საქართველოს პრემიერ-მინისტრი ირაკლი კობახიძე ევროპის საინვესტიციო ბანკის (EIB) ვიცე-პრეზიდენტ ტერეზა ჩერვინსკას შეხვდა.

მხარეებმა სამომავლო თანამშრომლობის გაფართოების შესაძლებლობები განიხილეს, აღინიშნა EIB-ის მხარდაჭერის მნიშვნელობა ქვეყნის განვითარების ხელშეწყობის, განსაკუთრებით კი მსხვილი ინფრასტრუქტურული პროექტებისა და სატრანსპორტო სექტორის მიმართულებებით.

მთავრობის მეთაურმა EIB-ის ვიცე-პრეზიდენტს მადლობა გადაუხადა იმ დახმარებისთვის, რომელსაც ევროპის საინვესტიციო ბანკი ქვეყანას სტრატეგიული პროექტების განხორციელებაში უწევს.

თავის მხრივ, ევროპის საინვესტიციო ბანკის ვიცე-პრეზიდენტმა გამოთქვა მზაობა, რომ EIB-მა, როგორც ევროკავშირის ფინანსურმა ინსტიტუტმა, კვლავ განაგრძოს საქართველოს მხარდაჭერა სხვადასხვა მიმართულებით.

საუბარი შეეხო საქართველოს ეკონომიკური ზრდის პოზიტიურ მაჩვენებლებს და აღინიშნა, რომ არსებული ტენდენცია გრძელდება.

საქართველოში ოპერირების დაწყებიდან ევროპის საინვესტიციო ბანკმა საჯარო სექტორში 1,6 მილიარდი ევროს ინვესტიცია განახორციელა.

თუ ზუსტად არ იციან ჩვენმა რადიკალმა ოპონენტებმა, რომ გარანტირებულად აგებენ არჩევნებს, მაშინ რა აწუხებთ, მოვიდნენ ხელისუფლებაში და ნოემბერში შეცვალონ კანონი, - ამის შესახებ საქართველოს პრემიერ-მინისტრმა ირაკლი კობახიძემ პრესკონფერენციაზე განაცხადა.

მთავრობის მეთაურმა აღნიშნა, რომ ოპოზიციამ ზუსტად იცის, რომ არჩევნებში გამარჯვების შანსი არ აქვს, ვინაიდან მისი კოლექტიური რეიტინგი დაახლოებით 25%-ია.

„ზუსტად იციან, რომ არჩევნების მოგების შანსი არ აქვთ. ხომ გასაგები და ცხადია ეს ყველაფერი? თვითონ ხომ იციან თავიანთი რეიტინგი. ჩვენ რომ დაგვიფიქსირდა 61,5% მარტის შუა რიცხვებში, ხომ იცით, რა გამოდის მათი რეიტინგი? მთელი კოლექტიური რადიკალური ოპოზიციის რეიტინგი გამოდის დაახლოებით 25%. ამ ვითარებაში არავითარი იმედი არ აქვთ, რომ არჩევნებს მოიგებენ. რაც შეეხება ტურბულენტობას, რა თქმა უნდა, პოლიტიკური უმცირესობა ვერავითარ არსებით ტურბულენტობას ვერ გამოიწვევს. აქედან გამომდინარე, ყველას მოვუწოდებ, შეინარჩუნონ სიმშვიდე, შეეგუონ არჩევნებში დამარცხებას და მათი მეგობარი NGO-ების გამჭვირვალობას, რაც არის ევროპული სტანდარტი და ევროპული ღირებულება“, - განაცხადა პრემიერ-მინისტრმა.

შანტაჟის ენა არ ჭრის არც ქართველი ხალხის და არც ამ ხელისუფლების მიმართ, - ასე უპასუხა საქართველოს პრემიერ-მინისტრმა ირაკლი კობახიძემ პრესკონფერენციაზე ჟურნალისტის კითხვას, კანონის მიღების შემთხვევაში ხომ არ ელოდება დასავლეთისგან სანქციებს „ქართული ოცნების“ ლიდერების მიმართ.

მთავრობის მეთაურმა აღნიშნა, რომ ადრეც იყო შანტაჟის ენით საუბარი რევოლუციის მცდელობებთან ერთად.

