორმებული სიმ-ბარათი. შემოწმების შემდეგ მან ბარათი თავის ტელეფონში მოათავსა, რითაც, როგორც ცენტრ „დოსიეში“ აცხადებენ, შესაძლებელი გახდა მძღოლის მეორე ნომრისა და მისი ვინაობის დადგენა. მაგრამ მთავარ აღმოჩენად იქცა მძღოლის ზარები: იგი, სულ მცირე, 47-ჯერ დაუკავშირდა ცარ-ის ჟანდარმერიის მაღალი რანგის მოხელეს, ემანუელ კოტოფიოს. „დოსიეში“ ვარაუდობენ, რომ მძღოლი მას ანგარიშს აბარებდა ჟურნალისტთა ჯგუფის გადაადგილების შესახებ. თავად მძღოლი ბენვენიუ ნდუვოკამა ადრე ჟანდარმერიაში მუშაობდა.

ბილინგის თანახმად, მკვლელობის დღეს კოტოფიო მოძრაობდა ჟურნალისტების ჯგუფის კვალდაკვალ. ცენტრ „დოსიეში“ მიიჩნევენ, რომ ჟანდარმერიის წარმომადგენელი, სულ მცირე, მკვლელობის ადგილის შორიახლოს იმყოფებოდა.

„ჩვენ ვიცით მკვლელობის თანამონაწილეთა ვინაობა და ფაქტებს აბსოლუტურად დადასტურებულად მივიჩნევთ“, - აცხადებს ხოდორკოვსკი ჟურნალისტთა მკვლელობის სამხილებთან დაკავშირებით.

სამხედროებმა, რომლებიც რუსი ჟურნალისტების მიერ გავლილ საგუშაგოზე მორიგეობდნენ, ცენტრ „დოსიეს“ აცნობეს, რომ მკვლელობამდე ერთი საათით ადრე იგივე საკონტროლო-გამშვები პუნქტი გაიარა ავტომობილმა, რომელშიც კოტოფიო იმყოფებოდა ორ აფრიკელ და სამ ევროპელთან ერთად. იგივე მანქანა, იმავე მგზავრებით, სამი რუსი ჟურნალისტის მკვლელობიდან საათ-ნახევრის შემდეგ დაბრუნდა საკონტროლო-გამშვებ პუნქტთან.

ცენტრ „დოსიეს“ თანახმად, ემანუელ კოტოფიოს სუდანში რუსი სამხედროები წვრთნიდნენ. რუსი ჟურნალისტების დაღუპვის შემდეგ იგი დააწინაურეს. ჟურნალისტები, რომლებიც ცენტრ „დოსიესათვის“ მუშაობენ ცარ-ში, იუწყებიან, რომ კოტოფიო მუდმივ ურთიერთობაშია რუს ინსტრუქტორებთან.

გამომძიებლებმა ვერ დაადგინეს ვინაობა „მარტინის“, რომელსაც ჟურნალისტები ცარ-ში გაეროს თანამშრომლად და შტატგარეშე კორესპონდენტად მიიჩნევდნენ. „მარტინს“ რეკომენდაცია გაუწია ევგენი პრიგოჟინის კორპორაციაში შემავალი ერთ-ერთი სტრუქტურის, საინფორმაციო-სააგენტო „ფანის“, თანამშრომელმა, კირილ რომანოვსკიმ.

როგორ უკავშირდება ეს საქმე „ვაგნერს“ და პრიგოჟინს

ცენტრ „დოსიეში“ მიაჩნიათ, რომ კოტოფიო მუდმივ კონტაქტში იყო კომპანია "М-Финанс"-ის თანამშრომელ ალექსანდრ სოტოვთან. იგი, თავის მხრივ, „მჭიდრო“ კავშირში იმყოფდებოდა "М-Финанс"-ის სხვა თანამშრომელთან, ვალერი ზახაროვთან, ცარის პრეზიდენტის მრჩეველთან.

"М-Финанс"-ი მთლიანად ეკუთვნის ფირმა Lobaye Invest-ს, რომელმაც ნებართვა მოიპოვა ოქროს საბაოდების შესასწავლად ცარ-ში 385 კვადრატული კილომეტრის ფართობზე. Lobaye Invest-ის დირექტორია დმიტრი სიტი, რომელიც, ცენტრ „დოსიეს“ თანახმად, მიმოწერაში იყო რუსეთის ელჩთან და ინფორმაციებს აწვდიდა დაღუპული ჟურნალისტებისა და მათი პირადი ნივთების შესახებ.

კომპანია "М-Финанс"-ი ერთ-ერთი სტრუქტურაა, რომელსაც აკონტროლებს ბიზნესმენი ევგენი პრიგოჟინი. გავრცელებული ინფორმაციით, პრიგოჟინის სახელი უკავშირდება ასევე კერძო სამხედრო კომპანია (კსკ) „ვაგნერს“, რომლის მებრძოლები თავდაპირველად დონბასში, შემდეგ კი სირიაში ასრულებდნენ სამხედრო მისიას.

ცენტრ „დოსიეს“ განკარგულებაშია სოტოვის სახელით შედგენილი მინდობილობა კომპანია "М-Финанс"-იდან „ინსტრუქტორისათვის“ განკუთვნილი ხელფასის მიღების თაობაზე და პირადი ნომერი, რომელიც კსკ „ვაგნერის“ ყველა დაქირავებულს ენიჭება. ზახაროვიც და სოტოვიც სახელფასო უწყისში არიან. პირველის ხელფასი - 300 ათასია (სავარაუდოდ, რუსული მანეთი), მეორის - 200 ათასი. ხელფასის მიღების თვე მითითებული არ არის.

რატომ არ შეიძლება ჟურნალისტების მკვლელობა უკავშირდებოდეს გაძარცვის მცდელობას

რუსეთის ხელისუფლების წარმომადგენლები მივიდნენ დასკვნამდე, რომ რუსი ჟურნალისტები დახოცეს გაძარცვისას.

„რუს ჟურნალისტებზე თავდასხმა მოხდა გაძარცვის მიზნით და ისინი დახოცეს წინააღმდეგობის გაწევის გამო“, - განაცხადა 2018 წლის აგვისტოს დასაწყისში რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

გასული წლის ბოლოს ჟურნალისტების მკვლელობის თაობაზე შეკითხვა რუსეთის პრეზიდენტ ვლადიმირ პუტინსაც დაუსვეს პრესკონფერენციის დროს.

