ბავშვის განვითარებაზე მისი წონა მოქმედებს?

ჩრდილო-დასავლეთის უნივერსიტეტის სწავლულბის კვლევების თანახმად,  რაც უფრო მეტს იწონის ჩვილი დაბადებისას, მით უკეთესი იქნება შემდგომში მისი მოსწრება სკოლაში. თუმცა, ეს იმას არ ნიშნვს, რომ წონა გავლენას ახდენს ტვინის განვითარებაზე. ამის მიუხედავად, თუ ნაყოფი ბოლომდე (ანუ ცხრა თვემდე) რჩება დედის მუცელში და წონას იკრებს, მისი კოგნიტიური უნარებიც უმჯობესდება. ეს ადვილი შესამჩნევი იყო ტყუპებზე ჩატარებული ექსპერიმენტებისას. ტყუპები, რომლებიც უფრო მეტს იწონიდნენ დაბადებისას, ვიდრე მათი და-ძმები, მესამედან მერვე კლასის ჩათვლით, მოსწრების საშუალო ქულებიც უფრო მაღალი ჰქონდათ. მკვლევარები აღნიშნავენ, რომ წონა დაბადებისას ერთადერთი ფაქტორი არ არის, რაც გავლენას ახდენს ბავშვების განვითარებაზე. მაგალითად, მშობლების განათლება პატარას ინტელექტზე უფრო ძლიერ გავლენას ახდენს.