შს მინისტრის მოადგილემ “გეიგერის” სამუშაო ჯგუფის შეხვედრა გახსნა
შინაგან საქმეთა მინისტრის მოადგილემ, გიორგი ბუთხუზმა ბირთვული და რადიაციული საფრთხეების აღმოჩენისა და რეაგირების საკითხებთან დაკავშირებით გამართულ, „გეიგერის“ სამუშაო ჯგუფის შეხვედრაში მიიღო მონაწილეობა, რომელიც ბათუმში გაიმართა.
ღონისძიება მისასალმებელი სიტყვით გახსნეს შინაგან საქმეთა მინისტრის მოადგილემ, გიორგი ბუთხუზმა და ინტერპოლის სათავო ოფისის რადიაციული და ბირთვული ტერორიზმის პრევენციისა და პროექტების მართვის უფროსმა მენეჯერმა, აარონ მოსბიმ.
სიტყვით გამოსვლისას გიორგი ბუთხუზმა ხაზი გაუსვა საქართველოსა და ინტერპოლს შორის ხანგრძლივ და წარმატებულ თანამშრომლობას. ამასთანავე, მან ყურადღება გაამახვილა დანაშაულის წინააღმდეგ ბრძოლის მიმართულებით ინტერპოლსა და წევრ ქვეყნებთან ინფორმაციის ეფექტიანად გაცვლის მნიშვნელობაზე.
შინაგან საქმეთა მინისტრის მოადგილემ ასევე ისაუბრა სასაზღვრო გამტარ პუნქტებში ბირთვული და რადიაციული საფრთხეების აღმოჩენისა და რეაგირების შესახებ საქართველოს გამოცდილებაზე და ამ კუთხით არსებულ წარმატებულ უწყებათაშორის თანამშრომლობაზე.
შეხვედრას ესწრებოდნენ შინაგან საქმეთა სამინისტროს საპატრულო პოლიციის დეპარტამენტის დირექტორი - ვაჟა სირაძე და უწყების თანამშრომლები, ასევე, სახელმწიფო უსაფრთხოების სამსახურის, გენერალური პროკურატურის, ფინანსთა სამინისტროს, გარემოს დაცვისა და სოფლის მეურნეობის სამინისტროს სსიპ ბირთვული და რადიაციული უსაფრთხოების სააგენტოს წარმომადგენლები.
ღონისძიება, რომელშიც ინტერპოლის წევრი 10 ქვეყნის წარმომადგენელი მონაწილეობდა, ინტერპოლის გენერალური სამდივნოსა და საქართველოს შინაგან საქმეთა სამინისტროს ინტერპოლის ეროვნული ცენტრალური ბიუროს ორგანიზებით ჩატარდა.
შსს-მ კამპანიის - ”ნუ წაართმევ ბავშვობას” ფარგლებში ფოტოკონკურსი გამოაცხადა
შინაგან საქმეთა სამინისტრომ კამპანიის - ”ნუ წაართმევ ბავშვობას” ფარგლებში ბავშვობის ასაკში ქორწინების უარყოფითი შედეგების თემაზე საზოგადოების ცნობიერების ამაღლების მიზნით ფოტოკონკურსი გამოაცხადა.
ნახატების კონკურსში მონაწილეობის წესები და პირობები:
კონკურსის მიზანია ბავშვობის ასაკში ქორწინების უარყოფითი შედეგების თემაზე საზოგადოების ცნობიერების ამაღლება.
