122 ახალი სტატია

დღეს, 16 იანვარს, პარტია „ქართული ოცნება - დემოკრატიული საქართველოს“ ყრილობა გაიმართება, რომელსაც მთელი ქვეყნის მასშტაბით 400-მდე დელეგატი დაესწრება.

ყრილობა პარტიის ახალ თავმჯდომარეს და პარტიის პოლიტიკური საბჭოს განახლებულ შემადგენლობას აირჩევს. როგორც ცნობილია პოლიტიკური საბჭოს გადაწყვეტილებით, პარტიის თავმჯდომარის პოსტზე წარდგენილი იქნება ირაკლი კობახიძის კანდიდატურა.

ასევე პოლიტიკურმა საბჭომ დაამტკიცა განახლებული პოლიტიკური საბჭოს წევრობის კანდიდატების 21-კაციანი სია, რომელთა ვინაობაც დღეს გახდება ცნობილი. 

 

აჭარაში ოპოზიციის საპროტესტო აქციები უკვე ორ თვეზე მეტია, გრძელდება. მომიტინგეთა მთავარი მოთხოვნა ვადამდელი არჩევნების ჩატარებაა. „ვერსია“ აჭარის საპროტესტო აქციების ერთ-ერთ ორგანიზატორსა და ლიდერს, კობა ხაბაზს ესაუბრა, რომელიც აცხადებს, რომ სიცივის მიუხედავად, დაშლას არ აპირებენ, სანამ მათი ყველა მოთხოვნა არ შესრულდება:


- ბატონო კობა, რას ელოდებით, როდემდე აპირებთ პროტესტის ქუჩაში გაგრძელებას?

- ეს პროცესი მანამ გაგრძელდება, სანამ არ მივაღწევთ ჩვენი მოთხოვნების შედეგს. ეს მოთხოვნებია: ვადამდელი საპარლამენტო არჩევნები, ცესკო-სა და აჭარის უმაღლესი საბჭოს ადმინისტრირებისა და დაკომპლექტების წესის ცვლილება და პოლიტპატიმრების გათავისუფლება. ხშირად გვესმის ეს კითხვა - რამდენ ხანს შეიძლება, ეს პროტესტი გაგრძელდეს? - დავიწყოთ იქიდან, რომ ასეთი ბრძოლა შედეგს აუცილებლად მოიტანს და ხელისუფლებას უკანდახევა მოუწევს. ჩვენ არ ვაპირებთ, გავჩერდეთ. გუშინწინ გაიხსნა „თავისუფლების კვარტალი“ ხელვაჩაურში, გუშინ - ქობულეთში. ამ დღეებში გაიხსნება ზუგდიდში, ქუთაისში... „თავისუფლების კვარტალი“, თავისუფალი სივრცეები გაჩნდება ყველგან და როცა პროტესტი ასეთ შეუქცევად ხასიათს იღებს, აუცილებლად გამარჯვებით სრულდება. ხელისუფლებას მოუწევს დათმობაზე წასვლა და ვადამდელი საპარლამენტო არჩევნების დანიშვნა. შეიძლება, ბევრისთვის ეს უტოპიაა, მაგრამ თუ გადავავლებთ თვალს ჩვენს წარსულს და მსოფლიოს მაგალითებს, ვნახავთ, რომ არც ერთ ასეთ საპროტესტო მოძრაობას უკვალოდ არ ჩაუვლია. ხანგრძლივია, დროში დამღლელია, რთული ბრძოლაა, მაგრამ ასეთ პროტესტს ყოველთვის მოაქვს შედეგი.

- ანუ, ოპოზიცია ქუჩის პროტესტს შლის, აფართოებს და უფრო მასშტაბურს ხდის?

- რა თქმა უნდა, ეს აქციები გაიშლება, გაფართოვდება და უფრო შეუქცევად, მწვავე ხასიათს მიიღებს იქიდან გამომდინარე, რომ არჩევანი აღარ დაგვიტოვა ხელისუფლებამ.

