პატიმრების რაოდენობა არის 2,5-ჯერ შემცირებული და ვმუშაობთ, რომ კიდევ უფრო მეტად შემცირდეს, ამისთვის ჩვენ მივიღეთ ამნისტიის შესახებ კანონი, თუმცა გადაიდგმება დამატებითი ნაბიჯები, რომ კიდევ უფრო მეტად დავუახლოვდეთ საშუალო ევროპულ მაჩვენებლებს პატიმრების რაოდენობის კუთხით, – ამის შესახებ საქართველოს პრემიერ-მინისტრმა, ირაკლი კობახიძემ თერჯოლის იუსტიციის სახლის გახსნის ღონისძიებაზე სიტყვით გამოსვლისას განაცხადა.

მთავრობის მეთაურის თქმით, აღნიშნულ საკითხზე იუსტიციის სამინისტროსთან ერთად მუშაობა აქტიურად მიმდინარეობს.

„სტატისტიკა, რაც გვაქვს პატიმრების რაოდენობის თვალსაზრისით, უკვე რადიკალურად განსხვავდება იმისგან, რაც გვქონდა 2012 წლამდე. პატიმრების სიკვდილიანობას რაც შეეხება, 10-ჯერ არის შემცირებული სტატისტიკა, რაც ნიშნავს, რომ ციხეები გათავისუფლდა რეპრესიული სულისკვეთებისგან და დღეს, რეალურად, პატიმრების მიმართ დამოკიდებულება არის თვისებრივად განსხვავებული, ჰუმანური, რაც არაერთხელ დაადასტურეს, მათ შორის, ოპოზიციის წარმომადგენლებმა, რომელთაც მოუწიათ, თავად გაცნობოდნენ სასჯელაღსრულების სისტემას. ყველა მიმართულებით ვითარება რადიკალურად არის განსხვავებული, 10-ჯერ მეტი იუსტიციის სახლი გაიხსნა ამ 12 წლის განმავლობაში და ეს ყველაფერი არის საერთო დამოკიდებულების გამოხატულება, რომელიც აქვს ხელისუფლებას ადამიანის მიმართ, საკუთარი მოქალაქეებისა და საკუთარი ქვეყნის მიმართ. ყველას გეკუთვნით განსაკუთრებული მადლობა, ვინც ემსახურებით ამ ქვეყანას და მის ინტერესებს. განსაკუთრებული მადლობა, მინდა, გადავუხადო იუსტიციის მინისტრს, რატი ბრეგაძეს, რომელიც ხელმძღვანელობს ამ სისტემას ძალიან დიდი წარმატებით. მინდა, მას მივულოცო დღევანდელი დღე, იუსტიციის სახლის გახსნა და კიდევ ერთხელ მინდა, ყველას მოგილოცოთ ამ არაჩვეულებრივი ინფრასტრუქტურის გახსნა. დღეიდან თერჯოლელები არაჩვეულებრივ გარემოში მიიღებენ სახელმწიფო მომსახურებას“, – განაცხადა პრემიერმა.

წლების განმავლობაში იუსტიციის სამინისტროს საქმიანობის შინაარსი თვისებრივად განსხვავდება იმ შინაარსისგან, რაც ჩვენ გვახსოვს, – ამის შესახებ საქართველოს პრემიერ-მინისტრმა, ირაკლი კობახიძემ თერჯოლაში იუსტიციის სახლის გახსნაზე სიტყვით გამოსვლისას განაცხადა.

როგორც მთავრობის მეთაურმა აღნიშნა, 2012 წლამდე იუსტიციის სამინისტრო იყო რეპრესიული სისტემის ერთ-ერთი მნიშვნელოვანი რგოლი.

„მინდა, გავიხსენო, რა ხდებოდა ჩვენს ქვეყანაში 2012 წლამდე და რა საქმიანობით იყო დაკავებული კონკრეტულად იუსტიციის სამინისტრო, რომელიც იყო რეპრესიული სისტემის ერთ-ერთი მნიშვნელოვანი რგოლი. მაშინ სხვადასხვა მიმართულებით იუსტიციის სამინისტრო ძალიან მძიმე საქმიანობით იყო დაკავებული. კონტროლდებოდა სასამართლო სისტემა თავიდან ბოლომდე სწორედ იუსტიციის მინისტრისა და სამინისტროს მიერ. სწორედ იუსტიციის მინისტრი და სამინისტრო აქცევდა სასამართლო ხელისუფლებას რეპრესიულ მანქანის ერთ-ერთ რგოლად. თქვენ კარგად იცით, რა ზემოქმედება ჰქონდა ამას ადამიანებზე. ხდებოდა ადამიანების უკანონო დაკავება, უკანონოდ დაპატიმრება, მათთვის სასჯელების შეფარდება, გამამართლებელი სასჯელების სტატისტიკა იყო 0,1 პროცენტზე ნაკლები და ა.შ. ხდებოდა ქონების გადააფორმება, 10 000-ზე მეტ ბიზნესმენს სახელმწიფოზე გადააფორმებინეს ქონება და ამ ყველაფრის ეპიცენტრში იდგა თავის დროზე იუსტიციის სამინისტრო“, – განაცხადა პრემიერ-მინისტრმა.

