ვერსიანიუსი
მუნიციპალური სერვისების განვითარების ელექტრონული სერვისები ხარვეზით ფუნქციონირებს. აღნიშნულთან დაკავშირებით განცხადებას თბილისის მერია ავრცელებს.
მერიის განცხადებით, ზონალური პარკირების სისტემა ავტომატურად გაითიშება და ხარვეზის პერიოდში ბალანსიდან თანხა არ გაიხარჯება.
„გაცნობებთ, რომ მუნიციპალური სერვისების განვითარების ელექტრონული სერვისები ხარვეზით ფუნქციონირებს. ხარვეზის აღმოსაფხვრელად მიმდინარეობს მუშაობა. აღნიშნულ პერიოდში ზონალურ-საათობრივი სისტემის გამოუყენებლობის გამო არავინ დაჯარიმდება, ზონალური პარკირების სისტემა ავტომატურად გაითიშება, ხარვეზის მიმდინარეობის პერიოდში ბალანსიდან თანხა არ გაიხარჯება. ხარვეზის აღმოფხვრის შესახებ ინფორმაცია დაუყოვნებლივ მოგეწოდებათ“, – აღნიშნულია განცხადებაში.
ლაბორატორიული კვლევის შედეგად 12 მიკრობიოლოგიურად დაბინძურებული ყველის ნიმუში გამოვლინდა. ეს შედეგი მიმდინარე წლის ოქტომბერში საქართველოს სტრატეგიული კვლევებისა და განვითარების ცენტრის ინიციატივით, პარტნიორი ორგანიზაციების მიერ ჩატარებულმა შემოწმებამ აჩვენა.
აღნიშნულ ფაქტზე სურსათის ეროვნულმა სააგენტომ 18 ყველის საწარმო შეამოწმა საიდანაც 10-ში შეუსაბამობები გამოვლინდა. დაჯარიმდა 8 მეწარმე აქედან, 6 ბიზნესოპერატორად რეგისტრაციის გარეშე საქმიანობისთვის და კომპანიებს რეგისტრაციის გავლამდე საქმიანობა აეკრძალათ.
საქართველოს სტრატეგიული კვლევებისა და განვითარების ცენტრის ინფორმაციით, მთლიანობაში სეს-ის რეაგირებას დადებითად აფასებენ, თუმცა კითხვის ნიშნები „დიდგორის“ ბრენდის ყველის შემოწმებასთან დაკავშირებით რჩება, ვინაიდან ნიმუშები სეს-მა ლაბორატორიულად არ გადაამოწმა.
მათივე შეფასებით, დამაკმაყოფილებლად ვერ ჩაითვლება შეტყობინების კომპანიებისადმი პასუხების გაცემის ვადები. 7-დან 5 შემთხვევაში იგი აღემატებოდა 20 დღეს, 2 შემთხვევაში კი 32 და 38 დღე შეადგინა.
აღნიშნული მონიტორინგის შედეგები მოწმობს, რომ არაეტიკეტირებული ყველის მიკვლევადობა და ჰიგიენური მდგომარეობა ქვეყანაში პრობლემას წარმოადგენს.
ოკუპირებული აფხაზეთის სეპარატისტულმა ხელისუფლებამ USAID-ის პროექტების განხორციელება აკრძალა.
მარიონეტული რეჟიმის გადაწყვეტილებით, საქართველოს ოკუპირებული რეგიონის ტერიტორიაზე შესვლა აეკრძალა USAID-ის რეგიონულ ხელმძღვანელს, ჯონ პენელს.
სეპარატისტული რეჟიმის გადაწყვეტილებით, აკრძალულია ისეთი პროექტების განხორციელება, რომელთა მიზანია აფხაზეთის ტერიტორიაზე მცხოვრებ ადამიანებსა და საქართველოს ცენტრალური ხელისუფლების კონტროლირებულ ტერიტორიაზე მცხოვრებ მოქალაქეებს შორის კონტაქტების დამყარება. ასევე აიკრძალა მედიაპროექტების დაფინანსება, რომელთა მიზანია აფხაზეთის საშინაო და საგარეო საკითხების გაშუქება.