• კონკურსში მონაწილეობის მიღება შეუძლია ნებისმიერ დაინტერესებულ პირს, 12-დან 18 წლამდე;
• საკონკურსო ნამუშევრები შინაარსობრივად უნდა პასუხობდეს კონკურსის თემას;
• გამოგზავნილ წერილში აუცილებელია მიუთითოთ თქვენი სახელი, გვარი, მობილური ტელეფონის ნომერი, ელ.ფოსტის მისამართი, ნახატის სათაური და მისი მოკლე აღწერა;
• კონკურსის ვადის დასრულების შემდგომ, ჟიურის წევრები გამოავლენენ სამ საუკეთესო ნამუშევარს, რომლებსაც გადაეცემათ ჯილდო;
• თემასთან და მითითებულ პირობებთან არსებითად შეუსაბამო, უცენზურო, დისკრიმინაციული, ძალადობის შემცველი საკონკურსო ნამუშევრები, ასევე, ნამუშევრები, რომლებიც არ შეესაბამება ზოგადმორალურ და ეთიკურ პრინციპებს, არ მიიღება;
• თითოეულ კონკურსანტს უფლება აქვს, წარმოადგინოს მხოლოდ ერთი ნახატი;
• ნახატის შესრულების ტექნიკა და ზომა შეზღუდული არ არის (არ მიიღება ელექტრონულ მოწყობილობაში შექმნილი ნამუშევარი);
• მონაწილემ უნდა წარმოადგინოს საკუთარი ნახატი, ინტერნეტში მოძიებული ნახატი კონკურსში მონაწილეობას ვერ მიიღებს;
• წარმოდგენილ ნახატზე საავტორო უფლებები უნდა ეკუთვნოდეს კონკურსანტს. სამინისტრო არ არის პასუხისმგებელი მესამე პირების მიმართ, რომლებმაც შესაძლოა, წამოაყენონ რაიმე სახის (ქონებრივ, არაქონებრივ, საავტორო და მომიჯნავე უფლებებთან დაკავშირებული) პრეტენზია გამოქვეყნებულ ნახატთან დაკავშირებით;
• კონკურსანტი, კონკურსში მონაწილეობის მიღებით, გამოხატავს თანხმობას, მონაწილეობა მიიღოს ამ პროექტთან დაკავშირებულ ყველა ღონისძიებასა და კამპანიაში;
• კონკურსანტი, კონკურსში მონაწილეობის მიღებით, გამოხატავს თანხმობას და სამინისტროს გადასცემს უფლებას, მის მიერ გადმოგზავნილი ნახატი შემდგომში გამოიყენოს საკუთარი შეხედულებისამებრ;
• გაცნობებთ, რომ საკონკურსო ნამუშევრის გამოგზავნით, კონკურსანტი ავტომატურად ეთანხმება კონკურსის პირობებს;
• საკონკურსო ნამუშევრები მიიღება 2022 წლის 25 ივნისის ჩათვლით.
კონკურსთან დაკავშირებით კითხვების არსებობის შემთხვევაში დაგვიკავშირდით:
დავით ხურციძე - ადამიანის უფლებათა დაცვისა და გამოძიების ხარისხის მონიტორინგის დეპარტამენტის განსაკუთრებით მნიშვნელოვან საქმეთა ინსპექტორი - 599 77 18 94 ან მოგვწერეთ ელ. ფოსტაზე: This email address is being protected from spambots. You need JavaScript enabled to view it.
კონკურსის მონაწილეები შეფასდებიან შემდეგი კრიტერიუმებით:
� რამდენად პასუხობს ნამუშევარი კონკურსის თემატიკას;
� რამდენად ორიგინალური და შემოქმედებითია ნაშრომი.
კონკურსის სამივე გამარჯვებულს გადაეცემა შესაბამისი სერტიფიკატი და ფასიანი საჩუქარი.
კონკურსის ყველა მონაწილეს გადაეცემა მონაწილეობის დამადასტურებელი სერტიფიკატი.
გთხოვთ, ნახატები გამოაგზავნოთ დასკანერებული სახით, ელექტრონულ ფოსტაზე - This email address is being protected from spambots. You need JavaScript enabled to view it.. ასევე, შესაძლებელია ნამუშევრების გამოგზავნა ფოსტის საშუალებით, შემდეგ მისამართზე: თბილისი, ორთაჭალა, გ. გულუას ქუჩა №10 (საქართველოს შინაგან საქმეთა სამინისტრო; ადამიანის უფლებათა დაცვისა და გამოძიების ხარისხის მონიტორინგის დეპარტამენტი). ფოსტით გამოგზავნის შემთხვევაში, ნამუშევრების მოწოდება უნდა მოხდეს არაუგვიანეს 2022 წლის 25 ივნისისა.
შინაგან საქმეთა სამინისტრო იტოვებს უფლებას, საჭიროების შემთხვევაში, მოითხოვოს ნახატის ორიგინალი ვერსიის გადმოგზავნა.
თბილისში არასრულწლოვანის დაჭრის ფაქტზე 15 წლის მოზარდი დააკავეს
შინაგან საქმეთა მინისტრის მოადგილეები საქართველოს დამოუკიდებლობის დღის საზეიმო ღონისძიებას მცხეთაში დაესწრნენ
შინაგან საქმეთა სამინისტროს მიერ მცხეთის ცენტრალურ მოედანზე, საქართველოს დამოუკიდებლობის დღესთან დაკავშირებით გამართულ საზეიმო ღონისძიებას დაესწრნენ შინაგან საქმეთა მინისტრის პირველი მოადგილე - შალვა ბედოიძე, მინისტრის მოადგილეები: ალექსანდრე დარახველიძე, გიორგი ბუთხუზი და იოსებ ჭელიძე. მათ სამინისტროს სხვადასხვა დანაყოფის მიერ მოწყობილი საგამოფენო და საინფორმაციო სტენდები, ასევე, სპეცტექნიკა და აღჭურვილობა დაათვალიერეს.