„2020 წელს გვესაუბრებოდნენ შანტაჟის ენით, 2021-ში, 2022-ში, 2023-ში და შანტაჟის ენა არ ჭრის არც ქართველი ხალხის და არც ამ ხელისუფლების მიმართ, იმიტომ, რომ დღეს ქვეყანას ჰყავს დამოუკიდებელი, სუვერენული ხელისუფლება და ეს ხალხიც არის გამოცდილი და აქვს თავისი ღირსება. ამიტომ, ჩვენთან შანტაჟის ენით საუბარი არ ჭრის“, - განაცხადა პრემიერმა.

იტალიის ჩემპიონატის 34-ე ტურში, ხვიჩა კვარაცხელიას „ნაპოლიმ“ დედაქალაქურ „რომას“ უმასპინლა. თუ მასპინძლები ამ შეხვედრას ვერ მოიგებდნენ, ჩემპიონთა ლიგის საგზურს ოფიციალურად დაემშვიდობებოდნენ და ამიტომაც იყო, ფეხბურთელები თავგანწირვით რომ იბრძდნენ. თავის მხრივ, „რომას“ მარცხი არ აწყობდა, რადგან საჩემპიონთალიგო ზონაში თავადაც არის და იქიდან გამოსვლა ცოცხალი თავით არ უნდა.

შეხვედრა ფრედ - 2:2 დასრულდა და შეგვიძლია, თამამად ვთქვათ, რომ „ნაპოლი“ მხოლოდ კვარაცხელიას იმედადაა. არანაირი ფანტაზია და უნარი იმისა, რომ მრავალფეროვნად შეუტიოს, კალცონას გუნდს უბრალოდ არ გააჩნია. ხვიჩამ მოიპოვა პენალტიც, რომელიც ოსიმენმა გოლად აქცია და... მწვრთნელმა კვარა შეცვალა, დაცვა გააძლიერა და ხვიჩას გასვლიდან 3 წუთში, დაისაჯა კიდეც. კიდევ ერთხელ ვიტყვით, რომ სეზონის ბოლოს, ქართველმა ეს გუნდი უნდა დატოვოს.

ზედიზედ მეოთხე შეხვედრაში გაიტანა გიორგი მიქაუტაძემ, მაგრამ მისმა გოლმა „მეცს“ ვერ უშველა და საკუთარ მოედანზე, „ლილთან“, 1:2 დამარცხდა. ამ გოლის შემდეგ, გიორგი ბომბარდირთა დავაში მეშვიდე ადგილამდე დაწინაურდა, მის გუნდს კი, დარჩენილ სამ შეხვედრაში, ორი მატჩის მოგება მაინც მართებს, უძლიერესთა ღირსი ადგილი რომ შეინარჩუნოს.

ბუდუ ზივზივაძე, მცირე ავადმყოფობის შემდეგ, „კარლსრუეს“ დაუბრუნდა და „ნიურნბერგთან“ შეხვედრაში, 68-ე წუთამდე ითამაშა. ბუდუს გუნდმა მოიგო, ქართველი შემტევი კი ყველა სააგენტომ თუ გამოცემამ, მატჩის საუკეთესო ფეხბურთელად დაასახელა. მართალია, „კარლსრუე“ ბუნდესლიგაში დასაბრუნებელ ზონასთან მხოლოდ მინუს შვიდ ქულაშია, მაგრამ წელს ამის გაკეთება გაუჭირდება, რადგან ჩემპიონატის დასრულებამდე 3 ტურია დარჩენილი და სასწაული უნდა მოხდეს, ზივზივაძემ და მისმა თანაგუნდელებმა, უძლიერესთა შორის აღსაზევებელი საგზური რომ მოიპოვონ.

ავტორი: ბათო ჯაფარიძე

2020 წელს ჩვენ მოვისმინეთ ძალიან მძიმე და უხეში ბრალდებები საქართველოს ხელისუფლების მიმართ არჩევნების გაყალბებასთან დაკავშირებით; ამაზე საუბრობდნენ ელჩები, კონკრეტული პოლიტიკოსები, რაც ეფუძნებოდა სინამდვილეში ენჯეოების მიერ დასკვნების გაყალბებას - ცნობილი პარალელური ხმის დათვლას, ცნობილ ზედმეტობებს, - ამის შესახებ პრემიერ-მინისტრმა ჟურნალისტის კითხვის პასუხად განაცხადა.

მისივე თქმით, უცხოური დაფინანსებით გაყალბდა პარალელური დათვლის მონაცემები, რაც შემდეგ კოლექტიური „ნაცმოძრაობისთვის“ საბაბი გახდა.

