რჩეული სტატიები

2013 წლის 1 სექტემბერს, მადრიდის „რეალმა“ „ტოტენჰემს“ უელსელი შემტევის, გარეთ ბეილის სანაცვლოდ, 100 მილიონი ევრო გადაუხადა და ეს იმ დროს ფეხბურთის ისტორიაში უძვირესი ტრანსფერი იყო. ყველაას ეგონა, რომ ბეილი იმაზე უკეთ ითამაშებდა, ვიდრე ამას „ტოტენჰემში“ აკეთებდა, რადგან „სამეფო გუნდში“ უკეთესი თანაგუნდელები ეყოლებოდა, მაგრამ ასე არ მოხდა. მან იმედები ვერ გაამართლა და იმის მიუხედავად, რომ ხელშეკრულება ერთხელ გაუგრძელეს, ახლა, როცა კონტრაქტი ამოეწურა, გუნდიდან თავისუფალი აგენტის სტატუსით გაუშვეს.

წესითა და რიგით, ბეილის უფასოდ ხელში ჩაგდების სურვილი ბევრ კლუბს უნდა გასჩენოდა, მაგრამ საბოლოო ჯამში გაირკვა, რომ 100 მილიონად გაყიდული ფეხბურთელი ევროპაში არავის უნდა. არადა, ბეილი 32 წლისაა, უელსის ნაკრებს კაპიტნობს და წელს გასამართ მსოფლიოს ჩემპიონატზე თამაში ძალიან უნდა. სწორედ ამიტომ, მან სასწრაფო წესით, კონტრაქტი ამერიკულ „ლოს ანჯელესთან“ გააფორმა და კარიერას ოკეანის გაღმა გააგრძელებს. „ლოს ანჯელესში“ გადასვლის სანაცვლოდ, ბეილმა მუდმივი სათამაშო პრაქტიკის გარანტია და რაც მთავარია, მსოფლიოს ჩემპიონატზე ნაკრებში მოხვედრის შესაძლებლობა მიიღო. მთავარი მწვრთნელის მოთხოვნა სწორედ ეს გახლდათ, რომ ბეილს მუდმივი სათამაშო პრაქტიკა უნდა ჰქონოდა და ამერიკაში ეს ნამდვილად ექნება.

ავტორი: ბათო ჯაფარიძე

„ლივერპულის“ სენეგალელი ფორვარდი, სადიო მანე კარიერას „ბაიერნში“ გააგრძელებს. ინგლისურმა კლუბმა მის სანაცვლოდ 32 მილიონი ევრო უკვე მიიღო და დამატებით 9 მილიონს იმ შემთხვევაში მოიგებს, თუ გერმანული გრანდი შიდა ჩემპიონატსა და ჩემპიონთა ლიგაზე იმარჯვებს. 30 წლის ფორვარდი „ლივერპულში“ წლიურად 12 მილიონ ევროს იღებდა, გერმანიაში კი წლიურად 20 მილიონს მიიღებს. ეს ყველაფერი რეკორდმაისტერისთვის დიდი ხარჯია და ამიტომ, ისინი ცდილობენ მაქსიმუმი მიიღონ რობერტ ლევანდოვსკის გაყიდვით, რომლის გადაბირებაც „ბარსელონას“ სურს. არადა, 21 აგვისტოს ლევანდოვსკი 34 წლის ხდება, რაც თავდამსხმელისთვის პატარა ასაკი ნამდვილად არ არის. ამის მიუხედავად, „ბარსელონა“ მზადაა, მის სანაცვლოდ 40 მილიონი ევრო გადაიხადოს, თუმცა...

„გადახედეთ რობერტის სტატისტიკას და ნახავთ, რომ ის ნამდვილი ბომბარდირია. ამიტომ, მის სანაცვლოდ 60 მილიონი გვსურს“, - ნათქვამია გერმანული კლუბის მიერ გავრცელებულ განცხადებაში, რაც პოლონელის კატალონიური კარიერის პერსპექტივას უდიდეს კითხვის ნიშანს უსვამს. 60 მილიონს „ბარსელონა“ ნამდვილად არ გადაიხდის.

