56 ახალი სტატია

რჩეული სტატიები

Grid List

მანდილოსნები, რომელთაც შვილის ყოლა გვიან გადაწყვიტეს და ბავშვი 33-37 წლის ასაკში, ბუნებრივი გზით გააჩინეს, ორჯერ ზრდიან ალბათობას, რათა დიდხანს იცოცხლონ. ასეთი ინფორმაცია ცოტა ხნის წინ, ამერიკელმა სწავლულებმა გაავრცელეს. გვიან ასაკში დედობამ, შესაძლოა, გარკვეული ნეგატიური შედეგები გამოიწვიოს, მაგრამ მას ბევრი პოზიტივიც ახლავს. ამის დამტკიცება ამერიკელმა სპეციალისტებმა გადაწყვიტეს და სპეციალური გამოკვლევაც ჩაატარეს. მასში აშშ-სა და დანიის მცხოვრები, 5 ათასი მანდილოსანი მონაწილეობდა. კვლევის პროცესში გაირკვა, რომ იმ ქალბატონებს, რომელთაც 33-37 წლის ასაკში გააჩინეს შვილები, ორჯერ მეტი შანსი ჰქონდათ, უფრო დღეგრძელები ყოფილიყვნენ.

დღესდღეობით, მეცნიერები ვერ აანალიზებენ ამ კანონზომიერებას. მათი მოსაზრებით, იმ ქალებს, რომელთაც გვიან ასაკში გადაწყვიტეს და შეძლეს შვილის გაჩენა, უფრო კარგი ჯანმრთელობა აქვთ, ვიდრე მათ სხვა თანატოლებს, რომლებმაც დაფეხმძიმება ვერ მოახერხეს. სამხრეთ კალიფორნიელი სწავლულები კი აცხადებენ, რომ მანდილოსნებს, რომლებიც 30 წლის მერე გახდნენ დედები, შვილის გაჩენა ონკოლოგიური დაავადებებისგან იცავს. გვიანი მშობიარობის წყალობით, მათ თავიდან აირიდეს ესტროგენზე დამოკიდებული კიბოს განვითარება, ასევე, თავს იცავენ უფრო იშვიათი და აგრესიული ონკოლოგიური დაავადებებისგან, რომლებიც ჰორმონებზე დამოკიდებულნი არ არიან.

 

 

ახალი ზელანდიის ნაციონალურ ავიაკომპანიაში - Air New Zealand, საკვებად ვარგის ყავის ჭიქებს ცდიან, რომელსაც ავიარეისების მგზავრებს შესთავაზებენ. სიახლის მიზანი ნარჩენების შემცირებაა, რომელიც ფრენის შემდეგ, ნაგავში იყრება. ჭიქები ადგილობრივმა კომპანიამ ბისკოტისგან (იტალიური ფხვიერი ორცხობილა) დაამზადა და მას ვანილის გემო აქვს. ინოვაციურ ჭურჭელს ცდიან, როგორც ცაში, ასევე, მიწაზეც. მგზავრები, რომელთაც ეს ჭიქები უკვე გასინჯეს, კმაყოფილება ვერ დამალეს. ავიაკომპანია აპირებს, ასეთივე ჭურჭელი შემოიღოს დესერტებისთვისაც. ავიაკომპანია მგზავრებს, წლის განმავლობაში, მთლიანობაში, 8 მილიონზე მეტ ჭიქა ყავას სთავაზობს.

 

მსოფლიოში ყველაზე პატარა ახალშობილი გოგონა, რომელიც ორსულობის 24-ე კვირას გაჩნდა და მხოლოდ 212 გრამს იწონიდა, სინგაპურის საავადმყოფოდან გაწერეს. იუ სუანიმ კლინიკაში 13 თვე გაატარა. ნაადრევი მშობიარობის მიზეზი გოგონას დედის მაღალი წნევა გახდა, რასაც, შესაძლოა, ორივეს - ბავშვისა და დედის სიკვდილი მოჰყოლოდა. ამიტომ, მედიკოსებმა გარისკეს და ვადაზე 4 თვით ადრე, საკეისრო კვეთა ჩაატარეს. მიუხედავად იმისა, რომ ექიმების პროგნოზი დამაიმედებელი არ იყო, ბავშვი გადარჩა. მისი მკურნალობისთვის, მოხალისებმა, დაახლოებით, 367 ათასი დოლარი შეაგროვეს. გოგონა უკვე 6.3 კილოგრამს იწონის და მის სიცოცხლეს საფრთხე აღარ ემუქრება.

