წლის გამოგონებები დასახელდა

გავლენიანმა გამოცემა Time-მა, 2021 წლის 100 საუკეთესო გამოგონება დაასახელა. ჟურნალის სიაში აღმოჩნდა ის მოწყობილობები და ნივთები, რომლებსაც ადამიანის ცხოვრების გაუმჯობესება, გამარტივება ან გამრავალფეროვნება შეუძლია. მიმდინარე წელს, გამოგონებები 27 კატეგორიად დაიყო: „სილამაზე“, „აპლიკაციები“, „ხელმისაწვდომობა“, „დიზაინი“, „განათლება“, „გართობა“, „ჯანმრთელობა“ და სხვა. წლის საუკეთესო გამოგონებებს შორის მოხვდა მალარიის საწინააღმდეგო ვაქცინა, რომელიც ჯანდაცვის მსოფლიო ორგანიზაციამ ერთი თვის წინ დაამტკიცა; ასევე, Apple M1-ის პროცესორი; გადამუშავებული ბოთლებისგან დამზადებული Lego; ტექსტის გახმოვანების მოწყობილობა და სხვა.