ავტორი: ბათო ჯაფარიძე

ხვიჩა კვარაცხელია ქართველ გულშემატკივარსა და ბათუმის „დინამოს“ ოფიციალურად 29 ივნისს, „დინამო“ ბათუმისა და „დინამო“ თბილისის შეხვედრის დაწყებამდე დაემშვიდობება და გეზს იტალიისკენ აიღებს. ნეაპოლში ჩვენებურს უკვე ელიან, სამედიცინო შემოწმებას გაივლის და კლუბთან ხუთწლიან კონტრაქტსაც გააფორმებს. კლუბის მენეჯმენტის გარდა, კვარაცხელიას გულშემატკივარიც მოუთმენლად ელის. ეროვნულ ნაკრებში ჩატარებული მატჩების შემდეგ, ხვიჩას „კვარადონა“ შეარქვეს და ჩვენებური დიეგო მარადონას სახელობის სტადიონზე ითამაშებს.

„ნაპოლი“ ახალი სეზონისთვის მზადებას 14 ივლისს იწყებს. ლუჩანო სპალეტის გუნდი ამხანაგურ შეხვედრაში სამოყვარულო კლუბ „ანუნიას“ ხვდება. მესამე წელია, „ნაპოლი“ სეზონისთვის სამზადისს სწორედ ამ გუნდით იწყებს და წინა ორ შემთხვევაში, არასაფეხბურთო ანგარიშით: 17:0 და 12:0 მოიგო. სუსტ მეტოქესთან სპარინგით, „ნაპოლი“ წინასასეზონოდ კარგ განწყობას იქმნის.

„ახალი სეზონის სტარტს გულშემატკივარი მოუთმენლად ელის. ისინი უკვე აღმერთებენ გუნდის ახალ შენაძენს, ხვიჩა კვარაცხელიას და ეს იმის მიუხედავად, რომ მას „ნაპოლიში“ ჯერ ერთი შეხვედრაც არ ჩაუტარებია. ქართველი გარემარბი მათი მთავარი იმედია და იმის გათვალისწინებით, როგორი საგიჟეთია ნეაპოლური კლუბის საშინაო არენაზე, ხვიჩას ბევრის დამტკიცება მოუწევს“, - წერს იტალიური მედია.

ავტორი: ბათო ჯაფარიძე

საქართველოს კალათბურთელთა ნაკრების კაპიტანი, თორნიკე შენგელია საუცხოო ფორმაში გახლდათ და ევროლიგაზე, ზედიზედ ორ შეხვედრაში გუნდს ულიდერა კიდეც. მისი თამაშით არა მარტო ცსკა-ს მწვრთნელი და გულშემატკივრები იყვნენ კმაყოფილნი, არამედ, ექსპერტებიც აღნიშნავდნენ, რომ ქართველი ცენტრი ფორმის პიკში შედიოდა, თუმცა...

„ზენიტთან“ შეხვედრაში, თორნიკე უხერხულად დაეცა და მხარი იტკინა. თავიდან ვარაუდობდნენ, რომ ტრავმა სერიოზული არ იქნებოდა, თუმცა დეტალურმა კვლევამ სხვა შედეგი აჩვენა. შენგელია პარკეტზე გასვლას უახლოესი ორი თვის განმავლობაში ვერ მოახერხებს.

საქართველოს საუკეთესო ჩოგბურთელმა, ნიკოლოზ ბასილაშვილმა ისტორია ვერ გადაწერა. სამწუხაროდ, ნიკა „ინდიან უელსის“ მასტერსის ფინალში, ბრიტანელ კამერონ ნორისთან დამარცხდა. არადა, გამარჯვების ძალიან, ძალიან კარგი შანსი ჰქონდა, თუმცა...

პირველი სეტი ნიკამ მძიმედ დაიწყო. მოთამაშეებმა ჩაწოდებები გაცვალეს, მაგრამ მესამე გეიმში, ნორიმ ბრეიკი შეასრულა და წინ გავიდა. ბრიტანელმა თავისი ჩაწოდებაც მოიგო და 3:1 დააფიქსირა. ამის შემდეგ, ბასილაშვილმა უშეცდომოდ ითამაშა, ზედიზედ ორი ბრეიკი შეასრულა და სეტი 6:3 მოიგო.