- გასაგებია, მაგრამ ამის პარალელურად, ოპოზიციის ნაწილი, მაგალითად, „გირჩი“ და ალეკო ელისაშვილი ინდივიდუალურ მოლაპარაკებებს მართავენ და შესაძლოა, პარლამენტში შესვლის ვერსიასაც განიხილავენ. საზოგადოება დაბნეულია და ამიხსენით, რა ხდება ოპოზიციაში?

- თავის დროზე, როცა ხელისუფლებაში ვიყავით და საუბარი იყო ოპოზიციაზე, ჩემთვის სრულიად გაუგებარი იყო, როგორ შეიძლებოდა, მესაუბრა ოპოზიციის შესახებ, როცა ოპოზიციაში იყო სხვადასხვა პოლიტიკური შეხედულებისა და მისწრაფების ადამიანი. იგივეა დღესაც, მიუხედავად იმისა, რომ არის ერთობა, ნამდვილად არ ვფიქრობ იმაზე და ვერ ვინერვიულებ, თუ რას გადაწყვეტს იგივე „პატრიოტთა ალიანსი“, „გირჩი“ და ა.შ. ერთმანეთთან ნამდვილად არ ვაიგივებ, მაგრამ ვიცი, რომ უმთავრების ოპოზიციური პოლიტიკური ძალა, რომელმაც აჩვენა ყველა არჩევნებში 2012 წლიდან დღემდე, ეს პარტია არის ძირითადი და ისევე როგორც ბევრი პარტია გამქრალა ხელისუფლების დაკარგვის შემდეგ, გარდა „ნაციონალური მოძრაობისა“, ასე გაქრება „ქართული ოცნებაც“, ზუსტად ვიცი, რომ დარჩება „ერთიანი ნაციონალური მოძრაობა“ და სხვა პარტიები იმერყევებენ 2-დან 5%-მდე იმიტომ, რომ მათი პოლიტიკა ყოველთვის იყო გარიგება, ვაჭრობა და რაა უმთაავრესი მიზნის მიღწევა საქართველოს და არა საკუთარი პარტიის გამარჯვება.

- მოკლედ, კატეგორიულად დარწმუნებული ხართ, რომ „ნაციონალური მოძრაობა“ პარლამენტში არ შევა?

- მე ვარ დარწმუნებული, რომ „ნაციონალური მოძრაობა“ არ შევა, მაგრამ თუ ვინმეს სულსწრაფობამ, ცდუნებამ სძლია და შევიდა პარლამენტში, ის პარტიიდან იმ ადამიანების მიერ იქნება პოლკიტიკურად განკვეთილი, რომელმა ნახევარ მილიონზე მეტმა ადამიანმაც „ერთიან ნაციონალურ მოძრაობას“ გაყალბებული არჩევნებითაც კი, მხარი დაუჭირა. იქნება განკვეთილი და შეუერთდება იმ 2%-იანი პარტიების ან პიროვნებების რიცხვს, რომლებიც არაერთი გვიანახავს ნაციონალური მოძრაობიდან წასული.

თათია გოჩაძე

დღეს დონალდ ტრამპის იმპიჩმენტის საკითხის მოსმენისას ეროვნული გვარდიის წევრებითაა გადაჭედილი კონგრესის შენობა.
პენტაგონი ჯო ბაიდენის ინაუგურაციისას ვაშინგტონში დაცვის უფრო გაძლიერებას და 15 000 ჯარისკაცის გამოყვანას გეგმავს.  აშშ-ის წარმომადგენელთა პალატამ დონალდ ტრამპს იმპიჩმენტი გამოუცხადა, რის შემდეგაც ის ისტორიაში პირველი პრეზიდენტია, რომლის მიმართაც ორჯერ გამოიყენეს ხელისუფლებიდან გადაყენების პროცედურა.