მისივე თქმით, 2012 წლამდე, როდესაც სასჯელაღსრულების სისტემა იმართებოდა იუსტიციის სამინისტროს მიერ, ყველას ახსოვს, რა ხდებოდა ქვეყანასა და ციხეებში.

„პატიმრების რაოდენობა რეპრესიული სისტემის გამო შეადგენდა თითქმის 25 000 და სიკვდილიანობის მაჩვენებელი იყო უკიდურესად მაღალი. 140-ზე მეტი ადამიანი კვდებოდა ციხეებში ყოველწლიურად, რაც იყო იმ რეჟიმის შედეგი, რაც მაშინ იყო ჩამოყალიბებული ციხეებში. უმძიმესი ვითარება იყო ციხეებში, პატიმრების მიმართ მოპყრობა იყო უმძიმესი, ადამიანების წამება, არაადამიანური მოპყრობა მათ მიმართ იყო ჩვეულებრივი პრაქტიკა. ამ ყველაფრის სულის ჩამდგმელი იყო მაშინდელი იუსტიციის მინისტრი და მაშინდელი იუსტიციის სამინისტრო.

იუსტიციის სახლებს რაც შეეხება, მხოლოდ 12 იუსტიციის სახლი ფუნქციონირებდა მთელი ქვეყნის მასშტაბით და ცდილობდნენ, ამ 12 იუსტიციის სახლით დაეკომპენსირებინათ ის წამების სისტემა, რომელიც იუსტიციის სამინისტროს ქვეშ მოქმედებდა“, – განაცხადა პრემიერ-მინისტრმა.

სასამართლო ხელისუფლებამ შეიძინა დამოუკიდებლობა და ამის გამოხატულებაა ის ახალი სტატისტიკა, რომელიც გვაქვს ჩვენ სასამართლო ხელისუფლების სფეროში, – ამის შესახებ საქართველოს პრემიერ-მინისტრმა, ირაკლი კობახიძემ თერჯოლის იუსტიციის სახლის გახსნის ღონისძიებაზე სიტყვით გამოსვლისას განაცხადა.

მთავრობის მეთაურის თქმით, რამდენჯერმეა შემცირებული სტრასბურგის სასამართლოში მიმართვიანობა სასამართლოსთან დაკავშირებულ საქმეებზე.

„დღეს ვითარება არის რადიკალურად განსხვავებული ყველა მიმართულებით. მოგეხსენებათ, სასამართლო ხელისუფლებამ შეიძინა დამოუკიდებლობა და ამის გამოხატულებაა ის ახალი სტატისტიკა, რომელიც გვაქვს ჩვენ სასამართლო ხელისუფლების სფეროში. 3-ჯერ, 4-ჯერ, ზოგიერთ შემთხვევაში 18-ჯერ არის გაუმჯობესებული სტატისტიკა, რაც უკავშირდება სასამართლო ხელისუფლების საქმიანობას. რაც შეეხება სტრასბურგის სასამართლოში მიმართვიანობას სასამართლოსთან დაკავშირებულ საქმეებზე, რამდენჯერმე არის შემცირებული შესაბამისი მაჩვენებელი, რაც ნიშნავს, რომ სასამართლო გათავისუფლდა და თვისებრივად ჰუმანურია თავისი არსით დღეს სასამართლო სისტემა, თავისუფალია პოლიტიკური კონტროლისგან, რაც ძალიან მნიშვნელოვანია“, – განაცხადა პრემიერმა.

2012 წლამდე ქვეყნის მასშტაბით ფუნქციონირებდა მხოლოდ 12 იუსტიციის სახლი. 2012 წლის შემდეგ საქართველოში 111 ახალი იუსტიციის სახლი გაიხსნა, თერჯოლის ფილიალი იმერეთის მხარეში არის 26-ე და ქვეყნის მასშტაბით უკვე არის 123-ე, – ამის შესახებ საქართველოს პრემიერ-მინისტრმა, ირაკლი კობახიძემ თერჯოლის იუსტიციის სახლის გახსნის ღონისძიებაზე სიტყვით გამოსვლისას განაცხადა.

მთავრობის მეთაურის განცხადებით, თერჯოლის იუსტიციის სახლი აღჭურვილია თანამედროვე ტექნიკით.