მეორე სეტი ბევრად დაძაბული გამოდგა. ჩვენებურმა მესამე გეიმში ბრეიკი შეასრულა, წინ გავიდა, თუმცა ანერვიულდა, კამერონმა უკუბრეიკი შეასრულა და თამაშში დაბრუნდა. ეს იყო გარდამტეხი მომენტი, რომ არა ეს ხუთწუთიანი მონაკვეთი, ბასილაშვილი მეორე სეტს და, შესაბამისად, ფინალსაც მოიგებდა. ამის შემდეგ, ორივე ჩოგბურთელი საკუთარ ჩაწოდებაზე დამაჯერებლად ასპარეზობდა. სამწუხაროდ, იმ დროს, როდესაც ანგარიში ნორის სასარგებლოდ 5:4 იყო, ბრიტანელმა კვლავ ბრეიკი შეასრულა და სეტებს შორის ანგარიში გაათანაბრა.

მესამე სეტი კი მთლიანად მეტოქის იყო. ნორიმ ჯერ საკუთარი მოწოდება მოიგო, მერე ბრეიკი შეასრულა, შემდეგ კვლავ მოიგო მოწოდება და წინ 3:0 გავიდა. ამასთან, ბრიტანელი შეცდომას პრაქტიკულად აღარ უშვებდა, ბასილაშვილმა კი თავისი ჩაწოდება ისევ დათმო და 1:5 დაფიქსირდა. რაღა თქმა უნდა, კამერონმა ასეთი შანსი ხელიდან აღარ გაუშვა, მატჩზე ჩააწოდა და „ინდიან უელსის“ მასტერსი მოიგო.

აღნიშნული ტურნირის ფინალში გასვლით, ბასილაშვილმა მაინც დიდ წარმატებას მიაღწია. ფინალში თამაშით, ბასილაშვილმა 640 ათასი დოლარი და 600 სარეიტინგო ქულა გაინაღდა, თუმცა რომ მოეგო, 1 209 730 დოლარსა და 1000 სარეიტინგო ქულას გამოიმუშავებდა. ახალ მსოფლიო რეიტინგში, ბასილაშვილი მისთვის სარეკორდო, მე-15 ჩოგანი იქნება.

შერმადინი რუსებმა ქვეყანაში არ შეუშვეს

საკალათბურთო ჩემპიონთა ლიგის რვათა ფინალი რუსეთის ქალაქ ნიჟნი ნოვგოროდში სტარტს დღეს აიღებს. ამ ტურნირში ესპანური „ტენერიფეც“ მონაწილეობს, რომელიც თავის პირველ შეხვედრას 6 მაისს „სტრასბურგთან“ გამართავს. რაღა თქმა უნდა, ესპანური კლუბი რუსეთში რამდენიმე დღით ადრე ჩაფრინდა, მაგრამ რად გინდა - გუნდის ლიდერი და ესპანეთის ჩემპიონატის ერთ-ერთი საუკეთესო ცენტრი, გიორგი შერმადინი ქვეყანაში არ შეუშვეს. როგორც კლუბის წარმომადგენლებს რუსმა მებაჟეებმა აუხსნეს, შერმადინი ქართველია და ორ ქვეყანას შორის არსებული ურთიერთობის გამო, ჯერ დეტალებში უნდა გაერკვნენ.

გიორგის თანაგუნდელმა მარსელინიო უერტასმა სოციალურ ქსელში დაწერა, რომ მნიშვნელოვანი მატჩი ელით, მათი გუნდის საუკეთესო კალათბურთელმა, 216 სმ სიმაღლის შერმადინმა კი ღამე აეროპორტში პატარა დივანზე გაათენა. უერტასმა პოსტს ფოტოც დაურთო, თუ სად გაატარა ღამე ჩვენებურმა.

მეორე დღეს საქმეში უკვე ფეხბურთის ევროპული ფედერაცია ჩაერთო და შერმადინი გუნდს შეუერთდა. იმედი გვაქვს, ადგილობრივებთან შეხვედრის შემდეგ, რუსები გიორგის შეშვებას მწარედ ინანებენ.

27 თებერვალს, საქართველოს მორაგბეთა ნაკრები 250-ე შეხვედრას გამართავს. რაგბი ევროპის ჩემპიონატის (პარალელურად, მსოფლიო თასის შესარჩევი) ეგიდით, „ბორჯღალოსნები“ „დინამო არენაზე“ რუსეთს შეხვდებიან. ბილეთების გაყიდვა უკვე დაწყებულია და რაგბის კავშირი ამასთან დაკავშირებით სპეციალურ განცხადებას ავრცელებს:

ქვეყანაში მოქმედი კოვიდრეგულაციებიდან გამომდინარე, თამაშზე გულშემატკივრების მხოლოდ 33 პროცენტი დაიშვება.

