დედაქალაქი

„საახალწლო სოფელმა“ დღეს უკვე პირველ სტუმრებს უმასპინძლა. სოფელში მიმდინარე ღონისძიებებსა და განახლებულ საახალწლო დეკორაციებს დედაქალაქის მერი კახა კალაძე გაეცნო.

„ჯადოსნური და ულამაზესია ჩვენი დედაქალაქი. ხედავთ, როგორ არის მორთული საახალწლოდ. უკვე ავანთეთ ქვეყნის მთავარი ნაძვის ხე და ჩავიფიქრეთ სურვილები. 7 იანვრის ჩათვლით ორბელიანის მოედანზე და დედაენის ბაღში გაიმართება სხვადასხვა სახის ღონისძიებები. გარდა ამისა, აქ არის განთავსებული ყინულის საციგურაო მოედანი, რომლითაც ბევრი ადამიანი სარგებლობს. ხუთასამდე მეწარმე და მათი პროდუქციაა წარმოდგენილი „საახალწლო სოფელში“. მობრძანდით, მეგობრებო. მერწმუნეთ, სასიამოვნო დღეები გელით“, – განაცხადა კახა კალაძემ.

„საახალწლო სოფელში“ მთელი დღის განმავლობაში მიმდინარეობდა შოუები, პერფორმანსები და სხვა სახის ღონისძიებები, საღამო კი სტეფანესა და SALIO-ს კონცერტებით გაგრძელდა.

„საახალწლო სოფელში“, რომელიც ორბელიანის მოედანს, მიმდებარე ქუჩებსა და დედაენის ბაღს მოიცავს, 16 დეკემბრიდან 7 იანვრის ჩათვლით გაიმართება გამოფენა-გაყიდვა „საშობაო ბაზარი“, გასტრონომიული და სამეწარმეო მარკეტები, „საახალწლო ქალაქის“ პავილიონი, სახელოსნო და თეატრი, თეატრალიზებული მსვლელობები და წარმოდგენები, საბავშვო ვორქშოფები, ილუზიონისტების შოუ, თოჯინების თეატრის საახალწლო პერფორმანსი, გაცოცხლებული საშობაო ზღაპარი, თითების თეატრის საახალწლო წარმოდგენა, მარიონეტების ჯაზ ბენდის მუსიკალური პერფორმანსი, გარდა ამისა, იფუნქციონირებს ყინულის საციგურაო მოედანი და თემატური ფოტოზონები. საღამოობით გაიმართება სხვადასხვა ბენდების, ვოკალისტების, ჯგუფებისა და ანსამბლების კონცერტები, რის შემდეგაც საახალწლო სოფლის სტუმრების წინაშე წარდგება DJ ელექტრონული მუსიკით. რაც შეეხება თოვლის ბაბუას, ის პატარებს თავის სახლში დახვდება, რომელიც დედაენის ბაღში განთავსდა. ბავშვებს აქ ელფები, გასართობი ზონა და საბავშვო სტუდიების კონცერტებიც ელოდებათ.

ინფორმაციას თბილისის მერია ავრცელებს.

მუნიციპალური სერვისების განვითარების ელექტრონული სერვისები ხარვეზით ფუნქციონირებს. აღნიშნულთან დაკავშირებით განცხადებას თბილისის მერია ავრცელებს.

მერიის განცხადებით, ზონალური პარკირების სისტემა ავტომატურად გაითიშება და ხარვეზის პერიოდში ბალანსიდან თანხა არ გაიხარჯება.

„გაცნობებთ, რომ მუნიციპალური სერვისების განვითარების ელექტრონული სერვისები ხარვეზით ფუნქციონირებს. ხარვეზის აღმოსაფხვრელად მიმდინარეობს მუშაობა. აღნიშნულ პერიოდში ზონალურ-საათობრივი სისტემის გამოუყენებლობის გამო არავინ დაჯარიმდება, ზონალური პარკირების სისტემა ავტომატურად გაითიშება, ხარვეზის მიმდინარეობის პერიოდში ბალანსიდან თანხა არ გაიხარჯება. ხარვეზის აღმოფხვრის შესახებ ინფორმაცია დაუყოვნებლივ მოგეწოდებათ“, – აღნიშნულია განცხადებაში.

ერთგვარ ტრადიციად იქცა ის, რომ ჩვენ რუსთაველის გამზირზე ვიკრიბებით და ერთად ვანთებთ ჩვენს ჯადოსნურ ულამაზეს დედაქალაქს და ქვეყნის მთავარ ნაძვის ხეს. ეს არ არის უბრალო ღონისძიება, რომ ავანთოთ ნაძვის ხე, გავანათოთ ქუჩები და ა.შ. ყველამ უნდა ჩავიფიქროთ სურვილები, რომ ხვალინდელი დღე იყოს კიდევ უფრო უკეთესი, გვქონდეს მშვიდობა, ეკონომიკური განვითარება, წინსვლა, დღეგრძელობა, ბედნიერება, რომ კეთილდღეობა იგრძნოს ამ ქვეყანაში მცხოვრებმა თითოეულმა ჩვენმა მოქალაქემ, - ამის შესახებ რუსთაველის გამზირზე, დედაქალაქის ცენტრალური ნაძვის ხის ანთების ღონისძიებაზე თბილისის მერმა, „ქართული ოცნების“ გენერალურმა მდივანმა, კახა კალაძემ განაცხადა.

„მოგესალმებით, ჩემო ძვირფასებო, ამ ულამაზესი დედაქალაქის, ჯადოსნური ქალაქის მკვიდრნო. მივესალმები ჩვენს სტუმრებს რეგიონებიდან, უცხოეთიდან. მინდა, განსაკუთრებული სიყვარულით მივესალმო ემიგრაციაში მყოფ ჩვენს თანამოქალაქეებს. ძალიან კარგად მესმის, რამდენად დიდია მათი სურვილი, დაბრუნდნენ საქართველოში. ისინი აუცილებლად დაბრუნდებიან უკვე შინ, ევროპაში. დღეს არის განსაკუთრებული დღე ჩვენი ქვეყნის უახლეს ისტორიაში. კიდევ ერთხელ მინდა ვისარგებლო შემთხვევით და მოგილოცოთ დღევანდელი დღე, კანდიდატის სტატუსის მიღება - ეს არის ჩვენი თითოეული მოქალაქის დამსახურება. ეს არის იმ ბრძოლის შედეგი, რომელიც ჩვენ რამდენიმე წლის განმავლობაში გამოვიარეთ. მადლობა ყველას, ვინც თავისი წვლილი შეიტანა იმაში, რომ ჩვენი ქვეყანა ადგას იმ მნიშვნელოვან გზას, რასაც ევროინტეგრაცია და ევროპული მომავალი ჰქვია. ერთგვარ ტრადიციად იქცა ის, რომ ჩვენ რუსთაველის გამზირზე ვიკრიბებით და ერთად ვანთებთ ჩვენს ჯადოსნურ ულამაზეს დედაქალაქს და ქვეყნის მთავარ ნაძვის ხეს. ეს არ არის უბრალო ღონისძიება, რომ ავანთოთ ნაძვის ხე, გავანათოთ ქუჩები და ა.შ. ყველამ უნდა ჩავიფიქროთ სურვილები, რომ ხვალინდელი დღე იყოს კიდევ უფრო უკეთესი, გვქონდეს მშვიდობა, ეკონომიკური განვითარება, წინსვლა, დღეგრძელობა, ბედნიერება, რომ კეთილდღეობა იგრძნოს ამ ქვეყანაში მცხოვრებმა თითოეულმა ჩვენმა მოქალაქემ“, - აღნიშნა თბილისის მერმა.

საახალწლო ღონისძიებების მოსამზადებელი სამუშაოების პერიოდში რუსთაველის გამზირი და მისი მიმდებარე ქუჩები დროებით ჩაიკეტება. კერძოდ, 14 დეკემბრის 09:00 საათიდან 16 დეკემბრის 02:00 საათამდე რუსთაველის გამზირზე, პარლამენტის შენობის წინ გადაიკეტება საზოგადოებრივი ტრანსპორტისთვის განკუთვნილი ორივე ზოლი. ინფორმაციას თბილისის მერია ავრცელებს.

„სატრანსპორტო მოძრაობა შეიზღუდება და საპარკინგე ზონა ასევე გათავისუფლდება ლესია უკრაინკასა და არჩილ ჯორჯაძის ქუჩებზე.