„მინდა, მოგილოცოთ დღევანდელი დღე, თერჯოლის იუსტიციის სახლის გახსნა. პირველ რიგში, მივულოცავ თერჯოლელებს, თერჯოლის მუნიციპალიტეტის მოსახლეობას. ეს არის ძალიან მნიშვნელოვანი სიახლე. 500-ზე მეტ სახელმწიფო მომსახურებას თერჯოლელები მიიღებენ ამ არაჩვეულებრივ, უმაღლესი სტანდარტების შენობაში. იუსტიციის სახლი აღჭურვილია თანამედროვე ტექნიკით, თანამედროვე გარემოში არის უზრუნველყოფილი შესაბამისი სერვისები და რაც ძალიან მნიშვნელოვანია, შეზღუდული შესაძლებლობების პირთათვის არის ადაპტირებული იუსტიციის სახლის ახალი შენობა. მინდა, შეგახსენოთ, თუ რამდენად გაიზარდა ინფრასტრუქტურის განვითარების ტემპები გასული 12 წლის განმავლობაში. 2012 წლამდე ქვეყნის მასშტაბით ფუნქციონირებდა მხოლოდ 12 იუსტიციის სახლი. 2012 წლის შემდეგ საქართველოში 111 ახალი იუსტიციის სახლი გაიხსნა. თერჯოლის ფილიალი იმერეთის მხარეში არის 26-ე და ქვეყნის მასშტაბით უკვე არის 123-ე იუსტიციის სახლი“, – განაცხადა კობახიძემ.

მისივე თქმით, აღსანიშნავია, რომ პენიტენციურ დაწესებულებებში ექვსი იუსტიციის სახლი ფუნქციონირებს.

„იუსტიციის სამინისტრო სთავაზობს სერვისებს მობილური იუსტიციის სახლის პროექტის მეშვეობით, სადაც უზრუნველყოფილია მაღალმთიან, მოშორებულ დასახლებებში შესაბამისი მომსახურების მიწოდება. ასევე, არსებობს გეგმები, მომავალი წლის ბოლომდე დაგეგმილია დამატებით 10 იუსტიციის სახლის გახსნა და ამით მთელი ქვეყანა იქნება დაფარული იუსტიციის სახლის მომსახურებით, მათ შორის, რამდენიმე იუსტიციის სახლი გაიხსნება იმერეთში და ეს პროცესი გაგრძელდება იქამდე, ვიდრე მთელი ქვეყანა არ იქნება დაფარული და უზრუნველყოფილი შესაბამისი მომსახურებით. მინდა, მადლობა გადავუხადო იუსტიციის სამინისტროს, იუსტიციის მინისტრს, რატი ბრეგაძეს, რომლის სახელსაც უკავშირდება ეს მნიშვნელოვანი წარმატება, ინფრასტრუქტურის მშენებლობის გაზრდილი ტემპები“, – განაცხადა პრემიერმა.

დაფიქსირებული დარღვევები მოიცავს, მათ შორის, საარჩევნო პროცესში ბოლოდროინდელ საკანონმდებლო ცვლილებებს, ხმის საიდუმლოებასთან დაკავშირებულ დარღვევებს, პროცედურული შეუსაბამობებს, დაშინებასა და ზეწოლას ამომრჩევლებზე, რამაც უარყოფითად იმოქმედა პროცესისადმი საზოგადოების ნდობაზე", - ამის შესახებ ევროკომისიის ვრცელ ანგარიშშია საუბარი, რომელიც საქართველოს ეხება.

როგორც დოკუმენტში წერია, წინასწარი დასკვნები ადასტურებს ყოვლისმომცველი საარჩევნო რეფორმის აუცილებლობას, რომელიც რეკომენდაციებში აქამდეც იყო ხაზგასმული.

გთავაზობთ ამონარიდს ანგარიშიდან:

"მიუხედავად იმისა, რომ 2023 წლის დეკემბერში ევროსაბჭომ საქართველოს მიანიჭა კანდიდატის სტატუსი, მისი ევროკავშირში გაწევრიანების პროცესი ამავდროულად დე-ფაქტო შეჩერებულია 2024 წლის გაზაფხულიდან საქართველოს მთავრობის მიერ განხორციელებული ქმედებების გამო. 2024 წლის 26 ოქტომბერს საქართველოს მოქალაქეებმა საპარლამენტო არჩევნებში მიიღეს მონაწილეობა. ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) ერთობლივი საერთაშორისო სადამკვირვებლო მისიის წინასწარი დასკვნებით გამოვლინდა რამდენიმე ხარვეზი, რომლებიც დაძაბულ და ძლიერ პოლარიზებულ გარემოში მოხდა. დაფიქსირებული დარღვევები მოიცავს, მათ შორის, საარჩევნო პროცესში ბოლოდროინდელ საკანონმდებლო ცვლილებებს, ხმის საიდუმლოებასთან დაკავშირებულ დარღვევებს, პროცედურული შეუსაბამობებს, დაშინებასა და ზეწოლას ამომრჩევლებზე, რამაც უარყოფითად იმოქმედა პროცესისადმი საზოგადოების ნდობაზე. ეს წინასწარი დასკვნები ადასტურებს ყოვლისმომცველი საარჩევნო რეფორმის აუცილებლობას, რაც უკვე იყო ხაზგასმული წინა საკვანძო რეკომენდაციებში. გარდა ამისა, უცხოელი აგენტების შესახებ კანონის შედეგად არასამთავრობო ორგანიზაციებმა შეწყვიტეს 2023 წლის ოქტომბრის თანამშრომლობის მემორანდუმი პარლამენტსა და აღმოსავლეთ პარტნიორობის სამოქალაქო საზოგადოების ფორუმის ეროვნულ პლატფორმას შორის. საანგარიშო პერიოდში არ იყო პროგრესი საკონსულტაციო პროცესებში ან კანონპროექტებში და პოლიტიკის დოკუმენტებში წვლილის შეტანის კუთხით, არც სამოქალაქო საზოგადოებასთან სტრატეგიული ჩართულობის კუთხით", - წერია ანგარიშში.

"საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს", - ამის შესახებ ევროკავშირის ელჩი საქართველოში, პაველ ჰერჩინსკი საუბრობს.

"საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს. ის შეჩერებული იქნება იქამდე, სანამ საქართველო ევროკავშირისგან ჩვენი ღირებულებებისა და ჩვენი პრინციპებისგან დაშორებას გააგრძელებს", - განაცხადა ჰერჩინსკიმ.

საქართველოში ევროკავშირის ელჩმა პაველ ჰერჩინსკიმ გაფართოების შესახებ ანგარიშზე საუბრისას საქართველოში ჩატარებულ საპარლამენტო არჩევნებზეც გაამახვილა ყურადღება და თქვა, რომ 26 ოქტომბრის არჩევნებზე სერიოზული დარღვევები აღინიშნა. 

მისი თქმით, საჭიროა, რომ საერთაშორისო დამკვირვებლების მიერ აღნიშნული დარღვევები სწრაფად, გამჭვირვალედ და დამოუკიდებლად გამოიძიონ.

"9 ნაბიჯიდან ერთ-ერთი არჩევნების ჩატარებას შეეხება. საქართველოში საპარლამენტო არჩევნებზე სერიოზული დარღვევები აღინიშნა. დარღვევები, რომლებიც ევროკავშირის კანდიდატი წევრისგან მოსალოდნელ სტანდარტებს არ შეესაბამება. საჭიროა, რომ საერთაშორისო დამკვირვებლების მიერ აღნიშნული დარღვევების გამოძიება სწრაფად, გამჭვირვალედ და დამოუკიდებლად მოხდეს. საერთაშორისო დამკვირვებლებს არ გამოუცხადებიათ, რომ არჩევნები თავისუფალი და სამართლიანი იყო, საპირისპიროც არ უთქვამთ, ამიტომ, ეს გამოძიება სასწრაფოდ უნდა ჩატარდეს", - თქვა პაველ ჰერჩინსკიმ.

ევროკავშირის უმაღლესმა წარმომადგენელმა ჯოზეფ ბორელმა ევროკავშირის გაფართოების შესახებ ანგარიშის წარდგენამდე საქართველოში ჩატარებულ საპარლამენტო არჩევნებზე ისაუბრა და აღნიშნა, რომ დამოუკიდებელი დამკვირვებლების თანახმად, "არჩევნები არ იყო თავისუფალი და სამართლიანი". 

მან კვლავ გაიმეორა, რომ არჩევნების შედეგი საჭიროებს გამოძიებას. 

"საქართველოს საპარლამენტო არჩევნებზე სერიოზული დარღვევა აღინიშნება, რაც უნდა იყოს გამოძიებული გამჭვირვალედ და დამოუკიდებლად. მე არ ჩამოვთვლი ამ დარღვევებს, მაგრამ გახლავთ ბევრი და მნიშვნელოვანია ხაზი გავუსვათ, რომ დამოუკიდებელმა დამკვირვებლებმა არ აღნიშნეს, რომ არჩევნები იყო თავისუფალი და სამართლიანი და ეს ითხოვს გამოძიებას იმისთვის, რომ ნათელი მოეფინოს იმას, რა მოხდა, რა იყო დარღვევების მასშტაბი და როგორ მოახდინა ამან ზეგავლენა შედეგებზე. [...] ძალიან მნიშვნელოვანია ყურადღებით დავაკვირდეთ მოვლენებს, რომელიც მოხდება შემდეგ დღეებში, დაველოდოთ არჩევნების გამოძიებას და იმას, რომ ნათელი მოეფინოს დარღვევებს, რომლებიც სადამკვირვებლო მისიის მიერ იყო დასახელებული", - თქვა ჯოზეფ ბორელმა. [სინქრონული თარგმანი]

ევროკავშირის უმაღლესმა წარმომადგენელმა კიდევ ერთხელ თქვა, რომ საქართველოს ხელისუფლების მხრიდან "ბოლო თვეებში კონსოლიდირებული ტენდენციაა, რომ ქვეყანა შორდება ევროპულ გზას, მის ღირებულებებსა და პრინციპებს".