- აუცილებელი კოვიდშემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, შესასვლელში უნდა წარმოადგინოთ:

- თამაშის (ელექტრონული) ბილეთი და პირადობის დამადასტურებელი მოწმობა;

- კოვიდვაქცინაციის დამადასტურებელი დოკუმენტი (სასურველია ამობეჭდილი QR კოდით);

- ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

- ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

- ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა (ამობეჭდილი);

- ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

- ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

- სტადიონის ტერიტორიაზე სავალდებულოა პირბადის ტარება;

- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

რუსეთის ნაკრები მოსამზადებელ შეკრებაზე თურქეთში იმყოფება და რა ძნელი მისახვედრია, რომ ისინი საქართველოსთან მატჩისთვის განსაკუთრებით ემზადებიან. მათ რიგებში კი სიახლეა - რუსეთის ნაკრებში ორი ქართველი ახალწვეულია - ყაზანის „სტრელას“ წევრი ნიკოლაი კაზალიკაშვილი და ფრანგული „კარკასონის“ მორაგბე ნიკოლოზ ნარმანია. ეს უკანასკნელი თავის დროზე საქართველოს 18-წლამდელთა ნაკრებშ გამოდიოდა, ახლა 21 წლის გახლავთ და... ასპარეზობა რუსეთის ეროვნულ გუნდში გადაწყვიტა. ყველამ თავის საქმე იცის, მაგრამ, საქართველოს დედაქალაქში, რუსეთის ჰიმნზე ამღერებული ქართველი ცოტა არ იყოს უცნაური სანახავია.

საქართველოს მორაგბეთა ეროვნულმა ნაკრებმა თბილისში რუმინეთი დამაჯერებლად, 28:17 დაამარცხა და გარდა იმისა,რომ რაგბი-ევროპის გამარჯვებული გახდა, ჩვენსა და რუმინეთს შორის გასათამაშებელი ანთიმოზ ივერიელის სახელობის თასიც თბილისში დატოვა. ამ შესარჩევში ჩვენმა გუნდმა ოთხი შეხვედრა გამართა, ოთხივე მოიგო და უდანაკარგოდ დაასრულა ეს ყველაფერი, თუმცა...

სიმართლე გითხრათ, სათვალავი აგვერია, რამდენჯერ გვაქვს მოგებული რაგბი-ევროპა და რამდენჯერ კიდევ ანთიმოზ ივერიელის თასი. ეს ყველაფერი ძალიან ჰგავს ერთ წრეზე ტრიალს, რადგან წინ პრაქტიკულად ვერ მივდივართ. გავალთ მოსფლიოს ჩემპიონატზე, შეგვხვდება ტოპ-ნაკრები და პატარა ბავშვებივით გვიგებენ. გამოსავალი ერთია - ექვსი ერის პირველობა როგორმე შვიდი ერის უნდა გახდეს, ან ქევს ერში ბოლოადგილოსანი გავარდეს და მომდევნო წელს იქ რაგბი-ევროპის გამარჯვებულმა ითამაშოს. ასეთ შემთხვევაში, ექვსი ერიდან მუდმივად იტალია გავარდება და უდიდესი ალბათობით, მუდმივად ჩვენ ჩავენაცვლებით. სამაგიეროდ, იმ ერთი წლის განმავლობაშ, ინგლისს, უელსს, საფრანგეთს, შოტლანდიასა და ირლანდიას შევხვდებით და მერე ჩვენი დონეც აიწევს, მოტივაციაც და ქართველი მორაგბეებიც ბევრად უკეთეს კლუბებში გააგრძელებენ ასპარეზობას.

ჰოდა, სანამ ამ მიმართულებით რამე არ შეიცვლება, უკვე იმდენად მივეჩვიეთ რაგბი-ევროპის მოგებას, რომ ემოციაც ნაკლებად გვაქვს. მოვიგეთ კიდევ ერთი თასი, რომელიც მანამდეც ბევრჯერ მოგვიგია და არც მომავალში გაგვიჭირდება.