აღნიშნულ პერიოდში რუსთაველის გამზირიდან ტ. შევჩენკოსა და ზუბალაშვილების ქუჩის მიმართულებით მიმავალი ავტოსატრანსპოტო საშუალებები, ლესია უკრაინკას ქუჩის ნაცვლად,  გადაადგილებას შეძლებენ ჭიჭინაძის ქუჩის გამოყენებით; აღნიშნული ქუჩებიდან რუსთაველის ქუჩის მიმართულებით ავტომობილები გადაადგილებას შეძლებენ 9 აპრილის ქუჩის გამოყენებით; რ. თაბუკაშვილის ქუჩიდან, ა. ჯორჯაძის ქუჩის ნაცვლად, მოძრაობა დასაშვები იქნება გ. ჭანტურიას ქუჩის გამოყენებით.

15 დეკემბრის 10:00 საათიდან 16 დეკემბრის 01:00 საათამდე განხორციელდება სატრანსპორტო მოძრაობის სრული შეზღუდვა და საპარკინგე ზონის გათავისუფლება რუსთაველის გამზირის მიმდებარე ტერიტორიაზე (რუსთაველის გამზირი, ზაქარია ჭიჭინაძის, 9 აპრილის, ანტონ ფურცელაძის, ლესია უკრაინკას და არჩილ ჯორჯაძის ქუჩები).

რუსთაველის გამზირიდან, ჭანტურიას ქუჩისა და რუსთაველის გამზირის კვეთიდან, თავისუფლების მოედნის მიმართულებით ნ. ვაჩნაძის (ლ. გუდიაშვილის შესახვევი) ქუჩამდე ტრანსპორტის მოძრაობა დროებით შეიზღუდება. კერძოდ, რუსთაველის გამზირიდან (გ. ჭანტურიასა და რუსთაველის გამზირის კვეთიდან) თავისუფლების მოედნის მიმართულებით გადაადგილება შეზღუდული იქნება ლ. უკრაინკას, ა. ჯორჯაძის, ზ. ჭიჭინაძის, 9 აპრილისა და ა. ფურცელაძის ქუჩებიდან.

თავისუფლების მოედნიდან მომავალი სატრანსპორტო საშუალებებისთვის  გადაადგილება შეზღუდული იქნება მხოლოდ რუსთაველის გამზირის მიმართულებით სრულად, რუსთაველის გამზირისა და გ. ჭანტურიას ქუჩის კვეთამდე.

თავისუფლების მოედნიდან მეტროსადგურ „რუსთაველის“ მიმართულებით გადაადგილება შესაძლებელი იქნება ლ. გუდიაშვილის, რ. თაბუკაშვილის, რ. ლაღიძის, შ. მესხიასა და ინაშვილის ქუჩების გამოყენებით.

მთაწმინდის ტერიტორიიდან მეტროსადგურ „რუსთაველის“ მიმართულებით გადაადგილება შესაძლებელი იქნება გ. ლეონიძის, პ. ინგოროყვას, ა. ჭავჭავაძისა და ა. გრიბოედოვის, პ. კაკაბაძის, კ. მაყაშვილის და ვ. ბარნოვის  ქუჩების გამოყენებით.

მეტროსადგურ „რუსთაველის“ მიმდებარე ტერიტორიიდან თავისუფლების მოედნისკენ მიმავალი ავტომობილები რუსთაველის გამზირზე გადაადგილებას შეძლებენ გ. ჭანტურიას ქუჩის კვეთამდე. შემდეგ, მარცხნივ მოხვევით გ. ჭანტურიასა და ს. ვირსალაძის ქუჩების გავლით იმოძრავებენ მტკვრის მარჯვენა სანაპიროს, ნ. ბარათაშვილისა და ა. პუშკინის ქუჩების გამოყენებით.

რუსთაველის გამზირის გადაკეტვისას მელიქიშვილის გამზირიდან ბარათაშვილის ქუჩის მიმართულებით ავტობუსები – N301, 306, 310, 314, 326, 331, 337, 342, 345, 352, 358, 359, 388, 397 კოსტავას ქუჩიდან იმოძრავებენ რუსთაველის გამზირზე მდებარე ზეთისხილის ხემდე, რის შემდეგაც დაუკავშირდებიან მიხეილ ჯავახიშვილის ქუჩას და მტკვრის მარჯვენა სანაპიროს გავლით იმოძრავებენ ბარათაშვილის ქუჩისკენ;

უკუმიმართულებისას N306, 310, 314, 326, 342, 352, 358, 359, 388, 397 ავტობუსები გადავლენ მტკვრის მარცხენა სანაპიროზე და ბარათაშვილის პანდუსით დაუკავშირდებიან ბარათაშვილის ხიდს, რის შემდეგაც მტკვრის მარჯვენა სანაპიროს და მიხეილ ჯავახიშვილის ქუჩის გავლით დაუკავშირდებიან კოსტავას ქუჩას და იმოძრავებენ დადგენილი სქემით, ხოლო ავტობუსები: N301, 331, 337, 345 ბარათაშვილის ხიდზე მოხვედრისას მარჯვნივ მოხვევით გადაინაცვლებენ იუსტიციის სახლისკენ, იმოძრავებენ მტკვრის მარჯვენა სანაპიროსა და მიხეილ ჯავახიშვილის ქუჩის გავლით, რის შემდეგაც კოსტავას ქუჩიდან იმოძრავებენ დადგენილი სქემით“, – აღნიშნულია თბილისის მერიის ინფომრაციაში.

საახალწლო ღონისძიებების მოსამზადებელი სამუშაოების გამო, 8 დეკემბრის 23:00 საათიდან, 10 დეკემბრის 23:00 საათამდე, გრიგოლ ორბელიანის მოედნის მიმდებარე ტერიტორიაზე, ათონელის ქუჩიდან ვახტანგ ორბელიანის შესახვევის N13-ამდე ავტომობილთა გადაადგილება შეიზღუდება.

აღნიშნულის შესახებ ინფორმაციას თბილისის მერია ავრცელებს.

მათივე ცნობით, დროის აღნიშნულ მონაკვეთში, გია ჭანტურიას ქუჩიდან ავტომობილები გადაადგილებას იტალიის ქუჩის მიმართულებით შეძლებენ.

„რაც შეეხება საახალწლო ღონისძიებებს, ტრანსპორტის გადაადგილება 10 დეკემბრის 23:00 საათიდან, მომავალი წლის 10 იანვრის 23:00 საათამდე მშრალი ხიდის, იტალიის ქუჩისა და ორბელიანის მოედნის მიმდებარე ტერიტორიაზე - ათონელის ქუჩიდან ორბელიანის შესახვევის N13-ამდე შეიზღუდება.

ერთი თვის განმავლობაში, ზაარბრიუკენის მოედნიდან მშრალი ხიდის მიმართულებით მოძრავი ავტომობილები გადაადგილებას მტკვრის მარჯვენა სანაპიროს მიმართულებით შეძლებენ.

ზვიად გამსახურდიას სანაპიროდან სოლიკო ვირსალაძის ქუჩისკენ მიმავალი ავტოსატრანსპორტო საშუალებები ათონელის ქუჩამდე იმოძრავებენ, ხოლო შემდეგ მარჯვნივ მოხვევით, გადაადგილებას ჭანტურიას ქუჩის მიმართულებით შეძლებენ“,- ნათქვამია გავრცელებულ ინფორმაციაში.

დედაქალაქის მერმა, კახა კალაძემ თბილისის საკრებულოში მერიის საქმიანობის 2023 წლის ანგარიში წარადგინა, - ამის შესახებ ინფორმაციას თბილისის მერია ავრცელებს.

მათივე ინფორმაციით, კახა კალაძემ მიმდინარე წელს დედაქალაქის მერიის მიერ ჯანდაცვის, სპორტის, კულტურის, განათლებისა და ინფრასტრუქტურის მიმართულებით განხორციელებულ ყველა პროექტზე დაწვრილებით ისაუბრა.

„მინდა, გაგაცნოთ ინფორმაცია იმაზე, თუ რა გავაკეთეთ მიმდინარე წელს. 2023 წელს დედაქალაქში მოწესრიგებული გზების ფართობი 825 000 კვ. მეტრს შეადგენს. ამავე წელს თბილისის მუნიციპალიტეტში რეაბილიტირდა 590 ქუჩა, გამზირი, აღმართი, ხიდი, დამატებით მოეწყო 22 ახალი ქუჩა, კაპიტალური სარეაბილიტაციო სამუშაოები ჩატარდა 26 ქუჩაზე, ორმოული შეკეთების სამუშაოები კი - 742 ობიექტზე. აღნიშნული სამუშაოების განსახორციელებლად თბილისის ბიუჯეტიდან გაწეული ფინანსური ხარჯი შეადგენს - 100 მილიონზე მეტ ლარს.