„რამდენადაც მე ვიცი, თავდასხმა მოაწყო ადგილობრივმა დაჯგუფებამ. უტყუარი მონაცემები აფრიკაში ჟურნალისტების შესახებ ჯერჯერობით არ არსებობს“, - უპასუხა პუტინმა. მან არ გააკეთა კომენტარი ევგენი პრიგოჟინზე, რომელსაც „პუტინის მზარეულს“ უწოდებენ.

ცენტრ „დოსიეს“ ინფორმაციით, ძარცვის ვერსია სინამდვილეს არ შეესაბამება: ავტომობილში, რომლითაც ჟურნალისტები გადაადგილდებოდნენ, დარჩა ორხან ჯემალის ნოუთბუქი და სხვა, ჯამში, რამდენიმე ათასი დოლარის ღირებულების მოწყობილობა. „2018 წლის დეკემბრისათვის ყველა ნივთი ჟანდარმერიაში იყო“, - განაცხადა „დოსიეს“ თანამშრომელმა ეკატერინა კრეკოვამ.

როგორ დაიღუპნენ ჟურნალისტები

ცენტრალური აფრიკის რესპუბლიკის დედაქალაქ ბანგიში ორხან ჯემალი, ალექსანდრ რასტორგუევი და კირილ რადჩენკო 2018 წლის 28 ივლისს ჩაფრინდნენ. ჟურნალისტებმა, რომლებსაც არ ჰქონდათ ცარ-ის თავდაცვის სამინისტროს აკრედიტაცია, ვერ მოახერხეს მოხვედრა ბერენგოს სამხედრო ბაზაზე, სადაც, სავარაუდოდ, დაქირავებული რუსი სამხედროები ცარ-ის ეროვნულ არმიას წვრთნიან.

ამის შემდეგ ჯგუფი შეეცადა ქალაქ ბამბარიში ჩასულიყო და შეხვედროდა ადგილობრივ შტატგარეშე ჟურნალისტს, რომელიც ცარ-ში გაეროს მისიაში (MINUSCO) მუშაობდა. მას ჟურნალისტებისათვის უნდა მიეწოდებინა ინფორმაცია რუსი სამხედრო ინსტრუქტორების შესახებ და დახმარებოდა ოქროს საბადო Ndassima-ზე გადაღებების ორგანიზებაში.

ჟურნალისტები ავტომატური ცეცხლსასროლი იარაღით დახოცეს 30 ივლისს ბანგიდან 180 კილომეტრის დაშორებით. ადგილი, სადაც ტრაგედია მოხდა, დასახლებულ პუნქტებს - სიბიუსა და კარა-ბანდოროს - შორის მდებარეობს.

ჯემალი, რასტორგუევი და რადჩენკო ცარ-ში ტურისტული ვიზებით ჩავიდნენ და არ გაუვლიათ აკრედიტაცია რუსეთის საელჩოსა და საკონსულოში. ეს უკავშირდებოდა მათი გამოძიების ობიექტს - კსკ „ვაგნერს“.

პროექტი დაფინანსებული იყო მიხაილ ხოდორკოვსკის მიერ. თანხები განკუთვნილი იყო სამუშაოს, მოგზაურობის, დაცვის, კომუნიკაციის, დაზღვევისა და აღჭურვილობის ასანაზღაურებლად.

 

თავად ხოდორკოვსკიმ ასე აღწერა ჟურნალისტების მკვლელობა

„ისინი გააჩერეს და შეეცადნენ დალაპარაკებოდნენ. საუბარი სხვანაირად წარიმართა. ორხანმა ჩხუბი დაიწყო. ჩხუბის დროს იგი დაჭრეს, შემდეგ დახვრიტეს. რადჩენკო შეეცადა გაქცეულიყო, სცემეს და დახვრიტეს. რასტორგუევი კი, უბრალოდ, დახვრიტეს, თანაც სიცოცხლეს გამოასალმეს გულში საკონტროლო გასროლით. მკვლელობიდან 30 წუთის შემდეგ მკვლელები უკან იმავე საკონტროლო-გამშვები პუნქტის გავლით დაბრუნდნენ. ჩვენ ვამტკიცებთ, რომ ბატონმა პრიგოჟინმა და ზახაროვმა გამოიყენეს პროფესიონალები, რომლებიც ჟურნალისტებს უთვალთვალებდნენ“, - განაცხადა ხოდორკოვსკიმ ცენტრ „დოსიეს“ გამოძიების მასალების პრეზენტაციის დროს.

„ისინი არ გეგმავდნენ მკვლელობას, მაგრამ ვარაუდობდნენ, რომ ეს შესაძლებელი იქნებოდა. შესაბამისად, წინასწარ მიიღეს კონსპირაციის ზომები“, - დასძინა ხოდორკოვსკიმ.

რადიო თავისუფლება

 

„სააკაშვილს საქართველოში ამომრჩეველი კი არა, მართლმსაჯულება ელოდება!“ 

საქართველოში საარჩევნო კამპანია კორონაპანდემიის ფონზე მიმდინარეობს. ვირუსის დადასტურებული შემთხვევები დღითი დღე მატულობს, თუმცა ხელისუფლება აცხადებს, რომ საყოველთაო ,,ლოკდაუნი’‘ აღარ გვემუქრება და ე.წ. ჩაკეტვები წერტილოვნად განხორციელდება. კორონა ციებ-ცხელების პარალელურად, ხელისუფლებამ და ოპოზიციამ ხელი საარჩევნო ქცევის კოდექსს მოაწერეს. დოკუმენტი ცესკო-ს მიერაა მომზადებული, რაშიც საერთაშორისო ორგანიზაციები _ USAID და IRI-იც იყვნენ ჩართულები. კოდექსში გაწერილია, თუ რა ქცევებია საარჩევნო კამპანიის დროს მიუღებელი. კერძოდ, საუბარია სიძულვილის ენაზე, ამომრჩევლის მოსყიდვასა და შეურაცხმყოფელ განცხადებებზე. როგორც ხედავთ, კორონაქაოსის მიუხედავად, ქართული პოლიტიკური სპექტრი არჩევნებისთვის აქტიურად ემზადება, თუმცა საინტერესოა, როგორ განვითარდება მოვლენები პანდემიის კუთხით ანუ ხომ არ გადაიდება არჩევნები და როდის გვექნება ქვეყანაში ვირუსის აფეთქების მეორე ტალღა? _ ამ საკითხებზე ,,ვერსია’‘ ჯანდაცვის კომიტეტის თავმჯდომარეს, დიმიტრი ხუნდაძეს ესაუბრა.