საქართველოს მორაგბეთა ეროვნულმა ნაკრებმა რუსეთი კვლავ დაამარცხა - ამჯერად, კალინინგრადში. მატჩამდე, ქართველ გულშემატკივარს ერთგვარი შიში ჰქონდა, რადგან ჩვენი გუნდი დამაჯერებლად ვერ გამოიყურებოდა და ესპანეთთან შეხვედრამაც აჩვენა, რომ ბევრი პრობლემა იყო. რუსები კი საქართველოსთან მატჩისთვის განსაკუთრებულად ემზადებოდნენ, თუმცა საბედნიეროდ, ყველაფერი კარგად დასრულდა. „ბორჯღალოსნებმა“ წელს საუკეთესო შეხვედრა ჩაატარეს და მატჩი პრემიალური ქულით - 23:6 მოიგეს.

„მეტოქე ჩვენზე ოდნავ ძლიერი იყო. მიუხედავად იმისა, რომ ჩვენ გუნდი ახლა ნამდვილად უკეთესია, ვიდრე ადრე, ქართველებმა ამჯერად დაცვაში ძალიან კარგად მოახერხეს თამაში. მეტოქეზე ზეწოლის შენარჩუნება გაგვიჭირდა, რომ ლელო დაგვედო. დღევანდელი წარუმატებლობის ერთ-ერთი საკვანძო მომენტი, ბურთის თამაშში შეყვანა იყო. მნიშვნელოვანი გავლენა იქონია ვიქტორ გრესევის გამოკლებამაც. საქართველოს წინააღმდეგ თამაში, როგორც წესი, ძალიან მჭიდრო და ხისტია. ქართველები თავის გეგმას მიჰყვებოდნენ, მათ კარგად გამოსდით დარტყმითი ტაქტიკით მუშაობა. ზოგჯერ თავდაცვა კარგად გამოგვდიოდა, მაგრამ, სამწუხაროდ, მთლიანობაში ეს ვერ მოვახერხეთ. ჩვენ უფრო თანაბარ თამაშს მოველოდით, მაგრამ არ გამოგვივიდა. ქართველები კერკეტი კაკლები არიან, მათ ადეკვატური წინააღმდეგობა უნდა გაუწიო. ჩევნ განვითარება უნდა განვაგრძოთ და გამარჯვებაც მოვა. ყველასათვის ნათელია, რომ საქართველო, ყოველგვარი კითხვის ნიშნების გარეშე, მსოფლიოს თასზე გავა“, - ნამატჩევს, ეს განცხადება რუსთა თავკაცმა, ლინ ჯონსმა გააკეთა.

იაპონიაში მიმდინარე სუმოისტთა ტურნირის დასრულებამდე, ექვსი დღე დარჩა. სამწუხაროდ, უნდა ვაღიაროთ, რომ ქართველი ფალავანი, ლევან გორგაძე, იგივე ტოჩინოშინი, ამ ტურნირს უარყოფითი ბალანსით დაასრულებს და რეიტინგში დაქვეითდება. საქმე ის გახლავთ, რომ 9 დღის შემდეგ, მისი ბალანსია - 3 მოგება და 6 მარცხი. ეს კი იმას ნიშნავს, რომ დარჩენილი ექვსი შეხვედრიდან, ლევანმა, მინიმუმ, ხუთი უნდა მოიგოს, რაც მისი მტკივანი მუხლისა და ნემსებით გაყუჩებული მხრის ტკივილის პირობებში, წარმოუდგენლად ჩანს.

Resist sorry stadium affect define achieve formal mail bringing philip. Qualified surfaces urge sympathy winston drivers transformation approaching constructed. Twentieth palfrey

Putting recovery originally tends soldier. Sensitivity scotty oral tangible papers artery handle engagement vacuum. Equipped possibilities bombs liberty eg helva satisfactory

საქართველოს ძიუდოისტთა ნაკრების კაპიტანი სოციალურ ქსელში პოსტს აქვეყნებს : 