სეპარატისტული რეჟიმის ინფორმაციით, აშშ-ის განვითარების სააგენტომ წარადგინა რვა მილიონი დოლარის ღირებულების პროექტი.
„ამ პროექტის პრაქტიკული განხორციელების დროს გამოიკვეთა დიალოგის პლატფორმების შექმნის მცდელობები ონლაინ და პირდაპირი დასწრების ფორმატებში, რათა დამყარებულიყო პირდაპირი კონტაქტი აფხაზეთის მოქალაქეებსა და საქართველოს მოქალაქეებს, მათ შორის ლტოლვილებს შორის“, – აღნიშნულია სეპარატისტული რეჟიმის განცხადებაში.
საქართველოს პროკურატურამ ტრანსნაციონალური დანაშაული გამოავლინა და ფულის გათეთრების ბრალდებით უცხო ქვეყნის ორი მოქალაქის მიმართ სისხლისსამართლებრივი დევნა დაიწყო. ინფორმაციას აღნიშნულთან დაკავშირებით საქართველოს პროკურატურა ავრცელებს.
საგამოძიებო უწყების ცნობით, ჩატარებული გამოძიებით დადგინდა, რომ ვიეტნამის მოქალაქემ და მისმა თანამზრახველმა მათ ხელთ არსებული უკანონო წარმომავლობის თანხები ეტაპობრივად განათავსეს საქართველოში გახსნილ პირად საბანკო ანგარიშებზე, რის შემდეგაც თანხების ინვესტირება ძვირადღირებულ უძრავ ქონებებში მოახდინეს, კერძოდ: 2020-2021 წლების პერიოდში თბილისის ერთ-ერთ პრესტიჟულ უბანში – ორი საცხოვრებელი ბინა, ბათუმში – ასევე ორი საცხოვრებელი ბინა და სამი ავტოფარეხი, ხოლო ლანჩხუთში მიწის ნაკვეთი შეიძინეს.
„აღნიშნულით, ბრალდებულებმა მოახერხეს ერთ მილიონამდე ლარის ეკვივალენტი უკანონო და დაუსაბუთებელი შემოსავლისთვის კანონიერი სახის მიცემა და ჩართვა ლეგალურ ეკონომიკურ ბრუნვაში.
გამოძიების ეტაპზე ყადაღა დაედო ბრალდებულების საკუთრებაში არსებულ ზემოაღნიშნულ უძრავ ქონებებს, რითიც მათ არ მიეცათ მისი შემდგომი განკარგვისა და გადამალვის შესაძლებლობა.
დანაშაულებრივი წარმომავლობის ქონების სახელმწიფოს სასარგებლოდ ჩამორთმევის უზრუნველსაყოფად პროკურატურა შესაბამის სამართლებრივ პროცედურებს გაატარებს.
ბრალდებულების მიმართ სისხლისსამართლებრივი დევნა ჯგუფურად ჩადენილი უკანონო შემოსავლის ლეგალიზაციის ფაქტზე დაიწყო, რასაც თან ახლდა განსაკუთრებით დიდი ოდენობით შემოსავლის მიღება. დანაშაული სასჯელის სახედ 9-დან 12 წლამდე თავისუფლების აღკვეთას ითვალისწინებს.
პროკურატურა ბრალდებულთა მიმართ აღკვეთის ღონისძიების შეფარდების მოთხოვნით სასამართლოს კანონით დადგენილ ვადაში მიმართავს.
ფულის გათეთრების წინააღმდეგ ბრძოლა საქართველოს პროკურატურის პრიორიტეტულ მიმართულებას წარმოადგენს. საქართველოს პროკურატურა აქტიურად აგრძელებს გამოძიებას ანალოგიური საქმიანობით დაკავებული სხვა ფიზიკური თუ იურიდიული პირების გამოვლენისა და მხილების მიზნით“, – აღნიშნულია ინფორმაციაში.