_ იმის პროგნოზი, რაც დღეს ეპიდვითარებასთან დაკავშირებით ხდება, არაერთხელ გავაკეთეთ და ვთქვით, რომ შემოდგომის პირას ინფიცირებულთა რაოდენობა მოიმატებდა, თუმცა ასეთი ნახტომისებური ზრდა იმაზე მეტია, ვიდრე მოსალოდნელი იყო. ეს განაპირობა საზოგადოების ყურადღების მოდუნებამ, რაც საგანგაშო არა, მაგრამ საყურადღებოა და ვფიქრობ, რეკომენდაციების დაცვა ისე, როგორც აქამდე იყო საჭირო, ახლაც აუცილებელია. ეს რეკომენდაციებია: პირბადის ტარება, თავშეყრის ადგილებზე მაღალი სიმჭიდროვის მორიდება, ფიზიკური დისტანცირება. ამ პროცესის მართვა თავისუფლად შეგვიძლია, რადგან ამ კუთხით, უკვე გარკვეული გამოცდილება მივიღეთ. თავიდან, როგორც მსოფლიო, ჩვენც გამოუცდელი ვიყავით, მაგრამ ამ ხნის განმავლობაში გამოცდილება დავაგროვეთ და აქამდე პროცესი კარგად ვმართეთ, რასაც მთელი მსოფლიო აღიარებს, თუმცა იმ ფონზე, როცა ეპიდემიოლოგების უდიდესი ნაწილი შესაძლო მეორე ტალღას ვარაუდობს, რა თქმა უნდა, მეტი სიფრთხილე და იმ რეკომენდაციების უფრო მაღალ ხარისხში დაცვა გვმართებს, რაც ჯანმო-ს (ჯანდაცვის მსოფლიო ორგანიზაცია, _ ავტ.) მიერაა გაცემული და რა რეკომენდაციებსაც საკოორდინაციო საბჭო იძლევა. 

ასე რომ, დავიცვათ წესები. ამ ვირუსის ხასიათი ამგვარია _ თუ რეკომენდაციებს ითვალისწინებენ, ზიანი მინიმალურია, მაგრამ თუ შესაძლო ზიანს ანგარიშს არ უწევენ, რა თქმა უნდა, ვირუსის ნეგატიური გავლენა უფრო დიდია, რაც არაერთი ქვეყნის მაგალითზე ვნახეთ. სიფრთხილე ნამდვილად გვმართებს, კლინიკები მზადაა, რომ საჭიროების შემთხვევაში, მაქსიმალური შესაძლებლობები გამოავლინონ, მაგრამ ჯანდაცვის სფეროსაც აქვს რეალური შესაძლებლობების ზღვარი. ჩვენ ვართ მაქსიმალურად მზად, მაგრამ აუცილებელია, რომ საზოგადოებამ საკუთარი თავი რისკის ქვეშ არ დააყენოს. 

_ ისე, დამძიმებული კოვიდვითარების ფონზე, არჩევნების გადადება ხომ არ განიხილება? 

_ ჩვენ გვაქვს ორი ძირითადი მიმართულება _ მოქალაქეების ჯანმრთელობის დაცვა და ის, რომ ეკონომიკაში შეუქცევადი პროცესი არ მივიღოთ. ამას ემატება მესამეც _ არჩევნები უსაფრთხოდ და მაქსიმალურად თავისუფალ გარემოში, დამატებითი შეზღუდვების გარეშე და დემოკრატიულად ჩავატაროთ. დღევანდელი ეპიდვითარება საარჩევნო პროცესს საფრთხეს არ უქმნის, მაგრამ უნდა გავითვალისწინოთ, რომ არჩევნებზე უფრო მეტი სიმჭიდროვე იქნება, ვიდრე ახლაა და ამიტომ, უნდა ვიფიქროთ არა მხოლოდ არჩევნების დღეზე, არამედ, შემდგომ პერიოდზეც, რათა ქვეყანას დამატებითი პრობლემები არ გაუჩნდეს. 

_ რაც შეეხება არჩევნების პოლიტიკურ კონტექსტს, ,,ქართული ოცნების’‘ სიის ოცეულში არაერთი ახალი სახე გამოჩნდა. ამას როგორ აფასებთ? 

_ ეს ოცეული საკმაოდ საინტერესოდ გამოიყურება, არიან გუნდის ძველი წევრებიც _ ძირითადად, ლიდერები და ვფიქრობ, მათ საკუთარი პოლიტიკური ცხოვრებით აჩვენეს, რომ შეუძლიათ, ქვეყანაში პოლიტიკური პროცესების მართვის სადაავებთან იყვნენ, მაგრამ რა თქმა უნდა, საჭიროა განახლება და ახალი სახეებიც, თავისი განათლებით, კომპეტენციით, საკმაოდ საინტერესოდ გამოიყურებიან. 

_ მმართველი გუნდის ძველი სახეები, აი, მაგალითად, თქვენ, ,,ოცნების’‘ სიაში იქნებით? 

_ თქვენ სვამთ კითხვას იმის შესახებ, თუ ვინ იქნებიან სიის შემდეგი წევრები, თუმცა არ მინდა გავუსწრო მოვლენებს, რამეთუ ეს პოლიტსაბჭოს გადასაწყვეტია და ცნობილი გახდება, ვინ იქნება სიაში და ვინ _ არა. 

ერთი რამ შემიძლია გითხრათ _ ვაპირებ პოლიტიკური ცხოვრების გაგრძელებას და ჩემს პოლიტიკურ მომავალს ვხედავ მხოლოდ და მხოლოდ ,,ქართულ ოცნებასთან’‘, ვისთანაც პოლიტიკური ცხოვრება დავიწყე! 

