უტელეფონო სტუმრებს ღვინოს ჩუქნიან

იტალიის ქალაქ ვერონაში მდებარე ერთ-ერთი რესტორანი ბოთლ ღვინოს ჩუქნის ყველა სტუმარს, ვინც ჭამის დროს ტელეფონით არ ისარგებლებს. ამ გზით, რესტორატორებს სურთ შექმნან პირობა, რომ დაწესებულების სტუმრები ერთმანეთთან ურთიერთობდნენ და რესტორანში ყოფნით სიამოვნებას იღებდნენ. საჩუქრად ღვინის მისაღებად კლიენტმა საკუთარი „სმარტფონი“ ჩასაკეტ ყუთში უნდა დატოვოს. დაწესებულების მფლობელის თქმით, ინიციატივას უკვე მოჰყვა დადებითი გამოხმაურება, განსაკუთრებით, ახალგაზრდებში. აღსანიშნავია, რომ ვერონას რესტორანი ერთადერთი არ არის ამ ბიზნესში, რომელიც მობილური ტელეფონების შეზღუდვას ცდილობს. საფრანგეთის ქალაქ ალბიშიც დაიწყეს უფასო სასმელების დარიგება სტუმრებისთვის, რომლებიც ტრაპეზის დროს უარს ამბობენ ტელეფონების მოხმარებაზე.