„ეს კანონი რომ მიიღება, ამის შემდეგ გაიგებს საზოგადოება, ვისი დაფინანსებით ყალბდება ხოლმე პარალელური დათვლის შედეგები. აქამდე ეს ყველაფერი გამჭირვალე არ იყო. ჩვენ გვაქვს ეს ინფორმაცია, მაგრამ არ მინდა ვისაუბრო, ეს არის წარსული. თუმცა, როგორც კი ეს კანონი იქნება მიღებული, საზოგადოება გაიგებს, ვისი დაფინანსებით ყალბდება მაგალითად პარალელური დათვლის შედეგები, ან ზედმეტობის შესახებ მონაცემები,“- აღნიშნა პრემიერმა.

მთავრობის მეთაურმა ისაუბრა იმის შესახებ, თუ რა წერია რუსულ კანონში და რა განსხვავებაა ამ კანონსა და „გამჭვირვალობის შესახებ“ კანონს შორის.

„ვინც ამბობს, რომ ეს კანონი არის რუსული, ის არა მარტო იტყუება, არამედ ცრუპენტელობს. ეს არის ტყუილის ყველაზე უხეში ფორმა. რატომ არის ეს ცრუპენტელობა და რას ითვალისწინებს მაგალითად რუსული კანონი: რუსული კანონი, გარდა იმისა, რომ ითვალისწინებს დეკლარაციების ჩაბარებას, ითვალისწინებს მაგალითად იმას, რომ რამდენიმე თვით შეიძლება პირდაპირ ჩაჯდეს სახელმწიფო კონტროლი არასამთავრობო ორგანიზაციაში. შეიძლება, შეაჩეროს არასამთავრობო ორგანიზაციის საქმიანობა ამ კონტროლის განხორციელების პროცესში, შეიძლება საერთოდ აკრძალოს ამ არასამთავრობოს საქმიანობა, შეიძლება სისხლის სამართლის საქმე აღძრას, როგორც ორგანიზაციის, ისე მასში დასაქმებული ადამიანების წინააღმდეგ. გარდა ამისა, რუსული კანონი ითვალისწინებს ბრენდირებას, რაც გულისხმობს იმას, რომ არა მარტო ორგანიზაციაა, არამედ როცა მაგალითად ტელევიზიით გამოდის კონკრეტული პირი და საუბრობს ასეთი ორგანიზაციის სახელით, მას ქვევით ეწერება ტიტრებში, რომ ის არის უცხოელი აგენტი. ეს, ასე ვთქვათ ამერიკული სტანდარტია. ჩამოგითვალეთ 10 პუნქტი, რაც წერია რუსულ კანონში, ძალიან უხეში პუნქტებია, საიდანაც არც ერთი არ წერია ქართულ კანონში. რანაირად არის ქართული კანონი რუსული, ლოგიკა ხომ გაქვთ?,“- განაცხადა პრემიერმა და აღნიშნა, რომ ყველა, ვისაც აქვს 9 კლასის განათლება, მიხვდება, რომ როცა 10 უხეში და რეპრესიული რამ წერია რუსულ კანონში, ხოლო არც ერთი - ქართულ კანონპროექტში, არ შეიძლება ამ კანონს რუსული ეწოდოს.

საქართველოს პრემიერ-მინისტრი ირაკლი კობახიძე მსოფლიო ბანკის აღმასრულებელ დირექტორს, იუჯინ რუგენაათს შეხვდა.
შეხვედრის ძირითადი თემა იყო გასული სამი ათწლეულის განმავლობაში საქართველოსა და მსოფლიო ბანკს შორის არსებული ნაყოფიერი თანამშრომლობა და ის მნიშვნელოვანი როლი, რომელიც ბანკის მხარდაჭერამ შეასრულა ქვეყნის ეკონომიკური ზრდისა და განვითარების პროცესში.