ჯოზეფ ბორელის თქმით, იმისათვის რომ ქვეყანა კვლავ დაუახლოვდეს ევროკავშირს, პირველ რიგში საჭიროა რუსული და ანტი-ლგბტ კანონების გაუქმება. 

"კონსოლიდირებულ ტენდენციას ვხედავთ საქართველოს ხელისუფლების მხრიდან ბოლო თვეებში, რომ ქვეყანა შორდება ევროპულ გზას, მის ღირებულებებსა და პრინციპებს. ჩვენი ანგარიში ნათელ გზას სახავს, კვლავ დაახლოებასთან დაკავშირებით თუ იქნება პოლიტიკური სურვილი საქართველოს ხელისუფლებისგან, ჩვენ ვთავაზობთ ნათელ გზას, რომ კვლავ მოხდეს დაახლოება ევროკავშირთან. უცხოურ გამჭვირვალობის გავლენის კანონის გაუქმება, რასაც ჰქონდა უარყოფით გავლენა სამოქალაქო საზოგადოებასა და მედიაზე, ასევე იგივე ეხება ოჯახური ღირებულებების კანონს - ეს იქნება პირველი მაჩვენებელი საქართველოს მხრიდან შესაბამისი ნაბიჯებისა", - თქვა მან. 

კონსოლიდირებულ ტენდენციას ვხედავთ საქართველოს ხელისუფლების მხრიდან ბოლო თვეებში, რომ ქვეყანა შორდება ევროპულ გზას, მის ღირებულებებსა და პრინციპებს. ჩვენი ანგარიში ნათელ გზას სახავს, კვლავ დაახლოებასთან დაკავშირებით თუ იქნება პოლიტიკური სურვილი საქართველოს ხელისუფლებისგან, ჩვენ ვთავაზობთ ნათელ გზას, რომ კვლავ მოხდეს დაახლოება ევროკავშირთან. უცხოურ გამჭვირვალობის გავლენის კანონის გაუქმება, რასაც ჰქონდა უარყოფით გავლენა სამოქალაქო საზოგადოებასა და მედიაზე, ასევე იგივე ეხება ოჯახური ღირებულებების კანონს - ეს იქნება პირველი მაჩვენებელი საქართველოს მხრიდან შესაბამისი ნაბიჯებისა. [სინქრონული თარგმანი]

თქვა ევროკავშირის უმაღლესმა წარმომადგენელმა ჯოზეფ ბორელმა ევროკავშირის გაფართოების შესახებ ანგარიშის წარდგენამდე სიტყვით გამოსვლისას.

საქართველოს პრეზიდენტმა სალომე ზურაბიშვილმა პროკურატურაში გამოკითხვაზე დაბარებასთან დაკავშირებით გამართულ ბრიფინგზე თქვა, რომ ეს "უცნაურად ემთხვევა დიმიტრი მედვედევის მითითებებს".

28 ოქტომბერს დიმიტრი მედვედევმა საქართველოს პრეზიდენტის სალომე ზურაბიშვილის "გადაყენებასა და დაჭერაზე" მიუთითა.

"პროკურატურას მივმართავ, ხალხის წინაშე ხართ ანგარიშვალდებული, თქვენგან ითხოვს საზოგადოება მყისიერ გამოძიებას და არა ჩემი მტკიცებულებებს და არავინ არ ელოდება პროკურატურისგან დღეს ამ სიტუაციაში, რომ პრეზიდენტზე დაიწყოს აშკარა პოლიტიკური პროცესები, რომელიც სხვათა შორის, უცნაურად ემთხვევა მედვედევის გაცემულ მითითებებს, არ ვიცი ვინ ასრულებს და ვინ არა", - თქვა პრეზიდენტმა.

საქართველოს პროკურატურის ინფორმაციით, ცენტრალური საარჩევნო კომისიის მიმართვის საფუძველზე საპარლამენტო არჩევნების სავარაუდო გაყალბების ფაქტზე, "საქართველოს სისხლის სამართლის კოდექსის 164³-ე მუხლით გათვალისწინებული დანაშაულის ნიშნებით", გამოძიება დაიწყეს.

მათი თქმით, გამოკითხვაზე იბარებენ პრეიზიდენტ სალომე ზურაბიშვილს.