გარდა ამისა, 26 მილიონი ლარი იქნა მიმართული ავარიული შენობა-ნაგებობების გასამაგრებლად (58 შენობა-ნაგებობა). საინჟინრო ნაგებობებისა და ინფრასტრუქტურის ობიექტების მშენებლობა და აღდგენა-რეკონსტრუქციის სამუშაოებისთვის კი, მიმდინარე წელს დაიხარჯა 33 მილიონი ლარი .

მათ შორის, მსხვილ ინფრასტრუქტურულ პროექტებს წარმოადგენს ვაკის რაიონში, უნივერსიტეტის ქუჩისა და ბაგების დამაკავშირებელი ხიდური გადასასვლელის მოწყობის სამუშაოები; დიდუბის რაიონში, შალიკაშვილის სახელობის ხიდის რეაბილიტაცია; მდინარე მტკვარზე მდებარე „მშვიდობის ხიდის“ სარეაბილიტაციო სამუშაოები.

2023 წელს თბილისის მერიის მიერ 40 ჰექტრამდე ფართობზე განხორციელდა გამწვანების სამუშაოები, რეაბილიტაცია ჩაუტარდა 14 პარკს, 329 სკვერს და 82 სპორტულ მოედანს. ჯამში, დაირგო 114 730 ძირი სხვადასხვა სახეობის მწვანე ნარგავი, 207 000 კვ.მ ფართობზე მოეწყო სარწყავი სისტემა, ამავე ფართობზე დაითესა და დაირგო ბალახის საფარი. დედაქალაქის მასშტაბით, დაირგო 390 000 სეზონური ყვავილი. თბილისის გარშემო არსებული ტყის აღდგენა-განაშენიანების პროექტის ფარგლებში, 17 ჰექტარზე განხორციელდა გამწვანების სამუშაოები. გარდა აღნიშნულისა, ლისის ტბის მიმდებარედ არსებულ 16 ჰა ფართობზე, განხორციელდა მწვანე ნარგავების (ტყის) აღდგენა-გაშენების სამუშაოები. დაირგო სხვადასხვა სახეობის 16 776 ნერგი და მომავალი 4 წელი განხორციელდება მათი მოვლა-პატრონობა.

ბინათმესაკუთრეთა ამხანაგობების პროექტებში, ჯამში, დაფინანსდა 1750 განაცხადი, რაზეც 45 მლნ ლარი დაიხარჯა. ჯანდაცვის პროგრამებში ჯამურად 81 740 000 ლარი დაიხარჯა, რაიონული გამგეობების დონეზე - დაკმაყოფილდა ბენეფიციართა 30 000 მდე განაცხადი ერთჯერადი ფინანსური დახმარების თაობაზე (თანხა - 5 933 350 ლარი); 33 000 ბენეფიციარმა მიიღო მედიკამენტების დაფინანსება (თანხა 5 062 000ლარი);

სპორტის მიმართულებით 2023 წელს თბილისის მერიის მხარდაჭერით განხორციელდა 240 სპორტული ღონისძიება, განხორციელებულ პროექტებში მონაწილეობა მიიღო 78 000-მდე ბენეფიციარმა. წლის განმავლობაში დაფინანსდა 34 სპორტული ორგანიზაცია და ფედერაცია სპორტული ინვენტარისა და ეკიპირების შესაძენად, ინვენტარით და ეკიპირებით სარგებლობს 6 524 ბენეფიციარი.

2023 წელს სამსახურის მიერ განხორციელდა ქალაქ თბილისის მუნიციპალიტეტის დაქვემდებარებულ სპორტულ ცენტრებში სპორტული მედიცინის დანერგვის საპილოტე პროგრამა, რაც გულისხმობს სპორტში ჩართული ბენეფიციარების კომპლექსურ სამედიცინო შემოწმება/სკრინინგს და ეს ყველაფერი არის უფასო ახალგაზრდებისთვის.

2022 წელს დაიწყო და წარმატებით გრძელდება პროგრამა „სპორტი უფროსი თაობისთვის“. პროგრამის ფარგლებში, 60 წლის და 60 წელს გადაცილებული 1 000-ზე მეტი მოქალაქე უსასყიდლოდ სარგებლობს საცურაო აუზებითა და ფიტნეს დარბაზებით. პროგრამაში ჩართულია როგორც მუნიციპალური, ასევე კერძო საცურაო აუზები და ფიტნეს დარბაზები.

დასრულების ეტაპზეა მულტიფუნქციური ცენტრების მშენებლობა დიდ დიღომსა და ვარკეთილში, ასევე მიმდინარეობს დიღმის მასივში, მე-3 კვარტალში მრავალფუნქციური სპორტული კომპლექსის საპროექტო-სახარჯთაღრიცხვო დოკუმენტაციის მომზადება, გარდა ამისა:

2023 წელს დასრულდა თბილისში, ვარკეთილის დასახლება მე-2 მიკრორაიონი, საქართველოს ერთიანობისთვის მებრძოლთა ქუჩა N41-ის მიმდებარედ და ლიბანის ქუჩა N11-ის მიმდებარედ სკეიტ-მოედნების მოწყობის სამუშაოები; სკეიტ მოედნები დიდი პოპულარობით სარგებლოს ბოლო წლების განმავლობაში. მთლიანად სავსეა ახალგაზრდებით.

მიმდინარე წლის ბოლოს დასრულდება ვაზისუბნის დასახლებაში და დიდი დიღმის IV მკ/რ-ში ღია ტიპის სკეიტ-მოედნების სამშენებლო სამუშაოები, ასევე, ჩოლოყაშვილის ქუჩაზე სამი პადელის მოედნის და ვაზისუბნის დასახლებაში ფეხბურთის მოედნის მოწყობის სამუშაოები; ასევე, დასრულების ეტაპზეა ლადო ასათიანის ქუჩა N50-ში მდებარე სპორტული დარბაზის სამშენებლო სამუშაოები; სარემონტო-სარეაბილიტაციო სამუშაოები ჩაუტარდა ხუთ სპორტულ ცენტრს და ტექნიკით და ინვენტარით აღიჭურვა სამი სპორტული ცენტრი. მიმდინარეობს სოფელ დიდ ლილოში სპორტული კომპლექსის სამშენებლო სამუშაოები, რომელიც დასრულდება 2024 წელს, ასევე, გუმათჰესის ქ. N1 (ს/კ01.19.23.013.071) მიმდებარედ სპორტული კომპლექსის მშენებლობის საპროექტო-სახარჯთაღრიცხვო დოკუმენტაციის მომზადება.

2023 წელს წელს ყოველთვიური ფინანსური მხარდაჭერა გაეწია სპორტულ დაწესებულებებში მომუშავე სპორტის სხვადასხვა სახეობის 350 მწვრთნელს, რომლებიც სპორტის 49 სახეობაში ავარჯიშებენ მოზარდებს.

სპორტის 32 სახეობაში ყოველთვიურად ფინანსდება 18 წლამდე ასაკის სხვადასხვა ჩემპიონატში გამარჯვებული 250 წარმატებული სპორტსმენი

2023 წელს განათლებისა და ახალგაზრდობის მიმართულებით გაგრძელდა მნიშვნელოვანი პროგრამების განხორციელება ახალგაზრდებისთვის“, - აღნიშნა კახა კალაძემ.

მისი თქმით, სტუდენტთა დაფინანსების პროგრამის ფარგლებში, დაფინანსდა სოციალურად დაუცველი, შეზღუდული შესაძლებლობის მქონე და მრავალშვილიანი ოჯახის წევრი 4 000-ზე მეტი სტუდენტი. ასევე, წარმატებულ 617 მაგისტრანტს ფინანსური წახალისების მიზნით გამოეყო თანხა.

„გრძელდება პროფესიული მომზადება/გადამზადების პროგრამების განხორციელება „ისწავლე, დასაქმდი“, რომელსაც მიმდინარე წელს დაემატა რამდენიმე ახალი მიმართულება. 2023 წელს 60-ზე მეტ პროფესიულ სპეციალობაში ჩაერთო 2500-მდე მოქალაქე. ჩვენ გვაქვს სრული მონაცემები იმის შესახებ, თუ რა მიმართულებით სჭირდება ბიზნესსექტორს გამოცდილი და კვალიფიცირებული კადრები და ზუსტად ამ მიმართულებით ვცდილობთ გადავამზადოთ კადრები.