„ვერსიის“ ექსკლუზიური ინფორმაციით, გიგლა ბარამიძემ ნინო ბურჯანაძის პარტია დატოვა. ინფორმაციის გადასამოწმებლად თავად ბარამიძეს დავუკავშირდით, რომელმაც დაგვიდასტურა, რომ პარტია დატოვა და ამ საკითხზე მალე განცხადებას გაავრცელებს, თუმცა იქამდე პოლიტიკოსს პარტიიდან წასვლის მიზეზის განმარტება ვთხოვეთ:

„დავასრულე მოღვაწეობის ეს ეტაპი, ასე გადავწყვიტე. გუშინ საუბარი მქონდა პარტიის თავმჯდომარესთან და ჩემს კოლეგებთანაც პარტიაში. ყველა ქმედებას რაღაც მიზეზი აქვს, დადებითი თუ უარყოფითი - ამაზე საუბარი არაა. უბრალოდ, ეს ეტაპი დავასრულე“- აცხადებს ჩვენთან საუბარში ბარამიძე.

ჩვენს კითხვაზე, ხომ არ აპირებს სხვა პოლიტიკურ ძალაში გაერთიანებას, პოლიტიკოსი პასუხობს: „მომავალ გეგმებზე ჯერ ვერ ვსაუბრობ, არაფერი განსაკუთრებული არაა“.

აჭარის უმაღლესი საბჭოს ყოფილი დეპუტატი, უფლებადამცველი მერაბ ბლადაძე, სოციალურ ქსელში წერს: „საქართველოს პარლამენტარიზმის ისტორიაში, აჭარის ავტონომიური რესპუბლიკის მაჟორიტარი, ერთ-ერთ დეპუტატი პარლამენტში, ვიცე-სპიკერის პოსტს ყოველთვის იკავებდა... კვოტით იყო განსაზღვრული ეს. აჭარიდან არჩეულ სამივე დეპუტატს, ბრალს ვდებ ავტონომიური რესპუბლიკის ინტერესების არდაცვაში ისევე, როგორც მეათე მოწვევის პარლამენტის მთლიან შემადგენლობას...
ეს კვოტა აუცილებლად აღდგება, ხოლო თქვენ, ეს შავი ლაქა, ლაქად დაგრჩებათ!!!“  ამ თემაზე „ვერსია“ პარლამენტის საპროცედურო კომიტეტის თავმჯდომარის მოადგილეს, გურამ მაჭარაშვილს ესაუბრა, რომელმაც განგვიმარტა:


- რეგლამენტში იყო ასეთი კვოტები განაწილებული პარლამენტის თავმჯდომარის მოადგილეებთან დაკავშირებით. კონსტიტუცია აქ არაფერ შუაშია. რეგლამენტში ბევრი ცვლილება შევიდა და ეს შეეხო პარლამენტის თავმჯდომარის მოადგილეებსაც. დღეს არის პირველი ვიცე-სპიკერი, რომელსაც ასახელებს თავად თავმჯდომარე და შემდეგ არის გადანაწილებული თანაბრად - ორი ვიცე-სპიკერი ეკუთვნის უმრავლესობას, ორი კი - ოპოზიციას. დღეს რეგლამენტით ასეთი კვოტაა გადანაწილებული.
გამომდინარე იქიდან, რომ აფხაზეთიდან ვერ გვყავდა, ეს ჩანაწერი რაღაც უხერხულობას ქმნიდა. რეგლამენტში ეწერა, რომ ერთი აჭარის ავტონომიური რესპუბლიკიდან უნდა ყოფილიყო ვიცე-სპიკერი და ერთიც - აფხაზეთის ავტონომიური რესპუბლიკიდან.

- ანუ, რადგანაც აფხაზეთის ავტონომიური რესპუბლიკის წარმომადგენელი არ იყო წარმოდგენილი, ამიტომაც გააუქმეთ აჭარის წარმომადგენლის კვოტაც?