სწავლულთა საერთაშორისო ჯგუფმა მცენარე Nigella Sativa-ს (ნიგელა, სოინჯი) კორონავირუსის საწინააღმდეგო თვისებები გამოაქვეყნა. მისი გავრცელების ძირითადი არეალი ჩრდილოეთ აფრიკა და დასავლეთ აზიაა. ნიგელაში არსებული ზოგიერთი ნივთიერება ბლოკავს ფილტვის ინფექციას, რომელსაც კორონავირუსი იწვევს. სწორედ ამიტომ, მკვლევარები დარწმუნებულნი არიან, რომ ეს მცენარე, მომავალში, შესაძლოა, ვირუსთან საბრძოლველად გამოიყენონ.

სწავლულების თქმით, ნიგელას აქტიური ინგრედიენტია ტიმოხინონი. მას შეუძლია შექმნას ნაერთი კორონავირუს SARS-COV-2-ის S-ცილასთან და თან დაბლოკოს ინფექცია, მათ შორის, ციტოკინური შტორმი. კვლევებისას გაირკვა, რომ ტიმოხინონი არ აძლევს გამოთავისუფლების საშუალებას ანთების საწინააღმდეგო საშუალებებს - ინტერლეიკინებს და წამლის როლს ასრულებს ალერგიის, ასთმის, ეგზემას, რავატოიდული, ასევე, ოსტეოართრიტის დროს.

ესპანელმა აგრონომმა, ივან კაელესმა კატალონიიდან, რომელიც ზეითუნის ზეთის მწარმოებელია, ზეთისხილის ლუდი წარადგინა, რომელსაც მსოფლიოში ანალოგი არ მოეძებნება. ეს უნიკალური ქაფიანი სასმელი, სახელწოდებით - Oliva Green Beer, შეიცავს შვიდი სახეობის Pallars Jussa ზეთისხილს. ის სასმელს პიკანტურ სიმწარეს, განუმეორებელ არომატსა და მადისაღმძვრელ, მომწვანე შეფერილობას აძლევს. ლუდი ჩეხური „პილზნერის“ სტილშია მოხარშული, აქვს 5%-იანი სიმაგრე და გამაგრილებელი გემო. ამ ექსკლუზიური სასმელის შეძენა, ჯერჯერობით, კატალონიის მხოლოდ ექვს სავაჭრო წერტილშია შესაძლებელი. ერთი ბოთლი ზეთისხილის ლუდის ფასი 3.45 ევროა.

 

სწავლულებმა „მწვანე კონტინენტიდან“, ობობას შხამზე დაფუძნებული პრეპარატი შექმნეს, რომელსაც მიოკარდიის ინფარქტის მქონე პაციენტების გადარჩენა შეუძლია. გულის შეტევის შემდეგ, გულში სისხლის ნაკადი მცირდება, რაც ჟანგბადის უკმარისობას იწვევს. ჟანგბადის უკმარისობა უჯრედულ გარემოს მჟავედ აქცევს, მოლეკულურ დონეზე კი, სხეული გულის უჯრედებს „სიკვდილის სიგნალს“ უგზავნის. ათწლეულების განმავლობაში, მეცნიერები ცდილობდნენ ისეთი პრეპარატის შექმნას, რომელიც ამ სიგნალის გაგზავნას შეაჩერებდა, თუმცა უშედეგოდ. ამჯერად, ქვინსლენდისა და ახალი სამხრეთ უელსის მკვლევარებმა დაადგინეს, რომ Fraser Island Funnel-ის ჯიშის ობობას შხამში არსებული ცილა Hila,  გულში მჟავაზე მგრძნობიარე იონურ არხებს ბლოკავს, რაც ხელს უშლის „სიკვდილის სიგნალის“ გადაცემას. შედეგად, პაციენტების გადარჩენის მაჩვენებელი იზრდება. გარდა ამისა, სპეციალისტების აზრით, ამ ცილის საფუძველზე შექმნილ პრეპარატს შეუძლია მნიშვნელოვნად გაახანგრძლივოს დონორული გულის სიცოცხლისუნარიანობა.