აღინიშნა, რომ მსოფლიო ბანკის დაფინანსებით არაერთი მნიშვნელოვანი პროექტი განხორციელდა ეკონომიკის სხვადასხვა სექტორში, მათ შორის - საგზაო ინფრასტრუქტურის, ენერგეტიკის, განათლებისა და სოფლის მეურნეობის სფეროებში, ასევე - რეგიონული, მუნიციპალური და ტექნოლოგიური განვითარების მიმართულებებით, რომელთა საერთო ღირებულებამ 4 მილიარდ აშშ დოლარს გადააჭარბა. ბანკის მიმდინარე პორტფელი საქართველოში კი 15 პროექტს მოიცავს, რომელთა ჯამური საინვესტიციო ღირებულება 1,5 მილიარდი აშშ დოლარია.
შეხვედრაზე ხაზი გაესვა საქართველოს მთავრობისთვის მაკროეკონომიკური სტაბილურობის შენარჩუნების პრიორიტეტულობას, ასევე სტრუქტურულ, ადამიანური კაპიტალის რეფორმებს და მსოფლიო ბანკის მნიშვნელოვან მხარდამჭერ ინიციატივებს ამ მიმართულებით, რისთვისაც პრემიერმა ბანკს მადლობა გადაუხადა.

ხორვატიის დედაქალაქ ზაგრებში, ძიუდოისტთა შორის, ევროპის ჩემპიონატი დასრულდა. ერთი შეხედვით, ეს ტურნირი, საქართველოს ნაკრებისთვის წარმატებულად უნდა ჩავთვალოთ, რადგან საერთო ჯამში, ჩვენმა გუნდმა შვიდი მედალი მოიპოვა და არაოფიციალურ გუნდურ ჩათვლაში პირველი ადგილი დაიკავა, მაგრამ...

ჯერ ოქროს მედალოსნებზე ვთქვათ. ხანგრძლივი პაუზის შემდეგ, ევროპის ჩემპიონატი კვლავ მოიგო ვაჟა მარგველაშვილმა და ვაღიაროთ, რომ მას აღნიშნული გამარჯვება, ზედ ოლიმპიადის წინ, ძალიან, ძალიან წაადგება. მოლოდინი გაამართლა ტატო გრიგალაშვილმა, რომელმაც ოქროს მედალი ერთი ამოსუნთქვით მოიგო და თუ ოლიმპიადაზე ვინმესგან გარანტირებულ ოქროს მედალს ველით, ეს სწორედ გრიგალაშვილია. ბრინჯაოს მედლისთვის იჭიდავა და გაიმარჯვა ეთერ ლიპარტელიანმა. ყველაზე ტიტულოვანი ქართველი ძიუდოისტისთვის სტაბილურობა ძალიან კარგია და ოლიმპიადაზე მისგან სამეულში შესვლას ველოდებით, ტურნირის ბოლო დღეს კი...

ველოდებოდით, რომ -90, -100 და +100 კილოში, ჩვენი ბიჭები ოქროსთვის იბრძოლებდნენ და თითქმის ასეც მოხდა: -100-სა და +100-ში, ილია სულამანიძე და გურამ თუშიშვილი ფინალში გავიდნენ, მოქმედმა ოლიმპიურმა ჩემპიონმა, ლაშა ბექაურმა კი მოულოდნელი მარცხი განიცადა და ბრინჯაოს მედლისთვის იბრძოლა. პრინციპში, რაღა იბრძოლა, დამაჯერებლად მოიგო კიდეც, აი, ფინალები კი...

სულამანიძემ მატვეი კანიკოვსკისთან წააგო, თუშიშვილმა - ინალ ტასოევთან და მაშინვე გასული ოლიმპიადა გაგვახსენდა, როცა საქართველოს ძიუდოისტთა ნაკრების წევრებიდან, ფინალამდე ოთხი მივიდა,ოქრო კი მხოლოდ ერთმა მოიპოვა. ჰოდა, ამიტომ ვეჭვობთ, გადამწყვეტ შეხვედრებში რაღაც გვჭირს და ეს ახალი სენი არაა. გავიხსენოთ ვარლამ ლიპარტელიანი, ნაკრების კაპიტანი, რომელიც დიდი სპორტიდან ერთი თვის წინ წავიდა - ორჯერ მსოფლიოს ჩემპიონატის ფინალი წააგო, ერთხელ - ოლიმპიადის და მართალია, ევროპის ჩემპიონის სამი ოქროს მედალი აქვს, მაგრამ სამი ოქროს პარლალეურად, ოთხი ფინალი აქვს წაგებული. ჰოდა, ნაკრების თავკაცებს სწორედ ამ მიმართულებით მართებთ მუშაობა. გვჯერა, ოლიმპოიადამდე, ლაშა გუჯეჯიანი ამ პრობლემას მოაგვარებს და ბიჭებს მეტ თავდაჯერებულობას შემატებს.