- არა, მხოლოდ ეს არ იყო მოტივაცია. ოპტიმიზაციასთან დაკავშირებითაც ბევრი რაღაც შეიცვალა პარლამენტში, უბრალოდ, გითხარით ერთ-ერთი საფუძველი, თორემ ცვლილებების შემდეგ ასე გადანაწილდა: 2 ოპოზიციას, 2 - უმრავლესობას.

- ბატონო გურამ, როგორც დეპუტატსა და საპროცედურო კომიტეტის წარმომადგენელს, რამდენად სწორად მიგაჩნიათ რეგლამენტის ეს ცვლილება? აჭარის წარმომადგენელს უნდა ჰქონდეს თუ არა კვოტა პარლამენტის სპიკერატში?

- კვოტის არსებობა ან არარსებობა არ ნიშნავს არანაირად აჭარის ავტონომიური რესპუბლიკის უფლებებში რაიმეს შეზღუდვას ან რაიმე უფლების მიცემას. ეს მოცემულობა არ ქმნის იმას, რომ აჭარის ავტონომიური რესპუბლიკა რამენაირად შეიზღუდა ამ კუთხით. ასე რომ ამაში არ შეიძლება, რამე ნეგატივი დაინახო.

„ვერსია“ აღნიშნულ საკითხზე „ნაციონალური მოძრაობის“ წარმომადგენელ კობა ხაბაზსაც ესაუბრა:


„ზოგადად, ამ პარლამენტს ვუცხადებთ ბოიკოტს. არ ვღებულობთ არჩევნებში მონაწილეობას და მიგვაჩნია, რომ მთლიანად პარლამენტი არის უკანონო გამომდინარე იქიდან, რომ არჩევნები მოგვპარა ივანიშვილმა. ყველამ იცის, რომ ბათუმში თავისუფლების კვარტალი გვაქვს გახსნილი და ვაპროტესტებთ ორ თვეზე მეტია და ვითხოვთ ვადამდელი არჩევნების დანიშვნას. ასე რომ, რა გადაწყვეტილება მიიღეს, ჩვენთვის მეორე ხარისხოვანია.

რაც შეეხება კვოტირების პრინციპს, თავის დროზე ეს გადაწყვეტილება იყო მიღებული იქიდან გამომდინარე, რომ აჭარას აქვს ავტონომიური რესპუბლიკის სტატუსი და ერთი ვიცე-სპიკერის თანამდებობა აჭარის კვოტით იყო განსაზღვრული.

უფრო მეტსაც ვიტყვი, „ქართული ოცნება“ უფრო შორსაც წავიდა და თუ არ ვცდები, სიის ასეულში, გამსვლელ სიაში აჭარიდან ერთი წარმომადგენელიც კი არ ჰყავდა. არ მინდა, იმაზე ვისაუბრო, რომ ისინი უარყოფენ აჭარას და ა.შ., მაგრამ ჩემთვის ერთი რამ ფაქტია - ამ ეტაპზე ყველაფერი ეს მეორე ხარისხოვანია ჩემთვის.
მიმაჩნია, რომ ასეთ ნორმებს არც პლუსი მოაქვს და არც - მინუსი, არაფერი მოაქვს არც ავტონომიისთვის და არც - საერთო საქმისთვის. არაა ეს აუცილებელი, უბრალოდ, მიმაჩნია, რომ უნდა ეყოთ გონიერება და ყველა პარტიას ჰყავდეს წარმომადგენელი გამსვლელ სიებში აჭარიდან იქიდან გამომდინარე, რომ აჭარა არის საქართველოს სრულფასოვანი კუთხე და სრული ჩართულობა გვაქვს ქართულ პოლიტიკურ პროცესში.“

თათია გოჩაძე

 

ექსპერტი ნესტან კირთაძე სოციალურ ქსელში აშშ-სა  და მსოფლიოში პოლიტიკურ ვითარებას განიხილავს:

- რონი, რა ხდება მანდ, გვეტყვით რამეს?
პირდაპირ ეთერში ასე ემოციურად მიმართა ამერიკელმა ჟურნალისტმა შესვენებაზე მცირე ხნით გამოსულ პრეზიდენტ რეიგანს, რომელიც პირველ შეხვედრას მართავდა, მისგანვე ბოროტების იმპერიად წოდებული საბჭოთა კავშირის მეთაურთან, მიხეილ გორბაჩოვთან, ჟენევაში.
მთელი მსოფლიო ადევნებდა თვალყურს ამ ურთულეს შეხვედრას, რომელსაც მარგარეტ ტეტჩერმა შეუწყო ხელი და იწყებდა ახალ მსოფლიო პროცესს და წესრიგს.
დასავლეთში, კონსერვატორი ლიდერების ვარსკვლავთცვენა იყო მაშინ, რომლებმაც შეცვალეს მსოფლიო...
...
ვერ მოხდა ტრამპის რეიგანიზაცია.
აქტიურად კი მიჰყვა მის ეკონომიკურ პოლიტიკას და წარმატებითაც, უარღესად საინტერესო და თითქმის მოულოდნელი, ექსკლუზიური საგარეო სვლებიც განახორციელა, მაგრამ ლაგამი ერთდროულად ამოსდო კოვიდმაც და მემარცხენე ლიბერალურმა რადიკალიზმმა.
...
ისტორიამ ამერიკელი პრეზიდენტების მკვლელობების ისტორიებიც იცის, ფუნდამენტურად განსხვავებული პოლიტიკის გამო და პელოსის იმპიჩმენტი რა მოსატანია, მაგრამ ყველა ხვდება, რომ უდიდესი ცვლილებების წინაშეა ახლა (ც) მსოფლიო.
არის თუ არა ეს პროცესები კონსერვატორების ვატერლოო ზოგადად?! რომლის დაანონსებული ვიზუალიზაციაც ვნახეთ სულ ახლახან.
ვნახეთ ,, ... წაქცეული ლინკოლნის, ჯეფერსონის და სხვათა ძეგლები, მუქარები, რომ ჯორჯ ვაშინგტონის ძეგლსაც დაამხობენ, ჩერჩილის შეფუთული ძეგლი ბრიტანეთში, რომ მარტივად ვერ დაამხონ, გერმანიაში წითლად დათხვრილი ბისმარკის ძეგლი’’, ვნახეთ ცეცხლს მიცემული ძველი ეკლესია და ქალაქები და მთელს ამ პროცესში გაჩენილი კიდევ ერთი და საშიში კომპონენტი, ,,იმიტომ, რომ ესენი ყველანი „რასისტები იყვნენ“...
რა შინაარსის მემარცხენე რადიკალიზმი ბრუნდება ახლა, მომავალი 30 წლიანი ციკლით და როგორი იქნება ახალი ექსპერიმენტი, რომელსაც ციფრული სამყაროს გიგანტები, მათ შორის მედია გიგანტები წარმართავენ...
ამ კითხვებზე პასუხები, ვფიქრობ, ნედლი და ნაჩქარევია ჯერ.
ამ კითხვებზე პასუხს პოლიტიკის მენიერების, პოლიტიკის ფილოსოფიის, გეოპოლიტიკოსების და სხვათა პროფესიონალური ანალიზი სჭირდება და ერთიც:
ფიქრისა და ანალიზის დროს, არ უნდა დაგვავიწყდეს სად ვართ, სად, რომელ მოსახვევში შეჩერდება, ან რომელ უღელტეხილს შეუდგება ჩვენი სამშობლო- საქართველო ?!
სადამდე მიიყვანს ის გეოსტრატეგიული და გეოპოლიტიკური ჯვარი, რომელიც მისი ისტორიული ტვირთიც არის და შვებაც- ბრძენი მმართველების დროს.
. . .
ღმერთმა დალოცოს საქართველო, ჩვენი მრავალეთნიკური სამშობლო!
ღმერთმა დალოცოს ამერიკა და ამერიკელი ხალხი!
ღმერთმა მშვიდობა და წარმატება მოუვლინოს მსოფლიოს!
ძველით ახალ წელს გილოცავთ, სიყვარულით