გუშინ, 29 ოქტომბერს ცესკო-მ გაავრცელა განცხადება და თქვა, რომ საქართველოს პრეზიდენტი, პოლიტიკური პარტიების წარმომადგენლები უწყებას "უსაფუძვლო ბრალდებებით ესხმიან თავს და რეპუტაციულ ზიანს აყენებენ".

განცხადებაში ცესკომ მიმართა პროკურატურას, "გარემოებების დასადგენად, შეესაბამება თუ არა სიმართლეს პრეზიდენტის, პოლიტიკოსების განცხადებები", დაიწყოს და აწარმოოს გამოძიება.

პრეზიდენტი სალომე ზურაბიშვილი აცხადებს, რომ პროკურატურაში გამოცხადებას არ აპირებს.

ბრიფინგზე მან არჩევნებზე დაფიქსირებული დარღვევების კადრები აჩვენა და თქვა, რომ ეს ხალხის მიერ შეგროვებული მასა ამტკიცებს 26 ოქტომბრის არჩევნების "მრავალფეროვან, მასშტაბურ გაყალბებას".

"პროკურატურას მე ვურჩევდი, რომ სჯობს, შეუდგეს თავის საქმეს და პრეზიდენტთან პოლიტიკურ ანგარიშსწორებას მოეშვას, რაც კიდევ უფრო ამ მომენტში, როცა საჭიროა და ჩვენი პარტნიორებიც ამას უყურებენ, რომ ბოლოს და ბოლოს გამოჩნდეს, თუ შეუძლია, რომ იყოს პროკურატურას, იყოს დამოუკიდებელი, მიუკერძოებელი. ეს აჩენს კიდევ უფრო მეტ კითხვის ნიშნებს. ასე, რომ შეუდგეს პროკურატურა თავის საქმე, პრეზიდენტი კი თავის საქმეს მიხედავს.[...]

როგორც პრეზიდენტი, გავაგრძელებ ჩემს სამუშაოს და არ ვაპირებ პროკურატურაში გამოცხადებას"- თქვა ზურაბიშვილმა.

გუშინ, 29 ოქტომბერს ცესკო-მ გაავრცელა განცხადება და თქვა, რომ საქართველოს პრეზიდენტი, პოლიტიკური პარტიების წარმომადგენლები უწყებას "უსაფუძვლო ბრალდებებით ესხმიან თავს და რეპუტაციულ ზიანს აყენებენ".

განცხადებაში ცესკომ მიმართა პროკურატურას, "გარემოებების დასადგენად, შეესაბამება თუ არა სიმართლეს პრეზიდენტის, პოლიტიკოსების განცხადებები", დაიწყოს და აწარმოოს გამოძიება.

ღრმა მწუხარებას გამოვთქვამ ესპანეთში მომხდარი მომაკვდინებელი წყალდიდობის გამო, რამაც ტრაგიკული შედეგი გამოიწვია, - განაცხადა საქართველოს პრემიერ-მინისტრმა, ირაკლი კობახიძემ.

"ჩვენი ფიქრებით დაღუპულთა ოჯახებთან და ყველა დაზარალებულთან ვართ. სრულ მხარდაჭერას ვუცხადებ პედრო სანჩესს და ვუსურვებ გამძლეობას, ერთიანობასა და მედეგობას ესპანეთის მამაც ხალხს. საქართველო სოლიდარობას უცხადებს ესპანეთს ამ რთულ პერიოდში", - აღნიშნა ირაკლი კობახიძემ.

დღეს, სამეგრელო-ზემო სვანეთის მხარეში, ჩხოროწყუს მუნიციპალიტეტში, მდინარე ხობისწყალზე მდებარე „ხობი 2 ჰესი" ოფიციალურად გაიხსნა.

სადგურის დადგმული სიმძლავრე 44,5 მეგავატია, ელექტრო ენერგიის გამომუშავება კი 200 მლნ კვტ სთ.

ჰიდროელექტროსადგურის პირველი ფაზისთვის ინვესტიციის მოცულობა 250 მლნ ლარზე მეტს შეადგენს.

აღსანიშნავია, რომ კომპანია „ფერიმ“ „ხობი 2 ჰესის“ მშენებლობა 2015 წელს დაიწყო. „ფერის“ აღმასრულებელმა დირექტორმა ლაშა იორდანიშვილმა ჰესის ოფიციალური გახსნის ღონისძიებაზე "საქართველოს ბანკს" და "თიბისი ბანკს" პროექტის მხარდაჭერისთვის მადლობა გადაუხადა.

"ეს ჰიდროელექტროსადგური ურთულესი ნაგებობების ერთობლიობას წარმოადგენს. ამ ჰესს თავისებური ისტორია ჰქონდა, სხვადასხვა მეპატრონეების ხელიდან ხელში გადადიოდა, თუმცა ბოლოს წარმატების ფორმულა გამოინახა.