„ერთადერთი პარტია ვართ, რომელიც სიმართლის გარდა, არაფერზე ლაპარაკობს!“
უცნაური კრიმინალი, რომლის გამოც ციხეში არავინ წასულა
საქართველოს პრემიერ-მინისტრ ირაკლი ღარიბაშვილის ხელმძღვანელობით ეკონომიკური საბჭოს სხდომა გაიმართა.
საბჭოს წევრებმა ქვეყანაში მიმდინარე დადებითი ეკონომიკური ტენდენციები განიხილეს. ყურადღება გამახვილდა 2024 წელს დაგეგმილ პროექტებზე.
საბჭოს წევრებმა სამუშაო რეჟიმში იმსჯელეს ქვეყანაში პოზიტიურ მაკროეკონომიკურ მაჩვენებლებზე; აღინიშნა, რომ ქვეყანას მაღალი ეკონომიკური ზრდა აქვს და ტენდენციის შესანარჩუნებლად მთავრობა მუშაობას აქტიურ რეჟიმში აგრძელებს.
საახალწლო ღონისძიებების მოსამზადებელი სამუშაოების გამო, 8 დეკემბრის 23:00 საათიდან, 10 დეკემბრის 23:00 საათამდე, გრიგოლ ორბელიანის მოედნის მიმდებარე ტერიტორიაზე, ათონელის ქუჩიდან ვახტანგ ორბელიანის შესახვევის N13-ამდე ავტომობილთა გადაადგილება შეიზღუდება.
აღნიშნულის შესახებ ინფორმაციას თბილისის მერია ავრცელებს.
მათივე ცნობით, დროის აღნიშნულ მონაკვეთში, გია ჭანტურიას ქუჩიდან ავტომობილები გადაადგილებას იტალიის ქუჩის მიმართულებით შეძლებენ.
„რაც შეეხება საახალწლო ღონისძიებებს, ტრანსპორტის გადაადგილება 10 დეკემბრის 23:00 საათიდან, მომავალი წლის 10 იანვრის 23:00 საათამდე მშრალი ხიდის, იტალიის ქუჩისა და ორბელიანის მოედნის მიმდებარე ტერიტორიაზე - ათონელის ქუჩიდან ორბელიანის შესახვევის N13-ამდე შეიზღუდება.
ერთი თვის განმავლობაში, ზაარბრიუკენის მოედნიდან მშრალი ხიდის მიმართულებით მოძრავი ავტომობილები გადაადგილებას მტკვრის მარჯვენა სანაპიროს მიმართულებით შეძლებენ.
ზვიად გამსახურდიას სანაპიროდან სოლიკო ვირსალაძის ქუჩისკენ მიმავალი ავტოსატრანსპორტო საშუალებები ათონელის ქუჩამდე იმოძრავებენ, ხოლო შემდეგ მარჯვნივ მოხვევით, გადაადგილებას ჭანტურიას ქუჩის მიმართულებით შეძლებენ“,- ნათქვამია გავრცელებულ ინფორმაციაში.
ევროვიზია 2024, რომელიც 7, 9 და 11 მაისს შვედეთის ქალაქ მალმეში გაიმართება, 37 ქვეყნის მაუწყებელი მიიღებს მონაწილეობას.
ევროვიზია 2023-ის მოაწილეები არიან: საქართველო, ალბანეთი, სომხეთი, ავსტრალია, ავსტრია, აზერბაიჯანი, ბელგია, ხორვატია, კვიპროსი, ჩეხეთი, დანია, ესტონეთი, ფინეთი, საფრანგეთი, გერმანია, საბერძნეთი, ისლანდია, ირლანდია, ისრაელი, იტალია, ლატვია, ლიეტუვა, ლუქსემბურგი, მალტა, მოლდოვა, ნიდერლანდები, ნორვეგია, პოლონეთი, პორტუგალია, სან მარინო, სერბეთი, სლოვენია, ესპანეთი, შვედეთი, შვეიცარია, უკრაინა და დიდი ბრიტენთი.
სიმღერის რიგით 68-ე კონკურსის სლოგანი იქნება United By Music | „მუსიკით გაერთიანებული“ .
