რჩეული

აჭარის ავტონომიური რესპუბლიკის კულტურის მინისტრად ელისო ბოლქვაძე დაინიშნა. ახალი საკადრო ცვლილებების შესახებ განცხადება აჭარის მთავრობის თავმჯდომარე თორნიკე რიჟვაძემ დღეს გააკეთა.

„მივიღეთ გადაწყვეტილება არსებული განათლების, კულტურის, სპორტის სამინისტროდან ცალკე სამინისტროდ ჩამოყალიბებულიყო აჭარის კულტურის სამინისტრო, რომელიც დამოუკიდებლად გააგრძელებს ფუნქციონირებას", - აღნიშნა თორნიკე რიჟვაძემ.

მცხეთის ჯვრის მთავარი ტაძრის ინტერიერის კონსერვაციის პროექტი UNESCO-ს მსოფლიო მემკვიდრეობის ცენტრიდან მიღებული რეკომენდაციების შესაბამისად განხორციელდება. აღნიშნულ ინფორმაციას საქართველოს კულტურული მემკვიდრეობა ავრცელებს. 

საქართველოს კულტურული მემკვიდრეობის დაცვის ეროვნული სააგენტოს დაკვეთით 2024 წელს შემუშავდა მცხეთის ჯვრის დიდი ტაძრის ინტერიერის კონსერვაციის პროექტი, რომელიც იმავე წლის აგვისტოში შესაფასებლად გაიგზავნა UNESCO-ს მსოფლიო მემკვიდრეობის ცენტრში.

პროექტი ითვალისწინებს როგორც ინტერიერის კვლევას, ასევე ძეგლის საერთო სტრუქტურული მდგომარეობის შესწავლას.

ტაძრის ფასადის ქვის საკონსერვაციო სამუშაოების საპროექტო დოკუმენტაციას სააგენტო UNESCO-ს მსოფლიო მემკვიდრეობის ცენტრიდან ტაძრის ინტერიერის კონსერვაციის პროექტზე მიღებული რეკომენდაციის შესაბამისად შეიმუშავებს.