ტურნირის ბოლო დღეს, გუნდური შეჯიბრი გაიმართა და საქართველოს ნაკრები ფინალში გავიდა, თუმცა... საფრანგეთთან უშანსოდ - 0:4 წააგო და ვერცხლის მედალს დასჯერდა. სამაგიეროდ, ზაგრებში, 2023 წლის საუკეთესოთა დაჯილდოვების ცერემონიალი გაიმართა და გასული წლის საუკეთესო ძიუდოისტად ტატო გრიგალაშვილი დასახელდა, წლის საუკეთესო ახალგაზრდა ძიუდოისტად - შალვა გურეშიძე, წლის ნაკრებად - საქართველოს ვაჟთა და ქალთა შერეული ნაკრები, რაც ქართული ძიუდოსთვის ძალიან, ძალიან დიდი აღიარებაა.

საქართველოს პრემიერ-მინისტრი ირაკლი კობახიძე საფრანგეთის განვითარების ფონდის (AFD) გენერალური დირექტორის მოადგილეს, ბერტრან ვალკენერს შეხვდა.
მთავრობის მეთაურმა შეხვედრაზე ხაზი გაუსვა ფონდის არსებით მხარდაჭერას ქვეყნისთვის სტრატეგიული მნიშვნელობის პროექტების დაფინანსების კუთხით და AFD-ის გენერალური დირექტორის მოადგილეს მადლობა გადაუხადა.
საუბრისას აღინიშნა საქართველოსა და საფრანგეთის ორმხრივი ურთიერთობები და საფრანგეთის მთავრობის განსაკუთრებული მხარდაჭერა საქართველოსთვის კანდიდატის სტატუსის მინიჭების პროცესში.
შეხვედრაზე ყურადღება დაეთმო სამომავლო თანამშრომლობის პერსპექტივებს, რასაც კიდევ უფრო შეუწყობს ხელს საქართველოსა და საფრანგეთის განვითარების ფონდს შორის გაფორმებული პარტნიორობის შეთანხმება. აღინიშნა, რომ AFD-ის პროექტები საქართველოს მთავრობისთვის პრიორიტეტულ სფეროებთან სრულ შესაბამისობაშია და ამ კუთხით აქტიური თანამშრომლობა მომავალშიც გაგრძელდება.

მოგეხენებათ, საქართველოს ეროვნული ნაკრების მთავარ მწვრთნელს სამუშაოდ ირლანდიაში ეპატიჟებოდნენ. ირლანდიის ფეხბურთის ფედერაციის წარმომადგენლები დარწმუნებულები იყვნენ, რომ საქართველო პლეი-ოფს ვერ დაძლევდა, ევროპის ჩემპიონატის ფინალურ ეტაპზე ვერ მოხვდებოდა და ფრანგ სპეციალისტს გაათავისუფლებდნენ, რის შემდეგაც ის, სწორედ  ირლანდიის ნაკრებს ჩაიბარებდა. თუმცა, ყველაფერი ისე არ მოხდა, როგორც ირლანდიეელებს ეგონათ - საქართველო ევროპაზე მოხვდა და სანიოლის გაშვებაზე საუბარიც კი არ დაწყებულა. ამის მიუხედავად, ირლანდია ახალი მთავარი მწვრთნელის დანიშვნას არ ჩქარობს და როგორც ამბობენ, ისინი ევროპის 2024 წლის ჩემპიონატის დასრულებას დაელოდებიან.

„საქართველო ევროპაზე ჩემპიონი ვერ გახდება, სანიოლის კი, ფედერაციასთან კონტრაქტი 2024 წლის ბოლომდე აქვს. ამიტომ, ვფიქრობთ, რომ ევრო-2024-ის შემდეგ, ის უმუშევარი იქნება და მოლაპარაკება არ გაგვიჭირდება“, - აცხადებენ ირლანდიის ფეხბურთის ფედერაციაში.

განაცხადების 68% ონლაინ ვაჭრობის ფაქტს ეხება - სააგენტო მომხმარებლის დაცვის მიმართულებით მიღებულ სტატისტიკურ მონაცემებს აქვეყნებს

საქართველოს კონკურენციისა და მომხმარებლის დაცვის სააგენტოში, 2024 წლის 1 იანვრიდან აპრილის თვის ჩათლით, მომხმარებელთა უფლებების დაცვის მიმართულებით, 300 განაცხადი დაფიქსირდა.

