თბილისში, წერეთლის გამზირზე, ავტობუსში მომხდარი დაჭრის შემთხვევა პოლიციის განყოფილების მოპირდაპირე მხარეს მოხდა. ირკვევა, რომ 40 წლის კაცმა ცივი იარაღით 70 წლის კაცს მრავლობითი დაზიანება მიაყენა.
დაჭრილი კლინიკაშია გადაყვანილი, თუმცა უცნობია როგორია მისი მდგომარეობა. ადგილზე ამ დრომდე რჩებიან სამართალდამცველები და მიმდინარეობს საგამოძიებო მოქმედებები. შემთხვევის ადგილას ელოდებიან ექსპერტ-კრიმინალისტებს. საზოგადოებრივი ტრანსპორტის მძღოლი და თვითმხილველები ამბობენ, რომ ავტობუსში ხმაური არ ყოფილა და დაპირისპირების მიზეზი არ იციან - "ერთ გაჩერებაში ამოვიდა, მივარდა ამ კაცთან, დაჭრა და გაიქცა" - ამბობს თვითმხილველი "დაჭრა ახალგაზრდამ მოხუცი კაცი. ხმა არ გამიგია ჩხუბის. ხმაური არ გამიგონია.
ხალხმა დამიწყო ყვირილი მანქანა გააჩერეო, ავტობუსი გააჩერეო და გავაჩერე. ცხელ ხაზზე ვრეკავდი, ვერ დავინახე, სასწრაფოც უკან მომდევდა თურმე და უცებ წაიყვანეს",- ამბობს ავტობუსის მძღოლი.
შეგახსენებთ, რომ შსს-ს ცნობით, მომხდარი დაჭრის ფაქტზე ერთი პირი ცხელ კვალზე დააკავეს.
ამავე თემაზე:
"ერთ გაჩერებაში ამოვიდა, მივარდა ამ კაცთან, დაჭრა და გაიქცა” - წერეთელზე მომხდარი ამბის დეტალები
მოირგე სტილი დაასვენე თვალი
- პატარა მოზრდილი საშუალო დიდი უდიდესი
- ჩვეულებრივი ჰელვეტიკა ჰეგოე გეორგია ტაიმსი
- კითხვის რეჟიმი