Recent Podcasts
მონტენეგროს დედაქალაქ პოდგორიცაში მიმდინარე ევროპის ჩემპიონატზე ძიუდოში მსოფლიოს მოქმედი ჩემპიონი გიორგი სარდალაშვილი (60 კგ) ოქროს მედლის მფლობელი გახდა – ქართველმა ფინალში ძიუდოს საერთაშორისო ფედერაციის (IJF) სახელით მოასპარეზე აიუბ ბლიევი დამატებით დროში იუკოთი დაამარცხა და საქართველოს ნაკრებს შეჯიბრზე პირველი მედალი მოუტანა.
ტურნირზე დღეს გამომსვლელი სამი ქართველი – ვაჟა მარგველაშვილი, თემურ ნოზაძე (ორივე – 66 კგ) და ჯულიეტა როდონაია (48 კგ) – ადრეულ ეტაპზე დამარცხდა და შეჯიბრებას უმედლოდ დაემშვიდობა.
ევროპის პირველობაზე ფინალური ბლოკის პირდაპირ ტელერეპორტაჟებს საქართველოს პირველი არხი შემოგთავაზებთ.
„ინტერ მაიმის“ ფორვარდმა ლიონელ მესიმ ახალი სახელობითი ბუცები მიიღო Adidas-გან – მოდელი F50 უკვე გაყიდვაშია და არგენტინელი ფეხბურთელი აქტიურად მონაწილეობს პრომოში. ინტერესის გასაზრდელად მესიმ თავად აირჩია 10 ახალგაზრდა ფეხბურთელი, რომლებსაც გადასცემს ბუცებს, როგორც მათი ნიჭის მიმართ რწმენის სიმბოლოს.
ამ სიაში არიან ისინი, ვისაც უკვე ყველა იცნობს და ისინი, ვინც მხოლოდ ახლა იმკვიდრებს თავს.
აი. ვინ აირჩია მესიმ:
ლამინ იამალი (ბარსელონა)
ქენან ილდიზი (იუვენტუსი)
კავან სალივანი (ფილადელფია)
ჯეიდენ შოუ – აშშ-ის ქალთა ნაკრები
ანტონიო ნუსა (ლაიპციგი)
ჯოელ ნდალა (ნოტინგემი)
ვიკი ლოპესი – ბარსელონას ქალთა გუნდი
ასან უეადრაოგო (ლაიპციგი)
ელეს ბენ სეგირი (მონაკო)
"პირველი არხი"
„ვალენსიის“ ქართველმა მეკარემ გიორგი მამარდაშვილმა „სევილიას“ წინააღმდეგ სეზონის ერთ-ერთი გამორჩეული თამაში ჩაატარა და საერთაშორისო ანალიტიკურმა პორტალებმა შეხვედრის საუკეთესო მოთამაშედ დაასახელეს.
„სევილია“ აქტიურად გამოიყურებოდა და არაერთი რეალური საგოლე მომენტი შექმნა. მაგრამ საქართველოს ნაკრების მეკარემ „ვალენსია“ ხუთჯერ აშკარა გოლისგან იხსნა და გუნდის გამარჯვებაში დიდი როლი ითამაშა.
ანალიტიკურმა პორტალმა Sofascore-მა გიორგი მამარდაშვილის თამაში 8,2 ქულით შეაფასა და მატჩის MVP-დ აღიარა. დაახლოებით ანალოგიური იყო მეორე ინტერნეტპორტალის, Whoscored-ის შეფასება 8,1 ქულა და „ჯვაროსანი“ მატჩის მოთამაშედ აღიარეს.
მართალია, Flashscore-მ გიორგის 7,7 ქულა დაუწერა, როგორც ხავი გუერას, მაგრამ მატჩის საუკეთესო ფეხბურთელად „ვალენსიის“ შემტევი დასახელეს, რომელმაც ერთადერთი გოლით გუნდს უმნიშვნელოვანესი გამარჯვება მოუტანა.
"პირველი არხი"