-         აღნიშნულ  პერიოდში, სააგენტოს გადაწყვეტილებით,  მომხმარებელთა ჯგუფის უფლების 18 დარღვევის ფაქტი დადასტურდა 31 საქმეზე.

-         სააგენტოს მიერ დაკისრებული ვალდებულების შეუსრულებლობის გამო 14 მოვაჭრეს 19 საქმეზე  ჯარიმა დაეკისრა ჯამში 11 300 ლარი.-         მომხმარებლის სასარგებლოდ, პირობითი ვალდებულების აღების შესახებ 50 საქმეზე - 46 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულება - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, მათი სავაჭრო პოლიტიკის შედეგად ზიანი მიადგა.

მომხმარებლის მიერ შემოსული განაცხადების 68% ონლაინ ვაჭრობის ფაქტს ეხება, ხოლო 32% ნივთის ადგილზე შეძენის შემთხვევას. რეგიონების მიხედვით, 88%-ით თბილისი ლიდერობს, შემდეგ ადგილს იკავებს აჭარა 3%, რომელსაც მოყვება იმერეთი და კახეთის რეგიონები.მომხმარებლის მიერ სააგენტოში შემოსული განაცხადების მიხედვით, თანხის უკან დაბრუნების მოთხოვნაზე  ფიქსირდება 95, ნაკლიანი ნივთის შეკეთებასა ან დაბრუნებაზე 91, ნაკლოვანი მომსახურებისას უფლების აღდგენაზე 52, დადგენილ ვადაში საქონლის მიწოდებაზე 16, ნივთის უპირობოდ დაბრუნებაზე 14, ხოლო სხვა დანარჩენი 32.

საანგარიშო პერიოდში, 72%-ს საბითუმო და საცალო ვაჭრობის სექტორი იკავებს; ტრანსპორტი და დასაწყობება 11%-ს; ხელოვნება, გართობა და დასვენება 4%; ხოლო სხვა სახის საქმიანობა 13%-ს.

მომხმარებლის უფლებების დარღვევის დადასტურების შემთხვევაში აუცილებელია შეავსოთ სპეციალური განაცხადის ფორმა - https://gcca.gov.ge/index.php?m=401   და გამოაგზავნოთ ელ-ფოსტაზე This email address is being protected from spambots. You need JavaScript enabled to view it.. დაზუსტებული ინფორმაციის მისაღებად შეგიძლიათ დარეკოთ სააგენტოს ცხელ ხაზზე 598 05 4422.

ჩვენ ვნახეთ რევოლუციის მოწყობის ღია მცდელობა 2022 წლის ივნისში, როცა არჩევნების მიუხედავად, არჩევნების მიღმა ითხოვ მთავრობის გადადგომას და შენი მონაწილეობით მთავრობის ჩამოყალიბებას, ანუ არჩევნებში მანდატი არ მიგიღია, ხარ რაღაც „ენჯეო“ და გინდა, შენ დააკომპლექტო მთავრობა, ეს არის რევოლუცია, მაგრამ ეს არ არის რევოლუციის ის ფორმა, რომელიც შეიძლება იყოს დასჯადი, - ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.

როგორც პრემიერმა აღნიშნა, რევოლუციის მცდელობა ყოველთვის არ არის დანაშაული.