ამ პროექტმა გარდა იმისა, რომ სხვადასხვა დარგში მოღვაწე ძალიან საინტერესო ბიზნესმენი გააერთიანა, ასევე შეძლო და გააერთიანა ჩვენი ორი საამაყო ბანკი", - თქვა ლაშა იორდანიშვილმა.

ამასთან, მან მადლობა გადაუხადა პროექტში პარტნიორებს: ზაზა ნიშნიანიძეს, ილია და თენგო წულაიებს, უტა დარჩიაშვილს, იოსებ მჭედლიშვილს, გოჩა დარჩიაშვილს.

ღონისძიებას დაესწრო პრემიერ-მინისტრი ირაკლი კობახიძე, რომელმაც სიტყვით გამოსვლისას განაცხადა, რომ "ხობი 2 ჰესი" არის ყველაზე დიდი ჰიდროელექტროსადგური, რომელიც საბჭოთა პერიოდის შემდეგ საქართველოში აშენდა.

„ეს არის უმნიშვნელოვანესი პროექტი, რომელიც ხელს შეუწყობს ჩვენი ეკონომიკის კიდევ უფრო მეტად განვითარებას და ჩვენი ენერგეტიკული დამოუკიდებლობის კიდევ უფრო მეტად გაძლიერებას. პროცესები დაიწყო 2015 წლიდან და ჰიდროელექტროსადგური უკვე შესულია ექსპლუატაციაში. მინდა განსაკუთრებული მადლობა გადავუხადო შპს „ქართული საინვესტიციო ჯგუფი ენერგიას“ წარმომადგენლებს, მის ხელმძღვანელს, ბატონ ლაშა იორდანიშვილს ამ არაჩვეულებრივი პროექტის განხორციელებისთვის. ასევე, განსაკუთრებული მადლობა მინდა გადავუხადო ამ კომპანიას მაღალი სოციალური პასუხისმგებლობისთვის. არაერთი მნიშვნელოვანი სოციალური პროექტი განხორციელდა ამ ჰესის მშენებლობასთან ერთად, რაც მოიცავდა, მათ შორის, მდინარის გათევზიანებას, ადგილობრივი სიმღერის და ცეკვის სახალხო ანსამბლის, ასევე ვოკალურ-ინსტრუმენტული ანსამბლისთვის მხარდაჭერის აღმოჩენას, ნიკო კვარაცხელიას ფონდის მხარდაჭერას ნიჭიერი ახალგაზრდების სწავლის დასაფინანსებლად, ასევე მუხურის ენდემური ჯიშის ფუტკრის პოპულარიზაციას, გამრავლებას, ჩხოროწყუს საფეხბურთო გუნდის მხარდაჭერას და ა.შ.“, - განაცხადა პრემიერ-მინისტრმა და აღნიშნა, რომ მშენებლობაზე 300 ადამიანი იყო დასაქმებული.

ბულინგი რადიკალური ოპოზიციისგან არავის უკვირს, ეს არის მათი ერთ-ერთი მთავარი იარაღი და მთავარი ხელწერა, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.

მთავრობის მეთაურმა აღნიშნა, რომ ეს მხოლოდ საქართველოში არ ხდება.

„მინდა, კიდევ ერთხელ გავიხსენო სლოვაკეთის პრემიერ-მინისტრის რობერტ ფიცოს ათწუთიანი ვიდეო, სადაც ის აღწერს მოვლენებს სლოვაკეთში. მარტივად შეგიძლიათ, შეცვალოთ ერთი სიტყვა, სლოვაკეთი ჩაანაცვლოთ საქართველოთი და ზუსტად იგივე ხდება ჩვენს ქვეყანაში. აქედან ჩანს, რომ ბულინგი და ლიბერალური ფაშიზმი არის მთლიანად კოორდინირებული და გარედან თავსმოხვეული. ჩვენი საზოგადოება არ არის მიდრეკილი სიძულვილისკენ. ეს არ არის ჩვენი საზოგადოების თვისება, ეს არ არის ქართული საზოგადოების ხელწერა. სიძულვილი, რაც ტრიალებს ჩვენს ქვეყანაში, აბსოლუტურად ხელოვნურია და მთლიანად გარედან არის თავსმოხვეული. მინდა, ყველას მოვუწოდო, თავი შეიკავონ საქართველოში სიძულვილის დათესვისგან, ქართველებს შორის სიძულვილის დათესვისგან და მით უმეტეს, თავი შეიკავონ სიძულვილის დათესვის გარე დაფინანსებისგან. ეს დაფინანსება მინიმუმ უნდა იყოს გამჭვირვალე და ამას ეხება კანონი „გამჭვირვალობის შესახებ“. სიძულვილის დაფინანსება და ჩვენს ქვეყანაში სიძულვილის ხელოვნურად დათესვა აბსოლუტურად მიუღებელია. მათ შორის, რაც ხდება ემიგრანტების წინააღმდეგ, როცა მიმდინარეობს სიძულვილის და ბულინგის კამპანია, ეს მით უმეტეს კატეგორიულად მიუღებელია. შესაბამისად, საზოგადოებამ თავის პოზიცია უნდა გამოხატოს ასეთი აქტების მიმართ“, - განაცხადა პრემიერ-მინისტრმა.