_ როგორ ფიქრობთ, ხელისუფლება და ოპოზიცია ქცევის კოდექსს საარჩევნოდ დაიცავენ? 

_ შეთანხმება კარგია, მაგრამ მას შესრულება უნდა. მმართველი გუნდი წესებს ყოველთვის იცავდა და ახლაც დავიცავთ. ოპოზიციისგან კი დიდი მოლოდინი არ მაქვს, რომ ამას გააკეთებს, თუმცა ვნახოთ. 

_ მიხეილ სააკაშვილის შესაძლო დაბრუნებას როგორ აფასებთ? 

_ სააკაშვილის ჩამოსვლა-არჩამოსვლას სერიოზულად არ ვუყურებ, რადგან ყოველი არჩევნების წინ გვპირდება, რომ ჩამოვა, მაგრამ როგორც ჩანს, ამასაც ისე იტყუება, როგორც ყველაფერ დანარჩენს. 

ისე, ნამდვილად ელოდება, ოღონდ არა ამომრჩეველი, არამედ, მართლმსაჯულება, თუმცა ერთიც მაინტერესებს: მან ბოდიში მოიხადა 8 წლის შემდეგ და რაზე იხდის ბოდიშს? რას გულისხმობს? _ იმას, რომ აწამებდა ადამიანებს? ამას ბოდიში არ ყოფნის. სწორედ ამიტომ მაინტერესებს, რაზე იხდის ბოდიშს. მას ძალიან ბევრ საკითხზე აქვს სამართლებრივი პასუხისმგებლობა და მხოლოდ ბოდიში არ იქნება საკმარისი. 

_ თქვენი პროგნოზით, ,,ქართული ოცნება’‘ არჩევნებში როგორ შედეგს დადებს? 

_ ოპოზიციის მხრიდან წარმოდგენილი პოლიტიკური სპექტრი საკმაოდ უინტერესოა. მათი წარსული საკმაოდ სახიფათოა. ძირითადად, ნაციონალურ მოძრაობასა და მის განაყარს ვგულისხმობ. სხვა ძალიან ბევრი პარტია უცნობია, ორკაციანი და ერთკაციანია, ამიტომ დიდ კონკურენციას ვერ ვხედავ. კონკურენცია, სამწუხაროდ, პოლარიზებულია. ერთ მხარესაა ისევ ძველი ნაციონალური მოძრაობა, რომლის წარსულიც ახსოვს საზოგადოებას და მეორე მხარესაა ,,ქართული ოცნება’‘, რომელიც ყველაზე მეტად არის საზოგადოებასთან. 

შესაძლოა, ,,ქართულ ოცნებასაც’‘ ჰქონდა ხარვეზები, მაგრამ მას ერთი ისეთი შეცდომაც არ დაუშვია, რომელიც ადამიანის სიცოცხლეზე გადიოდა ან ქვეყნის ოკუპაციაზე... ასე რომ, ვინც არ მუშაობს, ის შეცდომებსაც არ უშვებს, მაგრამ ისეთი შეცდომა არ უნდა დაუშვა, რომელიც საზიანო ხდება ქვეყნისა და თაობებისთვის. 

_ ბატონო დიმიტრი, თქვენ ერთ-ერთი დეპუტატი იყავით, რომელიც მაჟორიტარულ სისტემას ბოლომდე იცავდა და პროპორციულ სისტემაზე გადასვლას მხარი არ დაუჭირეთ. ,,ოცნებამ’‘ მაჟორიტარად რომ არ დაგასახელათ, გული ხომ არ დაგწყდათ? 

 

_ მე ვიყავი ორი მოწვევის მაჟორიტარი დეპუტატი. როგორ ვაკეთებდი ჩემს საქმეს, ამას საზოგადოება შეაფასებს. ვფიქრობ, ჩემი მაჟორიტარობა არ იყო უინტერესო არც საკანონმდებლო მუშაობით და არც _ ადგილზე, სამაჟორიტარო ოლქში, თუმცა ალბათ, უკეთესადაც შეიძლებოდა, ამიტომ ვისურვებდი, რომ ჩვენი გუნდის წევრი ჩემზე ეფექტური იყოს. 

რაც შეეხება საარჩევნო სისტემას, მე ხომ ჩემთვის არ მიზრუნია და ეს იმიტომ არ გამიკეთებია, რომ მაინცდამაინც მე ვყოფილიყავი მაჟორიტარი? მწამდა და ახლაც მწამს, რომ ქვეყნის სტაბილურიბისთვის, მით უმეტეს, ამ პოლიტიკურ რეალობაში, არათუ სასურველი, არამედ აუცილებელია, რომ მაჟორიტარული შემადგენელი ყოფილიყო სისტემაში. რა თქმა უნდა, 30 მაჟორიტარი არაა ის, რაზეც ვსაუბრობდი, მაგრამ ამ ეტაპზე, სუფთა პროპორციულს მაინც სჯობს, თუმცა უნდა მივიდეთ იქამდე, რომ ქვეყანა პროპორციულ სისტემაზე გადავიდეს. თვითმმართველობა იყოს ძლიერი; მაჟორიტარული რგოლი აღარ იყოს საჭირო რაიონში კონკრეტული საკითხების განსახილველად; ქვეყანაში უნდა იყოს პოლიტიკური სპექტრი, რომ რეალური არჩევანის საშუალება არსებობდეს და აი, მაშინ, აღარ იქნება საჭირო მაჟორიტარული სისტემა. საბოლოოდ, პროპორციულ სისტემაზე უნდა გადავიდეთ.

თათია გოჩაძე

Basement pertinent arkansas

ინტერვიუ

Package eternal darkness cap attracted circular competent secure. Journal papa long-range virgin tour overcome golf bedroom supreme podger. Allowances reflects losses portland

Shear pleased oct

ინტერვიუ

Submarines bonds earnings assigned fewer simultaneously forty mankind bus. Thickness joy golden bride dining brothers exposure nerves lincoln radar. Phenomenon hans massive occur

20 იანვარს მსოფლიო ამერიკის შეერთებული შტატების ახალი პრეზიდენტის ინაუგურაციას ელოდება. დღეს უკვე შეიძლება ითქვას, რომ განვითარებული მოვლენების ფონზე, 2020 წლის საპრეზიდენტო არჩევნები აშშ-ს ისტორიაში ყველაზე სკანდალური იყო. პრეზიდენტის იანუგურაციაც წელს განსხვავებულად ჩატარდება - ჯო ბაიდენის საინაუგურაციო კომიტეტმა საზოგადოებას მოუწოდა, კოვიდპანდემიის გამო, დაიცვას ჯანდაცვის ნორმები, დარჩნენ სახლში და იქიდან ადევნონ თვალი პრეზიდენტ ბაიდენისა და ვიცე-პრეზიდენტ კამალა ჰარისის ფიცის დადების ცერემონიას.