„რევოლუციის მცდელობა შეიძლება იყოს დასჯადი იმ შემთხვევაში, თუ მას თან ახლავს კონკრეტული პარალელური დანაშაულები, მაგრამ როდესაც გამოდიხარ და რეალურად რევოლუციისკენ მიგყავს ქვეყანა, მაგრამ ამას არ ახლავს თან პარალელური დანაშაულები, ეს შეიძლება, არ დაკვალიფიცირდეს როგორც სისხლის სამართლის დანაშაული. ანუ არსებობს დანაშაულებრივი რევოლუციის მცდელობა და შეიძლება, არსებობდეს ისეთი რევოლუციის მცდელობა, რომელიც არ კვალიფიცირდება როგორც სისხლის სამართლის დანაშაული. რევოლუციის მცდელობა იყო 2020-2021-2022-2023 წელს, მაგრამ რაც შეეხება დანაშაულის კვალიფიკაციის მინიჭებას, ეს არ არის ჩემი ფუნქცია. ეს არის სამართალდამცავი უწყებების ფუნქცია, თუ ისინი ნახავენ პარალელურ დანაშაულებს, რომლებიც იქნა ჩადენილი ამ მცდელობებთან ერთად, ამ შემთხვევაში შეიძლება, ასეთი საკითხიც დადგეს. მეორეც, ზოგადად შეიძლება, ასეთ გამუდმებული მცდელობები გახდეს თეორიულად პოლიტიკური პარტიის აკრძალვის ინსტრუმენტი. თქვენ იცით, რომ ამ ინსტრუმენტს ძალიან აქტიურად იყენებენ მაგალითად დღეს უკრაინაში და მოლდოვაში. თუ კონკრეტული პოლიტიკური პარტია არ ასვენებს ქვეყანას, თეორიულად, ეს შეიძლება, გახდეს პოლიტიკური პარტიის აკრძალვის საფუძველიც, თუმცა მე ამაზე ვერ ვისაუბრებ. ეს არის შესაბამისი სამართალდამცველი სტრუქტურების გადასაწყვეტი. რაც შეეხება მაგალითად ცნობილ კანვასის ტრენინგებს, კანვასის ტრენინგის ვიდეო არის აშკარა მტკიცებულება იმისა, რომ მიზანმიმართულად მზადდებოდა ამ ქვეყანაში რევოლუცია, მაგრამ რაც შეეხება დანაშაულის მხარეს, დანაშაულის მხარე უნდა გამოიძიოს კონკრეტულმა სამართალდამცავმა უწყებამ, მაგრამ ეს არ ნიშნავს იმას, რომ რევოლუცია არ მზადდებოდა. აქაც იყო იგივე შემთხვევა, უცხოური ფული იყო ჩართული საქმეში და პირდაპირ ამზადებდნენ დღისით მზისით რევოლუციას ამ ქვეყანაში - იყო თუ არა აქ პლუს დანაშაულის ნიშნები, ეს უნდა დაადგინოს სამართალდამცავმა უწყებამ და არა პრემიერ-მინისტრმა. მიმდინარეობს გამოძიება ამასთან დაკავშირებით და გაგრძელდება ეს პროცესი, ეს არ არის მარტივი საკითხი გამომდინარე იქიდან, რომ მხოლოდ ეს ვიდეო საკმარისი არ არის დანაშაულის დასადგენად. ამის მიღმა შენ უნდა გამოიძიო დამატებითი გარემოებები და ამას სჭირდება თავისი დრო“, - განაცხადა პრემიერ-მინისტრმა.

ეს არის უმარტივესი კანონი, არის სულ რამდენიმე გვერდი და წერია ერთადერთი რამ, რომ წელიწადში ერთხელ უნდა გამოქვეყნდეს დეკლარაციები, როგორ შეიძლება, ამაზე ვინმეს ჰქონდეს რაიმე სამართლებრივი კონტრარგუმენტი, - ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.

მთავრობის მეთაურის თქმით, კანონპროექტის მესამე მოსმენა ორ კვირაში გაიმართება, ოთხ კვირაში კი, სტანდარტული პროცედურის შესაბამისად, იქნება ვეტოს დაძლევა.

„თუ ვინმეს აინტერესებს ვენეციის კომისიის რეკომენდაციების ნახვა, ამის საშუალება ექნება ვეტოს დაძლევამდე და ვნახოთ, რა ეწერება იქ. ეს არის უმარტივესი კანონი, არის სულ რამდენიმე გვერდი და წერია ერთადერთი რამ, რომ წელიწადში ერთხელ უნდა გამოქვეყნდეს დეკლარაციები, როგორ შეიძლება, ამაზე ვინმეს ჰქონდეს რაიმე სამართლებრივი კონტრარგუმენტი. როგორ შეიძლება, ვინმემ თქვას, რომ ხალხს არ უნდა ჰქონდეს ინფორმაცია NGO-ების დაფინანსების შესახებ. როგორც შეიძლება, ევროკავშირმა ან ვენეციის კომისიამ თქვას, რომ გამჭვირვალობის მინიმალური სტანდარტი ცუდია. უბრალოდ, ბუნებაში ვერ იარსებებს ეს არგუმენტი. დაელოდონ ვენეციის კომისიის დასკვნას და დაელოდონ სამართლებრივი არგუმენტებს ვენეციის კომისიის დასკვნაში. თუ ნახავენ სამართლებრივ არგუმენტს ვენეციის კომისიის დასკვნაში, ერთად ვნახოთ ეს ყველაფერი“, - განაცხადა პრემიერმა.