მცხეთის ცენტრალურ მოედანზე გამართული საზეიმო ღონისძიების საგამოფენო სივრცეებს დილიდან აქტიურად სტუმრობენ, როგორც მცხეთელები, ასევე, ქალაქის სტუმრები და შინაგან საქმეთა სამინისტროს თანამშრომლები, შვილებთან ერთად. სტუმრებს სამინისტროს სხვადასხვა დანაყოფის ხელმძღვანელები პირადად მასპინძლობენ.
შინაგან საქმეთა სამინისტროს დანაყოფების თანამშრომლები მოქალაქეებს საინფორმაციო და საგამოფენო თემატურ სტენდებთან აცნობენ უწყების მიერ ევროინტეგრაციის მიმართულებით, ევროპული სტანდარტების შესაბამისად გადადგმულ ნაბიჯებს და წარმატებულ რეფორმებს.
სტუმრები ათვალიერებენ საპატრულო პოლიციის დეპარტამენტის, საგანგებო სიტუაციების მართვის სამსახურის, სასაზღვრო პოლიციის და განსაკუთრებულ დავალებათა დეპარტამენტის სპეცტექნიკას, აღჭურვილობასა და სასაზღვრო პოლიციის ვერტმფრენს.
საგამოფენო სივრცის მთავარ შესასვლელთან განთავსებულ საპატრულო პოლიციის სასაზღვრო-საიმიგრაციო კონტროლის იმიტირებულ პუნქტში, საპატრულო პოლიციის მესაზღვრე-კონტროლიორები ღონისძიების სტუმრებს საპასპორტო კონტროლის იმიტირებულ პროცედურას უტარებენ, რის შემდეგაც აძლევენ საინფორმაციო რუკას, თუ რომელ ზონებს უნდა ეწვიონ.
„სიცოცხლის ზარის“ სტენდთან მოქალაქეებს საშუალება აქვთ, შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოსულ რეალურ ზარებს მოუსმინონ. ასევე, ისინი ინფორმაციას იღებენ "112"-ის თანამედროვე სტანდარტების სერვისების შესახებ, რომლებიც მაღალი ტექნოლოგიების გამოყენებით სრულდება.
ცენტრალურ საგამოფენო სივრცეში განთავსებულ სტენდებზე სტუმრები ეცნობიან ქართულ-ევროპული ურთიერთობების და დამოუკიდებელი საქართველოს ისტორიის ამსახველ მასალებს.
ბავშვებისთვის არაერთი თემატური საინფორმაციო-შემეცნებითი აქტივობაა დაგეგმილი, ასევე მოწყობილია გასართობი სივრცეები.
მომსახურების სააგენტოს წარმომადგენლები პატარა დამთვალიერებლებს იმიტირებულ ქალაქში მასპინძლობენ და ველოსიპედის მართვის მოწმობის ასაღებად სახალისო გამოცდას აბარებინებენ, რის შემდეგაც იმიტირებულ, სამახსოვრო მართვის მოწმობას აძლევენ.
საექსპერტო-კრიმინალისტიკური დეპარტამენტი ბავშვებს იმიტირებულ შემთხვევის ადგილზე მასპინძლობს. პატარა „გამომძიებლები“ დეტალურად ეცნობიან, თუ როგორ ხდება თითის ანაბეჭდების აღება;
ასევე, მოზარდები სასაზღვრო პოლიციის მიერ წარმოდგენილ სანაპირო დაცვის მცურავ საშუალებას - გემის 2D მაკეტს ათვალიერებენ.
დაცვის პოლიციის თანამშრომლები პატარა სტუმრების იმიტირებულ დაცულ სახლში მასპინძლობენ და მათ სხვადასხვა სახალისო შემეცნებით აქტივობას სთავაზობენ.
საგანგებო სიტუაციების მართვის სამსახური ბავშვებისთვის, მეხანძრე-მაშველების მონაწილეობით, საინფორმაციო-შემეცნებით შოუს მართავს.