ახალგაზრდების ცხოვრების ჯანსაღი წესის ხელშეწყობის, დასვენების, რეკრეაციისა და გართობის მიზნით, ხორციელდება საზაფხულო ახალგაზრდული პროგრამები და ფესტივალები. საზაფხულო პროგრამების ფარგლებში, 6 000-ზე მეტი ახალგაზრდა ჩაერთო მათთვის საინტერესო აქტივობებში (ლაშქრობები და საველე ბანაკები, საჯომარდო ტურები, ველო ტურები, კარტინგები, საცურაო აუზები), ხოლო მასშტაბური თემატური ფესტივალების განხორციელებაში (ციფრული ფესტივალები, თბილისის სტუდენტური ფესტივალი, ქუჩის ხელოვნების ფესტივალები, ღია ცის ქვეშ ახალგაზრდული ფესტივალები სხვადასხვა უბანში), რომელშიც 30 000-ზე მეტი ახალგაზრდა მონაწილეობდა სხვადასხვა ფორმით.

მუნიციპალური სერვისების ხარისხის, სასწავლო და სამუშაო გარემოს გაუმჯობესების მიზნით, გრძელდება ახალგაზრდული ინფრასტრუქტურის განვითარება. ინტენსიურ რეჟიმში მიმდინარეობს „მოსწავლე-ახალგაზრდობის ეროვნული სასახლის“ რესტავრაცია-რეაბილიტაცია, რომლის პირველი ეტაპი უკვე დასრულდა. ამ ეტაპზე, მიმდინარეობს მეორე ეტაპის სამუშაოები. ერთ-ერთი უმნიშვნელოვანესი კულტურული მემკვიდრეობის ძეგლი, რომელიც იქნება რეაბილიტირებული. რეაბილიტაციის მეორე ეტაპის დასრულება იგეგმება 2024 წელს.

კულტურის პროგრამებისა და პროექტების მიმართულებით, „კულტურის სფეროს განვითარების პროგრამის“ ფარგლებში, მიმდინარე პერიოდისათვის დაფინანსდა 260-მდე პროექტი, მათ შორის: 20 მაღალი სახელმწიფო და საზოგადოებრივი მნიშვნელობის, 40-ზე მეტი სპექტაკლი, 50-მდე საერთაშორისო და ადგილობრივი მნიშვნელობის ფესტივალი, 130-მდე საიუბილეო და შემოქმედებითი, 20 ეთნიკური უმცირესობების მიმართულების, გაცვლით, საკონკურსო და სხვა ტიპის პროექტი. აღსანიშნავია, რომ წელს პირველად, მოხდა „სტრიტ არტის“ მიმართულების პროექტებისათვის განაცხადების დამოუკიდებლად მიღება, შესაბამისი კრიტერიუმებისა და მოთხოვნების გათვალისწინებით. ამ მიმართულებით დაფინანსდა 2 ფესტივალი და 4 შედარებით მცირე ზომის პროექტი.

კონკურსი „შემოქმედებითი თბილისი“ მიმდინარე წელს, ტრადიციულად, ორ ეტაპად განხორციელდა. კონკურსის ფარგლებში, არსებულ ოთხ მიმართულებას წელს გამოეყო მედია არტი და ამ მიმართულებით დაფინანსდა 17 პროექტი.

კონკურსის დანარჩენ სამ მიმართულებაში - საგამომცემლო საქმიანობა, დიზაინი და რეწვა, თანამედროვე ვიზუალური ხელოვნება - წლის განმავლობაში დაფინანსდა 41 პროექტი.

„ინკლუზიური ხელოვნებისა და განათლების“ მიმართულებით დაფინანსდა 15 პროექტი, როგორც სახელოვნებო, ასევე საგანმანათლებლო და სააღმზრდელო კომპონენტებით. ამასთან, დაფინანსდა უსინათლოთა პერიოდული ჟურნალი „სინათლის“ გამოცემა.

მიმდინარე წელს დედაქალაქის მასშტაბით, კულტურის სფეროს განვითარების მიმართულებით განხორციელდა შემდეგი სახის ინფრასტრუქტურული პროექტები:

მიმდინარეობს ა(ა)იპ ქ. თბილისის მერიის ოთარ თაქთაქიშვილის სახელობის N19 ხელოვნების სკოლის სარემონტო-სარეაბილიტაციო სამუშაოები, რომელიც დასრულდება 2024 წელს.

20-ზე მეტი სკოლისთვის შეძენილია სხვადასხვა ინვენტარი და ინსტრუმენტი. 10 ხელოვნების სკოლაში განხორციელდა მცირე სარემონტო სამუშაოები.
მიმდინარეობს ილია ჭავჭავაძის და მერაბ კოსტავას მემორიალური სახლ-მუზეუმების სრული რეაბილიტაცია, რომელიც 2022 წელს დაიწყო და 2024 წლისთვის დასრულდება. მიმდინარეობს სათამაშოებისა და თოჯინების მუზეუმისათვის გამოყოფილი ფართის სრული საპროექტო დოკუმენტაციის მომზადება, რომელიც 2024 წლისთვის დასრულდება. მწერალთა და საზოგადო მოღვაწეთა ახალ პანთეონში კეთილმოეწყო 16 საფლავი.
განხორციელდა ა(ა)იპ „ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების“ N18 ფილიალის (მის.: ქ. თბილისი, გლდანი, VIII მ/რ, კორპ. 23) სარემონტო-სარეაბილიტაციო სამუშაოები და სრული აღჭურვა - პროექტის ბიუჯეტი შეადგენს 379 697.00 ლარს.
განხორციელდა ა(ა)იპ „ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების“ N6 ფილიალის (მის: ქ. თბილისი, დიღმის მასივი, გრ. რობაქიძის გამზ. პირველი კვარტალი, 3ბ კორპუსი) სარემონტო-სარეაბილიტაციო სამუშაოები და სრული აღჭურვა-პროექტის ბიუჯეტი - 779 957.70 ლარი.

მიმდინარე წლის მარტში ქალაქ თბილისის მუნიციპალიტეტის მერიის მიერ დაფუძნდა ა(ა)იპ საჯარო ხელოვნების ფონდი, რომლის მიზანია, თანამედროვე ხელოვნების და არტისტების პოპულარიზაცია, გამოფენებისა და სხვადასხვა პროექტების განხორციელების მეშვეობით ქართველ ხელოვანთა მხარდაჭერა და მათი შემოქმედებითი ზრდის წახალისება; საჯარო სივრცეებში თანამედროვე ხელოვნების ნიმუშების შექმნა; ღია კონკურსების მეშვეობით სახელოვნებო სფეროში სახელოვნებო და შემოქმედებითი პროცესების გააქტიურება.

ამ ეტაპისთვის, აღნიშნული პროგრამის ფარგლებში უკვე განხორციელდა 2 პროექტი: ავლაბრის მეტროს მიმდებარედ ინსტალაცია - ,,RESISTANCE“ და 300 არაგველის მეტროს შიდა ტერიტორიაზე -,,ქართული ორნამენტი“. ხოლო მიმდინარე პროექტებია - გობრონიძის ქუჩაზე ინსტალაცია სახელწოდებით „ყვავილები ყველასთვის ხელმისაწვდომია“ და ზაარბრიუკენის მოედანზე - ინსტალაცია ,,ქსელი“.

შპს „თბილსერვის ჯგუფის“ ავტოპარკის განახლების ფარგლებში, 2023 წელს 26 ერთეული სპეცმანქანა იქნა შესყიდული, საერთო ღირებულებით - 9 288 638 ლარი.
ევროპის რეკონსტრუქციისა და განვითარების ბანკის (EBRD) დახმარებით, 2024 წლის განმავლობაში, ეტაპობრივად მოხდება 65 ერთეული სპეცმანქანის მოწოდება, აქედან 2 ერთეული სპეცტექნიკა უკვე შემოსულია. აღნიშნული პროექტის ჯამური ღირებულება 9 564 750 ევროს შეადგენს.
აგრეთვე, ევროპის რეკონსტრუქციისა და განვითარების ბანკის (EBRD) ხელშეწყობით, ბელიაშვილის ქუჩაზე არსებული ნარჩენების გადამტვირთავი სადგურის რეაბილიტაციის სამუშაოების დაწყება დაგეგმილია 2024 წლის პირველ კვარტალში, ხოლო დიდი ლილოს საყოფაცხოვრებო ნარჩენების პოლიგონზე ნაჟური წყლების გამწმენდი სისტემის რეაბილიტაციისთვის საჭირო სამუშაოების დაწყება იგეგმება 2024 წლის მესამე კვარტალში.
წელსვე ბოჭორმის ქუჩაზე დამონტაჟდა 23 ერთეული მიწისქვეშა ურნა, ღირებულება - 988 080 ლარი; წერეთლის გამზირზე მიწისქვეშა კონტეინერების სისტემის მოწყობა დაიწყო, რისთვისაც შესყიდულია 200 ერთეული ურნა, საერთო თანხით 9 700 000 ლარი.
მიმდინარე წელს, ქალაქის მასშტაბით, საერთო ჯამში 3920 ნაგავშემკრები კონტეინერი განთავსდა, რისთვისაც 2 053 349 ლარი დაიხარჯა. ასევე, წლის ბოლოსთვის განთავსდება 2 000 ერთეული კონტეინერი, რისთვისაც ბიუჯეტში გათვალისწინებულია 2 172 000 ლარი.