საკანონმდებლო ორგანოში დღეს ბიუროსა და პლენარული სხდომები არ გაიმართება, - ინფორმაციას პარლამენტის პრესსამსახური ავრცელებს.

"საპროტესტო აქციის მონაწილეების მიერ პირველ მაისს საქართველოს პარლამენტის სასახლეზე განხორციელებული თავდასხმის შედეგად საკანონმდებლო ორგანოს შენობა და ინფრასტრუქტურა დაზიანდა, შესაბამისად დღეს, 2 მაისს, პარლამენტის სასახლეში დაგეგმილი ღონისძიებები (ბიუროს და პლენარული სხდომები) არ გაიმართება. საქართველოს პარლამენტის სასახლეში ამჟამად, შესაბამის სტრუქტურებთან ერთად, გაწმენდითი და აღდგენითი სამუშაოები მიმდინარეობს“, – აღნიშნულია პარლამენტის მიერ გავრცელებულ ინფორმაციაში.

საკანონმდებლო ორგანოში განმარტავენ, რომ პარლამენტში უსაფრთხოების წითელი დონე 14:00 საათამდე, შემდეგ კი ყვითელი დონე იმოქმედებს.

"წითელი დონის დროს საქართველოს პარლამენტში არ დაიშვება არცერთი პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა. წითელი დონე 2 მაისს, 14:00 საათის შემდეგ გაუქმდება და ამოქმედდება ყვითელი დონე, რა დროსაც ვიზიტორებს ეზღუდებათ პარლამენტის სასახლეში შესვლა. შენობაში დაიშვებიან მხოლოდ საქართველოს პარლამენტის თანამშრომლები“, – აღნიშნულია საქართველოს პარლამენტის განცხადებაში.

აქციის თითოეული მონაწილე იყენებს სხვადასხვა საგანს, მათ შორის გაურკვეველი წარმოშობის ისეთ მხუთავ აირებსა და გაზს, რომლებიც არცერთ ღია ქსელურ მაღაზიებში არ იყიდება, – ამის შესახებ საქართველოს შინაგან საქმეთა მინისტრის მოადგილემ, ალექსანდრე დარახველიძემ უწყებაში გამართულ ბრიფინგზე განაცხადა.

მისივე თქმით, უწყება დაინტერესდება და გაარკვევს, როგორ მოხვდა ეს საშუალებები აქციის მონაწილეების ხელში.

„საზოგადოება ხედავს, რომ პოლიცია არის პარლამენტის შენობის შიდა ტერიტორიაზე. ჩვენ გარეთ არ გამოვსულვართ და შიგნიდან ვცდილობთ, რომ დავიცვათ ტერიტორია უნებართვო შეჭრისგან. ის სპეცსაშუალებები, რაც კანონით არის გათვალისწინებული, ეს არის წიწაკის სპრეი, ცრემლსადენი გაზი და წყლის ჭავლი. ეს გამოვიყენეთ. მიუხედავად იმისა, რომ სრული სამართლებრივი საფუძველი გვქონდა, გამოგვეყენებინა რეზინის ტყვიები, არ ყოფილა გამოყენებული.

საზოგადოება კარგად ხედავს, რომ აქციის თითოეული მონაწილე იყენებს სხვადასხვა საგანს, მათ შორის გაურკვეველი წარმოშობის ისეთ მხუთავ აირებსა და გაზს, რომლებიც არცერთ ღია ქსელურ მაღაზიებში არ იყიდება და საიდან მოხვდა მათ ხელში ძალიან საინტერესოა. ამით აუცილებლად დავინტერესდებით და გავარკვევთ, როგორ მოხვდა ამ ადამიანების ხელში ეს საშუალებები.

შესაბამისად, ჩვენი მხრიდან გამოყენებული იქნა კანონით გათვალისწინებული სპეცსაშუალებები. ასე რომ, კატეგორიულად უარვყოფთ და ვადასტურებთ იმ ფაქტს, რომ ამ ეტაპის მდგომარეობით, შინაგან საქმეთა სამინისტროს არცერთ თანამშრომელს რეზინის ტყვია არ გამოუყენებია“, – განაცხადა ალექსანდრე დარახველიძემ.