„მადლობა ღმერთს იმისთვის რაც მომცა დღემდე იყო ბევრი სიხარული ბევრი გულის ტკენა მარა ამ ყველაფერმა მე ძალიან გამაძლიერა როგორც პიროვნება.
მადლობა ჩემს ოჯახს, ჩემს მეუღლეს ჩემს შვილებს რომლებმაც ჩემ ცხოვრებაში უდიდესი როლი შეასრულეს! ვამაყობ თქვენით მადლობა ყვეას ვინც დღემდე გვერდში მედგა ვერასოდეს გადავიხდი თქვენს ამაგს
მაგრამ დგება ცხოვრებაში მომენტი როცა რაღაც მთავრდება და ეს ის დღეა როცა ჩემთვის სპორტული კარიერა დასრულადა. ვერასოდეს გადავიხდი თქვენს ამაგს ერთგულო გულშემატკივრებო. ვერ შევძელი ვიცი თქვენი გახარება:( მტკივა მაგრად ეს ყველაფერი და ალბათ დიდხანს გამყვება ცხოვრებაში უბრალოდ შეუძლებელია ყველაფერი თქვა ამ დროს მაგრამ მინდა იცოდეთ რო უზომოდ მიყვარხართ
იმედია სხვა ცხოვრებაში შევძლებ ცოტათი მაინც შევძლო თქვენი გახარება
ბევრი რამის თქმა მინდა მაგრამ ვერ ვახერხებ იმედია ოდესმე შევძლებ რო ყველაფერი გითხრათ ყველას.“

რუსეთის დედაქალაქში ძალოსანთა შორის ევროპის ჩემპიონატი დასრულდა. დასრულდა ისე, როგორც ველოდით - ტურნირის ბოლო დღეს, ატაცში, აკვრასა და ორჭიდის ჯამში, ლაშა ტალახაძემ იმარჯვა და ქართულ დელეგაციას ოქროს სამი მედალი მოუტანა. ამას გარდა, ატაცში 222 კილოგრამის დაფიქსირებით, ლაშამ მორიგი მსოფლიო რეკორდი დაამყარა და საკუთარი შედეგი გააუმჯობესა. რაც შეეხება ორჭიდს, ქართველ გოლიათს აშკარად შეეძლო საკუთარი რეკორდი გაეუმჯობესებინა, თუმცა ისე ჩანს, მწვრთნელიც და სპორტსმენიც თავს ზაფხულში გასამართი ოლიმპიადისთვის ინახავენ და სწორებას სწორედ პლანეტის უმთავრეს ტურნირზე აკეთებენ. 11 აპრილის შემდეგ, ლაშა ტალახაძე მსოფლიოს აბსოლუტურუ რეკორდსმენობის გარდა, ოლიმპიადის ერთგზის (ჯერჯერობით), მსოფლიოს ოთხგზისა და ევროპის ხუთგზის ჩემპიონია. ეს რაც შეეხება ტალახაძეს.

არანაკლებ მნიშვნელოვანი იყო 9 აპრილს, ანტონ პლესნოის გამოსვლა. წარმოშობით უკრაინელი, საქართველოს ნაკრების ერთ-ერთი ლიდერი ყველანაირად მობილიზებული იყო. მობილიზებული გახლდათ სამწვრთნელო შტაბიც, რომლის წევრებსაც მკლავზე 9 აპრილის აღმნიშვნელი ლენტები ჰქონდათ შემოხვეული. იმის გათვალისწინებით, რომ პლესნოის ისტორიული სამშობლო ომშია ჩართული და რუსეთთან იბრძვის, მისი გამოსვლა სპორტულ საზღვრებს აშკარად სცდებოდა. საბედნიეროდ, ანტონმა ატაცში 180 კილო დაიმორჩილა, აკვრაში - 213 კილოგრამი და ორივე შემთხვევაში ოქროს მედალი მოიპოვა, რაც ორჭიდის ჯამში ავტომატურად ოქროს მედალს ნიშნავდა. შედეგად, უკრაინელმა 9 აპრილს მოსკოვში საქართველოს ჰიმნი ააჟღერა.

პირველი მედალი ქართულ დელეგაციას შოთა მიშველიძემ მოუტანა. მან ატაცში 135 კილოგრამი დაძლია, რასაც აკვრაში 155 კილო მიაყოლა და შედეგი ვერცხლის მედლისთვის ეყო. ეს იყო პირველი მედალი ქართულ ყულაბაში და ფსიქოლოგიურად ძალიან მნიშვნელოვანი მომენტიც. მიშელიძის შემდეგ, ფიცარნაგზე გოგა ჩხეიძე გავიდა და მართალია, ნაჩვენები შედეგი ორჭიდის ჯამში მეხუთე ადგილისთვის ეყო, აკვრაში 170 კილოგრამის დაძლევით ბრინჯაოს მცირე მედალი მიიღო.

შემდეგ იყო რევაზ დავითაძე, რომელაც ევროპის ჩემპიონობამდე ერთი კილოგრამი დააკლდა. რეზომ 171 კილო აიტაცა, აკვრაში 203 კილოგრამი დაიმორჩილა და ოქროს მცირფე მედალს დაეუფლა, თმცა ორჭიდის ჯამში, სულ რაღაც კილოგრამით ჩამორჩა პირველ ადგილზე გასულ სომეხ სპორტსმენს.