ქუჩებისა და მოედნების დაგვა-დასუფთავება ხორციელდება 12 340 951 კვ.მ ფართობზე, შიდა კვარტალური ქუჩებისა და ეზოების დასუფთავების სამუშაოები - 5 508 017 კვ.მ-ზე, სკვერების დასუფთავება - 3 601 896 კვ.მ ფართობზე, ხევებისა და ფერდობების დასუფთავება - 2 001 200 კვ.მ-ზე, მიწისქვეშა გადასასვლელების დასუფთავების სამუშაოები - 12 930 კვ.მ-ზე. წელს საყოფაცხოვრებო ნარჩენების პოლიგონზე 455 629.6 ტონა მყარი საყოფაცხოვრებო ნარჩენი განთავსდა“, - განაცხადა კახა კალაძემ.

როგორც დედაქალაქის მერმა აღნიშნა, დედაქალაქის მასშტაბით, მიმდინარე წელს გარე განათების ახალი ქსელის მოწყობის ფარგლებში, სხვადასხვა მისამართზე საერთო ჯამში დამონტაჟდა - 1105 ერთეული ბოძი, 28 ცალი „ბაბლთაუერი“, 3020 სანათი, 43 000 გრძივი მეტრი სადენი.

„გზების რეაბილიტაციის ფარგლებში, გარე განათების ახალი ქსელი მოეწყო: უნივერსიტეტის ქუჩაზე, კრწანისის ქუჩაზე, ეშბას ქუჩისა და მახათას აღმართის დამაკავშირებელ გზაზე, ჯავახეთის ქუჩაზე. განათების ახალი ქსელის მოწყობა მიმდინარეობს მიცკევიჩის ქუჩაზე, სადაც სამუშაოები წლის ბოლომდე დასრულდება.

თბილისის მასშტაბით, 2023 წელს დაიხაზა 79 504.72 კვ.მ. სულ ღირებულებამ შეადგინა 10 245 838 ლარი. მათ შორის (უნივერსიტეტის ქუჩა - 2350 გრძ/მ, კრწანისის ქუჩა - 1060 გრძ/მ, გორგასლის ქუჩა - 2400 გრძ/მ, ანაპის 414-ე დივიზიის ქუჩა - 3200 გრძ/მ). რეაბილიტაცია ჩაუტარდა ფილარმონიის საკონცერტო დარბაზთან და N51 საჯარო სკოლის მხარეს არსებული მიწისქვეშა გადასასვლელის ჩასასვლელ-ამოსასვლელებს, პროექტის ღირებულება 500 000 ლარს შეადგენს. ასევე, ჭაბუა ამირეჯიბის გზატკეცილზე დაწყებულია ხის კონსტრუქციის საფეხმავლო ხიდის რეაბილიტაცია. ამ დროისთვის შესრულებულია სადემონტაჟო სამუშაოები. 2024 წლის დასაწყისში იუსტიციის სახლის მიმდებარედ არსებული საფეხმავლო ხიდის სარეაბილიტაციო სამუშაოები დაიწყება. საგზაო მოძრაობის მონაწილეთა უსაფრთხოების გასაუმჯობესებლად დამონტაჟდა 31 ახალი შუქნიშანი.

აქტიურად აგრძელებს მუშაობას ,,ქალაქ თბილისის მუნიციპალიტეტის ტერიტორიაზე დაუმთავრებელ მშენებლობებთან დაკავშირებული საკითხების განმხილველი კომისია“ დაუმთავრებელი მშენებლობების ფარგლებში დაზარალებულ პირთა დაკმაყოფილების და მათთვის შესაბამისი საცხოვრისი გარემოს უზრუნველყოფის მიზნით.

2018 წლიდან დღემდე განხორციელდა 60-ზე მეტი სამშენებლო ობიექტის პრობლემატიკის შესწავლა და შესაბამისი მხარდამჭერი ღონისძიებების განსაზღვრა, რომლის ფარგლებშიც 12 000-ზე მეტი დაზარალებული ოჯახი მიიღებს კუთვნილ საცხოვრებელ ფართს.

მიმდინარე წელს განსაკუთრებული აქცენტი გაკეთდა შპს ,,ათორის“ და მასთან დაკავშირებული კომპანიების დაუმთავრებელ მშენებლობების დასრულებისა და ამ მშენებლობების ფარგლებში 300-ზე მეტი ოჯახის დაკმაყოფილების მიზნით. უკვე მიღებულია გადაწყვეტილებები დაზარალებულ პირთა მიმართ ვალდებულებების შესრულებისთვის შესაბამისი ღონისძიებების განსაზღვრისთვის. აღნიშნული ღონისძიებები 2023 წლის დეკემბერში შეთანხმდება ქალაქ თბილისის მუნიციპალიტეტის საკრებულოსთან.

ურბანული წესრიგის დაცვა, სამშენებლო საქმიანობის კონტროლი და ზედამხედველობა უმნიშვნელოვანეს პრიორიტეტს წარმოადგენს. მიმდინარე წლის განმავლობაში 1 108 სამშენებლო სამართალდარღვევის საქმე იქნა შესწავლილი და შესაბამისი დაჯარიმების დადგენილება გამოიცა, საჯარიმო სანქციების ჯამურმა თანხამ შეადგინა 20 801 000 ლარი, ასევე უნებართვო მშენებლობაზე და უსაფრთხოების წესების დარღვევაზე შეჩერებულ იქნა 398 მშენებლობა, განხორციელდა 60-ზე მეტი უკანონოდ აშენებული შენობის დემონტაჟი.

გამკაცრდა და პერიოდული მონიტორინგი მიმდინარეობს, ასევე, ქალაქის იერსახის დამახინჯების, გარემოს ნარჩენებით დანაგვიანების, ჰაერის სამშენებლო მტვრით დაბინძურების და მწვანე ნარგავების დაზიანების წინააღმდეგ, აკუსტიკური ხმაურის, გარე ვაჭრობისა და გარე რეკლამის კუთხით. მიმდინარე წლის განმავლობაში გამოვლენილია 5 400-ზე მეტი სამართალდარღვევა და გატარებულია შესაბამისი ღონისძიებები, საერთო ჯამში ამ მიმართულებით დაკისრებულია 6 071 040 ლარი საჯარიმო სანქცია და თითოეულ მათგანს დაევალათ სამართალდარღვევით მიყენებული ზიანის გამოსწორება“, - აღნიშნა კახა კალაძემ.

მისი თქმით, პრიორიტეტული მიმართულება იყო სამშენებლო ობიექტების ექსპლუატაციაში მიღება.

„წლების განმავლობაში პრობლემას წარმოადგენდა გარკვეული სამშენებლო ობიექტების ექსპლუატაციაში მიღების საკითხი, სხვადასხვა ტიპის არქიტექტურული დარღვევების და დარჩენილი მცირე სამშენებლო სამუშაოების გამო. ყოველივე აღნიშნულით ზარალდებოდა მოქალაქეების ინტერესები, რომლებმაც შეიძინეს უძრავი ქონება ამ ობიექტებში, ვინაიდან ექსპლუატაციის მიღების გარეშე ქონება უფლებრივად სრულყოფილი არ არის, ასევე ექსპლუატაციის მიღების გარეშე მრავალბინიან საცხოვრებელში ვერ იქმნებოდა ბინათმესაკუთრეთა ამხანაგობები, რაც აფერხებდა მათ მუნიციპალურ პროგრამებში ჩართვას. თბილისის მერიის ინიციატივით შემუშავდა მასშტაბური პროექტი და საქართველოს სივრცის დაგეგმარების, არქიტექტურული და სამშენებლო საქმიანობის კოდექსის 1413 მუხლით განისაზღვრა თბილისის ადმინისტრაციულ საზღვრებში ზემოაღნიშნული ობიექტების ექსპლუატაციაში მიღების დროებითი წესი. აღნიშნული წესის ფარგლებში, 2 წლის განმავლობაში საერთო ჯამში შემოსულია ექსპლუატაციაში მიღებაზე 1858 სამშენებლო ობიექტი, უკვე მიღებულია 600-მდე სამშენებლო ობიექტი, დამატებით შესწავლის პროცესშია 1000-ზე მეტი სამშენებლო ობიექტი. პროექტის დასრულების შემდეგ 50 000-ზე მეტი მესაკუთრე მიიღებს უფლებრივად უნაკლო ქონებას.
გარდა დროებითი წესით მიღებული ობიექტებისა, 2023 წელს მშენებლობა დამთავრებული ობიექტების ექსპლუატაციაში მიღებაზე შემოსულია 1324 განცხადება, ექსპლუატაციაში მიღებულ იქნა - 711, უარი ეთქვა - 276, შესწავლის პროცესშია - 292 განცხადება.