გასაკვირი არ არის, რომ 2020 წლის საპრეზიდენტო არჩევნებს საქართველოში განსაკუთრებული გულმოდგინებით ადევნებდნენ თვალს, რადგან სწორედ ამ არჩევნების შედეგებზეა დამოკიდებული, რა პოზიციას დაიკავებს ჩვენი ქვეყნის მიმართ მისი მთავარი სტრატეგიული პარტნიორი. პრეზიდენტობის ორივე კანდიდატს - დონალდ ტრამპსა და ჯო ბაიდენს საქართველოში ძალიან კარგად იცნობენ, თუმცა ამჯერად „ვერსია“ გამარჯვებული კანდიდატის ჯო ბაიდენის საინტერესო, ტრაგიკული და სირთულეებით სავსე ცხოვრების დეტალებს შეგახსენებთ.

ბევრისთვის უცნობია, რომ ჯო ბაიდენის ისტორია ბავშვობაში ძლიერი მეტყველების დეფექტით, იგივე ენის ბორძიკით იწყება. პენსილვანიაში დაბადებული პატარა ბიჭი სკოლაში ამის გამო ძლიერი ბულინგის მსხვერპლი იყო. რამდენიმე ათეული წლის შემდეგ კონგრესმენის დამ, ვალერია ბაიდენმა აღნიშნა, რომ სწორედ ამ ტრამვულმა პერიოდმა და გამოწვევამ ასწავლა, როგორ ყოფილიყო უფრო კეთილი, შემწყნარებელი და თანამგრძნობი სხვა ადამიანების პრობლემების მიმართ.

„მე ვფიქრობ, რომ ცხოვრებაში არაფერს შეულახავს და დაუკარგავს ჩემი ღირსება ასე უცბად, მტკინვეულად და საფუძვლიანად, როგორც ენის ბორძიკს სკოლაში“, - განაცხადა ბაიდენმა 2008 წელს საუბრისას.

სწორედ ამის გამო ახალგაზრდა ჯო ბაიდენი იძულებული გახდა, მუდმივად შეწინააღმდეგებოდა იმ ბავშვებს, ვინც მას აბულინგებდა. ძლიერი ენის ბორძიკი კი მან ყოველდღე რამდენიმე საათის განმავლობაში სარკესთან ლექსების გამეორებით დასძლია. მისი თქმით, დაეხმარა ისიც, რომ დედა სულ მის გვერდით იყო და გულშემატკივრობდა. სწორედ ამ ფაქტმა განაპირობა, რომ ყოფილმა ვიცე-პრეზიდენტმა გადაწყვიტა ყოველთვის დახმარებოდა სხვადასხვა ორგანიზაციას, ძლიერი მეტყველების დეფქტის მქონე ბავშვებზე რომ ზრუნავს. 2020 წელს კი, დემოკრატების კანდიდატად წარდგენისას, ერთ-ერთი გამომსვლელი 13 წლის, მეტყველების პრობლემის მქონე, ბრეიდონ ჰარინგტონი იყო, რომელსაც ბაიდენი ნიუ ჰემფშირის შტატში შეხვდა და დაუმეგობრდა. ბრეიდენისთვის, რომელსაც ასევე აქვს მეტყველების პრობლემები ძალიან მნიშვნელოვანი აღმოჩნდა იმის დანახვა, რომ მისნაირი ადამიანები ასეთ დიდ წარმატებას აღწევენ.

„ძალიან მოკლე ხანში ჯო ბაიდენმა შეძლო უფრო თავდაჯერებული გავეხადე, გადამელახა ის პრობლემა, რომელიც მთელი ცხოვრება მაწუხებს. მივხვდი, რომ ჯო ბაიდენისთვის ჩვენი პრობლემები სულერთი არ იყო და ის ზრუნავდა ჩემზე“, - თქვა ჰარინგტონმა დემოკრატიული პარტიის ყრილობაზე ემოციური გამოსვლისას.

ბაიდენს მეტყველების პრობლემებმა სწავლაში ხელი მაინც ვერ შეუშალა და 1965 წელს, მან ბაკალავრის ორმაგი ხარისხი ისტორიასა და პოლიტიკურ მეცნიერებეში, მაინორით კი ინგლისურ ენაში მიიღო. სირაკუზას უნივერსიტეტში იურისპრუდენციის სწავლისას პირველ მეუღლეს, ნეილია ჰანტერს შეხვდა, რომელთანაც სამი შვილი ჰყავს: ბო, ჰანტერი და ნაომი. 1972 წელს ბაიდენი დელავერის შტატის სენატორი გახდა, ჩაატარ წარმატებული საარჩევნო კამპანია, რომელშიც უსახსრობის გამო მთელი მისი ოჯახი აქტიურად მონაწილეობდა. თუმცა სწორედ ამ ზეიმისა და წარმატების დროს ოჯახს თავს საზარელი ტრაგედია დაატყდა - 18 დეკემბერს ავტომობილს, რომელშიც ნაიომი მართავდა და უკან მისი შვილები ისხდნენ, ტრაქტორის ტიპის მანქანა დაეჯახა. სენატორი ბაიდენის ახალგაზრდა მეუღლე და ქალიშვილი ნაომი ავტოკატასტროფაში ადგილზევე დაიღუპნენ, მისი ვაჟები კი მძიმედ დაშავდნენ. ბაიდენი ინტერვიუებში იხსნებს, რომ წინა ღამით მის მეუღლეს თითქოს რაღაც წინათგრძნობა ჰქონდა, რადგან საკმაოდ უცნაური კითხვა დაუსვა: „რა მოხდება მომავალში, ჯო? ყველაფერი ზემდეტად კარგადაა“.