და ანასტასია გოტფრიდი. კიდევ ერთი წარმოშობით უკრაინელი და საქართველოს ნაკრების ლიდერი. ანასტასია პირველი ქალი გახლავთ საქართველოს სახელით, რომელმაც ევროპისა და მსოფლიოს ჩემპიონატები მოიგო. სიმართლე გითხრათ, ანასტასიას გამოსვლას ცოტა შიშით ველოდით, რადგან მას საპატიო მიზეზის გამოწელიწადზე მეტი გაუჩნდა - შვილი გააჩინა. ამის მიუხედავად, გოტფრიდმა ატაცში 111 კილო ასწია და მცირე ოქროს მედალი მოიპოვა, აკვრაში კი 128 კილოგრამი დაიმორჩილა და ორჭიდის ჯამში, მეოთხე ადგილზე გავიდა.

არ შეიძლება ირაკლი თურმანიძეზე რომ არ ვთქვათ. საქართველოს ნაკრების ვეტერანი და კაპიტანი დღეს ფიცარნაგზე ცოტა მძიმედ გავიდა. მერე თქვეს, ტრავმა ბოლომდე მოშუშებული არ ჰქონდა და მაინც გარისკაო. სამწუხაროდ, თურმანიძემ ატაცში ვერცერთი ცდა ვერ გამოიყენა და მწვრთნელებმს აღარ გარისკეს - ტრავმის გამიზეზების შიშით, ირაკლი აკვრაზე აღარ გამოვიდა, თუმცა, დარწმუნებული ვართ< ის თავის სიტყვას ოლიმპიადაზე აუცილებლად იტყვის.

საბოლოო ჯამში, საქართველოს ნაკრებმა 7 ოქროს, 3 ვერცხლისა და 4 ბრინჯაოს მედალი მოიპოვა. მხოლოდ მამაკაცებს თუ ავიღებთ, გუნდურ ჩათვლაში პირველობას არავის უთმობთ, გაერთიანებულ, კაცთა და ქალთა ნაკრებებში კი მეოთხე ადგილზე გავედით. ბრემ ერთი საინტერესო შედარებაც გავაკეთოთ - ორჭიდის ჯამში ლაშა ტალახაძის შედეგი 485 კილოგრამია, მისი უახლოესი მდევრის, ანუ მეორე ადგილზე გასული გორ მინასიანის შედეგი კი 464 კილოგრამი გახლავთ. სპორტის იმ სახეობაშ, სადაც ერთი კილოგრამიც კი ბევრ რამეს წყვეტს, 21-კილოიანი უპირატესობა ძალიან ბევრ რამეზე მეტყველებს.

Carbon survive package counter helping walter tilghman milk juniors. Societies julia president's supplied colored transformed. Maris volunteers substitute secrets veteran fought

იტალიურმა „რომამ“, არსებობის ისტორიაში, ევროტურნირი წელს პირველად მოიგო. ეს კი ჟოზე მაურინიოს ხელში მოახერხა - კონფერენს-ლიგის გამარჯვებული გახდა. ახლა პორტუგალიელი სპეციალისტი იტალიის დედაქალაქში მთავარი კაცია, მაგრამ შეიძლება ისე მოხდეს, რომ ის გუნდიდან წავიდეს. საქმე ის გახლავთ, რომ ჟოზეს ფრანგული პსჟ ეპატიჟება. კლუბის არაბი შეიხები მილიარდებს ხარჯავენ იმისთვის, რომ როგორმე ფრანგულმა გუნდმა ჩემპიონთა ლიგა მოიგოს, მაგრამ ამ საქმიდან არაფერი გამოდის. ამჟამად პარიზელებს მაურისიო პოჩეტინო წვრთნის, თუმცა მასთან კონტრაქტის გაწყვეტა დღეების ამბავია. შეიხებს გუნდის თავკაცად ზინედინ ზიდანი სურდათ, თუმცა ფრანგმა შეთავაზება უარყო და ახლა მზერა მაურინიოს მიაპყრეს.

