Recent Podcasts

2025 წლის ევროპისა და მსოფლიოს ჩემპიონატებისა და მიმდინარე სეზონის გრან-პრის სერიების საერთო შედეგებით (4 495 ქულა), საქართველოს ფიგურულ მოციგურავეთა ეროვნული ნაკრები გუნდურ ასპარეზობაში მსოფლიოს ჩემპიონატზე პირველად მიიღებს მონაწილეობას, - აღნიშნულია საქართველოს სპორტის სამინისტროს მიერ გავრცელებულ ინფორმაციაში.

მათივე განცხადებით, ჩემპიონატზე, რომელსაც ყოველ მეორე წელიწადს ტოკიო მასპინძლობს, 6 ქვეყნის გუნდი მონაწილეობს. 2025 წელს, საქართველოს გარდა, იასპარეზებენ ამერიკის შეერთებული შტატების, იაპონიის, კანადის, საფრანგეთისა და იტალიის ნაკრები გუნდები.

მსოფლიოს ჩემპიონატი ტოკიოში 17-20 აპრილს ჩატარდება.

ლატვიის დედაქალაქ რიგაში ევროპის 2025 წლის საკალათბურთო ჩემპიონატის ჯგუფური ეტაპის წილისყრის ცერემონია გაიმართა.

საქართველოს ნაკრები C ჯგუფში ესპანეთის, საბერძნეთის, იტალიის, ბოსნია-ჰერცეგოვინისა და კვიპროსის ნაკრებებთან ერთად იასპარეზებს. C ჯგუფის შეხვედრებს კვიპროსის დედაქალაქი ლიმასოლი უმასპინძლებს.

ევრობასკეტის ჯგუფური ეტაპები 2025 წლის 27 აგვისტოდან 5 სექტემბრამდე გაიმართება, ფინალურ შეხვედრებს კი 6-14 სექტემბერს ლატვიის დედაქალაქი რიგა უმასპინძლებს.

"პარიზ ინფო“ გამოეხმაურა ხვიჩა კვარაცხელიას სიტყვებს, სადაც მან „პარი სენ-ჟერმენში“ გადასვლაზე ისაუბრა და განაცხადა, რომ თავს ბედნიერად გრძნობს. ფრანგული გამოცემის ავტორი თვლის, რომ კვარაცხელიას შეუძლია, სეზონის განმავლობაში გუნდს დიდი სამსახური გაუწიოს.

„„პარი სენ-ჟერმენის“ 24 წლის თავდამსხმელმა, ხვიჩა კვარაცხელიამ თქვა, რომ გუნდში და საქართველოს ნაკრებში თავს ბედნიერად გრძნობს. ბევრს სწავლობს მწვრთნელისგან, ლუის ენრიკესგან და ბედნიერია პარიზში გადასვლით.

ეჭვი არ გვეპარება, რომ ის სრულფასოვანი მოთამაშეა. ხვიჩა დაიღალა იმ დამოკიდებულით, რასაც „ნაპოლიში“ წააწყდა და ახალ თავგადასავალს ეძებდა. როგორც ჩანს, პარიზული კლუბი სწორედ ის ადგილია, სადაც ამას მოახერხებს. „პარი სენ-ჟერმენი“ სწორედ იმ ფეხბურთს თამაშობს, რომელიც ქართველ თავდამსხმელს უხდება და თავად გუნდიც კონკურენტუნარიანია.

კვარაცხელიამ ნაკრებშიც კარგი ფეხბურთი და შედეგიანი თამაში აჩვენა. ეს კარგია მისთვის და მისი კარიერისთვის. მოუთმენლად ველით, რომ მოახერხებს საბოლოოდ პარიზში ტემპის აკრეფას, რადგან გუნდს სეზონის საინტერესო დასასრული ელის“, – წერს ფრანგული გამოცემა.

საქართველოს პრემიერ-მინისტრი ირაკლი კობახიძე რაგბის კავშირის ხელმძღვანელებს შეხვდა. შეხვედრაზე ყურადღება დაეთმო სარაგბო ინფრასტრუქტურის განვითარებასა და აღნიშნული მიმართულებით არსებულ გეგმებს. განიხილეს დაგეგმილი 2-მილიარდიანი პროექტი, რომლის ფარგლებშიც შეიქმნება  ახალი ინფრასტრუქტურა როგორც მაღალი მიღწევების, ასევე მასობრივი სპორტისთვის. 

საუბარი შეეხო თბილისის ახალი ულტრათანამედროვე სტადიონის პროექტს, რომელიც 70 000 გულშემატკივარზე იქნება გათვლილი და საქართველოს უმაღლესი რანგის საფეხბურთო და სარაგბო ტურნირების მასპინძლობის შესაძლებლობას მისცემს. 