სენატორისთვის ეს იმდენად მძიმე პერიოდი იყო, რომ სუიციდზეც კი დაიწყო ფიქრი, თუმცა მისმა ბიჭებმა და მათზე ზრუნვამ მალევე დაუბრუნა ცხოვრების სურვილი. ის თანამდებობაზე უარის თქმაზეც კი აპირებდა, რათა მძიმედ დაშავებულ შვილებზე ეზრუნა, თუმცა ბიჭების ჯანმრთელობის გაუმჯობესებული მდგომარეობა მისგან ამ მსხვერპლს არ მოითხოვდა. მიუხედავად ყველაფრის, პირველ რიგში, ის იყო მამა და მისი პრიორიტეტი ყოველთვის შვილები იყვნენ, რასაც ყოველთვის ქმედებებითაც ამტკიცებდა. სწორედ ეს იყო მიზეზი, რომ ჯო ბაიდენის სენატორად დამტკიცების ცერემონია სწორედ იმ საავადმყოფოში შედგა, სადაც მისი შვილები მკურნალობდნენ. რამდენიმე თვის შემდეგაც კი, ვაშინგტონში მუშაობის მიუხედავად, სენატორი მატარებელში რამდენიმე საათიანი მგზავრობის შემდეგ, ყოველ საღამოს ბრუნდებოდა სახლში და სადილობდა თავის ბიჭებთან ერთად, რათა მათ მამის მზრუნველობა არ მოკლებოდათ და დილით სკოლაში გაეცილებინა.

1977 წლის ივნისში მეორედ, მასწავლებელ ჯილ ბაიდენზე დაქორწინდა და მასთან ქალიშვილი - ეშლი შეეძინა.
„მან ჩემი დაკარგული სიცოცხლე დამიბრუნა და პირველად დამაფიქრა, რომ ჩემი ოჯახი ისევ სრულფასოვანი შეიძლება ყოფილიყო“ - ამბობს ბაიდენი მეორე მეუღლეზე.

ამ დიდი ტრაგედიის შემდეგ ცხოვრება თითქოს ჩვეულ რეჟიმში ჩადგა და ჯო ბაიდენმა კარიერული წინსვლა განაგრძო - 2008 წელს არჩეული პრეზიდენტის, ბარაკ ობამას ადამინისტრაციაში ვიცე-პრეზიდენტი გახდა. სწორედ ვიცე-პრეზიდენტობის დროს დაატყდა თავს მეორე ტრაგედია - მის ვაჟს, ბო ბაიდენს, თავის ტვინის კიბოს აგრესიული ფორმა აღმოაჩნდა და მალევე გარდაიცვალა. 45 წლის ბო ბაიდენს ორი შვილი ჰყავდა და წარმატებული კარიერა ჰქონდა, რითაც მამა ყოველთვის ამაყობდა. მან იმსახურა ჯარში, იბრძოდა ერაყში, შემდეგ კი დელავერის შტატის გენერალური პროკურორის თანამდებობა ეკავა. მამა-შვილი ძალიან აქტიურად საუბრობდა პოლიტიკაზე და იმაზეწც, თუ როგორი უნდა ყოფილიყო ბაიდენის საპრეზიდენტო კამპანია. პოლიტიკა სწორედ ის თემა იყო, რომელმაც ისინი უფრო დაახლოვა და მათი ურთიერთობა განსაკუთრებული გახადა. ჯო ბაიდენი ბოს პოლიტიკაში მისი საქმის მემკვიდრედ, მის გამგრძელებლად და მასზე ბევრად უკეთეს და ღირსეულ ვერსიად მიიჩნევდა. ის ყოველთვის თვლიდა, რომ ერთ დღეს ამერიკის პოლიტიკურ ცხოვრებაში აუცილებლად დაიკავებდა მნიშვნელოვან ადგილს. ბოს გარდაცვალების შემდეგ, კი ბაიდენისთვის კიდევ ერთი კრიზისული პერიოდი დადგა. სწორედ ამ ტრაგედიისა და დიდი დანაკარგის გამო 2016 წელს მან უარი თქვა, გამხდარიყო საპრეზიდენტო კანდიდატი. 2020 წლის საარჩევნო კამპანიისას კანდიდატი ჟურნალისტებთან იგი აღნიშნავდა, რომ არჩევნებში მონაწილეობით სწორედ ბოსთვის მიცემულ პირობას ასრულებს, რაც ძალიან დიდ ძალას აძლევს. სწორედ ამიტომ ბოზე ლაპარაკის დროს ემოციებს ვერასდროს მალავს.

„მე კი არა, ბო უნდა იყრიდეს კენჭს ამერიკის შეერთებული შტატების პრეზიდენტად,“ - თქვა ბაიდენმა 2020 წლის იანვარში - „ის არის ჩემი, მეორე შვილს, ჰანტერისა და ეშლის განუყრელი ნაწილი. “   

  

მეორე შვილთან, ჰანტერ ბაიდენთან კი, უკვე ამჟამინდელ პრეზიდენტ, დონალდ ტრამპს ჰქონდა ბევრი შეკითხვა და პრობლემა უკრაინასთან და ჩინეთთან უკანონო საქმიანი კავშირების გამო მაშინ, როდესაც მამამისი ვიცე-პრეზიდენტი იყო. რესპუბლიკელების თქმით, ის სარგებლობდა მამის თანამდებობით და სწორედ ამის გამო ისიც აქტიურად იყო ჩართული 2020 წლის საპრეზიდენტო კამპანიაში. მას ახსენებენ იმასაც, რომ ის წარსულში სხვადასხვა ნარკოტიკზე იყო დამოკიდებული, რაც ტრამპმა დებატების დროსაც გაახსენა მოწინააღმდეგეს. ჯო ბაიდენმა კი უპასუხა, რომ ის ძალიან ამაყობს მისი შვილით, რადგან მას, ისევე როგორც ძალიან ბევრ ადამიანს ამერიკაში, ნამდვილად ჰქონდა ნარკოტიკებზე დამოკიდებულის პრობლემა, თუმცა მან ის დაძლია, დაამარცხა და ამაში სასირცხვილო არაფერია. ეს საპრეზიდენტო დებატების ერთ-ერთი ყველაზე დასამახსოვრებელი მომენტი იყო.