შვედეთმა მასპინძლობის უფლება ევროვიზია 2023-ზე გამარჯვებით მოიპოვა, რომელსაც მომღერალი Loreen-ი სიმღერით Tatto წარადგენდა. ამით შვედეთი გამარჯვებების რაოდენობით ევროვიზიის რეკორდსმენი გახდა. მალმემ ბოლოს ევროვიზიას 2013 წელს უმასპინძლა, პირველად კი 1992 წელს.
კონკურსს წელს ლუქსემბურგი უბრუნდება, რომელიც ბოლოს ევროვიზიაზე 1993 წელს წარდგა.
ოკუპირებულ აფხაზეთში მოქმედი სამოქალაქო ორგანიზაციის, „ჰუმანიტარული პროგრამების ცენტრის“ ხელმძღვანელი არდა ინალ-იპა ეხმაურება ოკუპირებული აფხაზეთის ე.წ. საგარეო საქმეთა მინისტრის, ინალ არძინბას გადაწყვეტილებას. არძინბამ აშშ-ის განვითარების სააგენტოს (USAID) მიერ დაფინანსებული პროექტები აკრძალა და პერსონა ნონ გრატად გამოაცხადა სამხრეთ კავკასიაში USAID-ის მისიის ხელმძღვანელი ჯონ პენელი. არდა ინალ-იპას თქმით, ინალ არძინბა თავისი მანდატის შესაბამისი დიპლომატიური საქმიანობით არაა დაკავებული და, პირიქით, ძირს უთხრის წინა „მინისტრების“ მიღწევებს.
„მინისტრ არძინბას ბრძანებები აღარ გვაკვირვებს - მან დიდი ხანია მიზნად დაისახა, არ იმუშაოს საერთაშორისო ორგანიზაციებთან, არ დაარწმუნოს საერთაშორისო ფონდები, მიმართონ სახსრები აფხაზეთისა და აფხაზეთის საზოგადოების აქტუალური პრობლემების გადასაჭრელად, არამედ მოწყვიტოს აფხაზეთი გარესამყაროს, გადააქციოს დახურულ ზონად. სინამდვილეში, ინალ არძინბა საერთოდ არ არის დაკავებული დიპლომატიით, როგორც ამას მისი მანდატი მოითხოვს, პირიქით, ის ძირს უთხრის ჩვენი წინა მინისტრებისა და მათი კოლეგების მიღწევებს ”, - ამბობს არდა ინალ-იპა.
მისი თქმით, ოფიციალური თბილისი კმაყოფილია ინალ არძინბას გადაწყვეტილებებით.
„რა უნდა ითქვას? საქართველოში ძალიან კმაყოფილი არიან ჩვენი მინისტრის მოქმედებებით, ვინაიდან იქაც სწორედ ამას აკეთებენ - დაბრკოლებებს უქმნიან საერთაშორისო ორგანიზაციების [მუშაობას] აფხაზეთში. მინისტრი თავისი ბრძანებებით ძალიან აქტიურად ეხმარება მათ. ესმის თუ არა მოსკოვში შეწყვეტილი კარიერის აღდგენის იდეით დაბრმავებულ მინისტრს ეს, დარწმუნებული არ ვარ. მაგრამ ჩვენმა საზოგადოებამ და ჩვენმა ხელისუფლებამ უნდა გააცნობიეროს: ჩვენ თვალწინ მიიღება ანტიაფხაზური გადაწყვეტილებები, რაც იწვევს აფხაზეთის კიდევ უფრო მეტ იზოლაციას. ასეთი განკარგულებები მნიშვნელოვნად ართულებს აფხაზეთის საერთაშორისო კონტაქტების გაფართოების ამოცანას, რომლის გარეშეც შეუძლებელია ჩვენი დამოუკიდებლობის აღიარების იდეის ხელშეწყობა“, - დასძინა მან.