ნესტან ელისაბედ კირთაძე
14 იანვარი 2021

მოსკოვში გამართული სამხრივი შეხვედრის შემდეგ რუსეთის პრეზიდენტმა ვლადიმერ პუტინმა, სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმა ხელი მოაწერეს ერთობლივ განცხადებას, რომლითაც მხარეები რეგიონში სამომავლო მოქმედებებზე შეთანხმდნენ. შეთანხმება სულ 4 პუნქტისგან შედგება და სრულ ტექსტს კრემლის ოფიციალური ვებ-გვერდი ავრცელებს. 1. ნომებრერში მიღწეული შეთანხმების მე-9 პუნქტის შესრულებისათვის, რათა გაიხსნას ყველა ეკონომიკური და სატრანსპორტო კავშირები რეგიონში, მხარეები მხარს უჭერენ რუსეთის პრეზიდენტის, ვლადიმერ პუტინის შეთავაზებას, რომ შეიქმნას სამუშაო ჯგუფი, რომლის თანათავმჯდომარეებიც იქნებიან აზერბაიჯანის, სომხეთისა და რუსეთის ვიცე-პრემიერები.
2. სამუშაო ჯგუფი პირველ შეხვედრას გამართავს 2021 წლის 30 იანვრამდე, რომლის შედეგების საფუძველზეც ჩამოაყალიბებს ნოემბრის შეთანხმების მე-9 პუნქტის განსახორციელებლად გასატარებელი სამუშაოების სიას. პრიორიტეტი მიენიჭება გზისა და რკინიგზის კომუნიკაციებს, ასევე რუსეთს, აზერბაიჯანსა და სომხეთს შორის [შემდგომში მხარეები] განსაზღვრულ სხვა სფეროებსაც.
3. სამუშაოების განსახორციელებლად სამუშაო ჯგუფის თანათავმჯდომარეები დაამტკიცებენ საექსპერტო ჯგუფების შემადგენლობას. საექსპერტო ჯგუფები სამუშაო ჯგუფის შეხვედრიდან ერთი თვის ვადაში წარმოადგენენ პროექტების სიას, მათი განხორციელებისთვის აუცილებელი რესურსებისა და სამუშაოების დასაბუთებით.
4. 2021 წლის პირველი მარტისთვის სამუშაო ჯგუფი მხარეებს უმაღლეს დონეზე დასამტკიცებლად წარუდგენს იმ ღონისძიებათა სიასა და გრაფიკს, რაც ითვალისწინებს ახალი სატრანსპორტო ინფრასტრუქტურის მშენებლობას ან აღდგენას, რაც საერთაშორისო გადაზიდვების შესასრულებლად და მათი უსაფრთხიებისთვის აუცილებელია და რომლებიც ხორციელდება აზერბაიჯანისა და სომხეთის გავლით. აგრეთვე, გადაზიდვებისთვის, რომლებიც ხორციელდება აზერბაიჯანისა და სომხეთის მიერ და რომელთა შესასრულებლადაც საჭიროა აზერბაიჯანის და სომხეთის ტერიტორიის გადაკვეთა. „ვერსია“ ამ თემაზე კავკასიის საკითხების  ექსპერტ მამუკა არეშიძეს, ესაუბრა:

- პირველ რიგში, უნდა ითქვას, რომ ამ შეთახნმებით განსაკუთრებული არაფერი მომხდარა. უბრალოდ, იმის დეკლარირება მოხდა , რომ მომავალში სარკინიზგო ტვირთის გადაადგილება მოხდეს სომხეთის გავლით და ითქვა ისიც, რომ მგზავრებმა სომხეთიდან რუსეთში იმგზავრონ აზერბაიჯანის გავლით, მაგრამ ყველაფერი ეს ჯერ მხოლოდ დეკლარაციის დონეზეა, რადგან ამას სჭირდება ძალიან ბევრი ხარჯი და დრო. აზერბაიჯანი და თურქეთი ყველაფერ ამას მოინდომებენ, მაგრამ რუსეთს რამდენად დააინტერესებს, ცალკე საკითხია.