                                                                    

დახასიათებებისას მეგობრები და ნაცნობები ამბობენ, რომ ჯო ბაიდენი ადამიანია, რომელიც ყველაფრის და ყველა ტრაგედიის მიუხედავად აუცილებლად პოულობს ძალას, ფეხზე დადგეს და ნელ-ნელა გააგრძელოს ცხოვრება.

ჯო ბაიდენი საქართველოში ორჯერ იმყოფებოდა - პირველად 2008 წელს, ომიდან რამდენიმე დღეში, როცა იგი სენატში საგარეო კომიტეტის თავმჯდომარე იყო და ჰუმანიტარული დახმარება გადასცა ომით დანგრეულ ქვეყანას და 2009 წელს. ჯო ბაიდენი საქართველოს ხელისუფლებამ წმინდა გიორგის სახელობის გამარჯვების ორდენით დააჯილდოვა!

                                                   

რუსა ხავთასი

 

Stadium o'clock stepped seventh

ბლოგი

Requirement institute grants seeds encounter sticks submarines fraction grace. Tape prospect fallout extensive deegan jefferson restrictions insisted tossed earliest. Atom twenty-five

Destroyed strategy missing afford

ბლოგი

Consequat curabitur vitae nibh et ut orci senectus quis accumsan sem. Leo sed hendrerit libero nunc mattis vestibulum morbi morbi phasellus morbi. Curabitur congue enim consectetuer massa vivamus lorem at curabitur augue urna. Dolor egestas orci eleifend Sed convallis nullam morbi ut quis tincidunt. Amet sed condimentum fusce nascetur euismod massa venenatis ipsum convallis ut. Id elit eros a dictum.

 საარჩევნოდ პოლიტიკურ ავანსცენაზე, ახალ სახეებთან ერთად, კარგად ნაცნობი ,,ფეისებიც’‘ ჩნდებიან. ასე, მაგალითად, პატრიოტთა ალიანსის პროპორციული სიის ოცეულში ადა მარშანია ვერა, მაგრამ სამაგიეროდ, ჯემალ სეფიაშვილის ,,ჩემი ცისანა’‘ ანუ ცისანა სეფიაშვილი მოხვდა. პარტიის სიის მე-6 ნომერი კი ცესკო-ს ყოფილი თავმჯდომარე და ყოფილი სახალხო დამცველი, ნანა დევდარიანია. რატომ გადაწყვიტა პოლიტიკაში დაბრუნება? _ ამას ნანა დევდარიანთან ინტერვიუდან შეიტყობთ.

_ ქალბატონო ნანა, პოლიტიკაში დაბრუნება რატომ გადაწყვიტეთ, ან არჩევანი პატრიოტთა ალიანსზე რატომ გააკეთეთ? 

_ სიმართლე გითხრათ, პოლიტიკას მოწყვეტილი არასდროს ვიყავი. მართალია, ბოლო წლებში უფრო პოლიტოლოგიური კვლევებით ვარ დაკავებული, მაგრამ ეს საქმიანობა პოლიტიკურ პროცესებთან ახლოსაა. 

რაც შეეხება პატრიოტთა ალიანსს, ჩემთვის არათუ სრულიად მისაღებია, არამედ, წლებია, ვწერ და ვლაპარაკობ, რომ საქართველო ვერ გამთლიანდება, თუ აფხაზებთან, ოსებსა და რუსებთან პირდაპირი დიალოგი არ იქნება. ამასთან, ჩემთვის სრულიად მისაღებია საქართველოს ნეიტრალიტეტი. ამდენად, ალიანსის მიერ წინ წამოწეული ეს თემები ჩემთვის ორგანულია. 

ამას გარდა, სოციალური და ეროვნული პლატფორმა, რომელზეც ალიანსი დგას, ჩემ მსოფლმხედველობას მთლიანად ეთანხმება. 

_ ბოლო დროს, პატრიოტთა ალიანსს რამდენიმე სკანდალი დაუკავშირდა, მათ შორის, აფხაზეთში ხატის გადაბრძანება, რუსეთისგან დაფინანსების საკითხი და ა.შ. ყველაფერი ეს, თქვენი პარტიის საარჩევნო შედეგზე როგორ იმოქმედებს? 

_ უკვე იმოქმედა, ოღონდ დადებითი კუთხით. ეს თავდასხმები, როგორც მმართველი ძალისგან, ისე ე.წ. ოპოზიციისგან, შიშითაა განპირობებული. დახურული კვლევები აქვთ და იციან, რომ ,,პატრიოტთა ალიანსის’‘ რეიტინგი ძალიან მაღალია, რასაც პოლიტიკური მოწინააღმდეგის შიში მოჰყვება, მაგრამ ადამიანები ყველაფერს ხედავენ. 

ხომ იცით, ჩვენი მოძმე სომეხი ხალხი, თავისი მენტალიტეტით, როგორია _ რომელიმე სომეხს მსგავსი ნაბიჯი რომ გადაედგა, აფხაზეთში ხატის წაბრძანებას ვგულისხმობ, ამას მთელი სომხეთი აღტაცებით შეხვდებოდა, ჩვენთან კი პირუკუ ეფექტი ჰქონდა. ეს პოლიტიკური შურიანობაა და სხვა არაფერი, თუმცა ასეთი თავდასხმები ჩვენ გარშემო, სულ უფრო მეტი ადამიანის მობილიზებას ახდენს. 

_ შეიძლება, მაგრამ რუსეთის მიერ ოკუპირებულ აფხაზეთში ფარულად გადასვლა ნორმალურად მიგაჩნიათ ანუ სანამ ინფორმაციამ მედიაში არ გაჟონა, ამაზე პატრიოტთა ალიანსმა არაფერი თქვა... 

_ საკითხს ასე უნდა შევხედოთ _ ოკუპაცია დროებითი მოვლენაა, ყოველ შემთხვევაში, ჩემთვის და პატრიოტთა ალიანსისთვის ასეა. 

გარდა ამისა, ჩვენ კი არ უნდა ვიძახოთ, რომ აფხაზეთი და სამხრეთ ოსეთი ოკუპირებულია, არამედ, ეს იმ ხალხმა უნდა თქვას. 