მანამდე სატელევიზიო არხის, RT-ის, მთავარმა რედაქტორმა მარგარიტა სიმონიანმა აფხაზეთში ვიზიტისას გააკრიტიკა USAID და აფხაზეთის ხელმძღვანელობას უსურვა „სიბრძნე, გამბედაობა და ძალა უკომპრომისო ბრძოლაში“ საერთაშორისო და არასამთავრობო ორგანიზაციებთან.
2022 წლის მაისში ინალ არძინბამ დახურა საერთაშორისო ორგანიზაციის, „მოძრაობა შიმშილის წინააღმდეგ", პროექტი, რომელიც უკავშირდებოდა ადგილობრივი მმართველობის გაუმჯობესებას ინკლუზიური განვითარების გზით. უწყებაში აცხადებდნენ, რომ "უშიშროების სამსახურმა" გამოავლინა ფაქტები, რომლებიც მიუთითებდნენ შეუსაბამობაზე პროექტის შესახებ მოწოდებულ მონაცემებსა და მის ფარგლებში ჩატარებულ აქტივობებს შორის. არძინბამ თქვა, რომ მათთვის მიუღებელია ის პროექტები, რომლებიც აფხაზებისა და ქართველების პირდაპირ დიალოგს უწყობს ხელს, მათ შორის ექსპერტების და ახალგაზრდობის ჩართულობით.
2022 წლის სექტემბერში რუსეთის მიერ ოკუპირებული აფხაზეთის დე ფაქტო რესპუბლიკის ე.წ. საგარეო საქმეთა სამინისტრომ საფრანგეთის მოქალაქე ტიფანი ლუკასი პერსონა ნონ გრატად გამოაცხადა, „სადაზვერვო ინფორმაციის შეგროვების“ გამო.
მოგვიანებით ინალ არძინბამ ოკუპირებული აფხაზეთის მოსახლეობას მოუწოდა, არ ითანამშრომლონ "ბერგჰოფის ფონდთან" და განაცხადა, რომ "საგარეო საქმეთა სამინისტრო" განსაკუთრებულ კონტროლს ახორციელებს ამ ფონდთან ნებისმიერ ურთიერთობაზე.
ინალ არძინბა ამბობს, რომ მხარს უჭერს არასამთავრობო ორგანიზაციების საქმიანობის მარეგულირებელი კანონის შემუშავების და მიღების იდეას.
ინალ არძინბა აფხაზეთის დე ფაქტო საგარეო უწყების ხელმძღვანელად 2021 წლის 17 ნოემბერს დაინიშნა. ის აფხაზეთის დე ფაქტო რესპუბლიკის პირველი პრეზიდენტის, ვლადისლავ არძინბას ნათესავია.
განათლება 2007-2012 წლებში მიღებული აქვს მოსკოვში, ეკონომიკის უმაღლეს სკოლაში, მსოფლიო ეკონომიკისა და მსოფლიო პოლიტიკის ფაკულტეტზე.
სხვადასხვა დროს ინალ არძინბა მუშაობდა რუსეთის ფედერაციის პრეზიდენტის ადმინისტრაციაში; დე ფაქტო პრეზიდენტის მრჩევლად; ხელმძღვანელობდა რუსეთის პატრიარქ კირილთან არსებულ ახალგაზრდულ საქმეთა საზოგადოებრივ საბჭოს.
უკრაინაში ინალ არძინბას ადანაშაულებენ განსაკუთრებით მძიმე დანაშაულებში - უკრაინის სახელმწიფო საზღვრების შეცვლის მცდელობასა და ქვეყნის კონსტიტუციური წესრიგის დარღვევაში. კრემლში იგი კურირებდა ურთიერთობას დონეცკისა და ლუგანსკის თვითგამოცხადებულ რესპუბლიკებთან.
უკრაინამ არძინბას საერთაშორისო ძებნა გამოაცხადა. 2015 წელს ის უკრაინის მტრების სიაშიც მოხვდა.
რუსეთის პრეზიდენტ ვლადიმირ პუტინის ბრძანებულებით, 2017 წელს ინალ არძინბას მიენიჭა მე-3 კლასის სრული სახელმწიფო მრჩევლის წოდება.