თბილისის მუნიციპალიტეტსა და გერმანიის რეკონსტრუქციის საკრედიტო ბანკს (KfW) შორის გასულ წელს შემდგარი შეთანხმების მიხედვით, რომელიც ჭკვიანი სატრანსპორტო სისტემის დანერგვა/მოდერნიზაციას ისახავს მიზნად, დასრულდა კვლევითი სამუშაოები. 2024 წლიდან დაიწყება საბოლოო დიზაინის შემუშავება და შემდგომ, ეტაპობრივი შესყიდვების და დანერგვის სამუშაოების განხორციელება საერთაშორისო კონსულტანტების მხარდაჭერით. პროექტის ფარგლებში გამოყოფილია 47 მლნ ევრო, რომელიც მოხმარდება თბილისისათვის ჭკვიანი სატრანსპორტო სისტემის შემდგომ განვითარებას, სისტემის კომპონენტების (ე.წ. ჭკვიანი შუქნიშნები, კამერები, დეტექტორები, ერთიანი ქალაქის მართვის პლატფორმა და მართვის ცენტრი) შესყიდვასა და დანერგვას. დაგეგმილი აქტივობების შედეგად გაუმჯობესდება საგზაო მოძრაობის, მათ შორის, საცობების რეალურ დროში მართვის შესაძლებლობა, დაინერგება შუქნიშნებზე საზოგადოებრივი ტრანსპორტისა და გადაუდებელი დახმარების მანქანების ავტომატური პრიორიტეტიზაციის სისტემა, მოხდება ჰაერის დაბინძურების შემცირება საგზაო ნაკადების ეფექტურად მართვის გზით. პროექტის დასრულება იგეგმება 2026 წელს.

აზიის განვითარების ბანკის (ADB) და ევროპის რეკონსტრუქციისა და განვითარების ბანკის (EBRD) მხარდაჭერით დასასრულს უახლოვდება შესაბამისი ტექნიკურ-ეკონომიკური კვლევები თბილისში მეტროსადგურების განახლებისა და უნივერსალური მისაწვდომობის უზრუნველყოფის მიზნით.

პროექტის განხორციელებით შერჩეული მეტროსადგურები სრულად განახლდება თანამედროვე სტანდარტების შესაბამისად, იქნება მეტად უსაფრთხო და უნივერსალურად ხელმისაწვდომი, მათ შორის შეზღუდული მობილობის და შშმ პირთათვის, რაც დამატებით წაახალისებს საზოგადოებრივი ტრანსპორტის გამოყენებას და მდგრად მობილობას დედაქალაქის მასშტაბით. მომზადდება შესაბამისი ტექნიკური დოკუმენტაცია მ/ს მარჯანიშვილის და მ/ს ახმეტელის თეატრის მეორე ამოსასვლელებისთვის.

სრულდება აზიის განვითარების ბანკის მხარდაჭერილი პროექტის „თბილისის სუპერბლოკები“ კონცეპტუალური ეტაპი, რომლის შემდგომ აღნიშნული პროექტი გადავა დეტალური დიზაინის ეტაპზე, შერჩეული საპილოტე არეალებისათვის.

დასრულდა თბილისის ტრანსპორტის გეგმაზე მუშაობა. აზიის განვითარების ბანკის მხარდაჭერით, საკონსულტაციო კომპანია ,,რამბოლის“ მონაწილეობით შეიქმნა თბილისის სატრანსპორტო გეგმა, რომელიც ქალაქის სხვადასხვა რაიონების სატრანსპორტო საჭიროებებს ეყრდნობა და საქალაქო მობილობის გაუმჯობესებისათვის საჭირო მიდგომებსა და ღონისძიებების 20-წლიან გეგმას გვთავაზობს.

თბილისის მუნიციპალიტეტი, ევროპის რეკონსტრუქციისა და განვითარების ბანკის მხარდაჭერით (EBRD) , თბილისის ავტობუსების პროექტის ფარგლებში, ახორციელებს ავტობუსის რეფორმის მხარდაჭერის პროექტს. კერძოდ, საერთაშორისო საკონსულტაციო კომპანია “Mott Macdonald-თან ერთად მზადდება: საზოგადოებრივი ტრანსპორტით მგზავრობის მარშრუტების დაგეგმვის პროგრამის/მოდულის სპეციფიკაციები, ტექნიკური ანგარიშები თბილისის ავტობუსების ქსელის შემდგომ განვითარებაზე, დიდ დიღომს და ქალაქის ცენტრს შორის, მაღალი მგზავრთნაკადის გათვალისწინებით, ახალი კავშირების განვითარებაზე, საზოგადოებრივი ტრანსპორტის ქსელის რუკები და სქემები.

მსოფლიო ბანკის მხარდაჭერით, საერთაშორისო საკონსულტაციო კომპანია ITP მუშაობს თბილისის ,,აღმოსავლეთ-დასავლეთის შეკავშირების“ პროექტზე. პროექტის ფარგლებში ვითარდება რკინიგზის სადგურის მოედნისა და დადიანის ქუჩების დამაკავშირებელი, საზოგადოებრივი ტრანსპორტის პრიორიტეტის მქონე ხიდის კონცეფცია, ისევე როგორც სადგურის მოედნის განახლების კონცეფცია. საპროექტო ხიდი გააუმჯობესებს საზოგადოებრივი ტრანსპორტის, მათ შორის, ძირითადი თბილისის საავტობუსო ქსელის (TBT), მარშრუტების კავშირს სადგურის მოედნის სატრანსპორტო კვანძთან და შეამცირებს მოცდის დროს.

2019 წელს განხორციელდა 278 მილიონი მგზავრობა (მეტრო, ავტობუსი), ხოლო ეს რიცხვი 2023 წელს გაიზარდა 390 მილიონამდე (მეტრო, ავტობუსი, ბაგების საბაგირო). ასევე, 4.5-ჯერ გაიზარდა 2019 წელთან შედარებით მიკროავტობუსებში მგზავრობა და 20 მილიონიდან 84 მილიონ მგზავრობამდე ავიდა.

წინა წელს დავიწყეთ უპრეცედენტო პროგრამა უსახლკაროთა სტატუსის მქონე ოჯახებისთვის ბინების გადაცემა სარგებლობის უფლებით. პროგრამის ამოქმედებიდან დღემდე შევისყიდეთ 94 ბინა. სწორედ ამ მიზნით თბილისის ბიუჯეტიდან გახარჯულია 8 159 513 ლარი“, - აღნიშნა თბილისის მერმა.

მისი თქმით, 2023 წელს საცხოვრებელი ფართი დაუკანონდა 181 ოჯახს. (2017 წლიდან დღემდე კი , საცხოვრებელი ფართი დაუკანონდა 2790 ოჯახს)

„2023 წელს თბილისის მერიამ დაიწყო 8 ახალი სამშენებლო პროექტი (გამოცხადდა 8 ინტერესთა გამოხატვა) კოოპერატიული ბინათმშენებლობის დაუმთავრებლობით დაზარალებული პირების დაკმაყოფილების მიზნით.

ასევე, 2023 წელს დაკმაყოფილდა კოოპერატიული ბინათმშენებლობის დაუმთავრებლობით დაზარალებული დაახლოებით 620 პირი.

ასევე, აღსანიშნავია, რომ დღეის მდგომარეობით, თბილისის მერიის მიერ ჯამში უძრავი ქონებით უზრუნველყოფილია კოოპერატიული ბინათმშენებლობის დაუმთავრებლობით დაზარალებული დაახლოებით 2350 პირი (წელს დაკმაყოფილებული 620 პირის ჩათვლით).

2023 წელს ასევე განხორციელდა ვარკეთილის დასახლება III მასივში არსებული 2 ავარიული კორპუსის ჩანაცვლების პროგრამა. პროექტის ფარგლებში ახალი ბინები და რემონტისთვის საჭირო თანხა ჯამურად 624 910 ლარი, გადაეცემა 41 ოჯახს.