მთავრობის მეთაურის თქმით, საჯაროდ ვერავითარი მტკიცებულება ვერ წარადგინეს, ახლა მოუწევთ მისვლა პროკურატურაში და მტკიცებულებების წარდგენა.

„თუ არ მივლენ, ეს იქნება მტკიცებულება იმისა, რომ ისინი ყალბ განცხადებებს აკეთებდნენ არჩევნებთან დაკავშირებით. ერთი საინტერესო დეტალია, რაც უკავშირდება სალომე ზურაბიშვილს, მიოს დაბარებაზეა საუბარი, ეუთო/ოდირის დასკვნის თანახმად, სალომე ზურაბიშვილი უხეშად არღვევდა საარჩევნო პრინციპებს. საქართველოში მოქმედებს საპარლამენტო მმართველობის სისტემა, სადაც კონსტიტუციის მიხედვით, პრეზიდენტს არ შეუძლია ეკავოს პარტიული თანამდებობა და ის უნდა იყოს ზეპარტიული, ანუ არ შეიძლება, ის ერთვებოდეს საარჩევნო კამპანიაში რომელიმე პარტიის ან პარტიების სასარგებლოდ. სალომე ზურაბიშვილი უხეშად არღვევდა საარჩევნო პრინციპებს, რაც ასახულია ეუთო/ოდირის დასკვნაში და არჩევნების დელეგიტიმაციის კამპანიას სათავეში ჩაუყენეს სალომე ზურაბიშვილი - ის ადამიანი, რომელიც თავად უხეშად არღვევდა საარჩევნო პრინციპებს. ასეთ კამპანიას ხომ ვერანაირი ფასი და ვერავითარი დატვირთვა ვერ ექნება. კეთილი ინებოს, სალომე ზურაბიშვილი იქნება თუ ნებისმიერი სხვა, თუ რაიმე მტკიცებულება აქვს, წარადგინოს პროკურატურაში, შესაბამის უწყებებში, ნუ საუბრობენ ზეპირად ისეთ რამესთან დაკავშირებით, რაც ბუნებაში არ მომხდარა. ეს არის მათი პასუხისმგებლობა. სალომე ზურაბიშვილი მართალია, სულით და გულით არის „ენჯეოშნიკი“ თუ „ენჯეოშნიცა“, მაგრამ თანამდებობით არის სახელმწიფო პოლიტიკური თანამდებობის პირი. მას აქვს განსხვავებული პასუხისმგებლობა. მას არ აქვს უფლება, ისაუბროს ზეპირად. თუ რაიმეზე აქვს ფაქტი, ეს ფაქტი უნდა წარადგინოს პროკურატურაში, შესაბამის კონსტიტუციურ ორგანოში, თუმცა დარწმუნებული ვარ, იქიდან გამომდინარე, რომ არ აქვს არავითარი ფაქტი, ის ვერ გაბედავს პროკურატურაში მისვლას და ვერ მისცემს ვერავითარ ინფორმაციას პროკურატურას იმ ბრალდებებთან დაკავშირებით, რომლებსაც ზეპირად აჟღერებს“, - განაცხადა პრემიერ-მინისტრმა.

როგორც მთავრობის მეთაურმა აღნიშნა, „ქართულმა ოცნებამ“ გვარამიას პარტიას 890 000-ზე მეტი ხმით მოიგო.

„ზოგადად, გვარამია და ქუჩა ერთმანეთისგან ძალიან უცხო ცნებებია ყველა თვალსაზრისით. პირველ რიგში, დადებითი თვალსაზრისით, უარყოფით თვალსაზრისს არ ვგულისხმობ. ზოგადად, ქუჩას რაც შეეხება, წარმატებას არჩევნებსა და ქუჩაში სჭირდება ზუსტად ერთი და იგივე რესურსი, ეს არის ხალხის მხარდაჭერა. გვარამიას არ აქვს ხალხის მხარდაჭერა, მის პარტიას მოვუგეთ 890 000-ზე მეტი ხმით. ქუჩაში რა უნდა გააკეთოს ამ პირობებში, თავადაც შეგიძლიათ განსაჯოთ“, - განაცხადა პრემიერ-მინისტრმა.