წყარო: რადიო თავისუფლება
ტურიზმის ეროვნულმა ადმინისტრაციამ სამოგზაურო პლატფორმა Expedia-ზე ახალი მარკეტინგული კამპანია დაიწყო
საქართველოს ტურიზმის ეროვნულმა ადმინისტრაციამ მსოფლიოში ერთ-ერთ უდიდეს სამოგზაურო პლატფორმაზე Expedia ახალი მარკეტინგული კამპანია დაიწყო.
Expedia-სა და მის პარტნიორ ვებგვერდებზე საქართველოს ტურისტული მიმართულების, ზამთრის კურორტების, ბუნების, სათავგადასავლო ტურიზმისა და სხვა ტურისტული პროდუქტებს შესახებ ინფორმაცია განთავსდება, მომზადება ციფრული ბანერები, კამპანია სოციალურ ქსელებსაც მოიცავს.
ტურიზმის ეროვნული ადმინისტრაციის მარკეტინგული კამპანიის სამიზნე ბაზრებია: აშშ, გერმანია, დიდი ბრიტანეთი, საუდის არაბეთი და არაბთან გაერთიანებული საამიროები.
Expedia-ს მთელ მსოფლიოში 68 მილიონზე მეტი მომხმარებელი ჰყავს და მსოფლიოს 70-ზე მეტ ქვეყანაში 200-ზე მეტი ელექტრონული დაჯავშნის ვებგვერდს აერთიანებს. Expedia მომხმარებელს ინფორმაციას აწვდის სამი მილიონი ტურისტული, განთავსების ობიექტის, უძრავი ქონების, 500-ზე მეტი ავიაკომპანიის, საკრუიზო და ავტო გაქირავების კომპანიის შესახებ.
ინფორმაციას ტურიზმის ეროვნული ადმინისტრაცია ავრცელებს.
„ევროპის საშობაოდ მორთული ჯადოსნური ქალაქები“- „სიენენმა“ 12 ევროპული ქალაქი დაასახელა, რომელთა მონახულებას მოგზაურებს შობა-ახალ წელს ურჩევს.
ავსტრიულ, გერმანულ, ფრანგულ, ბელგიურ, ჰოლანდიურ, ნორვეგიულ და პოლონურ ქალაქებს შორის საქართველოს დედაქალაქიც მოხვდა. სტატიის ავტორი ჯო მინიჰელი „სიენენის“ სამოგზაურო პორტალის მკითხველს თბილისის მონახულებას ურჩევს.
„შობა ვისაც გიყვართ, საქართველოს და მის დედაქალაქს უნდა ეწვიოთ, აქ შობა-ახალი წელი ნომერ პირველი დღესასწაულია. საქართველოში უმრავლესობა მართლმადიდებელი ქრისტიანია, ამიტომ, შობას 25 დეკემბრის ნაცვლად 7 იანვარს აღნიშნავენ. დღესასწაულების მთავარი დღე საქართველოში 31 დეკემბერია. ადგილობრივები ერთმანეთს საჩუქრებს უცვლიან, მთელ ქალაქში ცა ფეიერვერკითაა განათებული. პარლამენტის შენობასთან დიდი ნაძვის ხეა, აქვე ახლოს ეწყობა საშობაო სოფელი და საფესტივალო ბაზრები,“- წერს „სიენენის“ ჟურნალისტი.
ვინ იყო რეალური დამნაშავე და ვისი დახმარებით გახსნა გამოძიებამ ჩახლართული საქმე
„ევროპული საქართველოს“ ლიდერის მოკრძალებული დეკლარაცია
ახალი ამბები
წაიკითხეთ „ვერსია“ პდფ ფორმატში
მედიის ინფორმაციით, მოსკოვის ოლქში უკრაინის უმაღლესი რადას ყოფილი დეპუტატი, ილია კივა მკვდარი იპოვოს. Ria Novosty-ს წყაროზე დაყრდნობით წერს, რომ ცხედარი სოფელ სუპონევიში იპოვეს. გარდაცვალების მიზეზი უცნობია.
