გენმოდიფიცირებული კარტოფილი უფრო სასარგებლოა?

მინესოტას უნივრსიტეტისა და ფრანგული კომპანია Cellectis-ის სწავლულებმა მცენარეების გენების რედაქტირების ახალი ტექნოლოგია მოიფიქრეს. ახლა ისინი შექმნიან და ბაზარზე გამოუშვებენ კარტოფილის ახალ ჯიშს - Ranger Russet, რომელიც არ შავდება და არ ლპება ყინვაში შენახვის დროს. რაც მთავარია, შეწვისას, ნაკლებ კანცეროგენულ აკრილამიდს გამოჰყოფს. სპეციალისტები მიიჩნევენ, რომ სულ მალე, მოდიფიცირებული კვების პროდუქტების შექმნა არა მხოლოდ მსხვილი სამეცნიერი ინსტიტუტების საქმე იქნება, არამედ, ამით პატარა კერძო კომპანიებიც დაკავდებიან. რასაკვირველია, მათი ნამუშევარი აუცილებლად სერტიფიცირებული იქნება და უსაფრთხოებაზეც შემოწმდება. სხვა შემთხვევაში, მათ მიერ გამოყვანილი ხილი და ბოსტნეული ბაზარზე ვერ მოხვდება.

აქამდე, მეცნიერები წლობით მუშაობდნენ, რათა ტრადიციული სელექციის მეთოდით, სასურველი თვისებების მქონე მცენარე გამოეყვანათ. მაგალითად, ასეთი კარტოფილისთვის, რომელიც ამერიკელმა გენეტიკოსებმა შექმნეს, სელექციონრებს 10 წელიწადზე ნაკლები არ დასჭირდებოდათ. არადა, ახალი კარტოფილის საცდელი პარტიის პირველ მოსავალს უკვე წლის ბოლოს აიღებენ მინესოტაში. თუკი ექსპერიმენტების შედეგად დამტკიცდება, რომ პროდუქტი ინარჩუნებს თვისებებს სიცივეშიც,  Ranger Russet-ის ფერმერებისთვის მიწოდებას დაიწყებენ.