რჩეული

ახალი შესაძლებლობა წალენჯიხელებისთვის.არტმეურნეობის მულტიკულტურულ ცენტრში სახვითიხელოვნების სკოლა და სამუზეუმო სივრცე გაიხსნა. სამხატვრო სკოლაში წალენჯიხელ და საოკუპაციოხაზთან მცხოვრებ ბავშვებსა და მოზარდებსდღეიდან შესაძლებლობა ექნებათ ხატვა უფასოდშეისწავლონ.

წალენჯიხაში არტ-მეურნეობა 3 წლის წინ მამუკახაზარაძის ინიციატივით გაიხსნა. სამხატვრო სკოლა-სტუდია წარმოადგენს რეგიონული მნიშვნელობისსაგანმანათლებლო ცენტრს, რომელიც მუშაობსთბილისის სამხატვრო სტუდია „ფრესკას“ პროგრამით. სწავლა სკოლაში ყოველდღიურადიქნება. სამომავლოდ სამხატვრო სკოლაშისხვადასხვა მხატვრის გამოფენები, ვორქშოპები დათემატური არტ-საღამოებ მოეწყობა. სივრცე იქნებაცოცხალი, განახლებადი და დინამიური, სადაცხელოვნების პროცესში ბავშვები და საზოგადოებისსხვადასხვა ჯგუფები გაერთიანდებიან. წალენჯიხისსამხატვრო სკოლაში 6-დან 18 წლამდემოსწავლეების რეგისტრაცია უკვე დაიწყო.

საქართველოს შინაგან საქმეთა მინისტრი გეკა გელაძე და სახელმწიფო უსაფრთხოების სამსახურის უფროსი მამუკა მდინარაძე, ოჯახებთან ერთად, სრულიად საქართველოს კათოლიკოს-პატრიარქს, უწმინდესსა და უნეტარესს, ილია მეორეს საპატრიარქოში ესტუმრნენ.

პატრიარქმა გეკა გელაძისა და მამუკა მდინარაძის ოჯახები დალოცა.

ილია მეორემ შინაგან საქმეთა მინისტრსა და სახელმწიფო უსაფრთხოების სამსახურის უფროსს საპასუხისმგებლო საქმიანობაში წარმატება უსურვა.

ინფორმაციას შსს ავრცელებს.

დღეს საქართველოს კონსტიტუციის დღეა.

1995 წლის 24 აგვისტოს პარლამენტის იმდროინდელმა შემადგენლობამ ქვეყნის უზენაესი კანონი მიიღო. კონსტიტუცია ძალაში 1995 წლის ახლად არჩეული პარლამენტის უფლებამოსილების ცნობის დღიდან შევიდა.

1995 წლის 24 აგვისტოს ქვეყნის პარლამენტმა დაამტკიცა კონსტიტუციის ახალი რედაქცია, რომლის თანახმადაც საქართველო აღიარებულ იქნა დამოუკიდებელ, ერთიან და განუყოფელ სახელმწიფოდ ქვეყნის მთელ ტერიტორიაზე, მათ შორის ცხინვალის ოლქსა და აფხაზეთის ავტონომიაში.

კონსტიტუციის თანახმად, საქართველოს სახელმწიფოს პოლიტიკური წყობილების ფორმად დეკლარირებულ იქნა დემოკრატიული რესპუბლიკა.

სახელმწიფო ხელისუფლება, როგორც ყველა დემოკრატიულ სახელმწიფოში, ეყრდნობა ხელისუფლების დანაწილების პრინციპს.

1993 წლის 16 თებერვალს სახელმწიფოს მეთაურმა და ამავდროულად პარლამენტის თავმჯდომარემ ედუარდ შევარდნაძემ პარლამენტს წარუდგინა წინადადება, საქართველოს სახელმწიფო საკონსტიტუციო კომისიის შექმნის შესახებ, რომელმაც შემდგომ უზენაესი კანონი შეიმუშავა. ჯგუფი სულ 118 წევრისგან შედგებოდა.

საქართველოს დაცულ ტერიტორიებზე ვიზიტორთა 39%-ის მთავარი მოტივაცია ბუნებაში ლაშქრობაა - ამის შესახებ დაცული ტერიტორიების ვიზიტორთა კმაყოფილების მონიტორინგის შედეგებიდან ირკვევა, რომელსაც დაცული ტერიტორიების სააგენტო ავრცელებს.

2025 წლის 7 თვის განმავლობაში, დაცულ ტერიტორიებს 662 205 ვიზიტორი ესტუმრა, მათი უმეტესობა 54% უცხო ქვეყნის მოქალაქე იყო. სხვა ქვეყნის ვიზიტორებს შორის ყველაზე დიდი რაოდენობით დაფიქსირდნენ სტუმრები პოლონეთიდან, ისრაელიდან, რუსეთიდან, ინდოეთიდან და ბელარუსიდან. ვიზიტორების მაჩვენებელი 20%-ით არის გაზრდილი.

დაცული ტერიტორიების სააგენტოში აღნიშნავენ, რომ საქართველოს დაცულ ტერიტორიებზე სტუმრობის ძირითადი მოტივაცია და ინტერესები მრავალფეროვანია.

კვლევის მიხედვით, ვიზიტის ძირითადი მიზანია:

• ველურ ბუნებაში ლაშქრობა (39%),
• ბიომრავალფეროვნების გაცნობა (30%),
• კულტურული მემკვიდრეობის გაცნობა (11%),
• რეკრეაცია (11%)
• სამეცნიერო საქმიანობა (3%);

ტურების ტიპებიდან ვიზიტორები უპირატესობას ანიჭებენ საფეხმავლო მარშრუტებს.

ვიზიტორთა 50% მოგზაურობს მეგობრებთან ერთად, 43% – ოჯახთან ერთად, ხოლო 7% მოგზაურობს მარტო.

"აღნიშნული მონაცემები ადასტურებს, რომ დაცული ტერიტორიები იზიდავს როგორც ბუნების და აქტიური დასვენების მოყვარულებს, ისე კულტურული მემკვიდრეობისა და სამეცნიერო კვლევების ინტერესის მქონე ვიზიტორებს", - აღნიშნავენ დაცული ტერიტორიების სააგენტოში.

ოფიციალური სტატისტიკის მიხედვით კი ყველაზე მეტი ვიზიტორი პრომეთეს მღვიმეს, მარტვილის კანიონს, სათაფლიას, წალკის კანიონს და ოკაცეს კანიონს ესტუმრა.

აღსანიშნავია, რომ ამჟამად, საქართველოში IUCN-ის კრიტერიუმების მიხედვით საქართველოში 6 სხვადასხვა კატეგორიის 100 დაცული ტერიტორიაა, კერძოდ: 14 სახელმწიფო ნაკრძალი, 15 ეროვნული პარკი, 40 ბუნების ძეგლი, 25 აღკვეთილი, 5 დაცული ლანდშაფტი და ერთი მრავალმხრივი გამოყენების ტერიტორია.

2024 წლის მდგომარეობით დაცული ტერიტორიების ფართობი 927 748 ჰექტარს შეადგენდა, რაც საქართველოს ტერიტორიის დაახლოებით 13,3%-ია.

სააგენტოს ცნობით, ამჟამად, ქვეყნის მასშტაბით 12 დაცულ ტერიტორიაზე მიმდინარეობს 17 პროექტი, რომლებიც ითვალისწინებს საფეხმავლო ბილიკების ქსელის მოწყობასა და რეაბილიტაციას შესაბამისი მცირე ინფრასტრუქტურის განთავსებით.

წყარო: bm.ge