საზოგადოებრივი უსაფრთხოების მართვის ცენტრი - „112“ მოზარდებს თანამედროვე ტექნოლოგიების გამოყენებით, სპეციალურად მათთვის შექმნილ კომპიუტერულ თამაშებში მონაწილეობას სთავაზობს, საიდანაც იგებენ, თუ როგორ უნდა მოიქცნენ გადაუდებელ შემთხვევებში. გამარჯვებული ბავშვები სპეციალური სამახსოვრო პრიზებით ჯილდოვდებიან.
შინაგან საქმეთა სამინისტრო მცხეთაში მთელი დღის განმავლობაში მასპინძლობს სტუმრებს, საღამოს კი ღონისძიება კონცერტით დასრულდება.
შინაგან საქმეთა სამინისტრო დამოუკიდებლობის დღეს მოქალაქეებს მცხეთაში მასპინძლობს
შინაგან საქმეთა სამინისტროს მიერ დამოუკიდებლობის დღისადმი მიძღვნილ საზეიმო ღონისძიებას და საგამოფენო სივრცეებს, მცხეთის ცენტრალურ მოედანზე, დილიდან აქტიურად სტუმრობენ როგორც მცხეთელები, ასევე, ქალაქის სტუმრები.
შინაგან საქმეთა სამინისტროს სხვადასხვა დანაყოფი მოქალაქეებს საინფორმაციო და საგამოფენო თემატურ სტენდებთან მასპინძლობს, ასევე, წარმოდგენილია საპატრულო პოლიციის დეპარტამენტის, საგანგებო სიტუაციების მართვის სამსახურის, სასაზღვრო პოლიციის და განსაკუთრებულ დავალებათა დეპარტამენტის სპეცტექნიკა, აღჭურვილობა და სასაზღვრო პოლიციის ვერტმფრენი.
მოქალაქეებს საშუალება აქვთ, შინაგან საქმეთა სამინისტროს დანაყოფების მიერ წარმოდგენილ სხვადასხვა საინფორმაციო ზონაში გაეცნონ უწყების მიერ ევროინტეგრაციის მიმართულებით, ევროპული სტანდარტების შესაბამისად გადადგმულ ნაბიჯებს და წარმატებულ რეფორმებს.
საგამოფენო სივრცის მთავარ შესასვლელთან განთავსებულია საპატრულო პოლიციის სასაზღვრო-საიმიგრაციო კონტროლის იმიტირებული პუნქტი, სადაც სტუმრები გაივლიან „სასაზღვრო კონტროლს“ და მიიღებენ საინფორმაციო რუკას, თუ რომელ ზონებს უნდა ეწვიონ.
ქალაქ მცხეთაში, ღონისძიებაზე მისულ მოქალაქეებს საშუალება აქვთ, „სიცოცხლის ზარის“ სტენდთან, შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოსულ რეალურ ზარებს მოუსმინონ. ასევე, თანამედროვე ტექნოლოგიების გამოყენებით დანერგილ "112"-ის სერვისებს გაეცნონ.
ცენტრალურ საგამოფენო სივრცეში სტუმრები შეუძლიათ, დაათვალიერონ სტენდებს, სადაც განთავსებულია ქართულ-ევროპული ურთიერთობების და დამოუკიდებელი საქართველოს ისტორიის ამსახველი მასალები.
ბავშვებისთვის არაერთი თემატური საინფორმაციო-შემეცნებითი აქტივობაა დაგეგმილი, ასევე მოწყობილია გასართობი სივრცეები:
➢ მომსახურების სააგენტო პატარა დამთვალიერებლებს იმიტირებულ ქალაქში მასპინძლობს და ველოსიპედის მართვის მოწმობის ასაღებად სახალისო გამოცდის ჩაბარებას სთავაზობს;
➢ საექსპერტო-კრიმინალისტიკური დეპარტამენტის მიერ მოწყობილია იმიტირებული შემთხვევის ადგილი, ასევე, ბავშვებს შეუძლიათ, დეტალურად გაეცნონ, თუ როგორ ხდება თითის ანაბეჭდების აღება;
➢ სასაზღვრო პოლიციამ წარმოადგინა სანაპირო დაცვის მცურავი საშუალების - გემის 2D მაკეტი;
➢ დაცვის პოლიციამ პატარა სტუმრებისთვის მოაწყო იმიტირებული დაცული სახლი და მათ სხვადასხვა სახალისო შემეცნებით აქტივობას სთავაზობს;
➢ საგანგებო სიტუაციების მართვის სამსახური მართავს საინფორმაციო-შემეცნებით შოუს, მეხანძრე-მაშველების მონაწილეობით;
➢ საზოგადოებრივი უსაფრთხოების მართვის ცენტრი - „112“ მოზარდებს თანამედროვე ტექნოლოგიების გამოყენებით, სპეციალურად მათთვის შექმნილ კომპიუტერულ თამაშებში მონაწილეობას სთავაზობს, საიდანაც შეიტყობენ, თუ როგორ უნდა მოიქცნენ გადაუდებელ შემთხვევებში. გამარჯვებულ ბავშვებს სპეციალური პრიზები გადაეცემათ.