ხაზი გაესვა  ბავშვთა რაგბის ხელშეწყობისა და მათთვის ინფრასტრუქტურაზე ხელმისაწვდომობის გაზრდის აუცილებლობას. აქვე აღინიშნა, რომ ამ მიმართულებით მნიშვნელოვანი იქნება სტადიონების მშენებლობა 40-ზე მეტ მუნიციპალიტეტში. პრემიერ-მინისტრის თქმით, სპორტული ინფრასტრუქტურა უნდა პასუხობდეს გაზრდილ მოთხოვნას როგორც დედაქალაქში, ასევე რეგიონებში, რაც ხელს შეუწყობს ბავშვებსა და ახალგაზრდებში ჯანსაღი ცხოვრების წესის პოპულარიზაციას.   

შეხვედრაზე ასევე განიხილეს ქართული რაგბის მიღწევები და  სამომავლო ტურნირები, რომლებიც საქართველოში გაიმართება.

"სან ანტონიო სპურსმა" "ნიუ იორკ ნიქსს" უმასპინძლა და 120:105 დაამარცხა. მატჩის საუკეთესო მოთამაშე სანდრო მამუკელაშვილი გახდა, ქართველმა კალათბურთელმა არასრულ 20 წუთში 34 ქულა, 9 მოხსნა და 3 შედეგიანი პასი მიითვალა. იგი გახდა პირველი ქართველი კალათბურთელი, რომელმაც NBA-ში ამ რაოდენობის აღებული ქულები დააგროვა, ასევე მამუკელაშვილმა ნაციონალური საკალათბურთო ასოციაციის ყველა დროის რეკორდი მოხსნა და 20-ზე ნაკლებ წუთში ყველაზე მეტი (34) ქულა დააგროვა.

NBA-ის ისტორიაში აქამდე სულ 3 შემთხვევა იყო, როცა მოთამაშემ 30+ქულის დაგროვება 20 წუთზე ნაკლებ დროში მოახერხა. 

"ვერსია" გთავაზობთ, ყველასათვის საყვარელი კალათბურთელის შესახებ სხვადასხვა საინტერესო დეტალებს, ეს სტატია კი დაგეხმარებათ უკეთ გაიცნოთ რეკორდსმენი სპორტსმენი, რომელიც თავის საქმეში ერთ-ერთი საუკეთესოა!

ვინ არის სანდრო მამუკელაშვილი და რა გზა გაიარა მან უდიდეს წარმატებამდე

ქართველი პროფესიონალი კალათბურთელი, სანდრო მამუკელაშვილი სან-ანტონიო სპურსში თამაშობს. იტალიაში ახალგაზრდულ კლუბებში თავის გამოჩენის შემდეგ, სანდრომ ჩააბარა მონტვერდეს აკადემიაში. სეიტონ ჰოლის კოლეჯში თამაშისას, მაჯის დაზიანების გამო რამდენიმე კვირის გამოტოვებისდა მიუხედავად, მამუკელაშვილი მატჩში საშუალოდ 11.9 ქულას აგროვებდა.

სანდრო მამუკელაშვილი დაიბადა ნიუ-იორკში, ხოლო გაიზარდა თბილისში, საქართველო. მისი ბებია, ირა გაბაშვილი საბჭოთა კავშირის ქალთა ეროვნული საკალათბურთო ნაკრების კაპიტანი იყო. მამუკელაშვილის ცხოვრებაში კალათბურთი მისი უფროსი ძმის, დავითის წყალობით გამოჩნდა, მისთვის მისაბაძ კალათბურთელად კი ქართველი ზაზა ფაჩულიაა მიჩნეული. 2008 წლის რუსეთ-საქართველოს ომის დაწყებისას ქართველი კალათბურთელი ჩიკაგოში იმყოფებოდა მის დეიდასთან, ცნობილ პიანისტ ეთერ ანჯაფარიძესთან. მისი ძმა, დავითი ამჟამად ინგლისურის მასწავლებელია ბლაირის აკადემიაში, ნიუ-ჯერსიში.

