Recent Podcasts
საფრანგეთის ლიგა 1-ის 23-ე ტურში ქართული ფეხბურთის ისტორიაში მნიშვნელოვანი ამბავი მოხდა – პირველად ტოპ-5 საფეხბურთო ლიგისშეხვედრისას მოედანზე ერთდროულად ოთხი ქართველი იმყოფებოდა.
„პარი სენ-ჟერმენმა“, სადაც ხვიჩა კვარაცხელია თამაშობს, „მეცს“ უმასპინძლა. თავიდან „მეცის“ ძირითად შემადგენლობაში თამაში მხოლოდ გიორგი წიტაიშვილმა დაიწყო, მეორე ტაიმში კი შეცვლაზე პარიზელთა რიგებში ხვიჩა კვარაცხელია (64), „მეცში“ კი გიორგი აბუაშვილი (66) და გიორგი ქვილითაია (79) შევიდნენ.
„პარი სენ-ჟერმენმა“ თამაში დამაჯერებლად მოიგო – ანგარიში დეზირე დუემ მე-3 წუთზეგახსნა, ბრედლი ბარკოლამ (45+3) სხვაობა გაზარდა, ხოლო საბოლოო შედეგი გონსალო რამოშმა (77) დააფიქსირა.
„პარი სენ-ჟერმენმა“ 23 ტურის შემდეგ 54 ქულა დააგროვა, „ლანსს“ (52) გადაასწრო და კვლავ პირველ ადგილზე გადავიდა, ხოლო „მეცი“ (13) ბოლო პოზიციას იკავებს.
6 ლელო და დამარცხებული ესპანეთის ნაკრები - „ბორჯღალოსნებმა“ 42-30 გაიმარჯვეს.
მათ ჯგუფში პირველი ადგილი დაიკავეს და ნახევარფინალის საკუთარ სტადიონზე თამაშის უფლება მოიპოვეს.
სამთო მოთხილამურე ნინო წიკლაურმა ოლიმპიადაზე ასპარეზობა დაასრულა
მილანსა და კორტინაში ზამთრის XXV ოლიმპიური თამაშები მიმდინარეობს. კორტინაში სლალომში პირველი დაშვებისას ნინო წიკლაურმა დისკვალიფიკაცია მიიღო და ოლიმპიადაზე ასპარეზობა დაასრულა.
ქართველმა სამთო მოთხილამურემ გიგანტურ სლალომშიც იასპარეზა, ორი დაშვების ჯამში კი 49-ე შედეგი აჩვენა.
აღსანიშნავია, რომ ნინო წიკლაური ზამთრის სპორტის სახეობებში ქალთა და მამაკაცთა შორის პირველი ქართველი სპორტსმენია, რომელმაც ზამთრის ოლიმპიურ თამაშებზე ზედიზედ მეხუთედ იასპარეზა.
ზამთრის XXV ოლიმპიური თამაშები 22 თებერვალს დაიხურება. ოლიმპიურ თამაშებზე საქართველო სპორტის ორ სახეობაში - ფიგურულ ციგურაობასა და სამთო-სათხილამურო სპორტში - რვა სპორტსმენითაა წარმოდგენილი.
ანასტასია მეტელკინა და ლუკა ბერულავა ზამთრის ოლიმპიადაზე ფიგურულ ციგურაობაში მოკლე პროგრამის შემდეგ მეორე ადგილზე არიან. ქართულმა წყვილმა მოკლე პროგრამა მაღალ დონეზე წარადგინა და მსაჯებისგან 75.46 ქულა დაიმსახურა.
პირველ ადგილზე გერმანელები მინერვა ჰასე და ნიკიტა ვოლოდინი არიან (80.01), მესამე პოზიციას კი კანადელები ლია პერეირა და მიშო ტრენტი იკავებენ (74.60).
ბერულავა-მეტელკინას წყვილი თავისუფალ პროგრამას დღეს წარადგენს. სწორედ აქ გაირკვევა მოიპოვებს თუ არა საქართველოსთვის პირველ, ისტორიულ მედალს ზამთრის ოლიმპიადებზე. შეჯიბრება თბილისის დროით 23:00 საათზე დაიწყება.
მილანში 2026 წლის ზამთრის ოლიმპიადაზე ნიკა ეგაძემ იასპარეზა. თავისუფალ პროგრამაში მან მსაჯებისგან 175,16 ქულა დაიმსახურა, ორი პროგრამის ჯამში კი 260,27 ქულა დააგროვა და ოლიმპიადა მეათე ადგილზე დაასრულა.
აღნიშნულ შედეგამდე ნიკა ეგაძემ მოკლე პროგრამაში 85,11 ქულა დააგროვა.
ინდივიდუალურ ასპარეზობაში მამაკაცთა კატეგორიაში ოლიმპიური ოქრო ყაზახმა მიხაილ შაიდოროვმა მოიპოვა, ვერცხლი - იაპონელმა იამა კაგიამამ, ბრინჯაო კი იაპონელ სუნ სატოს ერგო.
15 თებერვალს უკვე წყვილების მოკლე პროგრამით ყინულზე ანასტასია მეტელკინასა და ლუკა ბერულავას ვიხილავთ.
დიანა დევისისა და გლებ სმოლკინის წყვილმა კი ოლიმპიადაზე მეცამეტე ადგილი დაიკავა, რაც ოლიმპიადებზე სპორტული ცეკვების კატეგორიაში საქართველოს მიერ ნაჩვენები საუკეთესო შედეგია.
ხოლო ფიგურული ციგურაობის ნაკრებმა საქართველოს ისტორიაში პირველად გუნდური ტურნირის ფინალში იასპარეზა და მეოთხე ადგილი დაიკავა.
ზამთრის XXV ოლიმპიური თამაშები 22 თებერვალს დაიხურება. ოლიმპიურ თამაშებზე საქართველო სპორტის ორ სახეობაში - ფიგურულ ციგურაობასა და სამთო-სათხილამურო სპორტში - რვა სპორტსმენითაა წარმოდგენილი.