2023 წელს თბილისის განვითარების ფონდმა მშენებლობის მართვის მიმართულებით განკარგა ორმოც მილიონ ლარამდე. ზემოხსენებულ პერიოდში დასრულდა გუდიაშვილის მოედნის სრული რეაბილიტაცია და ასამდე ოჯახს დაუბრუნდა სრულიად რეაბილიტირებული სახლები. თბილისის მასშტაბით ამჟამად მიმდინარეობს სხვადასხვა ცალკეული კულტურული მემკვიდრეობის ძეგლების რეაბილიტაცია, როგორიცაა: მოსწავლე ახალგაზრდობის სასახლე, აბრეშუმის მუზეუმი, კადეტთა კორპუსი, წინამძღვრიშვილის N1, ერეკლეს ქ. # 6 და სხვა, რიგი მათგანის სამუშაოები გაგრძელდება მომავალ წელსაც. 2024 წელს დაგეგმილია ნარიყალას ციხის და დარეჯანის სასახლის სარეაბილიტაციო სამუშაოები, რომელთა ბიუჯეტი შეადგენს 7 934 558 ლარს. ასევე, რუსთაველის ქუჩაზე მდებარე 31 შენობის სარეაბილიტაციო სამუშაოები, მხატვრულ/დეკორატიული მინათებით, სავარაუდო ბიუჯეტით 60 მილიონი ლარი“, - განაცხადა კახა კალაძემ.

მისი თქმით, ავარიული სახლების პროგრამის ფარგლებში ათვისებულია 2 230 750 ლარი.

„ქალაქ თბილისის მუნიციპალიტეტის ტერიტორიაზე მდებარე ავარიული მრავალბინიანი საცხოვრებელი სახლების ჩანაცვლება, ჩემი ერთ-ერთი მნიშვნელოვანი წინასაარჩევნო დაპირება იყო. 2022 წლიდან ჩვენ აქტიურად შევუდექით ამ პროექტზე მუშაობას და დღეს უკვე შემიძლია თამამად ვთქვა, რომ წარმატებით მიმდინარეობს აღნიშნული პროგრამა. ავარიული სახლების პროგრამის ფარგლებში ათვისებულია 2 230 750 ლარი. პირველი საპილოტე პროექტი სამგორის რაიონში, ვარკეთილის დასახლება, კვარტალი 7, კორპუსი 12-ში ხორციელდება, სადაც ავარიული 4 სართულიანი შენობის ნაცვლად, ახალი საცხოვრებელი სახლი აშენდება. სამშენებლო პროცესი აქტიურ ფაზაშია, დასრულებულია მე-6 სართულამდე კედლების მოჩარჩოება, მე-8 სართულზე კი მიმდინარეობს გადახურვის ფილის მოწყობის სამუშაოები. ასევე სამშენებლო სამუშაოები აქტიურ ფაზაშია კალოუბნის ქუჩა N18-ში, სადაც არსებული 3 სართულიანი ავარიული შენობის ნაცვლად ახალი საცხოვრებელი სახლი აშენდება. ამ ეტაპზე, მიმდინარეობს ხიმინჯების მოწყობა. საბურთალოს რაიონში კი სადემონტაჟო და სამშენებლო სამუშაოების სახელმწიფო შესყიდვა დასრულებულია და გამოვლენილია გამარჯვებული კომპანია, რომელიც უახლოეს მომავალში სამშენებლო მოედნის მოწყობის სამუშაოებს დაიწყებს.

ავარიული შენობების ჩანაცვლების კუთხით დეკემბრის თვეში დაგეგმილია სადემონტაჟო და სამშენებლო სამუშაოების სახელმწიფო შესყიდვის გამოცხადება, სამგორის რაიონში, ვარკეთილის დასახლება, მე-3 მასივი, მე-4 კვარტალი კორპუსი N6-ში. 2024 წლისთვის საპროექტო დოკუმენტაციის მომზადება აქტიურ ფაზაშია 12 მისამართზე, ხოლო წლის ბოლომდე კი დამატებით 8 (რვა) მისამართზე გამოცხადდება ტენდერი.

2023 წლის განმავლობაში აზომვის სამუშაოები განხორციელდა ორმოცამდე მისამართზე, ხოლო პროექტის ფარგლებში ჯამურად დაახლოებით 100-მდე მისამართიდან ფიქსირდება მომართვიანობა და თითოეულ მათგანზე მიმდინარეობს მესაკუთრეების მოთხოვნისა და რეგისტრირებული მონაცემების შესწავლა.

მომავალი წლიდან კი დაგეგმილია ავარიული მრავალბინიანი საცხოვრებელი სახლის ჩანაცვლების პროექტის მასშტაბების ზრდა“, - აღნიშნა თბილისის მერმა.

თბილისის მერიის ინფორმაციით, მიმდინარე წლის 16 დეკემბრიდან 2024 წლის 7 იანვრამდე ორბელიანის მოედანზე, დედაენის ბაღსა და მიმდებარე ქუჩებზე საახალწლო სოფელი იფუნქციონირებს. ამ პერიოდის განმავლობაში დაგეგმილია შემდეგი გასართობი და კულტურული აქტივობები: გამოფენა-გაყიდვა „საშობაო ბაზარი“, გასტრონომიული და სამეწარმეო მარკეტები, „საახალწლო ქალაქის“ პავილიონი, სახელოსნო და თეატრი, ყინულის საციგურაო მოედანი, თეატრალიზებული მსვლელობები და წარმოდგენები, თემატური ფოტოზონები, საბავშვო ვორქშოფები და ა.შ. პატარებს თოვლის ბაბუა, ელფები და გასართობი ზონა დედაენის ბაღში დახვდებათ.

ყოველდღიურად, 12:00-დან 22:00 საათამდე საახალწლო სოფლის ტერიტორიაზე გაიმართება ილუზიონისტების შოუ, თოჯინების თეატრის საახალწლო პერფორმანსი, გაცოცხლებული საშობაო ზღაპარი, თითების თეატრის საახალწლო წარმოდგენა, მარიონეტების ჯაზ ბენდის მუსიკალური პერფორმანსი და ა.შ. საღამოობით გაიმართება სხვადასხვა ბენდების, ვოკალისტების, ჯგუფებისა და ანსამბლების კონცერტები, რის შემდეგაც საახალწლო სოფლის სტუმრების წინაშე წარდგება DJ ელექტრონული მუსიკით.

16 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 თითების თეატრის საახალწლო წარმოდგენა - ფხოვის ქუჩა
• 14:00 - 20:00 საციგურაო წარმოდგენა - ხაზინის ქუჩა
• 19:00- 20:00 SALIO - ფურცელაძის ქუჩა
• 20:00-21:00 სტეფანე - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

17 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 14:00- 20:00 საციგურაო წარმოდგენა - ხაზინის ქუჩა
• 18:00-19:30 ნოდარიკო ხუციშვილი და ბენდი - ფურცელაძის ქუჩა
• 20:00-21:00 ღამის შოუს ბენდი - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

18 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 18:00-19:00 ელისბენდი - ფურცელაძის ქუჩა
• 19:00-21:00 ეთნომუსიკის საღამო - ჯგუფი „ეგარი“, ჯგუფი „ბანი“, ჯგუფი „ჩვენებურები“, ჯგუფი „გორდელა“, ჯგუფი „ურსა“, ჯგუფი „დიდგორი“, ჯგუფი „ბასიანი“, ჯგუფი „შავნაბადა“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

19 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 19:00-20:30 „ერისიონი“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

20 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდი ფხოვის ქუჩა
• 18:00-19:00 „სინთეზი“ - ფურცელაძის ქუჩა
• 20:00-22:00 ახალი წლის მოლოდინში - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

21 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 20:00-21:45 ჯგუფი „უსახელოური“ - ფურცელაძის ქუჩა
• 20:00-21:00 ლელა წურწუმია და ბენდი „ნონ-სტოპი“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა
•  

22 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 18:00-19:00 ოჩოს ქოხი - ფურცელაძის ქუჩა
• 20:00-21:00 რეზო და ბავშვების ბენდი - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა
•  

23 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 19:00-20:30 დათო ევგენიძის ბენდი მეგობრებთან ერთად - ფურცელაძის ქუჩა
• 21:00-22:00 Killages - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

24 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 თითების თეატრის საახალწლო წარმოდგენა - ფხოვის ქუჩა
• 20:00-21:15 ჯგუფი „არა“ - ათონელის ქუჩა
• 22:00 -23:00 ელექტრონული მუსიკა (Dj) - ფურცელაძის ქუჩა

25 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 20:00-21:15 The New One - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

26 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 18:00-19:30 ნათია დუმბაძე და ბენდი - ფურცელაძის ქუჩა
• 20:00-21:00 თბილისის ბიგ-ბენდი - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

27 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 21:00-22:00 „თამადა“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

28 დეკემბერი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 18:00-19:00 მაგდა ვასაძე და ჯემსეიშენი - ფურცელაძის ქუჩა
• 20:00-21:00 გაგა ფრანი და ჯგუფი „რეგიონი“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