14 წლის ასაკში მამუკელაშვილი გადავიდა ბიელაში, იტალია და სწორედ აქ ჩააბარა უმაღლეს სკოლაში. გუნდთან ერთად მამუკელაშვილი მონაწილეობდა 17 წლამდე, 18 წლამდე და 19 წლამდე გუნდებში და ის გუნდს ეროვნულ ჩემპიონატში მესამე ადგილის დაკავებაში დაეხმარა. მამუკელაშვილის თქმით, იტალიაში გადასვლა მისთვის მარტივი არ ყოფილა, მაგრამ კლუბმა და მწვრთნელმა, ფრედერიკო დანამ მისთვის ყველაფერი შესაძლებელი გახადეს. 2016 წელს სანდრო მამუკელაშვილი ამერიკის შეერთებულ შტატებში გადავიდა და საკალათბურთო სასწავლებელში, მონტვერდეს აკადემიაში ჩააბარა. კოლეჯში ის ნიუ-იორკ ნიქსის კალათბურთელ არ-ჯეი ბარეტთან ერთად თამაშობდა. მონტვერდეში ყოფნისას ზაზა ფაჩულია ახალგაზრდა ქართველის მენტორი გახდა და მას ნაციონალური საკალათბურთო ასოციაციის არაერთი მოთამაშე, მათ შორის სტეფან კარი გააცნო. გრენსბორო დეის კოლეჯის წინააღმდეგ თამაშში, რომელიც ანგარიშით 72–45 დასრულდა, მამუკელაშვილმა 11 ქულის მოგროვება შეძლო და გუნდს ჩემპიონატის ფინალში გადასვლაში დაეხმარა. 2017 წლის 20 აპრილს მამუკელაშვილი სეტონ-ჰოლ პირატსის წევრო გახდა და USC-ის, სამხრეთ კაროლინა გეიმკოკსისა და ვანდერბილტ კომოდორესის შეთავაზებებზე უარი განაცხადა. მან პირატსი მისი უმაღლესი სკოლის მწვრთნელის, კევინ ბოილის გამო აირიჩია, რომელსაც, თავის მხრივ, სეტონ ჰოლის მწვრთნელთან, კევინ ვილარდთან ჰქონდა კარგი ურთიერთობა. გადაწყვეტილების მიღებაში წვლილი შეიტანა იმ ფაქტმაც, რომ მამუკელაშვილის ძმა, დავითი კოლეჯის მიმდებარედ ცხოვრობდა სანდრო მამუკელაშვილი თავისუფლად საუბრობს ინგლისურად, ქართულად, რუსულად და იტალიურად.

პროფესიონალური კარიერა

მამუკელაშვილ ნაციონალური საკალათბურთო ასოციაციის 2021 წლის დრაფტზე მეორე რაუნდში აირჩია ინდიანა პეისერსმა 54-ე ნომრად. ის მოგვიანებით მილუოკი ბაქსში გაუშვეს დრაფტის მე-60 ნომერთან, გეორგიოს კალატსაკისთან ერთად. მათ სანაცვლოდ პეისერსს დრაფტის 31-ე ნომერი, აიზაია ტოდი დაემატა. 2021 წლის 4 აგვისტოს მამუკელაშვილმა ბაქსთან ორმხრივი კონტრაქტი გააფორმა. კონტრაქტის თანამხმად ქართველის სათამაშო დრო ბაქსსა და NBA-ის განვითარების ლიგაში არსებულ ვისკონსინ ჰერდში.2021 წლის 19 ოქტომბერს შედგა მამუკელაშვილის დებიუტი ნაციონალურ საკალათბურთო ასოციაციაში. ბრუკლინ ნეტსის წინააღმდეგ გამართულ შეხვედრას ქართველი სათადარიგოთა სკამიდან შეუერთდა და მოხსნა და შედეგიანი გადაცემა მიითვალა (ამ მატჩში მილუოკი ბაქსმა 127-ით 104 გაიმარჯვა). 26 ოქტომბერს ის ვისკონსინ ჰერდს შეუერთდა. 29 ნოემბერს, ჰერდთან ერთად გამართულ შეხვედრაში მამუკელაშვილმა 28 ქულა, ექვსი მოხსნა, სამი გადაცემა, სამი ბლოკი და ერთი მოპარვა დააგროვა უინდი სიტი ბულზის წინააღმდეგ.ავად ყოფნის გამო მან 2021 წლის დეკემბერში ორი მატჩი გამოტოვა.

2023 წლის 1 მარტს მილუოკი ბაქსმა მამუკელაშვილი გაუშვა

ეროვნული ნაკრები

სანდრო მამუკელაშვილის დებიუტი საქართველოს ეროვნული საკალათბურთო ნაკრების შემადგენლობაში 2018 წლის ივლისში შედგა 2019 წლის მსოფლიო საკალათბურთო ჩემპიონატის საკვალიფიკაციო ეტაპზე. ის ასევე მონაწილეობდა ფიბას 20 წლამდე ნაკრებთა ევროპის ჩემპიონატზე საქართველოს 20 წლამდე კალათბურთელთა ნაკრებთან ერთად. ევროპის ჩემპიონატის დროს მამუკელაშვილის საშუალო მაჩვენებელი იყო: 8.7 ქულა, 7.0 მოხსნა და 1.7 გადაცემა.