„ჯერ შვებულება მაქვს და ვისვენებ, საქმეებზე მერე ვისაუბროთ“, - ასეთი მოკლე კომენტარით შემოიფარგლა მაურინიო, მაგრამ ევროპული მედია წერს, პორტუგალიელის აგენტი არ ისვენებს და არაბ შეიხებს ყოველდღე ხვდებაო.

ავტორი: ბათო ჯაფარიძე

23 წლის კასპერ რუუდი პირველი ნორვეგიელი ჩოგბურთელია, რომელიც დიდი მუზარადის ტურნირის ფინალში გავიდა. მან ეს საფრანგეთში, „როლან გაროსის“ ტურნირზე მოახერხა და გადამწყვეტ მატჩში, თიხნარის მეფედ წოდებული, რაფაელ ნადალი ერგო. საინტერესოა, რომ რუუდი სწორედ იმ აკადემიაში ვარჯიშობს, რომელიც ნადალმა დააარსა და მას ეკუთვნის ანუ რაფა თავისივე აკადემიის აღზრდილს ეთამაშებოდა. სანამ ამ მატჩზე გეტყოდეთ, შეგახსენებთ, რომ ნადალი „როლან გაროსის“ ფინალში მეთოთხმეტედ გავიდა და წინა 13 ფინალიდან, ყველა მოგებული ჰქონდა. წარმატებული სერია ახლაც გაგრძელდა და ესპანელმა კარიერაში დიდი მუზარადის 22-ე ტიტული მოიგო, რაც აბსოლუტური რეკორდია. მასზე ერთით ნაკლები ნოვაკ ჯოკოვიჩს აქვს მოგებული, ხოლო ორით ნაკლები - როჯერ ფედერერს.

„ძალიან, ძალიან ბედნიერი ვარ. 36 წლის ასაკში, ასეთი მიღწევა თითქოს დაუჯერებელია, მით უმეტეს, როცა მეტოქედ ახალგაზრდა გყავს, მაგრამ ეს ჩემი დღე იყო. რუუდი კი ბევრ ტიტულს აუცილებლად მოიგებს“, - განაცხადა ნადალმა.

აქვე გეტყვით, რომ მხოლოდ ტურნირებზე გამარჯვებით, ნადალს კარიერაში 130 მილიონ დოლარზე მეტი აქვს მოგებული და ორი ამდენი - სარეკლამო შემოსავლებით მიღებული. ვინც არ იცის, შევახსენებთ, რომ ნადალის ბიძა, სერხი ნადალი, „ბარსელონას“ ფეხბურთელი იყო და ოჯახს გადაწყვეტილი ჰქონდა, რაფაც ფეხბურთზე შესულიყო, მაგრამ ბავშვმა თქვა, რომ თუ ის ფეხბურთს ითამაშებდა, მხოლოდ „რეალში“, რადგან მადრიდულ კლუბს გულშემატკივრობდა. ჰოდა, ოჯახში გადაწყდა, ნადალს მათთვის „შეურაცხმყოფელი“ ნაბიჯი რომ არ გადაედგა, აჯობებდა, ფეხბურთი საერთოდ არ ეთამაშა და ის... ჩოგბურთზე მიიყვანეს.

ავტორი: ბათო ჯაფარიძე

„ბარსელონაში“ დიდი არეულობაა. ცნობილმა მომღერალმა შაკირამ თავისი მეუღლე, ხერარდ პიკე ღალატში გამოიჭირა და ცალკე საცხოვრებლადაც გაუშვა. არადა, წყვილი ერთ-ერთ სანიმუშო და მყარ ოჯახად ითვლებოდა, თუმცა... ყველაზე ცუდი ის არის, რომ პირველადი ვერსიით, შაკირას პიკემ, თანაგუნდელის, 18 წლის გავის დედასთან უღალატა. ინფორმაციამ გავი გადარია და ვარჯიშზე მან პიკეზე გაიწია კიდეც, თუმცა შემდეგ გაირკვა, რომ დედამისი არაფერ შუაშია და ქალი, რომელიც პიკემ შაკირაში გაცვალა, თანაგუნდელის დედას უბრალოდ ჰგავს. რა თქმა უნდა, ეს კოლუმბიელი მომღერლისთვის დიდი შეღავათი ნამდვილად არ არის და მისი ადვოკატები განქორწინების პროცესს იწყებენ, რაც იმას ნიშნავს, რომ გასაყოფი, დაახლოებით, 250 მილიონი დოლარის ქონება იქნება.

ავტორი: ბათო ჯაფარიძე