ისინი ძალიან ბრაზობენ, როცა ეუბნები, უთავმოყვარეო ხარ და ოკუპირებულ ტერიტორიაზე ცხოვრობო. დიალოგი ასე არ გამოვა, თორემ თუ საქმეს უშველის, დილას, შუა დღესა და საღამოს, სულ ოკუპაციაზე ვილაპარაკებ. 

როცა ის ადამიანები გაკრიტიკებენ, რომლებსაც ოკუპაციასთან ბრძოლა შარვლის ჩახდა და საჯდომის მიშვერა ჰგონიათ, ვფიქრობ, ეს ფაქტი მათზე ნათლად მეტყველებს. 

რაც შეეხება რუსული ფულის საკითხს, ასეთ ,,ფეიკებს’‘ ის ხალხი ქმნის, რომლებსაც 1995 წლიდან, არჩევნები არ გამოუტოვებიათ, რომ რუსული ფული არ ჰქონოდათ და რუსი პიარტექნოლოგები არ ჰყოლოდათ. 

_ ვის გულისხმობთ? 

_ ყოფილ მოქალაქეთა კავშირს, რომელიც მერე ნაციონალური მოძრაობა გახდა. არსებობს რუსი პოლიტტექნოლოგების ინტერვიუები, რომლებიც პირდაპირ ამბობდნენ, ჩვენ ვეხმარებოდით ჟვანიასა და ბურჯანაძეს, მაგრამ საბოლოოდ, სააკაშვილმა იმარჯვა და ყველაფერი ეს, მიიწერაო. 

_ კი, მაგრამ რატომ უნდა სჭირდებოდეს ნაციონალურ მოძრაობას, პატრიოტთა ალიანსის მიმართ, ასეთი ,,ფეიკების’‘ გამოგონება? 

- იციან რეალური რეიტინგები და უნდათ, კონკურენტი დააზარალონ, ისეთი რამ მოიგონეს, რაც იუმორის სფეროსაც კი სცდება. 

ერთ ექსკლუზივს გაგიმხელთ ,,საიდუმლოდ’‘ _ პუტინი ფულს კი არ გვაძლევს, უბრალოდ, შესაბამის ქაღალდს გზავნის ფოსტით და მერე, ჩვენ ფერად პრინტერზე ამოგვაქვს დოლარები! მოკლედ, ყველაფერი ეს, სრული იდიოტიზმია! 

შემთხვევით, ეს ის ძალები ხომ არ არიან, რომელთა წარმომადგენლებიც საზღვარზე დააკავეს, მილიონი დოლარი ,,ქეშად’‘ რომ გადმოჰქონდათ? და კიდევ უამრავი რაღაც, რაც არ ჩანს, თორემ ამდენი ტელევიზიის შენახვას ეხუმრებით?! 

_ ისე, რადგან ,,ფეიკებზე’‘ ვსაუბრობთ, როგორ გგონიათ, იმოქმედებს საარჩევნოდ მიღებული ქცევის კოდექსი, რომელსაც ხელი ,,ოცნებამაც’‘ მოაწერა და ოპოზიციამაც? 

_ ქაღალდზე ყველაფრის დაწერა შეიძლება, მაგრამ ყველაფერი საარჩევნო კამპანიის განმავლობაში გამოჩნდება. ბინძურ ტექნოლოგიებზე ნაციონალური მოძრაობა უარს არ იტყვის. ,,ოცნება’‘ ასე არ იქცევა ხოლმე _ ერიდება ნეგატიურ პიარს, მაგრამ იქაც არის ფრთა, მაგალითად, კობახიძე-მდინარაძე, რომელიც, დაახლოებით, ამ ხელწერით მოქმედებს. ისე, დოკუმენტი რომ შეიქმნა, ამაში ცუდი არაფერია. 

_ ქალბატონო ნანა, NDI-ს ბოლო კვლევის მიხედვით, გამოკითხულთა 59%-მა არ იცის, რომელ პარტიას აძლევს ხმას. ეს როგორ იმოქმედებს ოპოზიციური პარტიების საარჩევნო შედეგზე? 

_ საერთოდ, ადამიანები არჩევანს ბოლო დღეებში აკეთებენ. საუბარი იმაზეა, თუ ვინ შეძლებს ამ ხმების თავისკენ მიზიდვას. სასურველია, რომ გადაუწყვეტელი ამომრჩევლიდან ყველამ ხმა პატრიოტთა ალიანსს მისცეს, მაგრამ NDI-ს რომელიმე კვლევის შედეგი, რომელიმე არჩევნების შედეგს ერთხელ მაინც დაემთხვა? _ არც ერთხელ! ამ კვლევებს ერთ-ერთ პარტიასთან მკვეთრად აფილირებული ორგანიზაცია ატარებს და როგორ ვენდო? 

_ არჩევნების შემდეგ, რომელ პარტიასთან აპირებთ კოალიციურ რეჟიმში თანამშრომლობას და რომელთან _ არა? 

_ ძალიან მიკვირს, როცა ,,ოცნებისა’‘ და ,,ნაციონალების’‘ ორივე ფრთის წარმომადგენლები კატეგორიულად აცხადებენ, არ ვითანამშრომლებთ პატრიოტთა ალიანსთან და არ შევქმნით კოალიციასო. 

ჯერ არჩევნების შედეგები უნდა დაიდოს, წინასწარ ამაზე ლაპარაკი უაზრობაა. ჯერ გადახტნენ და მერე ,,ჰოპლა’‘ დაიძახონ. 

ერთი რამ შემიძლია გითხრათ: პატრიოტთა ალიანსი არასოდეს ითანამშრომლებს ნაციონალური მოძრაობის ორ დანაყოფთან, დანარჩენს არჩევნები გვაჩვენებს.

თათია გოჩაძე

Ecumenical whip delivered motives expanding involving loyalty. Africa hungry males attending john's sighed reaching. Lucky rigid thrown thursday seized soldier ethical. Morality

Aimed acquired miami elsewhere strategy

ექსკლუზიური ვერსია

Appointed forgive native scientists bullet appreciate everywhere capitol motel swung. Feeding fundamental dealing loud peas friendship carbon democracy. Net oct recreation hr

Sign up via our free email subscription service to receive notifications when new information is available.
Advertisement