29 დეკემბერი

• 16:00-16:30 გაცოცხლებული საშობაო ზღაპარი - ფხოვის ქუჩა
• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 19:00-20:00 ოთო ნემსაძე - ფურცელაძის ქუჩა
• 20:30-21:30 4D Monsters Lobsters - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

30 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 20:00-21:30 დათო გომართელი და ანსამბლი „შვიდკაცა“ - ფურცელაძის ქუჩა
• 18:00-19:00 LUA - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

31 დეკემბერი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 თითების თეატრის საახალწლო წარმოდგენა - ფხოვის ქუჩა
• 14:00-20:00 ელექტრონული მუსიკა (DJ) - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

1-ელი იანვარი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 19:00-20:00 Goofy Land - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

2 იანვარი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 16:00-17:30 FE PROJECT - ფურცელაძის ქუჩა
• 18:00-19:00 ზუკა ხუციშვილი და ბენდი - ფურცელაძის ქუჩა
• 20:00-22:00 ბედობის კონცერტი - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

3 იანვარი

• 14:00 - 14:30 ილუზიონისტების შოუ - ფხოვის ქუჩა
• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 19:00-22:00 ქართველი საესტრადო შემსრულებლების კონცერტი - ათონელის ქუჩა
• 20:00-21:00 Circus Mircus - ფურცელაძის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

4 იანვარი

• 14:00 - 14:30 ილუზიონისტების შოუ - ფხოვის ქუჩა
• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 17:00-18:00 „ნალი ბენდი“ - ათონელის ქუჩა
• 18:00-19:00 On the road - ა.ფურცელაძის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

5 იანვარი

• 15:00-15:30 თოჯინების თეატრის საახალწლო პერფორმანსი - ფხოვის ქუჩა
• 16:00-16:30 გაცოცხლებული საშობაო ზღაპარი - ფხოვის ქუჩა
• 17:30-18:30 თითების თეატრის საახალწლო წარმოდგენა - ფხოვის ქუჩა
• 19:00-22:00 ქართველი საესტრადო შემსრულებლების კონცერტი - ათონელის ქუჩა
• 21:00-22:00 ელენე კალანდაძე და ერეკლე გეწაძე - ფურცელაძის ქუჩა
• 22:00 -23:00 ელექტრონული მუსიკა (Dj) - ფურცელაძის ქუჩა

6 იანვარი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 თითების თეატრის საახალწლო წარმოდგენა - ფხოვის ქუჩა
• 18:00-19:00 ANIKY - ფურცელაძის ქუჩა
• 20:00-22:00 „ალილო“, „ჰერიო“, „თეატრალურის კვარტეტი“ - ათონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

7 იანვარი

• 12:00 - 12:30 ილუზიონისტების შოუ - ფხოვის ქუჩა
• 13:00-13:30 თოჯინების თეატრის საახალწლო პერფორმანსი - ფხოვის ქუჩა
• 14:00-14:30 გაცოცხლებული საშობაო ზღაპარი - ფხოვის ქუჩა
• 15:30-16:30 მარიონეტების ჯაზ ბენდის მუსიკალური პერფორმანსი - ფხოვის ქუჩა
• 18:00-19:30 ერეკლე დეისაძის ბენდი და მეგობრები - ფურცელაძის ქუჩა
• 20:00-22:00 „შობის ღამე თბილისში“ - საახალწლო სოფლის დახურვა - თონელის ქუჩა
• 21:00 -22:00 ელექტრონული მუსიკა (Dj) - ფურცელაძის ქუჩა

„ევროპის საშობაოდ მორთული ჯადოსნური ქალაქები“- „სიენენმა“ 12 ევროპული ქალაქი დაასახელა, რომელთა მონახულებას მოგზაურებს შობა-ახალ წელს ურჩევს.

ავსტრიულ, გერმანულ, ფრანგულ, ბელგიურ, ჰოლანდიურ, ნორვეგიულ და პოლონურ ქალაქებს შორის საქართველოს დედაქალაქიც მოხვდა. სტატიის ავტორი ჯო მინიჰელი „სიენენის“ სამოგზაურო პორტალის მკითხველს თბილისის მონახულებას ურჩევს.

„შობა ვისაც გიყვართ, საქართველოს და მის დედაქალაქს უნდა ეწვიოთ, აქ შობა-ახალი წელი ნომერ პირველი დღესასწაულია. საქართველოში უმრავლესობა მართლმადიდებელი ქრისტიანია, ამიტომ, შობას 25 დეკემბრის ნაცვლად 7 იანვარს აღნიშნავენ. დღესასწაულების მთავარი დღე საქართველოში 31 დეკემბერია. ადგილობრივები ერთმანეთს საჩუქრებს უცვლიან, მთელ ქალაქში ცა ფეიერვერკითაა განათებული. პარლამენტის შენობასთან დიდი ნაძვის ხეა, აქვე ახლოს ეწყობა საშობაო სოფელი და საფესტივალო ბაზრები,“- წერს „სიენენის“ ჟურნალისტი.

დედაქალაქის მერი კახა კალაძე თბილისის საკრებულოში 2023 წლის ანგარიშს წარადგენს. გარდა ამისა, დღესვე განიხილება თბილისის 2024 წლის ბიუჯეტი, - ამის შესახებ ინფორმაციას თბილისის მერია ავრცელებს.

მათივე ინფორმაციით, 2024 წლის ბიუჯეტის პროექტის მოცულობა გაზრდილია და 1 763 354 000 ლარს შეადგენს, რაც 2023 წლის ბიუჯეტთან შედარებით 130 000 000 ლარით მეტია. მათ შორისაა სახელმწიფო ბიუჯეტიდან მისაღები სპეციალური ტრანსფერი, რომელიც 500 000 000 ლარია.

აღნიშნულ პროექტში ინფრასტრუქტურის მიმართულებით დაგეგმილია 547 486 000 ლარის გამოყოფა, რაც 2023 წლის დამტკიცებულ ბიუჯეტთან შედარებით 31 785 000 ლარით მეტია.

სოციალური და ჯანდაცვის მიმართულებით გამოიყოფა 507 632 000 ლარი, რაც 2023 წლის დამტკიცებულ ბიუჯეტთან შედარებით 33 446 000 ლარით მეტია.

გარდა ამისა, 2024 წლის სახელმწიფო ბიუჯეტით გათვალისწინებული დონორების დაფინანსება შეადგენს 63 000 000 ლარს.

სამგორის რაიონის გამგეობამ, თბილისის 108-ე საჯარო სკოლის მე-9 კლასის მოსწავლეების მიერ შემუშავებული მაკეტის მიხედვით, ვარკეთილის მესამე მასივში, ახალი სკვერის მოწყობის სამუშაოები დაასრულა.
აღსანიშნავია, რომ სკვერის მაკეტი მოზარდებმა, განათლებისა და მეცნიერების სამინისტროს ზოგადი განათლების რეფორმის ფარგლებში, მათემატიკის საგანში კომპლექსური დავალების შედეგად გეომეტრიული ფიგურებისა და მათემატიკური გამოთვლების გამოყენებით შექმნეს. მოსწავლეები სკვერის განაშენიანების პროცესის ყველა ეტაპზე აქტიურად იყვნენ ჩართულები.
სკვერი 3 500 კვ.მ-ზე, მესამე მასივი, მეათე კვარტალი, კორპუსი N23-ის მიმდებარედ არის განთავსებული და აღნიშნული სამუშაოებისთვის გამგეობის ბიუჯეტიდან 505 000 ლარი გამოიყო.
პროექტის ფარგლებში, ადგილზე მოეწყო დასასვენებელი და საბავშვო სივრცეები, დამონტაჟდა გარე განათებისა და სარწყავი ქსელი. ტერიტორია ღობითა და საბაღე გაზონით შემოისაზღვრა. სკვერი გამწვანდა, დაირგო სხვადასხვა ჯიშის ხე-მცენარე. დამონტაჟდა სკამები, და სეპარირებული ურნები. ასევე, დაიგო ბეტონის საფეხმავლო ბილიკები. ადგილზე სკვერისათვის საჭირო ყველა თანამედროვე ინვენტარი დაიდგა და მოეწყო ახალი საპარკინგე სივრცე.
აღნიშნული სკვერი თბილისის მერის მოადგილე კახა გულედანმა, სამგორის რაიონის გამგებელმა კახა სამხარაძემ და საკრებულოს მაჟორიტარმა დეპუტატმა რევაზ სოხაძემ დაათვალიერა და 108-ე საჯარო სკოლის მე-9 კლასის მოსწავლეებს სამადლობელი სიგელები გადასცეს.