ოფიციალური ინფორმაცია ჯერჯერობით არ გავრცელებულა.
ნოემბერში ლვოვის სასამართლომ კივა სახელმწიფო ღალატში დამნაშავედ ცნო და დაუსწრებლად 14 წელი მიუსაჯა.
კივა ყოფილი პოლიციელი და უკრაინის შინაგან საქმეთა მინისტრის მრჩეველია, რომელიც აღმოსავლეთ უკრაინაში კიევის მხარეს იბრძოდა. 2014 წელს საპრეზიდენტო არჩევნებში კივამ ხმების 0,03% მიიღო. რადაში ის პარტიიდან "ოპოზიციური პლატფორმა - სიცოცხლისთვის" მოხვდა, რომელსაც უკრაინის ხელისუფლება პრორუსულად მიიჩნევს.
პოლიტიკოსის წინააღმდეგ სისხლის სამართლის საქმე 2022 წლის მარტში აღიძრა, უკრაინაში რუსეთის შეჭრის შემდეგ. ომამდე დეპუტატი აქტიურად მონაწილეობდა რუსულ სატელევიზიო გადაცემებში და ესპანეთში ცხოვრობდა. ამის შემდეგ მან უკრაინის ხელისუფლება გატაცების მცდელობაში დაადანაშაულა და რუსეთს პოლიტიკური თავშესაფარი სთხოვა.
კიევი ამტკიცებდა, რომ კივა რუსეთში ცხოვრობდა.
ცნობილმა ფრანგულმა ბრენდმა Louis Vuitton-მა ფაიფურისა და შუშის ჭურჭლის პირველი კოლექცია შექმნა. ელეგანტური ჭურჭელი - Monogram Flower Tile კლასიკურ თეთრ-ცისფერ ფერებშია წარმოდგენილი, აკვარელის ეფექტებით და ლიმოჟის ფაიფურისგან არის დამზადებული. კოლექციიის ყველა ნივთი ფუნქციონალური და კრეატიულია, რომლებიც შესანიშნავად ავსებენ ერთმანეთს. ორიგინალური კაშკაშა ჭიქებისა და გრაფინების სერია კი, რომელსაც სპირალის ფორმა აქვს, მურანოს შუშისგანაა დამზადებული. შუშის ჭურჭელი - Twist Glass, რამდენიმე ფერის გამოყენებით შეიქმნა: კრისტალურად გამჭვირვალე ცისფერი საფირონი, ქარვისფერი, ზურმუხტისფერი და ვენეციური ლალისფერი. ბრენდის ჭურჭლის კოლექცია უკვე ხელმისაწვდომია საფრანგეთის რადენიმე მაღაზიაში.
Euro-Pulse-ის ინფორმაციით, ყველაზე მოხდენილი ევროპელები რუმინეთში ცხოვრობენ. აქაური მოსახლეობის სულ რაღაც 9.4%-ს აწუხებს ზედმეტი კილოგრამები. მათთან ახლოს არიან იტალიელები 10.7%-ით და ნიდერლანდელები - 13.3%-ით. ჭარბ წონასთან დაკავშირებით, ყველაზე უარესი სიტუაცია კუნძულ მალტაზე აღმოჩნდა - აქაური მოსახლეობის თითქმის მეოთხედი მსუქანია. ანტირეიტინგში მალტელებს ლატვია და უნგრეთი მიჰყვებიან. ჯანდაცვის მსოფლიო ორგანიზაციის განსაზღვრებით, „სიმსუქნის“ დიაგნოზს სვამენ მაშინ, თუ ადამიანის სხეულის მასის ინდექსი 0-ზე მეტია.
აშშ-ის ყოფილ პრეზიდენტზე, დონალდ ტრამპზე ფილმს გადაიღებენ. The Appretice - ასე ერქმევა სურათს, რომელშიც ტრამპის როლს 41 წლის მსახიობი, სებასტიან სტენი შეასრულებს. ფილმში ის ახალგაზრდა დონალდის როლში იქნება. მასთან ერთად სურათში ჯერემი სტრონგი და მარია ბაკალოვა მონაწილეობენ.