17:10 საათზე, ზუსტად იმ დროს, როდესაც 1918 წელს ნოე ჟორდანიამ საქართველოს დამოუკიდებლობა გამოაცხადა, მცხეთაში, როგორც მთელი საქართველოს მასშტაბით, ევროკავშირისა და საქართველოს ჰიმნები გაჟღერდება.
შინაგან საქმეთა სამინისტრო მცხეთაში მთელი დღის განმავლობაში უმასპინძლებს სტუმრებს, საღამოს კი ღონისძიება კონცერტით დასრულდება.
შს სამინისტროში შშმ პირებისთვის საპოლიციო სერვისების მიწოდების შესახებ UNDP-ის და ბრიტანეთის მთავრობის მხარდაჭერილი პროექტის შემაჯამებელი ღონისძიება გაიმართა
შინაგან საქმეთა მინისტრის მოადგილემ - ალექსანდრე დარახველიძემ გაეროს განვითარების პროგრამის (UNDP) და ბრიტანეთის მთავრობის მხარდაჭერით განხორციელებული პროექტის - "შინაგან საქმეთა სამინისტროს ერთიანი მომსახურების ცენტრის და მომსახურების სააგენტოს მხარდაჭერა გაუმჯობესებული მომსახურების მიწოდების მიმართულებით" - შემაჯამებელ ღონისძიებაში მიიღო მონაწილეობა.
ღონისძიება შინაგან საქმეთა სამინისტროში გაიმართა, სადაც ალექსანდრე დარახველიძემ პროექტის ფარგლებში შესრულებული აქტივობები, გამოვლენილი გამოწვევები და მიღწეული პროგრესი შეაჯამა.
ღონისძიებაზე მისასალმებელი სიტყვა წარმოთქვა და ბენეფიციარებს პროექტის წარმატებით დასრულება მიულოცა გაეროს განვითარების პროგრამის (UNDP) საქართველოში მუდმივი წარმომადგენლის მოადგილემ - ანნა ჩერნიშოვამ. მოწვეულ სტუმრებს ასევე სიტყვით მიმართეს ბრიტანეთის საელჩოს წარმომადგენელმა - ელენ ვიხმანმა და ინოვაციებისა და რეფორმების ცენტრის დირექტორმა - გიორგი გაბრიელაშვილმა.
შეხვედრის ფარგლებში გაიმართა შესრულებული აქტივობებისა და მიღწეული შედეგების შემაჯამებელი ვიდეორგოლის ჩვენება.
პროექტი განხორციელდა გაეროს განვითარების პროგრამის (UNDP) ინიციატივის - „საჯარო მმართველობის რეფორმის ხელშეწყობა საქართველოში (PAR), ფაზა 2“ - ფარგლებში, დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობის UK aid-ის მხარდაჭერით.
პროექტის მიზანი იყო შინაგან საქმეთა სამინისტროს ერთიანი მომსახურების ცენტრისა და მომსახურების სააგენტოს ორგანიზაციული შესაძლებლობების გაძლიერება, ადამიანზე ორიენტირებული საჯარო სერვისების ეფექტური და ინკლუზიური მიწოდების გზით.
შინაგან საქმეთა მინისტრის მოადგილემ, ალექსანდრე დარახველიძემ მადლობა გადაუხადა გაეროს განვითარების პროგრამას (UNDP) და ბრიტანეთის მთავრობას წლების განმავლობაში არსებული მჭიდრო თანამშრომლობისა და მხარდაჭერისთვის.
შინაგან საქმეთა სამინისტრო დამოუკიდებლობის დღესთან დაკავშირებით განცხადებას ავრცელებს
შინაგან საქმეთა სამინისტროს საპატრულო პოლიციის დეპარტამენტი და მომსახურების სააგენტო გაცნობებთ, რომ დამოუკიდებლობის დღესთან დაკავშირებით გამოცხადებულ უქმე დღეს - 26 მაისს