- გასაგებია, რომ დასთანხმდა და ხელი მოაწერა ამ დეკლარაციას, მაგრამ სომხეთისთვის, ალბათ, რთული იქნება ამ პირობის შესრულება, არა?


- დიახ. სხვათა შორის, ამ შეხვედრამდე რამდენიმე ძალიან მნიშვნელოვანი ფაქტი მოხდა - ვიდრე ამ შეხვედრას ჩაატარებდა, პუტინი მაკრონს ელაპარაკა და შეუთანხმა საუბრის თემა. ეს მოხდა იმიტომ, რომ სომხური ლობი ძალიან აქტიურად მუშაობს საფრანგეთში. იმდენად აქტიურად, რომ სენატში ყარაბაღის ომის პროცესში რეზოლუციაც შევიდა იმის თაობაზე, რომ ყარაბაღის დამოუკიდებლობა ეცნოთ. ეს ამბავი კი ჩაიშალა, მაგრამ მოკლედ, ისეთი ვითარებაა, რომ გეოპოლიტიკური სურათი ახლა ლაგდება.


- თუ ამუშავდა ეს სატვირთო და სამგზავრო გზა, საქართველო რა როლში აღმოჩნდება?


- საქართველოს ტვირთები მოაკლდება, ყველაფერს გააკეთებენ აზერბაიჯანი და სომხეთი იმისთვის, რომ მათ ტრასაზე იაროს ტვირთმა, მაგრამ საქართველოს გარკვეული პლუსი აქვს - ზღვა და ტვირთის შემოტანა ზღვით უფრო მომგებიანია. ზღვა, რასაკვირველია, თურქეთსაც აქვს, მაგრამ თურქეთიდან სომხეთამდე ტვირთის მიტანას ბევრად უფრო დიდი დრო სჭირდება.


ამასთან, შეიქმნება კონკურენცია, ასეთ პირობებში კი ქართულ მხარეს სხვანაირი მოქცევა სჭირდება. ისე კი არა, როგორც ახლა არიან წამოძინებულები და უამრავი შუამავალია ჩართული ტვირთების გადაზიდვაში. მოკლედ, ბევრი საინტერესო რამის გაკეთებაა შესაძლებელი.


- ბატონო მამუკა, სომხეთში შიდა პოლიტიკური პროცესები დაძაბულია, ოპოზიცია ფაშინიანის გადადგომას ითხოვს. რა ინფორმაციას გაქვთ, შეიძლება, ვადამდელი არჩევნები დაინიშნოს და პრემიერი ფაშინიანი გადააყენონ?


- რასაკვირველია, შეიძლება ასე მოხდეს. მე, მაგალითად, ოპოზიციის ლიდერების ნათქვამს ვეთანხმები, რომ სჯობს, მთელი ეს ტვირთი აიღოს ფაშინიანმა და შემდეგ საკონსტიტუციო ვადებში მოხდეს ცვლილებები.


- როგორ ფიქრობთ, რუსეთში სამეულის შეხვედრას საქართველოს მთავრობა რაიმე ოფიცალური განცხადებით უნდა გამოხმაურებოდა?


- ოფიციალური განცხადება არ იყო აუცილებელი, მაგრამ კულუარული მუშაობა აუცილებელია და როგორ მიდის ასეთი მუშაობა, არ ვიცით. საქართველომ რეგიონალური პოლიტიკა უნდა გააძლიეროს.

თათია გოჩაძე

More Articles ...

Page 1 of 5