გადაღებები სულ მალე, რამდენიმე დღეში დაიწყება. მედიაში გავრცელებული ინფორმაციით, ფილმში ექს-პრეზიდენტზე ასახული იქნება ტრამპის საქმიანობა - როგორ იწყებდა ის გასული საუკუნის 70-80-იან წლებში, ნიუ-იორკში, საკუთარი ბიზნესის აწყობას და საბოლოოდ, მთელი იმპერია შექმნა. ასახული იქნება ტრამპის ურთიერთობა როი კონთან. ის მისი ადვოკატი და მენტორი იყო.
აღსანიშნავია, რომ 2019 წელს, მათ ურთიერთობაზე გამოვიდა დოკუმენტური ფილმი „სად არის ჩემი როი კონი?“ სწორედ მის როლს მოირგებს ახალ სურათში ჯერემი სტრონგი, მარია ბაკალოვა კი ექს-პრეზიდენტის პირველი ცოლის, ივანას როლს შეასრულებს.
„მწვანე კონტინენტზე“, სპეციალურად გამოყვანილ ძროხებს, სადაც ძროხის ცოფი არ არსებობს, შეიძლება, ძვლისა და კბილის იმპლანტების დონორებად გამოიყენონ. მედიაში გავრცელებული ინფორმაციის თანახმად, კბილის ძვლის ტრანსპლანტაციისთვის იმ ადამიანის ძვლებს იყენებდნენ, ვინც თანხმობა გასცა დონორობაზე. ახლა კი, მათ ნაცვლად, შესაძლოა, სინთეტიკური მასალა გამოიყენონ, ასევე, ქსენოტრანსპლანტები ანუ ცხოველთა ძვლები.
ავსტრალიური მსხვილფეხა პირუტყვი კი საუკეთესოა ქსენოტრანსპლანტაციისთვის, რადგან მათ ანამნეზში არ არსებობს ენცეფალოპათია (იგივე, ძროხის ცოფი). აღნიშნავენ, რომ ცხოველები რეგულარულად გადიან სამედიცინო შემოწმებას, მერე კი მათ კლავენ. მიღებულ მასალას უცხოეთში გზავნიან დასამუშავებლად, გასაწმენდად და სტერილიზაციისთვის. უკან დაბრუნებული მასალა კი გამოიყენება ბიოშეთავსებადი იმპლანტის შესაქმნელად.
იაპონელი სწავლულების მიერ შექმნილი ბალიში-მუხლები, რომელსაც Himazakura ჰქვია, დღესაც, 20-ზე მეტი წლის შემდეგაც კი, საკმაოდ პოპულარულია ამომავალი მზის ქვეყანაში. ცნობილი ინტერნტ-მაღაზიის Japan Trend Shop ვებ-გვერდზე, ის აღწერილია, როგორც რბილი და მოქნილი. ის შესანიშნავია იმისთვის, რომ მასზე თავი დადოთ. გაოცებული დარჩებით, რამდენად მოხერხებულია და რამდენად რეალისტურ შეგრძნებებს გჩუქნით.
პოლიურეთანისგან დამზადებული ბალიში, რომელიც მუხლებზე დამჯდარი ქალის ფეხების იდენტურია, ისეთ სასიამოვნო შეგრძნებას გიტოვებთ, თითქოს თავს მუხლებზე საყვარელ მეუღლეს ან დედას ადებთ. კომპანია Trane Corporation-ის მიერ, 2000 წელს გამოშვებულ ბალიშს არეკლამებდნენ, როგორც „ვაქცინას მარტოობისგან“ და ის უმალ გახდა გაყიდვების ჰიტი მარტოხელა ადამიანებში, რომელიც დღესაც „ბესტსელერია“. ტოკიოსა და ნარიტას საერთაშორისო აეროპორტების Duty Free-ის თაროებიდანაც კი წამებში ქრება, სადაც მას ხშირად მეგობრებისთვის საჩუქრად ყიდულობენ.
